أبناء المغتربين ( ضياع وشتات فكري)

الترحال من النشاطات الطبيعية لكثير من المخلوقات الارضية , ويكاد يكون سنة ,
حياتية درجت عليها هذه المخلوقات تشكل السمات والملامح الرئيسة للغالبية

العظمي من سكان كوكب الارض .


والهجرة حسب التعريف العلمي لها تعني ظاهرة التنقل من بلد الي بلد اخر , او

أبدال البيئة بأخري جديدة , وتطويع الامكانيات الايكولوجية والطبيعية , لخدمة

الانسان ان عنينا البشر في تناولنا للمشاكل , وهي عكس النزوح الذي يعني ظاهــرة

التنقل من مكان الي مكان داخل البلد نفسه , دون الحوجة الي عبور الحدود ,

والسفر الي البعيد او الدول الجارة .


واذا كنا بصدد التطرق للاسباب الحقيقة التي تدفع الناس للهجرة , نجد ان

الاسباب تتركز غالبا في سبل البحث عن لقمة العيش و تحسين المستوي الاجتماعي

, ولكن لايخفي عليكم ان هناك عدة دوافع اخري مثل الاضطهاد السياسي والعرقي

والديني , والهجرة القسرية بسبب الابعاد او النفي , اذا كان المهاجر صاحب

نشاطات سياسية معادية للنظام الحاكم في الدولة الام . اما النزوح فيختلف تماما

في عدة ابجديات اساسية , وان ظل الجانب الامني قاسم مشترك في الجانبين ,

ولكن النزوح غالبا يكون بسبب الحروبات الاهلية , والمجاعة , والتصحر , و

نضب الموارد الطبيعية اللازمة لايجاد بدائل , تمكن السكان من التعايش

السلمي مع البيئة , لتصبح طاردة غيرملائمة لحياة بشرية كريمة , ايضا يبرز

حق اللجؤ السياسي كطرف مؤثر في القضية , لان الاثر قد يمتد الي المدي البعيد

طالما ظل النظام الذي تسبب في هذا الابعاد متشبسا بمقاليد الحكم.


كل هذه العوامل مشتركة اجتمعت لتشكل ملمح جديد لخلية سكانية, اوجيل اخر فاقد

الهوية , مستلب فكريا الي المجتمع الجديد , ولا يقبل التصالح مع فكرة

الوطنية , ويرفض وجدانيا مجرد تناول الامر ووضعه في طاولة طرح موضوعي ,

وحتي المبررات تاتي واهية وضعيفة , والمسوغات لاتمت الي العقلانية بصلة.

تفرز ظاهرة الهجرة عدة سلبيات وايجابيات احاول ان أتطرّق لها في معرض

حديثي بدون مغالاة او أسهاب ,وأجملها في عدة نقاط وابدا بالناحية الايجابية

فالهجرة سبب أساسي في رفع المستوي المادي والفكري نتيجة للتفاعل الفعال

,والانصهار مع البيئات الجديدة , واكتساب الخبرات , وتطوير الاداء , مما

يكون له بالغ الأثر في دفع عجلة العملية الابداعية والتنموية في حالة

العودة الي الديار, وزرع الخاصية الابتكارية في الذهنية المتبلورة من الاحتكاك المباشر مع اناس

بعقليات فزّة وجبّارة, يكون تأثيرهم مباشر وفعال .

أما تتمثل السلبية في اصطراع الحضارات , والتهميش العمد لموروثات وقيم

وعادات وتقاليد الوطن الام , والانحلال والتفكك الاسري , واتساع الهوة بين

الابناء وارباب الاسر ,وتهديد فكرة الوطنية , ونشؤ بيئة مثالية للدوس علي

تراث الاجداد ,وركل المبادئ , وتفشي الظواهر الشاذة , والاخلاقيات المتمردة

علي سلطان الرقيب الاجتمـاعي ,وضعف الوازع الديني ,في اغلب الحالات.

السبب الرئيس الذي دفعني للكتابة في هذا الموضوع نتج عن احداث واقعية ,

وحالات مرت علي وعايشت احداثها , ومعظم حلقات السيناريو هذا , كانت من

قبل اصدقاء عزيزين تعرفت عليهم عن طريق الانترنيت , من الجنسين وكلهم

شباب في مقتبل العمر , او فيهم الذي بالكاد تخطي عتبة المراهقة , وانا

علي فكرة ,انسان حنين الي ابعد الحدود , ولست بصدد الحديث عن نفسي , ولكن

عندما كنت اسأل هؤلاء الاصدقاء , عن السودان , صدمتني أجاباتهم, ولاحقا

سأفرد مساحة لاّراءهم واقوالهم.

وايضا في تجربة مرت علي وانا في السودان , أذكر فيما أذكر , ان لي

قريبة , كانت تعيش مع زوجها وابناءها , في دولة غربية , واني أظنها

بريطانيا , ان ظلت الذاكرة كهاتيك الايام الخوالي , عندما كنت احفظ

جدول الضرب من طراز اثني عشر في اسبوع فقط , وكان انجازا بكل المقاييس ,

فأخوكم كان من النابغين في الرياضيات , لدرجة انني في مرة من المرات ,

تمكنت من حل جميع المسائل في الواجب المنزلي , وكانت لي اربع اخطاء فقط ,

من مجموع ست !!!!.

قريبتي هذي, كان لها أبن يصارع في أحلام المراهقة , ويمني نفسه , بفتاة

الاحلام , عندما أقتلعته الاقدار فجأة من عاصمة الضباب لتلقي به , بقدرة

قادر في أحد احياء الخرطوم , بدون اي سابق أنزار وجد نفسه من( تين داوننغ

استريت ), مقر الرئاسة ومنشأ قصـر (باكنجهام) حيث كانت تقيم المرأة الحديدية (مارغريت

تاتشر ) في خريف حكمها , الي التسكع في أزقة الكلاكلة الضيقة ,.. والمراهـق

هذا وجد نفسه في زمرة من امثاله يحملون نفس الداء , ولكن يفوقونه في

أمكانية الحنك السنين , والونسة الدقاقة ,... طيب (مجيب )الان تعرف علي بنت

الجيران التي هي في نفس سنه تقريا , لم يتعرف عليها بالمعني المعروف ,

ولكن أصبح يردد اسمها ,( هنان ) وضاعت ملامح حرف الحاء , وأظنه اجتهد كثيرا في سبيل ذلك, وصراحة كتيرة منو ,

باقي الشباب ما مقصرين الجكس كلو معاهم , وبمشوا قاعة الصداقة ,وحدائق

جكس ابريل ,لكن( مجيب البومة) , مافي طريقة يمشي , ولكن لماذا يا تري !!؟؟

السبب ان الاخير, لا تتوفر لديه أمكانية الاندياح العاطفي المكثف , يعني يبكي بس

!!! ومن بعيد لي بعيد , صراحة .. الشافعة مكسرة فيه , الود ما خلي ليه وجاهة

في الدنيا دي ما كباها في وشو , بس في النهاية ,( هنان) زهجت , (فاتن )عندها

حبيب ,( وندي )بتجيها جوابات ,( وميادة الشقية ), ألقي القبض عليها , وهي

تقبل وردة حمراء اتتها من فلان ود الصحافة , وتناولت الصحافة المحلية

الخبر , لكن مجيب لا حياة لمن تنادي , وخشمو ما قادر يفكو ,..اماانا بحكم تمرّسي , ادركت حقيقة الاشكالية,!!

الود ما قادر يوصل الحنان !!,تطوع العبد لله بأدخالها الي معهد حبيب نورة

للدراسات العاطفية قسم بنات الجيران , انا بوم في الانجليزي , ومجيب مشكلة

في عوجة اللسان , احتضنته ,وهو لم يكن يخاطبني الا بي !!hey nigga u fine

والحمد لله اتخرج بتقدير جيد جدا, وفاجاني عندما لمحته في الشارع وهو

يحيي الجمهور قائلا , هوي يا فرد شنو يا معلمين الليلةالطرب وين ياحلوين!!!!

أما انا فتم الاستعانة بي لتقديم النشرة الانجليزية في تلفزيون السودان!!.

أجريت ما يشبه أستطلاع الرأي لكي أقوي الفكرة, وأبعدها من شراك التنظير

,والجدل العقيم , وكانت أبرز نتائجه ,حقيقة أتساع الهوة , بين الشجرة

والفروع , والنهر والرافد , امّا الجزور فأكيد انا أنها اجتثّت تماما ,

ولكي أنحي قليلا عن التطويل الممل , سأتطرّق الي بعض النمازج فمثلا سألت

E M التي قالت :


Living in USA is different from living at Sudan or other place cause USA

in evrey one eyes DREAMS COME TRUE .Life is good ,nice house , nice

Car ,etc but these are all material things .Living here has changed me

so much . I honsetly have a a daily conflict with my self ,at first I would look at

Americans and say we will be a good freinds and I will always reamin the same sudanese girl,but when I slowly relaized

that I was being molded into American my self


اها يا بنت الناس ‍‍‍‍‍؟؟ السودان موقعوا وين جواك ؟ قالت لي :السودان دة قصتوا

كبيرة لكن سوري خليني اتكلم ليك بي الانجليزي ممكن اقدر اوصل ليك احسن:

SUDAN MY NATIVE COUNTRY I would like 2 go back and visit family members

ALSUDAN hilo be ahlo but they are out , Iwould probably not go back 2 SUDAN


هذه ابرز النقاط في حديث الاخت التي تدرس الطب في أحدي الجامعات الامريكية

وغادرت السودان في الثانية من عمرها

وانا في طريقي لتسجيل الخروج من المسينجر ,تدخل

علي f بصوتها الجميل , وكان لي سابق موعد معها للحديث حول هذا الموضوع

, فقالت لي في فجائية وسرعة:

sudan is my home land where Iwas born ,and spend my childhood,,,I love this country called sudan ,,,and im proud to be sudanese


وعجبني الكلام شديد , ولكن ايضا لها موقف سلبي من القضية , مع توفر

المبررات , لكونها خرجت من السودان في الرابعة من عمرها , علي ما

أعتقد , وايضا امها من دولة عربية أخري جارة , وقالت لي ايضا:


I grow up in this country and I fnd my self belong to here ,,,I found the freedam I always looking for ,,so that why I found it difficult for me to go back home ,,iknow


وانا في هذا التطواف الممتع ,تشئ لي الظروف بالتعرف الي أختي الاخري

وهي اختي التي لم تلدها امي (سودانية) مدهشة هذه البنت الاصيلة , بنت

البلد , التي تربت في امريكا ولكنها ماذالت تحتفظ , بكل روعة النيل

وريحة التراب لم تفارق أنفها الذي لا يشتم الا ريحة الوطنية , وهكذا هن

بنات بلدي , رجعت سودانية للسودان لكي تكمل دراستها هناك , بكامل رغبتها

وأرادتها , وحدثتني من السودان , وحقيقة شعرت بالفخر الشديد , وكادت دموعي

ان تسيل تأثّرا ,وأذا كان بنات السودان مثلها , لفضلت النساء علي الرجال ,

وانا والله أعتزّ بأنها اختي , ومثل ما هي لاتسعها الفرحة وهي وسط أهلها,

انا نفسي اجد نفسي مشلول القلم , ولا استطيع ان أصف شعورها وهي في مطار

الخرطوم , تلامس قدماها ارض البطولات وارض التضحيات. وانا في دوامة أفكاري , تزكرت الشاعر الكبير , نزار قباني حين قال:

أنسوكم حتي التــأريخ وحتي القيم العلوية

أسفي ان تخرج أجيالا لا ترف معني الوطنـيـة

وتظل حركة البشر مستمرة , وتظل الهجرة تسطو علي فلزات اكبادنا , ونحن

بين أمل أستعادة ابنائنا , وخوف ضيـاع هوية مستقبل شعب يتطلّع للانطلاق

الي اّفـاق العلـيـاء , في صراع مرير وممتد , وفي النهاية يظل السودان

هو السودان , وان عادوا او ظلوا علي هجرانهم , يظل السودان هو الوطن

وهو المأوي الاخير , وسيرحب بهم ويمد أيهم ايادي الشوق , محتضنا , وانا

سأقف اجلالا لهذا الوطن , فهلا وقفتم معي ؟ اظن أنكم فاعــلون



SEAZON OF THE MAGIRATION TO THE NOTHINGNESS

وهذا حديث snow
وغادرت السودان في الثانية من عمرها .امّا ANGEL , التي تقيم في سويسرا

ولحظة حواري معها كانت في هولندا ,سودانية هجين من ام اريترية واب سوداني

الثائرة علي الوضع في السودان , فكان الطرح حقيقة ممتعا للغاية , وتناولت

مع مجالات عديدة , ولكنها باغتتني ,وتلاشي جواي شعورها الوطني, مهاما كان

أتجهاهها الفكري والسياسي , وجدتني امام أنثي تجدع التوب السوداني ,و

وتعتبر الطرحة مجرد قطعة قماش تنتمي للتراث , وتتّبني ثقافة البوي فريند‍‍‍‍‍‍‍

وتفاخر بانها لامنتمية , حتي انها صرحت بكراهيتها للشعب السوداني من باب

انه شعب تقليدي , وغير قابل للتطوير ومسايرة العصر ,وهي الان تعيش في

سويسرا ولها عدة نشاطات تجارية وسياسية كبيرة , وأيضا عرفتني

علي عشيقها ودون جوانها , وكازنوفا العصر , الذي كان سوداني من نفس العجينة ,وسمعت منه أيضا رأيه,

وسط دهشتي وزهولي , وانا رميتها بتهمة التخلي عن السودان والقيم والمبادئ

قالت لي :like what to have boy friend and have a sex with him . yes

I am an woman and I have my needs وحقيقة المرأة قلبت الطاولة في وجهي

وخلتني ليك داير أموت من الخلعة عديل كدة

سأواصل سرد بعض النمازج

........... سنعود....

نواصل
.......
وانا بحاول ألملم أطراف القول
قلت أفك البلوك كمان من مجموعة من بناتنا و أولادنا في الخليج
و أهو برضو ناخد رأيهم شوية
و أول ما فكيت الحظر من ( هنوف) ولاحظ الأسم
حبييييبو
فينك يا راجل ؟
يا بت الحلال انا ما قلت ليك ما تتكلمي معاي باللهجة الخليجي دي!
ياشيخ والله وآحشني موت
يابت يا بت انا راجع السودان قريب
بالمناسبة انتو ليكم كم مانزلتوا أجازة؟
يوووووووه من سنة ألف وربعمية وتلتاش ألين دحين
يا أبويا ويش نبغي في السودان الحمد لله هنا مبسوطين وكل شي متوفر
حبيبو بالله تكفي أرسلي غنية الرويشد أنا مو ولهان انا أنا دنيا من
الوله راحتها بايديك...!!
يا بت انا ما عندي غنية للرويشد في ماي بي سي!!
أرسل ليك غنية رسلها لي صاحبي أبنوسي للفنان صالح الضي؟
أيش أيش أيش؟؟؟!!!!
لا والله ما أبغي
يا سبحان الله...!
يا بت أمي عليك الله شبهك دة شبه الرويشد
البت تقول جدها العباس وخالها جساس
مشاء الله عليها قايلا نفسها من سلالة النبي
الله لا كسبها بركة
حبييبو حبييبو
وانا عملت فيها ما سامع حاجة وعملت ليها واحد بلوك محترم يليق بي
مكانتها الخليجية الرفيعة.


سنواصل لاحقاً

واااااااي
الجماعة عايزين يعملوا لي شلل نصفي
انا الخلاني أعمل أنضام للمحادثة شنو هسة
يا بت الناس هسة انتي انا لي ساعة بحنس فيك عشان تشغلي الويب كام
ولمن شغلتيها جيتي لابسة النقاب
طيب الجدّ شنو عشان تجيني هسة أم فكّو؟؟
صديقها النصف سعودي النصف سوداني
من أولاد التاشرات
من مواليد التعوسية
وهي مقيمة في البحرين
ظهرت لي أول مرة في زي حضر الرياض
لكن منقبة تماماً
وفي لحظة واحدة بعد ما عرفتني بي صديقها دة
الجماعة بقوا يعملوا في عمايل
الله وكيلك يمنعني حيائي الأسفيري من زكرها
أستنفدوا المخزون الأستراتيجي من طاقتي خالص خالص
سألتها....!!
يا بت الناس دة كلام شنو البتعملي فيه دة
قالت لي انت ما عصري واللا شنو؟؟
آآآي انا عصري لكن العرض دة المفروض يكون حصري
ما تقومي تجيبيه لي في قناة الجزيرة و يسمعوا بيه ناس المستديرة
أدتني ليك أحساس بي فهم غريب جداً للحداثة
دين الحداثة زاتة يا حبيب
وسبع البرمبة صاحبها
ود مايع و صايع و ضايع
متفق معاها تماما
وقطع شك لو عندوا أمكانيات كان صمم ليها صفحة في النيت
أسمها بحرين هوت قيرل دوت كوم
الله لا كسبهم بركة ديل
عملوا لي أستدعاء فوري لما فوق الصبر علي الطاقات الحبيسة جواي
و علي طول فكرت في المخارجة
مع أني عارف مغبّة التوّلّي حين الزحف!!!!
هو لكن زحف ساكت؟؟؟
دة زحف علي رمال مخملية.....!!!!!!!!!!

الأخ حبيب نوره:

سعدت جدا لتناولك هذا الموضوع المهم ,
اسلوبك شيق وفكاهي..

أري أن السوداني أسرع الناس انسلاخا عن هويته متي ماتسني له ذلك,
خليك من أبناء المغتربين.
المغتربين زاتهم بيذوبوا بسرعه غريبه في المجتمعات الأخري..
عشان كده فرص اننا نمشي لقدام ضعيفه...

أغلب الدول الناميه بسرعه, تمكنت من التقدم بنجاح بفضل التشبث بالهويه والثقافه,,,
المصريين كمثال لديهم حب للوطن والمفاخره بهويتهم يدعو للاعجاب بالرغم من أن ظروفهم المعيشيه خانقه وطارده لهم..
الصينين أيضا مثال مدهش لحب الأوطان والتفاخر بالهويه, ارثهم الثقافي القديم هو أساس لأي حداثه أو تطور ساري في البلاد..
وهذا بين حتي في الدراما التلفزيونيه, أو البرامج الثقافيه والاعلاميه.
والصيني الذي تلقي تعليما أو وظيفه خارج وطنه لا يهدأ له بال حتي يعود ويفيد بلاده بطريقة ما ...

الضغوطات الاقتصاديه داخل السودان لا يمكن أن تكون سببا في تخلينا عن قوميتنا..
لا سبيل لأي نهضه بعيدا عن احياء روح القوميه والغوص في ثقافتنا وتراثنا,,
لدينا حضارات عمرها الالف الاعوام, انسلاخنا عنها لن يزيدنا الي تيها في البلدان,
وليس من العقل أن ننتظر تحسن الأوضاع للعوده, فهي لن تتحسن بمفردها..

الموضوع كبير وتاني حأجيك فيه راجعه انشاء الله...
تحياتي,,

أماني
تشكرات أفندم
فعلاً مداخلة ثرّة و مميزة
حلوة مميزة دى
هو في مداخلة غيرا؟؟

اسأليني تاني!

حبيب نورة
تحياتى
انصات واستمتاع ومتابعة لهذه الدراما الواقعية رغم ما تحويه من سلبيات قاسية هى نتاج لفقدان الهوية والانتماء لابناء المغتربين....ربماهذا نتاج طبيعى لهؤلاء الابناء خصوصا الذين خرج اباءهم مقهورين او مغبونيين من السودان
لكن الامر الغريب والعجيب ان فى مصر القريبة دى هناك العديد من هذه النماذج
واصل السرد
ونحن المتابعة

أخينا
اول حاجة تسلم علي المرور
وتسلم البطن الجابتك
وعشان ما أقوم أخش في تفاصيل تعكس حالة كوننا أتعرفنا علي بعض من شوية
ونأكد سياسة تكسير التلج الكيمانية
في السقط دة
انا لسة ما لحقت أتعرف علي نماذج من مصر
لكن برضو ملاحظ حاجات كدة من السودانيين المقيمين هنا
غيتو في ناس كدة يا ريت لو كانو راكبين الباخرة عشرة رمضان
كانو عملوا فايدة في البشرية
دة غير قضية انا هذتني شديد
قضية المتاجرة بالأعضاء البشرية وخسوساً ( الكلي)
يا زول دة موضوع خطير جداً
انا شغال فيه بالكُركي
بين قوسين بي تحت تحت
دة طبعاً حسب قاموس اللهجة الرندوكية
للبروف حبيب نورة الشريف قاسم
في مداخلة جات عبر الأيميل كدي خليني أجيبا هنا

شكرن كتيرن!

بي الأيميل
وصلتني رسالة و ح أنشر ليكم النص بالكامل
الأستاذ حبيب نورة
تحية طيبة
في الحقيقة انا أطلعت علي موضوعك في سودانيز اون لاين
وبالرغم من انك حاولت تناقش المسألة
لكن ما قدرت تكون حيادي
انا شايفاك متحامل كتير علينا
طبعا انا مولودة ومقيمة في لبنان
لأنو من خلال متابعتي لي كلامك وقصصك في سودانيز
انت ما الزول البقول الكلام دة
عشان كلامك بشبه لي كلام الجرايد والوعاظ
يعني معقولة يا أستاذ تكون انت ضدنا
بالطريقة دي
أساساً انا ما مقتنعة أعيش في السودان ولا بنفع معاي
بكلم جدو وحبوبة كل فترة بالتلفون
وفي المسينجر يعني ما مقاطعاهم
لكن برضو ما عندي أستعداد أنزل للسودان
الشغلة محتاجة مصاري ومحتاجة أجراءات وكلام كتير
الحياة في بيروت جميلة وعصرية
المهم انا حاولت اوصل ليك وجهة نظري
و بوعدك اكتبت ليك مرة تانية
يلا سلام
mido

لاتعليق!!!

صباح الخير وجمعه مباركة يا المسخوت
شايفك دفرت عواطف إدريس وقعدت في مكانا !!

تخيل يا حبيبا كلامك منطقي لابعد الحدود
والقصص والحكايات اللي بنسمعا هنا في السعودية
والرياض تحديداً تشيب الراس مع إنو الراس شاب من زمان
لكن وضعت أصبعك على مكان الجرح والذي ارى انه لن يندمل
ابداً .
ياخي والله في ضياع لا يمكن لكل مفرادات اللغة العربية وصفه
شباب في عمر الزهور يتعاطون المخدرات والمسكرات عياناً بياناً
لم اكن أعلم بكل هذه الأشياء إلا عندما دعاني أحد الأصدقاء لحضور
حفل أحد أقربائه .
في ذات الليلة كنت معه عندما طلب منه إحضار بعض العازفين الذين
تعطلت سيارتهم في الطريق العام , ونحن خروج شاهدت كميه هائلة
من الشباب تتراوح أعمارهم بين الرابعة عشر والثلاثون وهم يتسكعون
ويتمايلون ليس طرباً وإنما من أثر السٌكر والمخدرات لا تربطهم
بالموسيقى إي رابط وسألت متعجباً لماذا لا يشاركون الناس بالداخل
فقال لي هم في الأصل غير مدعون لهذه الحفلة ولكنهم يتخذون من
الحفلات غطاء وساتر لممارسة هواياتهم في كيفية تعاطي المسكر
وكذلك بيع الممنوعات بكل أشكالها .

حبيب نورة ما قلت لي جاي السعودية وينا جيتك يا المسنوح ؟؟

ya man
really i love u
mafi arabic

هشومي القبيح
كيفك يا عسل

Quote: في ذات الليلة كنت معه عندما طلب منه إحضار بعض العازفين الذين تعطلت سيارتهم في الطريق العام , ونحن خروج شاهدت كميه هائلة من الشباب تتراوح أعمارهم بين الرابعة عشر والثلاثون وهم يتسكعون ويتمايلون ليس طرباً وإنما من أثر السٌكر والمخدرات لا تربطهم بالموسيقى إي رابط

وهي لو جات علي كدة ما مشكلة
قبل فترة قابلت مجموعة شباب من الجنسين
في القاهرة
انت عارف بيشتغلوا في أيه؟؟
سماسرة أعضاء بشرية زي الكلي وغيرو
وبسموا العملية دي الأنجاز
يعني يقولوا ليك لسة ما أنجزتش!!
لا يا عم لسة ما أنقزتش!!

الأتجار في الأعضاء البشرية يا عيال كايرو
دة كلام شنو يا جماعة؟

بصراحة بتكيف شديد من طريقة كتاباتك

واصل الموضوع حيوي و مهم , قبل كده واحد كتب موضوع مشابه في منبر مجاور

و تحدث تحديداً عن سلوك ابناء مغتربين الخليج قمنا كتبنا ملاحظاتنا عن سلوكم

فترة تزاملنا معهم في الجامعات و تعال شوف المغتربين عملوا فينا شنو

المشكلة انه نحن بدل ما نطرح مشاكلنا بصدق بنقعد نهرب منها المهم واصل

تسلمي يا سناء
أول حاجة نقدر نقول أصل الأشكالية في التربية الغير سليمة
وانا ما عايز أقول قلة أدب أو خلافو
لكن في ضوابط كدة الواحد ما بتجاوزا
شوفي
أنا عندي خالي قال لي
يا مان كونك تكون صعلوك أحسن بي مليون مرة من تكون قليل أدب
الفرق أنو الصعلوك بعرف محل يتصعلك
لكن قليل الأدب ولا يهمو
أها ديل عيال ...
في حاجات كدة جاتني في الأيميل
من واحدة رسلت لي قبل كدة عن نفس الموضوع
وواحد تاني كلامو غريب كدة

سنعود

شكرن كتيرن!

في القاهرة ظهرت حاجة جديدة
بتتمثل في العصابات المسلحة بالمطاوي والسكاكين
وموية النار و العصي و السلاح الناري
ديل بقومو بعملية مراقبة لي شقق السودانيين غالباً
و بعد فترة بعملوا مداهمة
و بستخدموا فيها قدرتهم العالية في ممارسة الأرهاب
و بقلعوا الناس حمرة عين
وعلي عينك يا تاجر
وأتكلمت مع واحد
قال دة مصدر الدخل الرئيسي ليه
بالله شوف!