Post: #1
Title: توتى .... بالكوبرى
Author: ناهد بشير الطيب
Date: 03-17-2009, 08:05 PM
Parent: #0
سيتم افتتاح كبرى توتى فى تمام الساعة الرابعة
عصر يوم السبت القادم 21 مارس 2009
وبذلك سيكون بنطون توتى ........قد لحق بترام امدرمان ......
وعن ام درمان كماقال الراحل خليل فرح .....
الطريق الشاقى الترام كذكرى اثيرة .......
فهل سيصبح للنهر الذى يشقه البنطون ذكرى مثل تلك
ومبرووووووك لاهالى توتى هذا الانجاز العظيم
|
Post: #2
Title: Re: توتى .... بالكوبرى
Author: ناهد بشير الطيب
Date: 03-17-2009, 08:07 PM
Parent: #1
هل لافتتاح الكوبرى تاثيرات على توتى ومجتمعها
باعتبار ان اهل توتى كلهم اهل لبعضهم البعض
فهل سيؤثر هذا فى النسيج الاجتماعى وجذب اخرين
من خارج توتى للسكنى بها ......
|
Post: #3
Title: Re: توتى .... بالكوبرى
Author: ناهد بشير الطيب
Date: 03-17-2009, 08:10 PM
Parent: #2
هل سيقصدها اخرون للسكنى بها
وهل ستكون جاذبة للمستثمرين
فى مختلف المجالات كالفنادق والمطاعم الى اخره
وماذا عن مستقبلها السياحى وبالتاكيد ستكون منتجعا
ووجهة للرحلات التى ينظمها الطلبة والاسر لقضاء بعض الاوقات
هناك
|
Post: #4
Title: Re: توتى .... بالكوبرى
Author: ناهد بشير الطيب
Date: 03-17-2009, 08:13 PM
Parent: #3
وماذا عن تاثيرها على حركة المرور خاصة وان الكبرى
سيكون مزدحما لمن يقصدون توتى فى غديهم او رواحهم
وماهى الترتيبات التى تمت بخصوص ضبط الحركة وكيفية انسيابها
|
Post: #5
Title: Re: توتى .... بالكوبرى
Author: ناهد بشير الطيب
Date: 03-17-2009, 08:17 PM
Parent: #4
|
Post: #6
Title: Re: توتى .... بالكوبرى
Author: ناهد بشير الطيب
Date: 03-17-2009, 08:19 PM
Parent: #5
|
Post: #7
Title: Re: توتى .... بالكوبرى
Author: ناهد بشير الطيب
Date: 03-17-2009, 08:20 PM
Parent: #6
|
Post: #8
Title: Re: توتى .... بالكوبرى
Author: نوفل عبد الرحيم حسن
Date: 03-17-2009, 08:23 PM
Parent: #6
وناس المعديات والمراكب يمشوا وين ؟
شايل همهم والله
مبروك لاهلنا في توتي
ونتمني يكون خير عليهم
سلامات استاذه ناهد
|
Post: #9
Title: Re: توتى .... بالكوبرى
Author: ناهد بشير الطيب
Date: 03-17-2009, 08:34 PM
Parent: #8
Quote: وناس المعديات والمراكب يمشوا وين ؟
شايل همهم والله
|
سيجدون حظهم بالتاكيد
مع السائحين والزوار
من خلال الرحلات النيلية ......
شكرا يااخ نوفل وتحياتى
|
Post: #14
Title: Re: توتى .... بالكوبرى
Author: Abdelmuhsin Said
Date: 03-17-2009, 08:51 PM
Parent: #8
الاستاذه ناهد تشكرى على البوست الجميل وناس الانقاذ ماشالله عليهم
فى الكبارى ده تب ما قصرو . بس عله بدور اسعلك , عندنا ودعم لينا
كان عندو معديه فى توتى ليه كم شهر النوم غالبو عشان كبرى الجن الوقف حالو ده .
الزول يا دى كان فى امانتى الله فى اليوم ال150 -ال200 جنيه بالجديد طبعا ده شى عادى فى اليوم
يازوله اقول ليك حاجه قروش السجم الاسمو النت ده بدينى ليهم هو .
ها هسع الحل شنو يا أختى محل ما نقول نمشى تتقفل علينا هسع انا عاوزك تضامنى معاى فى محنتى ده .
|
Post: #19
Title: Re: توتى .... بالكوبرى
Author: ناهد بشير الطيب
Date: 03-17-2009, 09:08 PM
Parent: #14
Quote:
الاستاذه ناهد تشكرى على البوست الجميل وناس الانقاذ ماشالله عليهم
فى الكبارى ده تب ما قصرو . بس عله بدور اسعلك , عندنا ودعم لينا
كان عندو معديه فى توتى ليه كم شهر النوم غالبو عشان كبرى الجن الوقف حالو ده .
الزول يا دى كان فى امانتى الله فى اليوم ال150 -ال200 جنيه بالجديد طبعا ده شى عادى فى اليوم
يازوله اقول ليك حاجه قروش السجم الاسمو النت ده بدينى ليهم هو .
ها هسع الحل شنو يا أختى محل ما نقول نمشى تتقفل علينا هسع انا عاوزك تضامنى معاى فى محنتى |
البحر بيشيل عوامو لكن مابيشيل رزق زول
موية النهر بتسع الجميع من مراكب ومعديات وناس وصيادين وسمك
وماتنسى انه برضو موية النيل بتشقى مع الشقيانين وتجرى مع الجارين
وبتشيل المراكب والبواخر والمعديات والسمك والعوامين
وماوقفت يوم قدام شباك صراف وماكتبت على حيطان الضفة
الناس الاستلفوا منها قروش ورغم التعب والجرى وغسيل الضفاف
بتتجدد كل صباح
واعرف
انه عندها صفحة لكن مابتنوم عليها
تشكراتى
تحياتى
|
Post: #10
Title: Re: توتى .... بالكوبرى
Author: ناهد بشير الطيب
Date: 03-17-2009, 08:37 PM
Parent: #4
هل نثقل على كتفى النيل بكل هذه الكبارى
فهذا الذى يجرى بسر الحياة والخلود قادرا
على حمل كل هعمومنا و ( كبارينا )
|
Post: #11
Title: Re: توتى .... بالكوبرى
Author: ناهد بشير الطيب
Date: 03-17-2009, 08:42 PM
Parent: #10
عبور النيل تحت شمس النهار يعنى تفاعل احلامنا
الخارجة عن سيطرة الاتجاهات التى تحدد علاقة المياه بالتربه
والتربه بالوردة
والوردة بالانسان
فهل يمكننا ان نضع سلما لنرتقيه.... لنقطف وردة
وبالتالى هل الافضل ان نعبر النيل مشيا على الامواج
ام تقافزا على كوبرى
|
Post: #12
Title: Re: توتى .... بالكوبرى
Author: ناهد بشير الطيب
Date: 03-17-2009, 08:46 PM
Parent: #11
يقال ......
ان مياها تجرى تحت الجسر لكنها امواج ازعجها وجود سقف
من الاسفلت فهى من كانت تسكن تحت الجسر
قبل ان يعلق الزمن على سقفها جسرا
|
Post: #15
Title: Re: توتى .... بالكوبرى
Author: ناهد بشير الطيب
Date: 03-17-2009, 08:51 PM
Parent: #12
يقال ......
ان فمى به ماء ......
المياه لاتملا الحديث
انما الحديث هو الذى يملا المياه من انسيابها العذب
ويجردها من عنصر الهيدروجين الصالح لمعادلة كيمياء الخلود
نحن نعتدى على حبيباتها ثم نلومها على ترسبها فى
قاع امعاء الصخر.....فللمياه قدرتها على جرف مواقعنا
المنحوتة من عظام الياس ...
|
Post: #17
Title: Re: توتى .... بالكوبرى
Author: ناهد بشير الطيب
Date: 03-17-2009, 09:00 PM
Parent: #15
وللانسان وطنه
فالانسان كائن مرتوى حد الظما
وبعض من الانسان لن يرتوى
وان جرى نهر فى امعائه
الانسان هو القادر على تشكيل الوطن
والوطن جغرافية ومكان
فلنسال تلك الاقمار الفضية ان سمحت لنا
بعبورها نحو مقر
اقامة الصباحات الجديدة
|
Post: #18
Title: Re: توتى .... بالكوبرى
Author: ناهد بشير الطيب
Date: 03-17-2009, 09:01 PM
Parent: #17
ملحوظة
الجسر ليس فقط مايربط بين ضفتين لكنه من يربط بين الانسان
ودواخله لذا فكما تلاحظون قد اسرتنى تلك الخواطر فاثرت كتابتها هنا
|
Post: #13
Title: Re: توتى .... بالكوبرى
Author: هند محمد
Date: 03-17-2009, 08:47 PM
Parent: #10
العزيزة ناهدالتحايا..
مبروك لاهالى توتى هذا الانجاز ..
من المؤكد أن التغيير للأفضل قادم نحوهم وبقوة
أقلها ستزول معاناتهم اليومية مع المعديات وانتظارها واعطالها الكثيرة
كما أن قيمة الاراضى والبيوت سترتفع فى تلك المنطقة شأنها شأن مثيلاتها حول الكبارى
والكوبرى من شأنه ايضا زيادة الاندماج والتواصل بينهم و سكان مدينة الخرطوم
بلاشك عزيزتى القادم أفضل بأذن الله لهم
مبروك لاهالى توتى وشكرا للمساحة الطيبة..
|
Post: #16
Title: Re: توتى .... بالكوبرى
Author: بشير أحمد
Date: 03-17-2009, 08:58 PM
Parent: #13
الاخت /ناهد
تحياتي ؛؛؛
انجاز كبير لسكان توتي اتمني لهم مزيد من التقدم.
اغرب حاجة الي الان لم ادخل جزيرة توتي ؛ومعظم دراستي وعملي كان في الخرطوم.
فرصة جيده في الاجازة ازورها.
|
Post: #24
Title: Re: توتى .... بالكوبرى
Author: ناهد بشير الطيب
Date: 03-17-2009, 09:37 PM
Parent: #16
Quote:
انجاز كبير لسكان توتي اتمني لهم مزيد من التقدم.
اغرب حاجة الي الان لم ادخل جزيرة توتي ؛ومعظم دراستي وعملي كان في الخرطوم.
|
لهم كل الود والتقدير .....
واجازة سعيدة ودخول لتوتى بالعربية ...
تحياتى
|
Post: #20
Title: Re: توتى .... بالكوبرى
Author: ناهد بشير الطيب
Date: 03-17-2009, 09:14 PM
Parent: #13
كتبت هند محمد
مبروك لاهالى توتى هذا الانجاز ..
من المؤكد أن التغيير للأفضل قادم نحوهم وبقوة
أقلها ستزول معاناتهم اليومية مع المعديات وانتظارها واعطالها الكثيرة
كما أن قيمة الاراضى والبيوت سترتفع فى تلك المنطقة شأنها شأن مثيلاتها حول الكبارى
والكوبرى من شأنه ايضا زيادة الاندماج والتواصل بينهم و سكان مدينة الخرطوم
بلاشك عزيزتى القادم أفضل بأذن الله لهم
مبروك لاهالى توتى وشكرا للمساحة الطيبة
_________________-
الاخت هند محمد
شكرا لك على الاضاءة وتوقعاتك بنماء جزيرة توتى
واتمنى ان يتحقق لاهل توتى كل ما نتوقعه من نهضة زراعية
واستثمارية وسياحيه فهم يستحقون كل خير
تشكراتى وتقدير لك يارائعة
|
Post: #21
Title: Re: توتى .... بالكوبرى
Author: ناهد بشير الطيب
Date: 03-17-2009, 09:19 PM
Parent: #20
الكوبرى كالعين
والمياه كالحاجب ....
فمن يعلو من
احيانا يكون الكوبرى تحت المياه
والمياه هى الاعلى
والجسر الرابط بين ضفتين
يكون له معنى جملة خالية من
حروف الجر
قد يكون الكوبرى وسيلة لغاية ان نعبره الى ضفة اخرى
والانسان بقليل من التركيز يمكنه عبور
الضفاف الاخرى ......وهو ثابت فى مكانه
|
Post: #22
Title: Re: توتى .... بالكوبرى
Author: ناهد بشير الطيب
Date: 03-17-2009, 09:23 PM
Parent: #21
الكوبرى يمثل الوسيط بين النهر والضفتين
(الوسطاء يمتنعون )
لكنه وسيط يتحمل ايضا
تبعات اسناده على سقف المياه
فالكوبرى مسير..... وليس مخير
لتتواثب فوقه خطوات المشاه ودواليب السيارات
وترتطم باطرافه السيارات الجامحة
وعتاب العاشقين
|
Post: #23
Title: Re: توتى .... بالكوبرى
Author: ناهد بشير الطيب
Date: 03-17-2009, 09:33 PM
Parent: #22
وفى مخيلتنا الاغنية المعروفة
عجبونى الليلة جو
ترسوا البحر صددوه .....
التى تحكى عن صمود اهل توتى ابان الفيضان
الذين ملصوا البدل والقمصان لمقاومته
ونجحوا فى ذلك وتقديم كل تلك التضحيات الجسام
|
Post: #27
Title: Re: توتى .... بالكوبرى
Author: الوليد محمد الامين
Date: 03-17-2009, 10:58 PM
Parent: #23
ناهد سلامات
لأدونيس كتاب عنوانه : " ليس الماء وحده جوابا عن العطش " .
ويا أعشاب النيل الأبيض .... الخ
مودتي ....
|
Post: #43
Title: Re: توتى .... بالكوبرى
Author: ناهد بشير الطيب
Date: 03-22-2009, 06:56 PM
Parent: #27
Quote:
لأدونيس كتاب عنوانه : " ليس الماء وحده جوابا عن العطش " .
ويا أعشاب النيل الأبيض .... الخ
|
الوليد ...ادونيس ..ذلك الرجل الغارق فى تهاويم بوصلة
الفلسفة والمتامل لكل المفردات والموجودات من حوله
يسافر بنا عبر محطات المفردة وتجليه فى الاتيان بجميل
المعنى وجميل الكلم ...
شكرا ياوليد على ثقافتك الموسوعيه وتسلم
|
Post: #35
Title: Re: توتى .... بالكوبرى
Author: ناهد بشير الطيب
Date: 03-18-2009, 11:36 AM
Parent: #13
Quote: مبروك لاهالى توتى هذا الانجاز ..
من المؤكد أن التغيير للأفضل قادم نحوهم وبقوة
أقلها ستزول معاناتهم اليومية مع المعديات وانتظارها واعطالها الكثيرة
كما أن قيمة الاراضى والبيوت سترتفع فى تلك المنطقة شأنها شأن مثيلاتها حول الكبارى
والكوبرى من شأنه ايضا زيادة الاندماج والتواصل بينهم . |
شكرا اخت هند محمد
تحياتى
|
Post: #26
Title: توتى ما بعد الكوبرى
Author: مرتضى الكجم
Date: 03-17-2009, 10:27 PM
Parent: #1
سلامات اختنا ناهد
اجمل ما يميز الزيارة لتلك الجزيرة الجميلة
هو الرحلة النيلية الى ضفتها وسحرها
وجمال التأمل لحظة الانتظار
وحلاوة الوصول الممزوجة بعبق رائحة الطين
حتما ستضيع تلكم اللحظات الجميلة
.......
ايضا قد تكون هنالك آثار صحية وبيئية نتيجة لوجود السيارات
بالكم الهائل على ظهرها , وقد تتغير طبيعتها كذلك
نتمنى ان نسمع آراء ابناء توتى على هذا الحدث
وخصوصا الآراء المنقولة من كبار واعيان الجزيرة
حتى تكتمل الصورة
تحياتى
|
Post: #28
Title: Re: توتى ما بعد الكوبرى
Author: ذواليد سليمان مصطفى
Date: 03-17-2009, 11:48 PM
Parent: #26
يعنى السبت يكون اول مرة يقطع فيه الفنان حمد الريح بسيارة الى توتى من دون النظر الى معدية
فخر وتجلى
وربنا يزيد
هل بورداب الخرطوم يخصصو يوم الى توتى
الف مبروك يا اهل توتى
|
Post: #45
Title: Re: توتى ما بعد الكوبرى
Author: ناهد بشير الطيب
Date: 03-22-2009, 07:08 PM
Parent: #28
Quote: هل بورداب الخرطوم يخصصو يوم الى توتى
|
طبعا اكيد هسى بيكتشفوا فى حتة مضللة تصلح
لجية مغتربى الخليج خاصة وانه اجازاتهم على الابواب
واهو شايفة تبلدينا ومعتصم ظهروا
كده الواحد
ضمن الفسحة هههه
وتسلم ذو اليد
|
Post: #29
Title: Re: توتى ما بعد الكوبرى
Author: Manal Mohamed Ali
Date: 03-17-2009, 11:55 PM
Parent: #26
Toti boats and river 1882
From French Archive
|
Post: #30
Title: Re: توتى ما بعد الكوبرى
Author: حبيب نورة
Date: 03-18-2009, 00:12 AM
Parent: #29
ح تكون مسيخة شديد
|
Post: #31
Title: Re: توتى ما بعد الكوبرى
Author: الطيب شيقوق
Date: 03-18-2009, 05:51 AM
Parent: #30
ناهد كيفك
انت محسية؟
مبروك لاهلنا في توتي
ونتمني يكون خير عليهم
الجكس حظو تاني بتقدل ساى بين الشاطئ الغربي والشرقي وشائل الترمس والتسالي ويقرمش
|
Post: #32
Title: Re: توتى ما بعد الكوبرى
Author: محمد عثمان
Date: 03-18-2009, 07:27 AM
Parent: #31
نااهد...
سلاااام
النيل...النيل
يا حلاوه عليك يا جميل
غزلانى يا الاتنين
يا الشلتو بصر العين
فى جزيره بين بحرين
يا توتى دربك وين..؟؟
اهلى البيعزونى
اهلى البريدونى
اهلى البيحبونى
فى ام در غرب النيل
كدا اقيف فى تحت القيف
انظر شمال و يمين
شوف توتى لك تبين
كالوز عائم النيل
بدات الطبيعة تفوق
شمبات هناك بى فوق
اشجاره عامله الروق
فيها السواقى تسوق
توريك عظمة النيل
يا شتله الحنه
زرعوك فى الجنه
نجم العوازل غاب
نجمتنا تستنه....
و غناء لتوتى الجميله من خضر بشيرهنا
|
Post: #46
Title: Re: توتى ما بعد الكوبرى
Author: ناهد بشير الطيب
Date: 03-22-2009, 07:11 PM
Parent: #29
منال شكرا كتير على الصورة من العام 1882
|
Post: #44
Title: Re: توتى ما بعد الكوبرى
Author: ناهد بشير الطيب
Date: 03-22-2009, 07:01 PM
Parent: #26
Quote: اجمل ما يميز الزيارة لتلك الجزيرة الجميلة
هو الرحلة النيلية الى ضفتها وسحرها
وجمال التأمل لحظة الانتظار
وحلاوة الوصول الممزوجة بعبق رائحة الطين
حتما ستضيع تلكم اللحظات الجميلة
|
بس خلينا فى اجمل دى ...قبل ماتجى عوادم العربات والدخاخين
جميلة توتى اخوى مرتضى وليها سحر خاص بيعرفوه بس اهلها
تسلم وشكرا ليك
|
Post: #33
Title: Re: توتى .... بالكوبرى
Author: Kamal Seddiq
Date: 03-18-2009, 08:16 AM
Parent: #1
الاخت ناهد تحياتى
مشكورة على اهتمامك بهذا الحدث التاريخى لهذه الجزيرة الوارفة والتى انجبت على الحصر وليس العموم بوفيسر داود مصطفى خالد, وحمد الريح, وزين العابدين محمد احمدعبدالقادر والكابتن امين زكى, وابننا النابغة د. صديق عمر الصديق.نرجو من اخونا عمار محجوب زكى فتح بوست لهذه المناسبة التى ستكون بمثابة بداية تاريخ جديد للجزيرةونحن اهل توتى مرتبطين اجتماعيا وثقافيا بالعاصمة المثلثة منذ القدم ومرحب بكم فى توتى الجديدة ودعواتكم لنا بمزيد من الترابط الاجتماعى والوحدة مع كل الاهل بما فيهم اهلنا المحس اينما كانوا.
|
Post: #34
Title: Re: توتى .... بالكوبرى
Author: مجدي كنة
Date: 03-18-2009, 08:47 AM
Parent: #33
(((وبذلك سيكون بنطون توتى ........قد لحق بترام امدرمان))
في العام 1840 --1870 كان محس توتي وبحري يحكمون ويتولون شئون الخرطوم الادارية
و في العمدة المقبول الكبير خير مثال .. والترام اصبح ارتداد تاريخي سياحي في الدول ( الدول )
وفي العام 2009 يفتتحون كوبري توتي !!!!! وعقبال دخول الانترنت ... امر محزن!!!!
اختي الفاضلة / ناهد ... ولك تحياتي وانشاء الله يا ناهد الكوبري تضوي لتوتي ...
وربنا يستر عليهم من دخول الركشات والدرداقات
|
Post: #36
Title: Re: توتى .... بالكوبرى
Author: معتصم محمد صالح
Date: 03-18-2009, 11:59 AM
Parent: #34
سلامات استاذة ناهد..
افكر منذ شهور في غزو توتي والاقامة بها ... ما عندك واسطة .؟
|
Post: #37
Title: Re: توتى .... بالكوبرى
Author: Kamal Seddiq
Date: 03-18-2009, 12:27 PM
Parent: #36
الاخ معتصم
لك الود اذكيك لاهلى بتوتى وحللت اهلا وسهلا واذا صادفت اى مشاكل اتصل بى فى الاردن.
|
Post: #38
Title: Re: توتى .... بالكوبرى
Author: Tabaldina
Date: 03-18-2009, 01:24 PM
Parent: #37
..
.
غايتو اعتقد بعد الكبرى توتى حتفقد طعمها
توتى دى زى امدرمان فيها ثوابت لو اتغيرت بتغير وجه البلد
وثقافتها ..
اجمل شئ تمشى توتى وانت راكب المعدية ..
مسالة العربية دى ما واقعة لينا ..
توتى جميلة بناسها ومجتمعها وعزلتها .. وخصوصيتها
بعد دا جاهم بلا من الايجارات ..
وبمناسبة الايجارات عندى واحد صاحب صاحب اعمدة الكبرى وقعت ليهو
فى الجنية بتاعتو عارفه كطلع ليهم بـ 2مليار ايجار الاعمدة
بس برضو توتى النيل بقى يجرفها من الشرق يعنى بدل الكبري
طان يعمل حاجز اسمنتى صلد ومصدات مياه لانو بعد 20 سنة الكبرى بقع
والمعدية حتقيف فى السوق ..
_____________
غايتو احسن فايدة بضمنوا عرباتهم قدامهم من السرقة
وبخففوا الزحمة فى الباركنغ على شارع النيل
|
Post: #39
Title: Re: توتى .... بالكوبرى
Author: Kamal Seddiq
Date: 03-19-2009, 10:14 AM
Parent: #1
up
|
Post: #40
Title: Re: توتى .... بالكوبرى
Author: عزيز
Date: 03-20-2009, 03:01 PM
Parent: #39
الأخت ناهد
والحبيب د.كمال
والأخوة المتداخلين
مودة وتقدير ..
توتي هذا الحب الكامن فى الوجدان وهي أحب الأوطان..
نعم للكبري .. ولا للكبري..
ولهذا التضاد تأويل كثر..
نعم للكبري لما هو أتى من تطور فى شتى المجالات الإستثمارية والنهوض بجزيرة توتى ككيان سياحى وحضارة مدنية تتواكب والعصر (( ولا ننسي معاناتنا فى إنتظار المعدية خاصة وإن سحبت.. وأنت تلهث للحاق بها فى سابق العهد قبل الفلكات)) مازلت أقول ثلث عمري آنذاك ضاع فى إنتظار المعدية!!
لا للكبري .. لفقد توتى هويتها الإجتماعية وترابطها وخصوصيتها وهى كيان ذو نكهة خاصة لن ولم تجده فى العاصمة المثلثة من حولها .. لقد شارك فى تربيتنا كل من هو أكبر مننا بالجزيرة وأمهاتنا كل إمرأة بتوتى وكل بيت فيها هو بيت للكل وفى الأفراح والأتراح الكل سيد وجعة ..
المعدية كانت عبارة عن نشرة أخبار إجتماعية تعرف فيها المناسبات وأخبار البلد!!
المعدية كانت إنتماء لتوتي تعرف به وتعرف بها..
ولكن لأبد من المواكبة وأكيد نستبشر خيراً بالجديد وبكل ما هو آتي..
محبتى وتقديرى
عبدالعزيز خطاب
|
Post: #42
Title: Re: توتى .... بالكوبرى
Author: معتصم محمد صالح
Date: 03-20-2009, 07:19 PM
Parent: #41
شكرا اخي الكريم وساتصل عليك في الاردن حتى وان لم اسكن توتي ...
الافتتاح غدا على ما اعتقد..
|
Post: #47
Title: Re: توتى .... بالكوبرى
Author: ALZOLZATOO
Date: 03-23-2009, 07:57 AM
Parent: #42
الاخت ناهد ،،
صباح الخير
اول حاجة مبروك لي ناس توتي الكوبري
بالتاكيد الكوبري ح يكون بداية لي طفرة هائلة للمنطقة
زمان ناس توتي كانوا بعانوا من مواقف سياراتهم مقابل قاعة الصداقة ويقطعو البحر بالبانطون بعدما عملو هناك
حدائق ماعارف لقوا موقف تاني وين .
بعدين زمان زمن كنا بنخش سينما وطنية غرب ناس توتي بيدخلو الدور الاول فقط اها لو الفيلم كان طويل شوية يطلعوا بعد الفيلم ويقوموا جارين عشان اخر بانطون مايفوتهم تقريبا اخر بنطون كان الساعة التاسعة مساء على ما اعتقد .
توتي منطقة جميلة كنا نخصها بالرحلات ايام الاعياد في طفولتنا وكم تمنيت ان اسكن توتي لكن العين بصيرة واليد قصيرة .
اتمنى ان لاتكون هنالك سلبيات للكوبري من سهولة العبور لضعيفي النفوس والمجرمين لممارسة الجريمة بين المزارع الهادئة
تحياتي
زاتوووو
|
Post: #48
Title: Re: توتى .... بالكوبرى
Author: Mohamed Yassin Khalifa
Date: 03-23-2009, 09:56 AM
Parent: #47
| Quote: افكر منذ شهور في غزو توتي والاقامة بها ... ما عندك واسطة .؟ |
ما دا ياهو ظاتو الجنن بوبي...!
_______________________________
سلام يا ناهد...
|
|