Post: #1
Title: لست مع الإنقاذ...ولكن أنا من هسه..معارض لأي حكومة...جاية
Author: almaskoon
Date: 03-18-2009, 05:38 PM
Parent: #0
حكومة جاية بلإنتخابات...حكومة جاية بإنقلاب...حكومة جاي..مزروعة..انا معارض
أتخذ هذا القرار بأعتبار ما يكون..(بكرة أو بعد 20 سنة).وماني متراجع منو
والداير ينضم حبابو...ما حزب ولكن تجمع معارض
..للحكومة الجايه(الحالية معارضنها مكفنها)
*عارف الح ينضومو كتار بعدين*
الحكومة
الجاية مش ح يكون فيها الناس الفي الساحة السياسية الان أو تلاميزهم
(يعملو النفسيات)
الحكومة الجاية مش ح يرضي منها الغرب(أمريكا بالتحديد)..اها..دي عقدتي
وكان ما رضي منها الغرب...رضي منها الشرق برضو معارض
كان رئيسها بيرقص ولا بيعرض....ولا بحمر للناس ساي...برضو معارض
كان رئيسها بقرا من ورقة..ولا من لوح...ولا بتكلم من راسو برضو معارض
كان فيها مستشارين للرئيس شغالين ولا قاعدين ساي برضو معارض
كان في قضية دارفور...ولا قضية دار جعل برضو معارض
ولا مافي قضية ذاتو برضو معارض
كان الفيها كلهم متعافيين ولا ما متعافيين برضو معارض
كان فيها جانجويد...جانحمير..ولا جانكداري...ولا مافي جان راكب أي حاجة
برضو معارض
مش كان سوت سد وكباري..كان سوت ديزني لاند في حلتنا برضو معارض
دا كلو عشان
سودانيز أونلاين .....برا معارضة....مسييخ
يكون نقة في الأدب...والريدة..
والهكر ما يعرف يسوي شنو
وبس
|
Post: #2
Title: كلنا معارضين
Author: khalid fahmi
Date: 03-18-2009, 06:19 PM
حسي كان واحد استلم الحكومة وجابك إنت زاااااتك (رئيس جمهورية)
برضو حا تكون رئيس الحكومة و قائد المعارضة :)
معارضة X معارضة .. كلو لاحق بعضو ..
|
Post: #3
Title: Re: كلنا معارضين
Author: almaskoon
Date: 03-18-2009, 11:17 PM
Parent: #2
Quote: حسي كان واحد استلم الحكومة وجابك إنت زاااااتك (رئيس جمهورية)
برضو حا تكون رئيس الحكومة و قائد المعارضة :)
معارضة X معارضة .. كلو لاحق بعضو .. |
مافي شك.....ح أكون معارضة...
واشيل روحي وارميها في السجن..كم يوم
وانشق واكون مؤتمرين...واعرس في كل واحد
يوم رئيس جمهورية ومعارض واليوم التاني معارض ورئيس جمهورية
ولك التحية خالد فهمي
|
|