عيال الترابي بالمنبر..

بكرة نهايَّة الإسبوع ،
ولو ربنا هوَّن القواسي سوف أكون في رحاب أخوان نسيبة الأصليين..
__
حتى لا ننسى..

زميلنا أخو نسيبة مصعب عوض الكريم علي..
الدعوة مقدمة ليك شخصياً لأنني -ظانّك- أنجَّض واحد في خيَّان نسيبة الحايمين في المنبر ده، وإن بعض الظن ثواب..
__
للفائز حوريَّة، معقود عليها، بس راجيَّة التوقيع، شِد وأركب، -تقزقز- بيها في الدنيا وإن شئت صحبتك للدار التانيَّة، لأنو إنتو بدون حوافز دنيويَّة ولَّ أخرويَّة ما بتتحركوا..

سلام يا ياسر
سنتابع وإن (شئتموا) نشارك
مع التحية
محمد

يا طيفور

يا أخوى

تاني يلقوها (عند الغافل)

فلقد تعلمنا ما فيه الكفاية

ونحن شعب أسطي (ما تنسي دى)

شقيقنا


تقصد بالنجاضه شنو؟

عشان نميز ... اليوم جمعه

وجمعتك مباركه

محمد، عاطف، عثمان..

وليدات الترابي معولون على ذاكرة الشعب الخربة لتسويق المستشوِخ والبلد تتأهّب لتغيير، ولا يدرون أن التغيير القادم سوف يطال بذورهم ويخصيها حبيبات، حتى لا تنبت من جديد، ولن تنبت، ويظنون بمعارضتهم لهذا النظام -المُتفقِس- من بيض الحركة الإسلاميَّة الذي -ركض- عليه الترابي وحضنه حتى تعفَّن، سوف ينسينا عهدهم الأول، وسوف ينسينا كيف كانوا يحكمون وكيف كان يفكرون.. لم يخرجوا على النظام إلا لأنهم فقدوا وظائفهم ومخصصاتهم وعرباتهم وبيتوهم؛ الحريَّة التى يتناودن بها الآن هم أول من حرمنا لها، بيوت الأشباح والتعذيب والسحل والتقتيل والطالح العام ماذالت تتحدَّث عنهم.. لا ، لن ننسى والله، ولو غيروا نظامهم الحاكم الآن -العاق- لهم، وأعاضوهوا ببديل ديمقراطي حقيقي! لن ننساهم.. الكراهيَّة التي زرعوها فينا لن تموت حتى يأكلون ثمارها ولو بعد حين..
__
فلا يغُرَنّهم وجود شيخهم في السجون بين الشرفاء والمناضلين، فشتان ما بين ضريبّة الوطن التي يدفعها الشرفاء و ما بين المكر السيء الذي يحيق بشيخهم..

مصعب عوض الكريم علي..

يا أخ نسيبة في الله، الحاصل شنو؟ البوست ده مفتوح عشانك، أي والله عشانك، وزي ما ذكرت فوق: أنا متوسِم فيك النجاضَّة، فما تخذلني بالله..
__
الحوريَّة راجياك، لكن إنت -أظنك- ما ليك كبير غرض في نسوان الجنة..

Quote: مصعب عوض الكريم علي.. يا أخ نسيبة في الله، الحاصل شنو؟ البوست ده مفتوح عشانك، أي والله عشانك،

أها جيييت ... عايز شنو؟


ياسر مشتاقين ياخ .....

توقع مني إتصال إنشاء الله .....

عماد..
كيف صحتك يا صاحب!
مسجل غياب، أتمنى أن تكون بصحة جيدة والأهل..
__
طمنا عليك..

ياسر

سلامات يا حكومة

نعم هذا الكذاب الأفاك وأتباعه يعولون على ضعف ذاكرة الشعب السودانى
لو لا الترابى لما استطاع هذا البتاع المتخلف أن يحكم قرية فى السودان





هكذا استخفوا بعقلية الشعب السودانى



.

راويَّة..
إزيِّك!


كومريد هاشم..
شكراً لهذا الكف الذي أفقد الصنم ذاكرته و -ألوهيته-..

"لم ير عقلاً نظيفاً كعقل الترابي": برضو كويس إنو ما قال صورة الأشعة أوضحت أن عقل الترابي أتخذ شكل إسم الجلالة اومحمد (ص)، قالو أنظف، والنظافة من الإيمان، وقد يكون للوضوء أثر في تلك النظافة المزعومة..

"أن يبيت في فراشه ويستبدله بفراشه" وهنا تشبه بعلي كرم الله وجهه والنبي (ص)، ولكنها الهجرة من تورنتو للخرطوم، وشتان ما بين تورنتو والخرطوم من جانب ومكة والمدينة حينئذ، ولكن هكذا تُباع الجهالة وتُشترى..

Quote: لم ير عقلاً نظيفاً كعقل الترابي

يعني علي الزيرو علي رأي الصعايده

يا ياسر الشيخ الكضاب حسن الترابي عندما كان يتنقل في كندا حتى لحظة تاديبه كان يستعمل اسم منتحل:لوني
لوني! يا ياسر تتصور

هاشم و ين يا زول

شنو الحكاية
مشتاقين

تحاياي ياسر

مالك على حسان الجنة ديل

Quote: فلا يغُرَنّهم وجود شيخهم في السجون بين الشرفاء والمناضلين، فشتان ما بين ضريبّة الوطن التي يدفعها الشرفاء و ما بين المكر السيء الذي يحيق بشيخهم..

والله يا ياسر حكاية انظف مخ بشري دي عجبتني عجبة
انت دة دكتور ولا فكي يا ياسر كدي اتأكد لينا من
القصة دي لأنها نواحيكم ! قال انظف مخ بشري قال

والعجب العجاب يا ياسر المرافق بتاعو القال ليهو
لشيئ في صدري : تعال ونم في فراشي


والله غايتو الزول دة ببالغ
يعني البصلو فراش الترابي ما بصلو فراشو ولا شنو
الحكاية !


ولا نامت أعين الجبناء
وكامل تضامني معاك يا ود طيفور

اردم .. اردم .. يا شقيق

الأخ ياسر طيفور

لقد عادوا لبيوت الأشباح مرة أخرة

وبيوت الأشباح هذه تأسست في عهد (الشيخ الترابي هذا)

وسوف لن ننسي كما يعتقدون

وهاهو زميل المنبر :

الدكتور أحمد سردوب يعتقل ويعذب

الطبيب الذى كان يداوى في مناطق النازحين والمشردين

وفي نفس الوقت يصدح بقول الحق

الخوف تاني من شنو ؟؟؟

فان لم نقلها لا خير فينا

كفاية ......كفاية (فقد آزوا شعبنا بما فيه الكفاية)

أما عرابهم (نقول ليه اللعبة انكشفت)

وتاني ما حا نتغشي

وحتي ان كنت علي حق هذه المرة

سنستخدم معك الحديث (ان كنت رجل دين بحق)

من غشنا ليس منا !

فوق

باقي اخوان نسيبة خجلانيين شوية ( شويتين )

ياخي عبّروا الزول ده شوية

ياسر طيفور ,, سلام مربع ,,

أنا أختى إسمها نسيبه لكنى ما من عيالو ,, أنفع ؟

ياسر طيفور ،، يا شقيق

والله انا زعلان زعلان شديد منك ،،، معقول تعمل كدة ،،،،

يا أخى اخوان نسيبه ديل مرتاحين ومروقين ونسو الشغلانه وقبضوا حورياتهم

ودخلو الجنه من زمان انت كنت وين ما جاتك الاخبار ،،

شكلك كدة يا ود ضيفور مرنق ليك لحورية ،، انت بتشتت فى السكر ولا شنو

اقول ليك سيب الناس نايمه !!

Quote: "لم ير عقلاً نظيفاً كعقل الترابي": برضو كويس إنو ما قال صورة الأشعة أوضحت أن عقل الترابي أتخذ شكل إسم الجلالة اومحمد (ص)،

مبالغة يا ود طيفور...تخيل لو صبرت ليهم شوية ممكن يقولوها.

في النكتة القديمة

مخ الإنسان الجاهل

بيتباع بثمن أغلي

لأنه غير مستعمل

نظيييييييف


لكن في عقل الترابي

مناطق كثير ممكن تكون ما مستعملة

إلا منطقة التآمر

بتكون مسهوكة



الباقر

كيمو السالم..

أخوان نسيبَّة خشم بيوت..
نحن ذاتنا اخوان نسيبة اختك..
__
لا لا يا كيمو ما تلخبت الكيمان، ما بتنفع

معاوية عوض الكريم..

Quote: ياخي عبّروا الزول ده شوية

كتر خيرك للتعبير..
بالمناسبة انا عارف حجرك عسل زي مصعب عوض الكريم علي، أخ نسيبة الذي توسمت فيه النجاضَّة، فخذلني، وأيضاً يجمعك به "عوض الكريم"، ولكن أتمنى أن لا تجمعك به مؤآخات نسيبة، ومُوالاة الترابي لأنه شأن زميم..
__
على كلً يا معاويَّة، إعتبِر نفسك مصعب نفسه، وأصعّب منه، وحياك على الجهاد.. قصرنا معاك!؟

حيدر الزين..
هو جنس خجّل!
وكتين بيخجلوا بيعملو -الكاكة- ليه؟
نحن وراهم حتى تبتلعهم جحور الأرض وشقوقها..

عاطف..
أكثر من عشر سنوات، منذ ان تفاصلوا، والأصحَّ فُصِلوا، ولم يعتذروا للشعب السوداني على الجرائم التي إرتكبوها، ولم يُفصحوا عن الجرائم التي إرتكبها أخوانهم في القصر، يلوحون بها كأوراق ضغط، وكليهما حذِر من الآخر، لصان إختلفا، ولكنهما يضعان حساباً للآخر، خلوها مستورة أو كما قال غراب الشؤم علي الحاج، والترابي، يُلوِح - حديث الترابي عن إغتيال منفذي عمليَّة إغتيال حسني مبارك-، ويقول: لو طلبني القضاء سأقول كل شيء، وهل هنالك قضاء أحقًّ بالحقيقة من قضاء الشعب!؟ لماذا لم تتقاضى عنده ياشيخ؟ أم الخوف من أن يفضحك تلاميذ القصر؟؟

علي..
يا شقيق، الحفر التي حفروها لدفننا سوف تبتلعهم واحداً تلو الآخر، صغارهم يحاولون تجميع شتاتهم المفضوح، بجلد حرباء جديد، ولكننا لن ننسى ولن نغفر، وسنخصيهم حبيبات حتى لا تنبت وتبذر ثم تتبرّز علينا مرة ثانيَّة..
__
قطع طرق ودروب الإمداد يبدأ -بكرتّنة- الترابي وحوصّلته، لأن الوطنيين قاب قوسين أو أدنى من الزوال..

خضر..
يا صاح، الطبيب المداوي قعد يتغزَّل في عقل الترابي، إتخيَّل بس يا خضر الضربة كانت في حِته تانيَّة والطبيب قعد يتغزّل فيها، وليداتوا ديل يودو وشهم وين؟ الطبيب ده لو قال أنضّف رِئة ولّ أنضّف كلاوي بإعتبار الترابي لا يتعاطى الكحول ولا يُدخن أكان ممكن الموضوع يكون مبلوع شويَّة، لكن أنضَّف عقل دي ذاتها دايرا ليها عقل غير نضيف عشان يبلعا..
___
نضافة العقل واردة، الله ينضِف المستقيم..

نادر..
يا للحوجَّة! والمحتاج يركب الصعاب؛ الشعبيون ينادون بالديمقراطيَّة والحريات وحقوق الإنسان؛ وهل كانوا يحتاجون للمفاصلة ليدركوا أهميَّة الحوار والديمقراطيَّة والحريات وحقوق الإنسان؟ حربويَّة الحركة الإسلاميَّة إستنفدت كل طبقاتها الجلديَّة وألوانها، فمهما حاولوا، لن يستطيعوا تغيير ذلك الجلد القبيح والمنظر الأقبح الذي يحتقر الإنسان وحقوقه..

يا حيدر..
حسان الجنَّة ولّ وليدات الحور؟
في بوست مجاور خيَّان نسيبة، قالوا: دايرين يوحدوا شباب الحركة الإسلاميَّة، شعبييها ووطنييها، عِارفين نهايَّة حكومة المؤتمر الوطني هي نهايَّة الحركة الإسلاميَّة للأبد..
__
سوف نخصي بذورهم حبيبات، حتى لا تنبت..

يا ثروت..
الشيخ كضاب لا شك، ولكن كلام الطب ده ما عندنا فيهو رأي..
والشيخ لوني دي جديدة وقويَّة يا ثروت..
عليك أن تتخيَّل منظر شيخ ربطه حيرانه في وتد وكأنه حوار متمرد وجلسوا حوله ينهلون الجهل من أحد تلامذته، ما أقبح وأذلَّ وأرزّل من ذلك، وكل هذا الذل والهوان الذي لاقاه من هؤلاء التلامذة العُصاة والعاقين، وما يزال حسابنا معه قائم، والله لو أوكِل لنا أمر إذلاله لما حرقنا حشاه كما يفعل تلامذته..

يا رغيم..
العقل النظيف في الجسم السليم..

الشقيق الرفيع

ياسر طيفور

حدثني رجـل , في جلسة عزاء ضمتنا,

كان الرجل يعلق على موقف الترابي من الجنائية, بأنه ومنذ أن تلقى ضربته تلك في كنــدا, لم يكسب عافيـة في تفكيره,

آآآآآآآآآآآ والله (بالطريقة المصرية)

المهم , دافعت عن عقـل الرجـل لأني سمعته في بعض فتاويه الغريبـة وهو يأتي بالاستدلالات والاستشهادات (الغميسـة),

لكن الرجـل أصــر جداً على أن الضربة أثرت في الشيخ,

المهم سألته: لماذا اتبعتـم الرجــل لســنوات بعد تلقيـه تلك الضـربـة وحتى جرت المفاصلـة ؟؟؟

فوقف حمار الشيخ في العقبـة,

ليك تحية ولضيوفـك,

أحمد الشايقي

يا شقيق الزول ما قال ليكم "تعلمون انني لست من الكذابين"

cut e'm some slack bro
ليه ما عارف اتذكرت محمد حامد و فجاغ عيال ابليس
اخوان نسيبة يا ياسرفيهم ناس كويسين زي اخونا صديق محمد عثمان والمحبوب عبدالسلام و لكن اعيب عليهم صمتهم ايام السلطة!!!!!!!!!

Quote: إعتبِر نفسك مصعب نفسه،

كيف يا عمكـ

ياخ انا معاوية اعتبر نفسي مصعب ؟

قلنا نرد ليك الجميل

ونطبق الحنة ..

الزوغان سيكون سيد الموقف يا ياسر...

ما هو سبب نشاط الكيزان في سودانيزأونلاين مؤخراً؟؟؟؟ (توجد أمثلة!)

تحياتي ومشتاقين

لا كدة عيب !!


على الأقل مفروض تجو تهللوا وتكبروا عشان شهادة الدكتور ( الكافر دا ) بنضافة عقل الشيخ

والا شنو ّّ!!!











* طيفور حبينا نصبح ونقول اعفاهم :p

الأعزاء..
كمال مبارك..
دكتور سيف النصر..
الباقر عثمان.
أحمد الشايقي..
إبراهيم عدلان..
معاويَّة عوض الكريم..
أنور كنق..
حيدر الزين..

الخناجر المسمومة التي وضعها هذا المستشوِخ الحقير على جسد الوطن لا تُعد منذ أن تأبط المسرح السياسي في ستينيات القرن الماضي، وكل مرة يخرج منهما كما يخرج الخيط من العجين، فيرتدي زيأً جديدٍ، ولكن هذه المرة لن نتركه يتملَّص منها؛ هذا الوضع البائس الذي يعيشه الشعب السوداني يتحمّله الترابي وحركته الإسلاميَّة وحدهم..

حتماً سوف أعود بعد الأرشفة لهذا الموضوع، ولكم فرادى..