القذافى يعرض طارئته الرئاسيه لتقل البشير الى الدوحه...خبر عاجل...!!

افادت مصادرنا الامنيه فى خبر عاجل لها من طرابلس.
ان الرئيس القذافى قد عرض طائرته الرئاسيه لتقل البشير الى الدوحه..
وسترافق الطائره الليبيه طائرات مقاتله من سلاح الجو السودانى..
وافادة المصادر ان هنالك اجتماع إستخباراتى تم مساء الامس فى القاعده الامريكيه.
فى جزيره رودس باليونان تمت فيه مراجعة خطة اعتقال الرئيس السودانى..فى الجو..
وكشفت المصادر ان المطارات السودانيه ومقر الرئيس السودانى..ومسار حركته اليوميه.
قد تم رصدها من خلال الاقمار الاصطناعيه واجهزة الرصد المتقدمه..

عصمت

تحياتي

انت عاوز تطلع الريس البشير شحات كمان و لا شتو.



بعدين التهديد ليه ، الريس يمكن يمشي تهريب ذي ابناء شعبه القاطعين البحر المتوسط بمراكب صيد لايطاليا

ياخي الريس حيسافر بالبر شن قولك؟.

الاخ عصمت التحايا




ليه كدا يا قذافي ياخ؟؟؟؟

البشير دا طريق سيروا معروف ياخ

يودعوه من مطار الخرطوم و يركب الطيارة " الرئاسية " و الطيارة الرئاسية ينزل منها فى كرري

و من هناك ياخد ركشة لبورتسودان لزوم التمويه و كدا اها من بورتسودان ياخد مركب " سمبك " تهريب

للسعودية و من السعودية ينشحن فى ترلة خضار " مقطورة" ماشة لقطر و المقطورة فى الحدود وهي

داخلة لقطر يبدلو السواقين و المقطورة توصل النقطة النهائية و البشير وهو نازل يحاول اصلاح "عبايته "

التى " كرفسها " طول السفر و يهم بمصافحة مستقبلية و تعلو وجهه تلك الابتسامة البلهاء و اذا به امام

افراد من الانتربول الدولي و المارينز الامريكي و يسمع " الخواجاية "تحادثه بلسان عربي مبين : افتح فمك و قل عاااااااع

.

.
.

يا جماعة الزول دا مقبوض مقبوض ... كان مسافر بطيارة قذافي و لا بمركبة الفضاء " ديسكفري "...... برضو مقبوض

العزيز انور..

طبعا مستشار البشير هو الذى حدد التسميه لكل الشعب السودانى..بالله شفت الانحطاط...!!
وطبعا من اطلق لفظ الشحته .هو الشحات الاعظم..
والله مساخر..وعدم تبصر وقصور ادراك..!!

لك الاعزاز انور..

لا حول ولا قوة الا بالله...

طائرة اجنبية... هذا انتهاك لسيادة اللبد.. البدل.. الدبل..
يا جماعة ساعدوننا في ايجاد البلد التي لم تنتهك سيادتها بعد..

في شمار بقول أن المؤتمر سينقل بكامله الى الخرطوم...

تحياتي
عبدالعزيز