Post: #1
Title: حينما شحدتها ذات يوم ..
Author: بشير أحمد
Date: 03-19-2009, 12:03 PM
Parent: #0
قلنا نلحق بوستات الشحدة
وشحدة لشحدة تفرق
يعني قريبة لشحدة الدكتور مصطفي
ماتمشوا لبعيد وأفكاركم تمشي كده ولاكده .
_________
الله يعين الباندويدث اليومين ديل .
|
Post: #2
Title: Re: حينما شحدتها ذات يوم ..
Author: بشير أحمد
Date: 03-19-2009, 12:14 PM
Parent: #1
أيام الجامعة
الواحد كان عندو قميصين وبنطلونيين
وجزمة عبدالواحد (ماعبدالواحد جضوم لانها اكيد ح تكون شينة)
عمتي جات من السعودية زمن كانت السعودية البجي منها بيكون مريش ومغندل
قلت أقوم بواجب الزيارة ونتحمدل ليها بالسلامة وكدة
وبالنسبة لي ماتحمدل بس ؛الشنط وما ادراك ما الشنط
طبعا اهلنا عندهم عاده كده يمكن ماتكون جيدة بالنسبة لي
فتح الشنط دائما بيكون بعد 3 يوم وتوقيتها بعد الساعه 11بالليل مساء
بعدما الضيوف يتخارجو .
|
Post: #3
Title: Re: حينما شحدتها ذات يوم ..
Author: Fathi Ali Mohammed
Date: 03-19-2009, 12:20 PM
Parent: #1
يا دكتور
انت زعلت ولا شنو؟
|
Post: #4
Title: Re: حينما شحدتها ذات يوم ..
Author: بشير أحمد
Date: 03-19-2009, 12:52 PM
Parent: #3
ابوالفتوح
تحياتي؛؛؛
Quote: يا دكتور
انت زعلت ولا شنو؟ |
هو داب زعل
زعلان جدا.
|
Post: #5
Title: Re: حينما شحدتها ذات يوم ..
Author: Muna Khugali
Date: 03-19-2009, 01:33 PM
Parent: #4
Quote: فتح الشنط دائما بيكون بعد 3 يوم وتوقيتها بعد الساعه 11بالليل مساء
بعدما الضيوف يتخارجو |
.
كدي انت ركزلينا هنا..
أصلي بحب الحكايات الزي دي..
خاصه لما أعرف انه في ناس بالها طويل كده في فتح الشنط!
تحياتي..
|
Post: #6
Title: Re: حينما شحدتها ذات يوم ..
Author: Abdlaziz Eisa
Date: 03-19-2009, 01:57 PM
Parent: #5
الأخ العزيز محمد الفاتح
اوه سوووورييي... عزيزي / بشير احمد
الساعة 11 ليلا بعد الضيوف يفروا.. وكمان حتى ناس الأمن يختفوا!!!
الشئ فتح شنطة... فتح خشم!!.. ولا فتح القسطنطينية!!!!
علشان لخبطت ليك الأسماء...
الشحدة اليومين دول ليها علاقة بمصطفى عثمان..
انا جيتك مسخن لكن لقيت الجو غير..
تحياتي
عبدالعزيز
|
Post: #7
Title: Re: حينما شحدتها ذات يوم ..
Author: Balla Musa
Date: 03-19-2009, 02:10 PM
Parent: #6
| Quote: قلت أقوم بواجب الزيارة ونتحمدل ليها بالسلامة وكدة |
يا بشير
غايتو ماشفت لى راجل بتحمدل السلامة للنسوان إلا إسماعيل الأزهرى ورئيس مجلس الحى فى حلتنا أيام نميرى.
|
Post: #8
Title: Re: حينما شحدتها ذات يوم ..
Author: khaleel
Date: 03-19-2009, 02:13 PM
Parent: #7
دكتور
احسن شحدة لما تكون مسافر الجامعة صباح السبت
تقوم تغشي اعمامك وخيلانك
وعينك علي جيوبهم
|
Post: #12
Title: Re: حينما شحدتها ذات يوم ..
Author: بشير أحمد
Date: 03-19-2009, 04:28 PM
Parent: #8
المهندس/خليل
تحياتي؛؛؛
Quote: احسن شحدة لما تكون مسافر الجامعة صباح السبت
تقوم تغشي اعمامك وخيلانك
|
انت عارف دي زي قون المغربية ؛
اتذكر لمن الصباح اكون طالع مع الخال ؛ومكان عمله في شارع النيل ؛
وبنزل منو في الشهداء عشان امش شمبات ؛اول ما انزل ؛
اقعد اتلفت الخال طوالي بيعرفني عايز حاجة ؛بيدخل يدو في جيبو وبديني الفيها النصيب
مرات بصهين وبقول لي مع السلامة ؛
ومرات بقول لي :اها الاسبوع الجاي ماشي البلد ؟طوالي بقول ااي حتي لو ما ماشي
لاني عارفو بقول لي تعال شيل مصاريف حبوبتك معاك ؛لاني بكون ضمنته مصاريف الاسبوع الجاي .
الغريبة كان السكن والاعاشة مجان في الجامعة (نظام التذاكر _التكت ).
|
Post: #11
Title: Re: حينما شحدتها ذات يوم ..
Author: بشير أحمد
Date: 03-19-2009, 04:02 PM
Parent: #7
دكتور بلة
تحياتي؛؛؛
| Quote: غايتو ماشفت لى راجل بتحمدل السلامة للنسوان إلا إسماعيل الأزهرى ورئيس مجلس الحى فى حلتنا أيام نميرى. |
كيف ياخي ؛بنمشي نحمدل لكلو
ان شاء الله يجوك الجندريات وينقو شعيرك .
|
Post: #10
Title: Re: حينما شحدتها ذات يوم ..
Author: بشير أحمد
Date: 03-19-2009, 03:48 PM
Parent: #6
الاخ/عبدالعزيز عيسي
تحياتي ياحبيب؛؛؛
Quote: الساعة 11 ليلا بعد الضيوف يفروا.. وكمان حتى ناس الأمن يختفوا!!!
الشئ فتح شنطة... فتح خشم!!.. ولا فتح القسطنطينية!!!!
علشان لخبطت ليك الأسماء...
|
ياخي فتح الخشم ده اسهل من فتح الشنطة .
فتح الخشم او الخطوبة تجي تتحكحك ومعاك اخوانك او اخواتك
وتطقطق في اصابعيك وتتلفت زي سواق التكسي قدام ابو البت
وقبل ماتشرب البارد ؛تقعد تفتش في الاسئلة لزوم الونسة
واول ماتفتح الخشم يقول ليك دايرة تقرا ؛
يقرقر مخها القرايه ليها شنو (ده ماكلامي ) كلام اهل الولد .
بعد الكلام ده تكوش الطربيز القدامك بي كبابيها .
في القري والفرقان ما بتمشي انت بنفسك بمشو اهلك
لكن الزمن اتطور فتح الخشم بقي بالمسنجر او الهوتميل او الشات
_______
|
Post: #9
Title: Re: حينما شحدتها ذات يوم ..
Author: بشير أحمد
Date: 03-19-2009, 03:23 PM
Parent: #5
الاخت/مني خوجلي
تحياتي؛؛؛
Quote: كدي انت ركزلينا هنا..
أصلي بحب الحكايات الزي دي..
خاصه لما أعرف انه في ناس بالها طويل كده في فتح الشنط!
|
ماعندك مشكلة
بنقل ليك الحدث بي ضبانته
يوم فتح الشنطة عند اهلنا وامتدادتهم في المدينة اصلهم ماخلو العادة دي
تلقي انوار البيت كلها مولعة لغاية الصباح ؛الشئ شنو ماعارف .
|
Post: #13
Title: Re: حينما شحدتها ذات يوم ..
Author: Nagi Ahmed
Date: 03-19-2009, 04:43 PM
Parent: #9
اعصابك يا بشير بالمناسبة سمعت كلام تحت تحت انه احد ابناء الشعب السوداني اتجرا و شحد السيد المستشار عندما كانو في الثانوي العالي عشان كده هو مفتكر انه كل الشعب السوداني شحاديين
تخريمة اعني بالشحدة شحدتك للبت دي
|
Post: #15
Title: Re: حينما شحدتها ذات يوم ..
Author: بشير أحمد
Date: 03-19-2009, 05:16 PM
Parent: #13
ياناجي ياودابوي
تحياتي؛؛؛
| Quote: تخريمة اعني بالشحدة شحدتك للبت دي |
اكان كده لا خلاص.
زمان ايام الكتابة بالحبر السائل
تكون حايم بي قلمك لله يامحسنين نقطة حبر
وفي جماعة معانا طول السنة شغال بيشحد في نقطة الحبر .
___________
تخاف ياكبير.
|
Post: #14
Title: Re: حينما شحدتها ذات يوم ..
Author: ibrahim alnimma
Date: 03-19-2009, 04:48 PM
Parent: #9
ياشير طبعاً فتح الشنطة الذي تتحدث عنه هذا يخص شنطة الحجاج مش القادمين من السعودية
والفرق شاسع بالنسبة للنوع الاول فالهدية بتكون عينية مثل طاقية او مسبحة او مصحف...
ارجو الا تكون من النوع الذي يقول كتاب الله ماعندنا فيه راي لكن الفيك اتعرفت.
اما عن النوع الثاني فهذا فعلاً يستوجب الشخدة لانه في الغالب بيكون مريش ....فقد
تكون الهدية سبقها مرسال او رسالة تتحدث عن الطلبات وبتكون شحمانة من نوع تلفزبون
او غسالة او ساعة ..حسب الاعمار والحالة الاجتماعية...فهي مختلفة اذا كنت عاذب .واذا كنت
متزوج او طالب وهكذا..فلكل هديته ...ولكل امرئ ما نوى..
|
Post: #16
Title: Re: حينما شحدتها ذات يوم ..
Author: بشير أحمد
Date: 03-19-2009, 08:51 PM
Parent: #14
الاخ/ابراهيم النعمة
تحياتي؛؛
Quote: ارجو الا تكون من النوع الذي يقول كتاب الله ماعندنا فيه راي لكن الفيك اتعرفت.
|
ياخوي داير النصيحة ولاّ الجنبها ؟
جدا لي (الله يرحمه )بقول داير الجنبها لانو بتخارجو من
الزرزره. (دحين الكلمة دي مكعوجه كده صاح ؟)
فدحين ياخوي كلام الله ما بناباهو ؛لكن الحاجات التانية برضو حلوة.
Quote: اما عن النوع الثاني فهذا فعلاً يستوجب الشخدة لانه في الغالب بيكون مريش ....فقد
تكون الهدية سبقها مرسال او رسالة تتحدث عن الطلبات وبتكون شحمانة من نوع تلفزبون
او غسالة او ساعة ..حسب الاعمار والحالة الاجتماعية...فهي مختلفة اذا كنت عاذب . |
طلباتنا بتكون مستعجلة وبتتنجر في ساعتها
بنطلون قميص فتيل ريحة
وهكذا دواليبكـ .
|
|