Post: #1
Title: قليل من الهدوء ...
Author: بشير أحمد
Date: 03-19-2009, 10:03 AM
حضرات الوزراء والمستشارين.
|
Post: #2
Title: Re: قليل من الهدوء ...
Author: بشير أحمد
Date: 03-19-2009, 10:06 AM
Parent: #1
نقة كتيرة = اخطاء كتيرة
والناس فاتحة خشومها للاخطاء ؛والدليل في صدر البورد.
والشرق الاوسط.
|
Post: #3
Title: Re: قليل من الهدوء ...
Author: esam gabralla
Date: 03-19-2009, 10:27 AM
Parent: #2
يا بشير
بقيت زى الترزى يوم الوقفة ... تضاير ساكت
بي هنا صلاح غريبه و بي هناك المستشار
Quote: والناس فاتحة خشومها للاخطاء ؛والدليل في صدر البورد.
والشرق الاوسط. |
انت هاميك الناس ما تشوف "الاخطاء" .. لكن الاخطاء زاتا ما هاماك؟
ذكرتنى ونسة ايام الجامعة مع واحد كان كوز و طلع منهم - قبل الانقاذ حالتو - سالتو عن الحاجات الغلط و واضحة كيف التنظيم بيتعامل معاها, قال لى في قاعدة غير مكتوبة هى السارية , طالما انك مطيع و ملتزم للتنظيم اعمل اى حاجة انت عاوزا - بتعبيرو اسرق , ازنى, اسكر , لواط الخ - بيكون كويس لو التنظيم ما عرف .. و لو عرف دى ما مشكلة كبيره , الاهم انو الجمهور خارج التنظيم ما يعرف . و قال انو التنظيم بيدى النوعية الزى دى مهام طابعها داخلى دون احتكاك بالناس ... خوف كشف الحال.
اها انت الظاهر عليك لسه متمسك بالقاعدة دى ... ما عندك مشكلة المستشار يقولا لكن ما يكشف حالكم
ضاير ضاير يا بشير ... لسه وراك شغل كتير
|
Post: #4
Title: Re: قليل من الهدوء ...
Author: بشير أحمد
Date: 03-19-2009, 10:39 AM
Parent: #3
الاخ/عصام جبرالله
تحياتي؛؛
Quote: بقيت زى الترزى يوم الوقفة ... تضاير ساكت
بي هنا صلاح غريبه و بي هناك المستشار
|
والله ضحكتني ترزي الوقفة ؛الله يديك العافية.
صلاح غريبة مرض وبيفقع المرارة ؛لكن الدكتور مالو ؟
Quote: انت هاميك الناس ما تشوف "الاخطاء" .. لكن الاخطاء زاتا ما هاماك؟
|
طبعا الخطا جسيم للدكتور ولا مبرر له
والله ياصديق الموج جبت لينا المشاكل وخليت الدكتور يطلع من طورو
Quote: اها انت الظاهر عليك لسه متمسك بالقاعدة دى ... ما عندك مشكلة المستشار يقولا لكن ما يكشف حالكم
ضاير ضاير يا بشير ... لسه وراك شغل كتير |
المضايرة كان بتنفع كان عملناها ؛بس الله يعين .
صاحبك الكوز ؛كلامو ماصحيح.
معناها هو ماكوز .
|
|