Post: #1
Title: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: nazar hussien
Date: 03-17-2009, 07:48 AM
Parent: #0
ذكرتني زنقة السيد/رودستان المسئول القانوني بمكتب المدعي العام للمحكمة الجنائية الدولية
بسؤال اخونا عبدالوهاب الحاج علي للناظر هباني بشأن توصيف وتصنيف السيد/جورج في حال تكليفه
بحمل رشاشه الامريكي في قلب اوزون؟
ففي الجلسة الاولي للاجتماع الثالث لمجموعة الشرق الأوسط لمنظمة برلمانيون من اجل التحرك
العالمي...بشأن المحكمة الجنائية الدولية..بالمنامة والذي بدأ يوم الأحد المنصرم.
كرر الحاضرون سؤالهم بصيغ مختلفة...لماذا قرر لويس مورينو اوكامبو تحريك دعوي ضد البشير
وينسي ويتناسي بل وتقاضي عن قادة اسرائيل وامريكا...الا انه لف ودار كثيرا الي ان وصل
الي ان هذه الدول ليست اعضاء...واستطرد في حديثه عن اختصاص المحكمة الجنائية والمزايا
التي تمنحها للدول التي وقعت علي اتفاقيتها وكيف انه يحق لها ولافرادها ان يتقدموا
بشكاوي تأخذها المحكمة علي محمل الجد وتحرك بشأنها دعاوي...
ولكن فاجأه الدكتور احمد يوسف ابو حليبة من اللجنة التشريعية للبرلمان الفلسطيني
ليسأل من حيث انتهي رودستان عن جرائم الابادة الجماعية التي ارتكبها الاسرائيليون
أخيرا اثناء عدوانهم علي غزة ومنها استخدام القنابل الفسفورية واليورانيوم المنضب
(باعتراف وتوثيق منظمات الامم المتحدة العاملة في غزة) وقتل وتشريد الالاف من الاطفال
والشيوخ والنساء علي مرأي ومسمع من كل العالم...فهل يمكن للحكومة الفلسطينية
أو للافراد الفلسطينين ان يتقدموا بشكاوي يمكن ان تأخذها المحكمة علي محمل الجد
وتحرك دعاوي بشأنها؟
الا ان ممثل اوكامبو (وبعد ان تنهد) عاد وتلاعب بالالفاظ ...فهو لا يريد ان يقول
لا كما وقفت كلمة نعم غصة في حلقه فقال بدلا عن ذلك (ان فلسطين لم تصبح دولة
وعندما تصبح دولة عليها ان توقع علي اتفاقية المحكمة للتحرك كحكومة او كأفراد...
قبل الانتهاء من هذا البوست: تبين لي ان قريبا من هذا المعني
اوردته صحيفة اخبار الخليج في عددها لليوم بصفحة 13
|
Post: #2
Title: Re: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: nazar hussien
Date: 03-17-2009, 08:27 AM
Parent: #1
فوق عشان الزنقة
|
Post: #3
Title: Re: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: السيد المسلمي
Date: 03-17-2009, 09:01 AM
Parent: #2
Quote: ذكرتني زنقة السيد/رودستان المسئول القانوني بمكتب المدعي العام للمحكمة الجنائية الدولية
بسؤال اخونا عبدالوهاب الحاج علي للناظر هباني بشأن توصيف وتصنيف السيد/جورج في حال تكليفه
بحمل رشاشه الامريكي في قلب اوزون؟ |
??????????????????????
|
Post: #4
Title: Re: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: nazar hussien
Date: 03-17-2009, 10:04 AM
Parent: #3
الرد علي استفهامات المسلمي مطلوب يا وهبة
|
Post: #5
Title: Re: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: tmbis
Date: 03-17-2009, 10:13 AM
Parent: #4
Quote: ان فلسطين لم تصبح دولة
وعندما تصبح دولة عليها ان توقع علي اتفاقية المحكمة للتحرك كحكومة او كأفراد... |
.. 
الاجابة السازجـة دي يا نزار بتفتح ثغــرة لي الزوغان من الاجابــة المطالب بيها وهبــة ..
مش حسع الكمندان داك ممكن يجي يقوليك لمــا أوزون دي تبقى حقت وهبــة ..؟
يعني من دقنو وافتلو .. إنت قايل غير بيع الكلام في شنـو..؟
|
Post: #6
Title: Re: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: nazar hussien
Date: 03-17-2009, 10:32 AM
Parent: #5
Quote: الاجابة السازجـة دي يا نزار بتفتح ثغــرة لي الزوغان من الاجابــة المطالب بيها وهبــة ..
مش حسع الكمندان داك ممكن يجي يقوليك لمــا أوزون دي تبقى حقت وهبــة ..؟
يعني من دقنو وافتلو .. إنت قايل غير بيع الكلام في شنـو..؟
|
نحن غير فتح الثغرات دي عندنا شغلة...يا تمبس...
بعد كده لعبنا سنبهار طوالي
|
Post: #7
Title: Re: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: tmbis
Date: 03-17-2009, 10:44 AM
| Quote: نحن غير فتح الثغرات دي عندنا شغلة...يا تمبس... |
المشكلة يا نزار انو الواحد بيجيك شــارع عديل كدا يا وكالة من غير بواب .. ولا محتاج مفتاح صلصة .. يجدع ليك العندو ولا عارف نفسو بيقول في شنـو .. المهم يقول بس ..
بعد شوية العصرة تحصل .. يعمل فيها رايح ..
الآن عندنا سؤالين أو بي صورة اوضح:
زنقتين ..
زنقــة أوزون ..
وزنقــتك ايـاها لي ( يلع لصاو ) شايفو اليومين دي راح كلو كلو .. 
بالنسبة لي زنقـة أوزون دي .. أنا بناشد الناس انها تارخ لي المرحلة حقتة بي شكل منهجي خالص ..
يعني مثلا لو الواحد اتزنق .. بدل زنقة قرد في موز .. أو كلب في فريق فنقـر أو غنماية في طاحونـة أو يحلك الحلة بله .. أو العالم اصبح قرية صغيرة .. يا كمان انظر للنصف الممتلي من الكوب .. إلخ ونسبة لاستهلاك المواد دي ..
نقول:
زنقــة وهبــة في أوزون
باعتبار وافتراض انو وهبـة هو المزنوق ولا أحد سواهـ
اي سؤال؟
|
Post: #8
Title: Re: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: nazar hussien
Date: 03-17-2009, 12:58 PM
Parent: #7
Quote: زنقــة وهبــة في أوزون
|
دي خطيييييييييييييييييييييييييرة....
حا ندرش ليك زنقات زي دي...
لكن برضو صاحبنا ما جاوبنا من اين اتي بمعلوماته الاكيدة بشأن شهادة
الرسميين الحكوميين ضد البشير ...(دي تصلح ديباجة زي بتاعة دكتور مصطفي
محمود الكوزني داك وفات الله يطراه بالخير)
هي كانت شنو: المقاطعة المقاطعة
والله شنو يا تمبس
|
Post: #9
Title: Re: المسئول القانوني بمكتب اوكامبو وآخرين من ضمنهم عبدالوهاب الحاج علي
Author: nazar hussien
Date: 03-17-2009, 02:47 PM
Parent: #8
بلاي كدي تعالوا تاني ارجعوا لتبرير المسئول القانوني بمكتب اوكامبو بشأن
المسئولية عن مجزرة غزة::
قال ايه:
فلسطين لم تصبح دولة بعد:::وعندما تصبح دولة
تجي توقع وتصادق علي اتفاق المحكمة..
وبعد داك تمشي تشتكي...هي او احد مواطنيها...
عشان لما يشتكوا يقولوا ليهم
اسرائيل ما وقعت لسه...وما حا ينطبق عليها لجام روما
ولما اسرائيل تشتكيهم تلقاهم
موقعين...واوامر قبضهم جاهزة
في جيب اوكامبو..
بلاهي دا منطق عدالة دا
|
|