Post: #1
Title: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 03:47 PM
الرسالة وجهت الي البشير بهذا المعني
ولكن ليس بهذا الوضوح ولكنها مفهومة
لاصحاب العمل الدبلوماسي
الرسالة توجه الان من خلال قناة الجزيرة
سواء في برنامج الاتجاه المعاكس الحلقة قبل
الماضية او في اللقاءات الباردة والساخنة
مع مصطفي عثمان اسماعيل
الدافع لهذة اللغة هو الاصرار الرسمي من البشير علي حضور
القمة العربية وما تواجهه قطر من ضغوط لا تريد الاذعان اليها
ولكن تريد تفادي كل ذلك بارسال رسائل الي السودان بانها غير راغبة
في هذه الزيارة
واذا لم يصدر موقف رسمي من البشير بعدم المشاركة فسوف تتصاعد الرسالة
بصورة اكثر حدة خاصة وان الجزيرة هي ذراع اعلامي لوزارة الخارجبة وليست
قناة مستقلة كما يزعم ذلك
|
Post: #2
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 04:22 PM
Parent: #1
الرفض القطري للزيارة كان مغلفا
في الدعوة نفسها التي وجهتها قطر للبشير
لحضور القمة اذا قال المبعوث القطري
ان الامر متروك للبشير في الحضور او عدمه
وهي عبارة لم تستخدم خلال دعوة اي زعيم عربي آخر
|
Post: #3
Title: Re: قطر للبشير : لا تغامر بالحضور
Author: Abdlaziz Eisa
Date: 03-18-2009, 04:33 PM
Parent: #1
سلام
المدعو مصطفي اسماعيل هذا كما عهدناه منذ ان ظهر كوزير دولة ثم وزير خارجية.. رجل لا يعرف غير الكذب والنفاق..
وزارة الخارجية التي تقلدها وزراء بقامة أحمد خير, المحجوب, منصور خالد وابراهيم طه ايوب.. يمر عليها هذا النكرة ليلطخ سمعة هذه الوزارة كأتفه وزير يمر عليها.. لا يعرف غير الكذب والنفاق..
هذا الرجل ساقط ولا يليق بأن يجلس الفة في صف سادس ناهيك عن وزارة الخارجية التي مرمطها وخرب سمعتها..
هذا هو ديدن الانقاذ ان تأتي بالنكرات الذين ليست لهم اية مؤهلات علمية او اخلاقية يتوزرون على الناس..
تبا لهذا الوقح المسمى مصطفي اسماعيل..
تحياتي
عبدالعزيز
|
Post: #6
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 07:03 PM
Parent: #3
| Quote: هذا الرجل ساقط ولا يليق بأن يجلس الفة في صف سادس |
لا اعتقد ان مصطفي عثمان كذلك فالرجل له دور في سياسةالانفتاح علي العالم
الخارجي وله اراءه التي لو اخذ بها لتفادي السودان مطبات كثيرة وعلي ما اعتقد
في فترة من الفترات كان من اكثر المتحمسين لمحاكمة هارون ولا زال امامه الشي
الكثير الذي يمكن ان يقدمه
غير ان تصريحاته الاخيرة لم تكن موفقة
|
Post: #4
Title: Re: قطر للبشير : لا تغامر بالحضور
Author: Al-Shaygi
Date: 03-18-2009, 05:14 PM
Parent: #1
الحبر
Quote:
واذا لم يصدر موقف رسمي من البشير بعدم المشاركة فسوف تتصاعد الرسالة
|
يا أخوي مصعدنها في شنو
خلي الراجل يمشي يشارك في المؤتمر الذي سيفشل إذا لم يحضر..!!!
وبعدين نوابه ومستشارنه دايرنه يمشي،،، يقوموا ناس قطر يقولوا ما يمشي؟؟؟؟
سير سير يا مشير
بس عليكم الله الطيارة دي حقت الشعب ما حقته بعدين رجعوها لينا...
...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
|
Post: #5
Title: Re: قطر للبشير : لا تغامر بالحضور
Author: مجدى محمد مصطفى
Date: 03-18-2009, 05:22 PM
Parent: #4
| Quote: بس عليكم الله الطيارة دي حقت الشعب ما حقته بعدين رجعوها لينا... |
أضم صوتي
|
Post: #7
Title: Re: قطر للبشير : لا تغامر بالحضور
Author: jini
Date: 03-18-2009, 07:18 PM
Parent: #5
Quote: لا زال امامه الشي
الكثير الذي يمكن ان يقدمه |
وهذا ادعى لذهابه حتى لا يتمادى!
وصفنا بالقمل ثم الشحاتين ووصف الاعلام بالغباء ألا يكفى!
جنى
|
Post: #11
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 08:03 PM
Parent: #7
| Quote: وصفنا بالقمل ثم الشحاتين ووصف الاعلام بالغباء ألا يكفى |
اخ جني
لا زال هو صوت العقل في الانقاذ
التمسوا له عذرا
|
Post: #8
Title: Re: قطر للبشير : لا تغامر بالحضور
Author: حليمة محمد عبد الرحمن
Date: 03-18-2009, 07:32 PM
Parent: #5
الشامي كيفنك؟
في لقاء د. حسن الترابي مع قناة العربية، تطرق الى ان الدعوات ارسلت قبل شهر-
في لقاء وزير الخارجية (بوست فرانكلي)، ذكر الوزير لوكالة الصحافة الفرنسية
ان الدعوات سترسل وان خيار الحضور متروك للحكومة السودانية تقديره، ثم
ذكر في متن الخبر ان بامكان البشير الحضور ان رغب في ذلك، علما بان البشير
بعد عشرة دقائق من مؤتمر الجنائية الصحفي واعلان امر القبض عليه، كان قد
صرح في شريط الجزيرة المتحرك بانه سيحضر القمة العربية، يعني مفروض الدعوة
تكون وصلت، ولا يكون وافق كيف من غير ما يدعوهو؟ زميلة اعلامية ذكرت انها
قرأت في احدى الصحف العربية الذائعة الصيت، ان البشير عبر عن رغبته في الحضور
ولكن لم توجه له الدعوة حتى ذلك الحين؟ يبقى معنى الكلام دا الدعوة مفروض تكون
وصلت ولم تصل حتى حينه، ولعل هذا مبعث تساؤله. هذا ان صح هذا الخبر.
واضح ان قناة الجزيرة القطرية ستصعد موضوع الغباء الاعلامي دا وكذلك
الاتهام بمساندة الحركات الدافورية المسلحة.. دا وقع ليها من السما ء وما بعيد
يكون موضوع الاتجاه المعاكس الاسبوع القادم او غيره من البرامج الحوارية.
وواضح ان وراء الاكمة ما وراءها..
غايتو البشير دا لو مصر يمشي قطر حقو يودع اهله وناس بيتو وشعبو..لانو
النتيجة معروفة سلفاَ..
قطر ممكن تكون وصلت ليهو الدعوة لغاية عندو، ومعاها كمان رسالة شفهية
بعدم الحضور.. عشان كدا بقى موضوع خروج الرئيس (ملف أمني) جدير
بالدراسة ويكون السودان بدوره بيرسل رسالة معناها: اطمئنوا يا جماعة
الرئيس دا ما جايي وفي الايام القادمة قد تكون الرسالة اكثر وضوحا،
انطلاقا من الملف الامنى لحركات الرئيس خارج السودان.. واكاد احزم
بانه لن يفكر في الخروج من الاجواء السودانية.. لان النتيجة معروفة..
زي ما مساحتها الارضية معروفة، كمان مجالك الجوي معروف، والمرور
فيهو ما هو سمبلا..القرار واضح وصريح وكذلك مطالبه في مثل هذه
الحالات..
يبقى الملف الاخر الجدير بالدراسة الامنية"اللغة الخشنة" للرئيس،
كما وصفتها السي ان ان اليوم في احد تقاريرها..والالتزام بالخطاب
المعد له سلفا.. وبعد دا سوط الجنائية واقف دُتْ..
|
Post: #9
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 07:40 PM
Parent: #8
| Quote: وبعد دا سوط الجنائية واقف دُتْ.. |
وما تقولي الزول جعلي وركاز يا حليمة
مداخلتك قيمة وراجع للتعقيب عليها
|
Post: #12
Title: Re: قطر للبشير : لا تغامر بالحضور
Author: Yassir Tayfour
Date: 03-18-2009, 08:03 PM
Parent: #8
| Quote: وبعد دا سوط الجنائية واقف دُتْ. |
__
dot.com ya 7alima
|
Post: #16
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 10:33 PM
Parent: #12
دي حلوة وشكرا لمرورك العابر اخ ياسر
|
Post: #15
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 09:19 PM
Parent: #8
Quote: واضح ان قناة الجزيرة القطرية ستصعد موضوع الغباء الاعلامي دا وكذلك
الاتهام بمساندة الحركات الدافورية المسلحة.. دا وقع ليها من السما ء وما بعيد
يكون موضوع الاتجاه المعاكس الاسبوع القادم او غيره من البرامج الحوارية |
شكرا الاخت حليمة
انا طوالي اتخيلت فيصل قاسم في برنامج قادم للاتجاه المعاكس محاوره كالاتي:
هل يصح لمسئول ان يصف شعبه بانه كان شحاتا
ومتي سممعنابشعب يكامله عاش علي الشحاتة
وهل جاء ذلك المسئول الي الرياض ليقدم دعما سخيا للمملكة
ولكن في المقابل الا تستحق الشعوب التي تسكت علي قهر حكامها ان توصف باسوا من ذلك
وطبعا معاها حركات يدي فيصل قاسم قيضا وبسطا
كمان حايجيك سامي حداد في برنامج اكثر من راي
بحلقة خاصة عن الغباء الاعلامي ونصيب قناة الجزيرة من ذلك
دا كمان اذا ما استضاف احمد منصور د. خليل او عبد الواحد نور
في حلقة بدون حدود عن كيف يمكن ان يصنع الاعلام حركات مسلحة
|
Post: #13
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 08:36 PM
Parent: #5
الطيارة ما بتجيها عوجة يا مجدي
|
Post: #10
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-18-2009, 07:48 PM
Parent: #4
| Quote: وبعدين نوابه ومستشارنه دايرنه يمشي،،، |
دلوقت الجماعة انقسموايا اخ الشايقي
في مجموعة ما دايراهو امشي قطر
|
Post: #14
Title: Re: قطر للبشير : لا تغامر بالحضور
Author: نصار
Date: 03-18-2009, 08:47 PM
Parent: #10
| Quote: بس عليكم الله الطيارة دي حقت الشعب ما حقته بعدين رجعوها لينا... |
داير الفاضي يا الشايقي اخوي؟
الامنية كيف؟
|
Post: #17
Title: Re: قطر للبشير : لا تغامر بالحضور
Author: Bashasha
Date: 03-18-2009, 11:56 PM
Parent: #14
Quote: الدافع لهذة اللغة هو الاصرار الرسمي من البشير علي حضور
القمة العربية |
هذه لعبة كبيرة من صقور النظام، للتخلص من العوقة البشير!
الان الجعلي حيسووي شنو؟
يمشي او يروح فيها، ولايقعد، او يبقي رمش امام الكون؟
|
Post: #18
Title: Re: قطر للبشير : لا تغامر بالحضور
Author: Mohamed Yassin Khalifa
Date: 03-19-2009, 01:12 AM
Parent: #17
| Quote: يمشي او يروح فيها، ولايقعد، او يبقي رمش امام الكون؟ |
سؤال صعب!
|
Post: #19
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 04:20 AM
Parent: #17
| Quote: هذه لعبة كبيرة من صقور النظام، للتخلص من العوقة البشير |
!
لكن قطر يا اخ بشاشة ليست مستعدة لدفع ثمن
هذه الحماقة فواجبها البروتوكولي ان تقدم الدعوة
ولكن موقفها الحساس يتطلب منها الحذر ففيها اكبر قاعدة امريكية
وامريكا تري نفسها ملزمة بالتعاون مع الجنائية بموجب تفويض مجلس
الامن وفي هذا الاطار ليس من المستبعد ان تقوم المقاتلات الامريكية بعملية
قرصنة ضد طائرة البشير وقد يكون ذلك بعد انتهاء اعمال القمة حتي تستطيع
امريكا ان تتفادي الاسف والشجب العربي
|
Post: #20
Title: Re: قطر للبشير : لا تغامر بالحضور
Author: أبو ساندرا
Date: 03-19-2009, 05:42 AM
Parent: #19
| Quote: لا زال هو صوت العقل في الانقاذ |
الحالة دي ؟!
إذن الإنقاذ مافيها أي عقل
ثم
نحن خلاص رجعنا مربع الإنقاذ
وراحت حيكومة الوحدة الوطنية شمار في مرقة ؟
|
Post: #22
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 09:57 AM
Parent: #20
| Quote: نحن خلاص رجعنا مربع الإنقاذ |
هذا ما بشر به صلاح قوش
|
Post: #21
Title: Re: قطر للبشير : لا تغامر بالحضور
Author: dardiri satti
Date: 03-19-2009, 08:11 AM
Parent: #19
Quote: وقد يكون ذلك بعد انتهاء اعمال القمة حتي تستطيع
امريكا ان تتفادي الاسف والشجب العربي |
إذا كده ، هانت؛
بعد المؤتمر يرجع باللواري والسنابيك !!
تحياتي
|
Post: #23
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 11:29 AM
Parent: #21
Quote: إذا كده ، هانت؛
بعد المؤتمر يرجع باللواري والسنابيك !! |
المشكلة يا اخ الدرديري ان السنابيك خطورتها اكبر
فبعد عمليات القرصنة الصومالية في البحر جات قوة
اوروبية بي مروحياتا وتمسح البحر طالعة نازلة بس
عشان السنابيك دي
|
Post: #24
Title: Re: قطر للبشير : لا تغامر بالحضور
Author: عبد اللطيف السيدح
Date: 03-19-2009, 12:28 PM
Parent: #23
الشامي انت الكلام ده بجيب فيه من وين؟
والله ركبت موجة الجنائية مع مناضلي المنبر؟
اول شئ الدبلوماسية القطرية تدري ماتقول وهي افضل دبلوماسية عربية الان
وكان بيانها واضح قطر ترحب بالبشير في القمة العربية ، بل اؤكد لك انها ستؤمن له كل المسارات لوصول
الدوحة ثم العودة سالما الي وطنه وشعبه والمشاركة ستكون اول مسمار في نعش اوكامبو ومناصريه
( بعدين حتة جعلية وما جعلية دي اخير الجماعة يختوها قبال ما الرماد يكيل حماد وكل شئ ولا الجعليين!!
|
Post: #26
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 12:59 PM
Parent: #24
| Quote: والله ركبت موجة الجنائية مع مناضلي المنبر؟ |
مسيو سيدح هاوآريو
الجنائية انا راي فيها واضح فعندما يكون العدو
خارجيا فمن اجل الوطن كلنا في خندق واحد
ولكن عندما يحاول مستشارو الرئيس توريط الرئيس
فنحن مع الرئيس ناصحين...انت تذكر قبل كدي لما كان
السودان مرشح لعضوية مجلس الامن ورفض ان ينسحب والجماعة
قالو دي غزوة نيويورك ولازم ننتصر وحصل ما حصل وبعدين جات
غزوة الخرطوم ايام القمة الافريقية وكان طبيعيا ان يكون السودان
رئيسا للدولة جات الشيطانة جينادي فريزر وقعدت توسوس للاعضاء علي
عينك يا تاجر ونجحت في ان تحول الرئاسة للكونغو يعني نحن خسرنا غزوة
الخرطوم ونحن بكامل عدتنا وعتادتنا ماشين نكسب غزوة الدوحة والمعركة
حتكون في الهواء انصح مستشاري الرئيس ان يكونوا واقعيين ويدركوا القوة
الحقيقية لمن يتربص بهم
|
Post: #32
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 03:59 PM
Parent: #24
Quote: ، بل اؤكد لك انها ستؤمن له كل المسارات لوصول
الدوحة ثم العودة سالما الي وطنه وشعبه والمشاركة ستكون اول مسمار في نعش اوكامبو ومناصريه |
المشكلة يا السيدح انو في ناس
قريبين من الريس يؤمنوا بهذا الكلام
|
Post: #25
Title: Re: قطر للبشير : لا تغامر بالحضور
Author: ود محجوب
Date: 03-19-2009, 12:31 PM
Parent: #23
شيخنا ود الكباشى
المشكلة بسيطة وحلها عندى
يغشاهو واحد من الرؤساء حسنى او القذافى او بو تفليقة ياخدو معاهو القمة ويرجعو للسودان ز يقيل عندنا ويرجع لأهلو.
|
Post: #27
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 01:34 PM
Parent: #25
Quote: المشكلة بسيطة وحلها عندى
يغشاهو واحد من الرؤساء حسنى او القذافى او بو تفليقة ياخدو معاهو القمة ويرجعو للسودان ز يقيل عندنا ويرجع لأهلو. |
والله دا اقتراح وجيه يا ودمحجوب
بس يا ربي الجماعة الحول الرئيس
اكونو فكرو فيهو
|
Post: #28
Title: Re: قطر للبشير : لا تغامر بالحضور
Author: السيد المسلمي
Date: 03-19-2009, 02:17 PM
Parent: #27
Quote: اذا لم تقم دوله عظمي وتحديدا (روسيا) بتوفير ضمانات امنيه ودبلماسيه
لرحلة البشير الي الدوحه فلا اري ولا اظن ان العقلا يرون ان الضمانات العربيه غير كافيه للمخاطره من اجل لاشئ |
الكلام اعلاه للهندي عزالدين باخر لحظه الصادره يوم 19/3/2009
Quote: الجنائية انا راي فيها واضح فعندما يكون العدو
خارجيا فمن اجل الوطن كلنا في خندق واحد |
ليتهم يعرفون من هو العدو ،،،
وكيف يكون الولا للوطن،،،،،،،
شكرا ابو محمد
|
Post: #29
Title: Re: قطر للبشير : لا تغامر بالحضور
Author: jini
Date: 03-19-2009, 02:40 PM
Parent: #28
البشير يعى تماما بان قبوله التجميد لمدة عام بانه بالغ لاهاى وان طال السفر ولن ينجيه الا ملك الموت ولذلك سيتمترس وشعاره انا الغريق فما يهمنى البلل وعلى وعلى أعدائى يا رب!
فابشروا بكبت وقمع وعصر حتى تخرجوا الزيت وابشروا بتنازلات وتزوير للانتخابات ووعقوبات يتشرنق فيها السودان الى ان يقضى الله أمرا كان مقضيا وفوق ذلك ابتلاءات" بشي ء من الخوف والجوع و نقص من الأموال و الأنفس و الثمرات "
قولوا يا لطيف!
جنى
|
Post: #30
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 03:13 PM
Parent: #29
Many ya latif ya jini
|
Post: #31
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 03:17 PM
Parent: #28
Quote: ليتهم يعرفون من هو العدو ،،،
وكيف يكون الولا للوطن،،،،،،، |
ليتهم ذلك
وشكرا لمرورك يا السيد
|
Post: #33
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-19-2009, 11:13 PM
Parent: #31
الترحيب الحكومي بتعيين المبعوث الامريكي
الخاص للسودان اري فيه بداية خارطة طريق
قد تؤدي لتصحيح الكثير من المواقف
|
Post: #34
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-20-2009, 01:13 PM
Parent: #33
المشير سوار الذهب طالب الرئيس
بعدم المجازفة والسفر الي الدوحة
وهو راي صائب يختلف عن راي المستشارين
المحيطين بالرئيس
|
Post: #35
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-20-2009, 11:08 PM
Parent: #34
البحث عن مخرج شرعي لالغاء زيارة البشير للدوحة
يؤكد ان قطر اوصلت الرسالة مباشرة بعدم تعريضها للاحراج
|
Post: #36
Title: Re: قطر للبشير : لا تغامر بالحضور
Author: أبو ساندرا
Date: 03-21-2009, 06:39 AM
Parent: #35
البشير يزوغ من قمة الدوحة
زاغ بتحريك سدنة السلطة
الجيش والشرطة وفقهاء السلطان
ومعهم آل البيت
لتطلب منه عدم الذهاب للدوحة
ويستجيب هو على الفور
ويكون التبرير : والله كنت ماشي لكن الأجهزة حمتني
ويقبع في القصر
تاني المرقة برة البلد تشمه قدحة
يا سعادتك
|
Post: #37
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-21-2009, 10:50 AM
Parent: #36
المحكمة الجنائية قالت انها لن تستطيع
الزام قطر بتسليم البشير لان قطر ليست عضوا
في المحكمة ولكنها ستخطر مجلس الامن فور وصول
الرئيس اليها وهذا يعني ان مجيئ الرئيس الي
قطر اذا تم سيسرع وصول القرار الي اروقة المجلس
فضلا عن الحرج الكبير الذي ستواجهه قطر من هذا الحضور
علي ضوء هذا انصح البشير بالاستماع الي اصوات العقلاء
لان بمجئيه الي قطر سيقدم خدمة كبيرة للجنائية حتي
لو لم يتم اعتراض طائرته في الجو
|
Post: #38
Title: Re: قطر للبشير : لا تغامر بالحضور
Author: شكرى سليمان ماطوس
Date: 03-21-2009, 11:30 AM
Parent: #37
بعد ما كان للسودان لاآت الخرطوم الثلاثة
حيث العزة و المنعة و الكرامة و التعقل لنا و لبنى العرب جمعاء
غدونا نستجير و نراوغ،، حالنا كحال الهارب و المعتوه و ناقص العقل
منكم لله يا من كنتم السبب !!!!!
ما أدخلتنا فيه الحركة الإسلامية السودانية نفق مظلم و عميق
مظلم بظلام فكرهم (شمولية الإسلاموية العقدية)،
و عميق بعمق المصالح الشخصية لمن ورث السلطة و النظام و هو أرعن قصير النظر !!!!!
الحل فى أن تنهض القوى الوطنية من سباتها و أن تفسح الطريق لقيادات تتحمل متطلبات المرحلة
و التى أولاها نكران الذات و إرغام أركان نظام الإنقاذ أخذ الإمور بمآخذ الجد
لا الهوشة و دفن الرؤوس فى رمال النعامة
على القوى الوطنية الإلتفاف حول برنامج يرسى أسس
- الحقوق بالمواطنة
- إطلاق الحريات
- إستقلال السلطات
كفانا هوان و القطار سير داخل نفق الإنقاذ المظلم و الكل فريجة إن لم نكن هتيفة...
لو كانت تدوم لما جاءت إليكم
فأركنوا للعقل و أجنحوا لمصالح الوطن....
كيف هذا و أنتم منشغلون تماماً بالسلطة و الجاه و الشهوات
ش
|
Post: #39
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-21-2009, 12:12 PM
Parent: #38
Quote: ما أدخلتنا فيه الحركة الإسلامية السودانية نفق مظلم و عميق
مظلم بظلام فكرهم (شمولية الإسلاموية العقدية)،
و عميق بعمق المصالح الشخصية لمن ورث السلطة و النظام و هو أرعن قصير النظر !!!!!
الحل فى أن تنهض القوى الوطنية من سباتها و أن تفسح الطريق لقيادات تتحمل متطلبات المرحلة
و التى أولاها نكران الذات و إرغام أركان نظام الإنقاذ أخذ الإمور بمآخذ الجد
لا الهوشة و دفن الرؤوس فى رمال النعامة
على القوى الوطنية الإلتفاف حول برنامج يرسى أسس
- الحقوق بالمواطنة
- إطلاق الحريات
- إستقلال السلطات |
..........
وصلنا الآن الي المرحلة التي تتطلب من القوي الوطنية ان تنهض من سباتها
وعلي حزب الحركةالوطنية الاتحادي الديمقراطي ان يتولي الريادة كما هو تاريخه دائما
وشكرا لك اخي شكري ماطوس
|
Post: #40
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-22-2009, 00:28 AM
Parent: #39
صدرت رسميا فتوي هيئة كبار العلماء السودانيين
بعدم سفر الرئيس نتيجة لما يمكن ان يتعرض له من مخاطر
وطالما ان هناك من يمكن ان يقوم مقامه في القمة
وعليه بات من المرجح بل من المؤكد ان الرئيس
واستنادا علي هذه الفتوي لن يسافر لقطر للمشاركة في القمة
|
Post: #41
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-22-2009, 11:59 AM
Parent: #40
أصدرت هيئة علماء السودان فتوى تقضي بعدم جواز سفر الرئيس عمر حسن البشير إلى خارج البلاد في ظل الظروف الحالية, خاصة بعد صدور مذكرة اعتقاله من قبل المحكمة الجنائية الدولية بتهمة ارتكاب جرائم حرب في دارفور.
وقالت الهيئة إنها ترى أن الدواعي قد تضافرت على عدم جواز سفر البشير لحضور قمة الدوحة المقررة نهاية الشهر الجاري, طالما أن هناك أحدا سواه يمكن أن يقوم بتلك المهمة.
وأشارت الفتوى إلى أن تعرض الرئيس البشير لخطر محتمل هو تعريض للأمة كلها للخطر.
وفي تعليقه على الفتوى قال مدير مكتب الجزيرة في الخرطوم المسلمي الكباشي إنها جاءت نتيجة حملة مكثفة في الصحف خلال الأسبوع الماضي طالبت البشير بعدم الإقدام على السفر.
كما أشار إلى أن خطباء الجمعة الماضية تناولوا نفس القضية واعتبروا سفر الرئيس مخاطرة, وطالبوه بأخذ الحيطة. وأوضح أن الفتوى استندت إلى الأضرار التي يمكن أن تحدث مقارنة بالمصالح.
على صعيد آخر أكد الرئيس السوداني أن الرد على ما وصفها بالمؤامرة ضد بلاده، ستكون عبر المزيد من مشاريع التنمية.
وذكرت وكالة السودان للأنباء أن البشير قال خلال افتتاحه جسر توتي في الخرطوم إن "الرد على الذين يستهدفون السودان ويريدون أن تستمر الحروب في البلاد، بمزيد من الخدمات والتنمية والمشاريع الصناعية والزراعية".
إبادة اللاجئين
وجاءت تلك التطورات بينما اتهم المدعي العام للجنائية الدولية لويس مورينو أوكامبو الرئيس السوداني بسعيه لإبادة لاجئي دارفور عبر إقدام الأخير على طرد منظمات الإغاثة الدولية من الإقليم.
وقال المدعي العام في مقابلة مع هيئة الإذاعة البريطانية إن البشير يؤكد "بمنعه المساعدة الإنسانية سعيه لإبادة هؤلاء الأشخاص بدارفور"، مضيفا أن هذا الموقف يبرر "ضرورة اعتقاله لوقف هذه الجرائم".
وأشار أوكامبو إلى أنه يمكن اعتقال البشير مباشرة لدى سفره إلى الخارج "وسأعمل في هذا الاتجاه".
هذه التصريحات تأتي بعد يوم من تأكيد السودان رفضه إعادة 13 منظمة إغاثة أجنبية طردها من دارفور رغم الضغوط الدولية لدفعه إلى التراجع عن قراره، موضحا أنه قرار سيادي شرعي، وأن المنظمات المطرودة لا تمثل سوى 7% من إجمالي جمعيات الإغاثة العاملة هناك.
وكانت الخرطوم أمرت منظمات الإغاثة بالخروج من دارفور بعدما أصدرت المحكمة الجنائية يوم 4 مارس/آذار الجاري أمر اعتقال بحق البشير بتهم ارتكاب جرائم حرب في دارفور.
شروط
من جهة أخرى اشترطت حركة العدل والمساواة المتمردة في إقليم دارفور عودة منظمات الإغاثة المطرودة إلى السودان، لاستئناف محادثات السلام مع الخرطوم.
وهدد زعيم الحركة خليل إبراهيم في تصريحات صحفية بأن العدل والمساواة لن تتوجه إلى محادثات الدوحة إلا إذا سمحت الحكومة لمنظمات الإغاثة المطرودة بالعودة إلى ممارسة نشاطها في البلاد.
ويقول مسؤولون أمميون إن منظمات الإغاثة المطرودة كانت تسهم بنحو نصف طاقة توزيع المساعدات في دارفور. ويعتمد نحو 4.7 ملايين شخص على المساعدات الإنسانية في ذلك الإقليم.
واتهم السودان المنظمات غير الحكومية بمساعدة المحكمة الجنائية في تحقيقاتها بشأن البشير، وهو ما رفضته تلك المنظمات.
المصدر: الجزيرة + وكالات
|
Post: #42
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-24-2009, 07:30 PM
Parent: #41
من يصدق ان وزير الخارجية القطري
قد جاء للخرطوم لتجديد الدعوة للبشير
فقد قال بعضمة لسانه ان بلاده تواجه ضغوطا
دولية ولكنها تحترم المجتمع الدولي وتحترم
ايضا البشير حسب ما قال
يعني المسالة اصبحت في غاية الوضوح يا البشير مرحبا بك
اذا جئت لكن مجئيك حيحرجنا والامر متروك لك
|
Post: #43
Title: Re: قطر للبشير : لا تغامر بالحضور
Author: الشامي الحبر عبدالوهاب
Date: 03-24-2009, 09:12 PM
Parent: #42
تاكيد الحكومة السودانية علي
ان موضوع سفر البشير لفطر لا
زال تحت التقييم يعني ان زيارة
الوزير القطري ليست في جوهرها لتاكيد الدعوة
|
Post: #44
Title: Re: قطر للبشير : لا تغامر بالحضور
Author: رؤوف جميل
Date: 03-24-2009, 11:59 PM
Parent: #43
الاخ ابوساتدرا
إذن الإنقاذ مافيها أي
تحياتى........كتبت
؟
[
Quote: لا زال هو صوت العقل في الانقاذ
الحالة دي ؟!عقل
ثم
نحن خلاص رجعنا مربع الإنقاذ
وراحت حيكومة الوحدة الوطنية شمار في مرقة
]بالله انت كنت مقتنع ان هناك حكومة وحدة وطنية
عشان كده عامل فيها زايغ ومع الضبابية يا ضبابى (0اصطلاح جديد)
|
Post: #45
Title: Re: قطر للبشير : لا تغامر بالحضور
Author: أبو ساندرا
Date: 03-25-2009, 05:22 AM
Parent: #44
يا رؤوف جميل يا جميل
قلت لي ضب بابي !
سيبنا من دا
عندي ليك شمار فواح
أخسر ليك كم دولار وإتصل
مابتخسر.
|
|