Post: #1
Title: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد فرح
Date: 03-15-2009, 10:42 AM
Parent: #0
تأكد الان تماماً ثبات الموقف الروسي تجاه أي قرارات أو عقوبات قد يتم إستصدارها ضد السودان من قبل مجلس الامن .
وتشير المعلومات المتواتره أنه قد يتم منح الحكومه الروسيه حق إنشاء قاعده عسكريه شمال امدرمان في الاشهر القليله القادمه .
|
Post: #2
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: أحمد الشايقي
Date: 03-15-2009, 10:44 AM
Parent: #1
| Quote: وتشير المعلومات المتواتره أنه قد يتم منح الحكومه الروسيه حق إنشاء قاعده عسكريه شمال امدرمان في الاشهر القليله القادمه . |
الحكومة الروسية الشيوعية الكافرة التي دنا عذابهــا ؟؟؟؟
|
Post: #3
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: عبدالكريم الامين احمد
Date: 03-15-2009, 10:58 AM
Parent: #2
طيب يا شيخنا
مالكم بتكوركو سيادة وطنية واراضي سودانية وعمالين تغبشو بالوعي بالوطن..
باي حق تمنح روسيا وقواعد في السودان وباي ثمن ولييييييه..؟؟؟
|
Post: #10
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد فرح
Date: 03-15-2009, 11:45 AM
Parent: #3
Quote: طيب يا شيخنا
مالكم بتكوركو سيادة وطنية واراضي سودانية وعمالين تغبشو بالوعي بالوطن..
باي حق تمنح روسيا وقواعد في السودان وباي ثمن ولييييييه..؟؟؟ |
عبدالكريم
إنشاء قاعده روسيه في السودان لن يمس سيادتنا إطلاقاً
روسيا مؤخراً دعمت الخرطوم بأسلحه حديثه جداً كما أن الفيتو الروسي سيصبح في الجيب
|
Post: #4
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد ابراهيم قرض
Date: 03-15-2009, 10:58 AM
Parent: #2
يعني لو ما اديناهم قاعدة
ما ح يقيفوا معانا ؟؟
|
Post: #11
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد فرح
Date: 03-15-2009, 11:55 AM
Parent: #4
Quote: يعني لو ما اديناهم قاعدة
ما ح يقيفوا معانا ؟؟ |
قرض
الموقف الروسي الداعم للسودان قوي وواضح منذ فتره طويله
ولن يتأثر هذا الموقف بإنشاء القاعده من عدمها .
مؤونة عام من الود
|
Post: #5
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: Mohamed Yassin Khalifa
Date: 03-15-2009, 11:01 AM
Parent: #2
تأكد لنا الآن تماما أن موقفكم متأزم بالحيل... بس محمد فرح إنت يا زول بجدك؟
|
Post: #9
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: عبد الحميد حسين
Date: 03-15-2009, 11:42 AM
Parent: #5
القاعدة الروسية يتم التمهيد لها منذ شهور ببعض الطلقات الاختبارية من بعض كتاب النظام
فى مقدمتهم الطيب مصطفى والهندى عزالدين الذين قالوها بالمفتوح
واذا تاكد كما قال صاحب الخبر ان الروس قادمون فعليه ومن يري راية ان يبلعوا السنتهم الى الابد
|
Post: #17
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد فرح
Date: 03-15-2009, 12:19 PM
Parent: #9
| Quote: واذا تاكد كما قال صاحب الخبر ان الروس قادمون فعليه ومن يري راية ان يبلعوا السنتهم الى الابد |
سبب واحد يخلينا نبتلع ألسنتنا مافي
مالها روسيا
عيبها لي
|
Post: #39
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: فتحي الصديق
Date: 03-16-2009, 11:57 AM
Parent: #17
Quote: سبب واحد يخلينا نبتلع ألسنتنا مافي
مالها روسيا
عيبها لي |
ألا تعلم يا رجل أنها قد دنا عذابها ذات صباح انقاذي بائس ؟؟
|
Post: #16
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد فرح
Date: 03-15-2009, 12:16 PM
Parent: #5
| Quote: تأكد لنا الآن تماما أن موقفكم متأزم بالحيل |
محمد يس
يازول نحنا بقى عندنا فيتو
تقول لي موقفنا متأزم
كان كده اريتو طوالي يكون متأزّم
|
Post: #6
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد فرح
Date: 03-15-2009, 11:23 AM
Parent: #2
| Quote: الحكومة الروسية الشيوعية الكافرة التي دنا عذابهــا ؟؟؟؟ |
الشايقي
الكلام ده كان سنة 93 ياخ
|
Post: #7
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: ادريس خليفة علم الهدي
Date: 03-15-2009, 11:27 AM
Parent: #6
Quote: الشايقي
الكلام ده كان سنة 93 ياخ |
محمد فرح .. في دين جديد نزل بعد عام 93 ؟؟؟
|
Post: #19
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد فرح
Date: 03-15-2009, 12:24 PM
Parent: #7
| Quote: محمد فرح .. في دين جديد نزل بعد عام 93 ؟؟؟ |
ادريس خليفه
الإنقاذ كانت متشدده ومنغلقه جداً ومتطرفه
لكن اليوم الجو تغير تماماً
حريات كامله وإنفتاح على الآخر
وهذا أفضل
للجميع
|
Post: #18
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: عاصم ابوبكر حامد
Date: 03-15-2009, 12:24 PM
Parent: #6
ود فرح
لك التحية
لا تعول على الروس كثيرا ...
العدالة قادمة لا محال ...
|
Post: #21
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: محمد فرح
Date: 03-15-2009, 12:39 PM
Parent: #18
Quote: لا تعول على الروس كثيرا ...
العدالة قادمة لا محال ... |
عاصم ابوبكر
وين غاطس يازول
العداله الحقيقيه لمن تجي خليل وعبدالواحد إلا يتدسوا في البيت الابيض
مؤونة عام من الود
|
Post: #8
Title: سلام
Author: النذير بيرو
Date: 03-15-2009, 11:35 AM
Parent: #1
ياخوانا كدي روقو المنقة
الروس ديل حبايبنا ومن الله خلقهم مابتاعين مشاكل علي الاقل وجودهم في السودان يجعل توازننا ممكن .
|
Post: #12
Title: Re: سلام
Author: Hussein Mallasi
Date: 03-15-2009, 11:56 AM
Parent: #8
عاش "الاتحاد السوفيتي" العظيم و كدا !!
|
Post: #13
Title: Re: سلام
Author: Hussein Mallasi
Date: 03-15-2009, 11:59 AM
Parent: #12
الحزب الشيوعي قلب حزب طائفي؛
و المؤتمر الوطني قلب "اتحاد سوفيتي" عظيم!
|
Post: #14
Title: Re: سلام
Author: Hussein Mallasi
Date: 03-15-2009, 12:02 PM
Parent: #13
أمين حسن عمر في الرأي العام الصادرة اليوم:
الوطني أقرب سياسياً و نفسياً إلى الشيوعي من الشعبي.
|
Post: #34
Title: Re: سلام
Author: محمد فرح
Date: 03-16-2009, 08:50 AM
Parent: #12
| Quote: عاش "الاتحاد السوفيتي" العظيم و كدا !! |
يعيش
يعيش
|
Post: #15
Title: Re: سلام
Author: ALZOLZATOO
Date: 03-15-2009, 12:05 PM
Parent: #8
يامحمد فرح يا اخوي
والله بوستاتك البتعملها دي بتخلي الجماعة يجو يضقلوا بيك لووول يكه
طيب مادام ح تعملوا قاعدة اعملوها مع النظام الراسمالي احسن ليكم من النظام الشيوعي الكافر وترتاحو تاني لا مشاكل ولا امريكا ولا اسرائيل تكونوا حبايب وتاني حرم زول يقدر يهبشكم مافي .
بعدين روسيا تعبانة يامعلم ما ح تستفيدو منها حاجة احسن حاجة تظبطوا اموركم مع امريكا خسوسا بعد الرئيس الجديد كمان ويكون زيتنا في بيتنا تاني لا اكامبوا ولا خليل ولا فلان ولا علان بيقدر يحاربكم لكن تقعدو تباروا في الجداد الميت بيوديكم الكوشة لووول يكه
اها بعدين اخوانا الشيوعيين موقفكم معاهم ح يكون شنو لمن تجيبوا روسيا في امدرمان .
تحياتي
زاتوووو
|
Post: #20
Title: Re: سلام
Author: Mohamed Yassin Khalifa
Date: 03-15-2009, 12:26 PM
Parent: #15
| Quote: إنشاء قاعده روسيه في السودان لن يمس سيادتنا إطلاقاً |
؟
|
Post: #22
Title: Re: سلام
Author: hamam
Date: 03-15-2009, 12:50 PM
Parent: #15
| Quote: وتشير المعلومات المتواتره أنه قد يتم منح الحكومه الروسيه حق إنشاء قاعده عسكريه شمال امدرمان في الاشهر القليله القادمه . |
الأخ / محمد فرح
استدراج جميل و كما هو متوقع قدرة على تغيير المواقف و الأسطوانات و استدعاء النقائض دون حياء ! تخيل مثل هذه الردود:
الحكومة الروسية الشيوعية الكافرة التي دنا عذابهــا ؟؟؟؟
Quote: مالكم بتكوركو سيادة وطنية واراضي سودانية وعمالين تغبشو بالوعي بالوطن..
باي حق تمنح روسيا وقواعد في السودان وباي ثمن ولييييييه..؟؟؟ |
| Quote: تأكد لنا الآن تماما أن موقفكم متأزم بالحيل... بس محمد فرح إنت يا زول بجدك؟ |
| Quote: واذا تاكد كما قال صاحب الخبر ان الروس قادمون فعليه ومن يري راية ان يبلعوا السنتهم الى الابد |
| Quote: محمد فرح .. في دين جديد نزل بعد عام 93 ؟؟؟ |
يا محمد فرح :
تعرف الناس دي عايزه شنو؟
عايزه أي زول و أي خارج على القانون في السودان يحصل على سلاح من أية جهة و يمشي يضرب و يدمر و يقتل مدنيين و حكوميين و يدمر منشئات .. يعمل ده كله يسموه بطل و حركة تحرير و نضال ضد الظلم ...الخ!
و عندما تتحرك الحكومة بقواتها و ترد لبسط هيبة القانون و حفظ المنشئات و الرواح .. يرجعوا يقولوا ليه الحكومة ضربت و ليه الحكومة قتلت ! و طوالي نخش في حتة جرائم جرب و كده ..
و نسوا أن بداية القتال في دارفور كان هجوم مسلح على مطار الفاشر و تدمير كامل لما فيه ! طبعاً كان المطلوب من الحكومة تتفرج على المهاجمين و هم يدمروا في المطار و ممتلكات الشعب و ما تعمل أي حاجة! و لو حدث ذلك لظهر من يلعن و يسب ضعف الحكومة و أين الجيش .. الخ.
إسرائيل تعلن على الملأ أنها في قلب دارفور تدريباً و تسليحاً و سوف تستغل مشكلة دارفور لأقصى درجة .. هذا ما تقوله إسرائيل بنفسها ! و لم نسمع كلمة حق من رفقاء النضال و طلائع التحرير الميامين في هذا المنبر حول هذا الموضوع بل ..ما زالوا يصورون عبد الواحد كبطل تحرير !!!
و حينما تفكر الحكومة في حماية نفسها و أراضيها .. نسمع عبارات التهكم عن السيادة الوطنية و و ..
يعني هي عنزة و لو طارت .. لا توجد أي معايير للنقاش و لا مبادئ ! مساعي محمومة للوي عنق الحقيقة و تطويعها دون أي وازع أو عقلانية في الطرح
|
Post: #23
Title: Re: سلام
Author: الطيب بشير
Date: 03-15-2009, 01:51 PM
Parent: #22
.
| Quote: الموقف الروسي الداعم للسودان قوي وواضح منذ فتره طويله |
سلامات يا محمد فرح و ضيوفه
فترة طويلة كيف؟؟
النميري كان مع أمريكا حتى الآخر..
الحكومة الديمقراطية تبنت سياسة حياد كلـّـفتها حكمها ذاته..
في التسعينات، حسب كلامك، كانت الإنقاذ تنوي تعذيب روسيا!!
صلاح قوش كان بيساسق لأمريكا لحدي السنة الفاتت!
يبقى الفترة الطويلة دي من متيييييين؟؟
.
|
Post: #47
Title: Re: سلام
Author: محمد فرح
Date: 03-17-2009, 01:01 PM
Parent: #23
الطيب بشير
الزمن أحياناً يكون نسبياً
روسيا دعمت السودان كثيراً
وتحديداً في المجال العسكري (أسلحه وطائرات)
وسياساتها الخارجيه معتدله جداً ولها مواقف طيبه إزاء مشاكل الشرق الاوسط وكسبها كحليف موثوق به بدون شك سيفيد السودان كثيراً
|
Post: #24
Title: Re: سلام
Author: ادريس خليفة علم الهدي
Date: 03-15-2009, 02:00 PM
Parent: #22
| Quote: عايزه أي زول و أي خارج على القانون في السودان يحصل على سلاح من أية جهة و يمشي يضرب و يدمر و يقتل مدنيين و حكوميين و يدمر منشئات .. يعمل ده كله يسموه بطل و حركة تحرير و نضال ضد الظلم ...الخ! |
يا همام
بشير السجم دا مش يوم قال في التلفزيون العايز السلطة الا يشيلا بالسلاح .. والبيجيك مشمر لاقي عريان ؟؟
هسع مالا بقت ليكم حارة ....
سايرين سايرين في طريق لينين
|
Post: #25
Title: Re: سلام
Author: ibrahim alnimma
Date: 03-15-2009, 02:21 PM
Parent: #24
Quote: مالها روسيا
عيبها لي |
انتم مولاكم الله وهم لا مولاء لهم اليس كذلك؟؟؟؟؟
|
Post: #26
Title: Re: سلام
Author: HAIDER ALZAIN
Date: 03-15-2009, 02:54 PM
Parent: #25
الحركة الشعبية حركة خوارج وكفار ومن يموت بتلك الحرب ... شهيد
التجمع الوطني الديمقراطي شلة من العملاء والخونة وباسعي ضمائرهم ... ويجب محاكمتهم بتهمة الخيانة
الشيوعيين كفار وانجاس ... ويجب اقامة الحد عليهم
خليل ابراهيم مارق ومرتزقة ومرتهن للصهيونية ... ويهدر دمه ...
روسيا معقل الشيوعية والكفر والالحاد ... ودنا عذابها ...
وبعد ذلك كله ...
اذا لم تستحى فأفعل ما تشاء ،،،
|
Post: #27
Title: Re: سلام
Author: nazar hussien
Date: 03-15-2009, 03:00 PM
| Quote: عاش "الاتحاد السوفيتي" العظيم و كدا !! |
وكان كدا الفوتكا رقدت جرادل...
وامانة السودان ما يبقي سمح سماحة..
عااااادي تاني تخت فوتكتك في جبل اولياء
وتغني يا ماري عند الاصيل...وحدك بشاطي النيل الابيض
|
Post: #28
Title: Re: سلام
Author: محمد عمر الفكي
Date: 03-15-2009, 03:36 PM
Parent: #27
اللهم لاشماتة
ومنهم من يرد الى ارزل العمر حتى لا يعلم من بعد علم شيئاً.
دا جنسو دا
الانقاذ بقي ينطبق عليها المثل المصري سمك لبن تمر هندي
بالمناسبة يا محمد
انتوا الله نسيتوا ولا الحاصل شنو؟شايفكم عصرتوا بالحيل في الاعتماد على روسيا والصين!!! الاعتماد على الله يا اخو
ً
|
Post: #29
Title: Re: سلام
Author: Isa
Date: 03-15-2009, 03:50 PM
Parent: #27
يا محمد،، كدة بالعقـل كدة: روسـيا تسـوي شنو بقاعدة عسكرية في أم درمان،، تحارب بيها منو وتستخدمها ضد من؟ هل لروسـيا أعـداء في المنطقة المحيطة بالسودان؟ روسيا مثلا استطاعت عرقلة الدرع الصاروخية الأمريكية بأوربا الشرقية، لأنها قريبة منها مع زعم أمريكا أنها تريد حماية نفسها من صواريخ إيرانية محتملة.. يعني روسيا كان عندها عدو خايفة منو فهو ما زال أمريكا،، فمافي أي سبب يخليها تجيب عساكرها من برد سيبريا لحر وكتاحة أم درمان،، بالإضافة لعدم الإستقرار السياسي في السودان حتى مع استمرار النظام الحالي لعشرين سنة... ياخي أحلموا أيوة،، لكن كمان أعملوا المعقول برضو.. لكـن الظاهـر حمى أوكامبو طارت في الراس والهضربة كترت!
| Quote: روسيا مؤخراً دعمت الخرطوم بأسلحه حديثه جداً كما أن الفيتو الروسي سيصبح في الجيب |
بعـدين روسيا ما دعمت السودان ولا حاجة،، روسيا بتبيع سلاحها في سوق الله أكبر،، ومافي سبب واااحد يخليها تبيع تكنولوجيا نووية لإيران لكن ما تبيع شوية مقاتلات مـيغ مستعملة للسودان.. يعني القصة ما معناها إنو السودان خلاص بقى عندو علاقة استراتيجية مع روسيا لدرجة تقول: الفيتو بقى في الجيب! ياخي إسرائيل ما تقدر تقول كدة عن الفيتو الأمريكي!..بعـدين نحنا هسي مشكلتنا ومشكلة السودان مش عقوبات مجلس الأمن الما زالت في علم الغيب،، لكن مشكلة مؤيدي الحكومة بحاولوا صرف الأنظار لموضوعات تانية بعيدة ومتخيلة وتناسي المشكلة الكبيرة الماثلة الآن أمامنا.. تحياتي لك،، ولو عندك لي مؤونة عام من الفتريتة لأهلي النازحين في دارفور تكون ما قصرت تب..
|
Post: #30
Title: Re: سلام
Author: عبد الحميد حسين
Date: 03-15-2009, 05:55 PM
Parent: #29
تعرف كمان لو اديتو الصين قاعدة ف جبل اولياء تكون حكايتكم ظبطت للاخر
وبدل الفيتو فيتوهين واي امبريالى ولا صهيونى ود كلب ما يقدر يهوب ناحيتكم
|
Post: #49
Title: Re: سلام
Author: محمد فرح
Date: 03-17-2009, 01:33 PM
Parent: #25
| Quote: انتم مولاكم الله وهم لا مولاء لهم اليس كذلك؟؟؟؟؟ |
ابراهيم النعمه
الله نعم المولى ونعم النصير
سؤال
عندما إستنصر خليل ببريطانياوأمريكا
وعبدالواحد بفرنسا وإسرائيل
ليه ماقلتوا ليهم الكلام ده عيب
ولماذا صفقتم لقرارات اوكامبو
بالله ماتفلقوا لينا راسنا ساي
لامباديء لكم
لذا لاتحثني عن المباديء
|
Post: #48
Title: Re: سلام
Author: محمد فرح
Date: 03-17-2009, 01:13 PM
Parent: #24
Quote: هسع مالا بقت ليكم حارة ....
سايرين سايرين في طريق لينين |
إدريس
ياخوي إنت موش قلت شيوعي
وكمان خاتي صورة نقد
والروسيين حبايبكم ودولة المنشأ
مالكم بتجقلبوا
|
Post: #45
Title: Re: سلام
Author: محمد فرح
Date: 03-17-2009, 10:03 AM
Parent: #22
أخ همام
تحيه طيبه
كما ذكرت
هم يريدونها فوضى تشمل الجميع
ألم تر كيف هللوا واستبشروا حينما دخل خليل امدرمان وروع اهلها ودمر بعض أجزائها
تريحهم صور الدماء
هم بعيدون في منافيهم لايهمهم إن تدمر الوطن بما فيه ومن فيه
فقط يريدون زوال الانقاذ
وبأي شكل كان
فقط لإشباع نفوسهم المريضه
ودواخلهم النتنه
مؤونة عام من الود
|
Post: #40
Title: Re: سلام
Author: محمد فرح
Date: 03-16-2009, 12:45 PM
Parent: #15
الزول زاتو
سلام
أمريكا نو
روسيا ييس
|
Post: #33
Title: Re: سلام
Author: محمد فرح
Date: 03-16-2009, 07:50 AM
Parent: #8
Quote: ياخوانا كدي روقو المنقة
الروس ديل حبايبنا ومن الله خلقهم مابتاعين مشاكل علي الاقل وجودهم في السودان يجعل توازننا ممكن . |
النذير بيرو
تحياتي
فعلاً روسيا مثل الصين معروف عنهم عدم التدخل السافر في شؤون الاخر الداخليه
مشكلة البشير والجنائيه حتخلق توازنات جديده تماماً في السياسه العالميه جمعاء
وايضاً ستحدث تكتلات جديده ستكون بلاشك ضد امريكا والطغيان الغربي
كما أن روسيا بدأت في إسترجاع مكانتها القديمه وهي عكس الصين لاتحسب اي حساب لأمريكا ومواقفها قويه وواضحه تماماً ولالبس فيها .
مؤونة عام من الود
|
Post: #31
Title: الاستدراج واستدعاء النقائض
Author: أحمد الشايقي
Date: 03-15-2009, 06:50 PM
Parent: #1
الاخوة محمد فرح وهمام,
الاستدراج هو قول الحق تعالى (سنستدرجهم من حيث لا يعلمون وأملي لهم إن كيدي متين. - الآية) والاستدراج هو أن يلعنك من تتخذه شيخاً مقدساً كلامه الحق واجتهاده المطلق ولا غيره في الذكاء والدهاء والفكر والنظر, والاستدراج هو (إن الله ليملي للظالم حتى إذا أخذه لم يفلته) والاستدراج هو أن تبحث عن السلامة حتى لو كانت عند الكفار, فلا تجدهـا,
Quote: الأخ / محمد فرح
استدراج جميل و كما هو متوقع قدرة على تغيير المواقف و الأسطوانات و استدعاء النقائض دون حياء ! تخيل مثل هذه الردود:
الحكومة الروسية الشيوعية الكافرة التي دنا عذابهــا ؟؟؟؟
|
لاستدراج واستدعاء النقائض هو في مواقف حكومة الترابيين الانقلابيين المتغيرة والمفلسـة,
هي حكومتنا التي تستدعي نقائضها فترى الرئيس يلبس السكسك في آخر عمره ولم نره يلبسه يوماً من قبل وهو الذي يحكم بلاداً كل سكانها يتحدرون عن الدماء الأفريقية وتتشرب الثقافة الأفريقية في كل شئ وكان من الواجب أن يشارك مواطنيه الفرحات بلبس زيهم ورقص رقصهـم منذ أزمنة بعيدة
هي حكومتنا التي يلقي حزبها بأخبار احتماليات منح القواعد العسكرية لروسيا في فرح غامر نكاية في الغرب الكافر وينسى أن القوى الوطنية قد أتت باستقلال السودان كالصحن الصيني (ليس فيه شق ولا طق) أي لا ارتباط بالاستعمار ولا أحذية أجنبية في أي شبر من أصقاعه,
هي نقائض الانقاذ التي قالت أن لا أحزاب بعد اليوم, فإذا هي (تموص كلامها وتشربه وهي الان تستنجد بالأحزاب قواعد وقيادات وتتقوى بهم وتتقرب إليهم,
التغيير المطلوب يا إخوة الوطن هو التغيير في عقولكم وطرائق تفكيركم يا من تعيشون في القرن الأول الهجري ولا تتخلقون بأخلاق صحابة رسول الله من زهد وتقى وثبات واستقرار ولا بأس أن أذكركم بموقف الأنصار حينما عرضت يهود أن تأخذ ثلث ثمار المدينة عامئذ وتؤمن ظهر المدينة قبل غزاة قريش فقال الأنصار : (والله لا نعطيهم إلا السيف).
حكمتم فأغلظتم في الأرض وقطعتم أرزاق الناس قربتم البعيد فتبنيتم الارهابيين في أوطان العرب وبعدتم القريب فشردتم أبناء السودان خارجه وجعلتم العيش في داخل البلاد جحيماً لا يطاق,
التغيير المطلوب في عقولكم وطريقة تفكيركم السياسي وأنتم تورطون البلاد في ما لاقبل لها به وما لم تعهده في تاريخها السياسي. التغيير المطلوب أن يصدر المؤتمر الوطني (منفستو) جديد يتعهد فيه بالديمقراطية الشاملة في السودان (وليته يفي بعد أن يصدر العهود) ويتعهد فيه بالمواطنة أساساً للحكم ويتعهد فيه باستقلال القضاء الاستقلالية الكاملة ويتعهد فيه بالتنمية المتوازنة والحقوق المتساوية لأبناء البلاد بالغاً ما بلغت أفكارهم وأحزابهم وعقائدهم,
هذا هو الطريق الوحيد لرتق لحمة وطن فرقمتوه بين الأمم لا يعرف المرء فيه أمواطن هو فيأمن على حقوق معروفة وكرامة معروفة أم هو أجنبي فيبحث عن وطن بديل.
هذا واستغفر الله لي ولكم
أحمد الشايقي
|
Post: #32
Title: Re: الاستدراج واستدعاء النقائض
Author: Kabar
Date: 03-15-2009, 07:02 PM
Parent: #31
Quote: تأكد الان تماماً ثبات الموقف الروسي تجاه أي قرارات أو عقوبات قد يتم إستصدارها ضد السودان من قبل مجلس الامن .
وتشير المعلومات المتواتره أنه قد يتم منح الحكومه الروسيه حق إنشاء قاعده عسكريه شمال امدرمان في الاشهر القليله القادمه . |
محمد فرح ..حبابك
مقدما مؤنة عام من الود..
انا شخصيا داير اسمع رأي شرعي من شيخ عبد الرحمن الطقي حول الإستقواء بالإستكبار الشيوعي..و الفيتو بتاعو..
الموضوع ده مهم بالنسبة لي و لديني.. عشان نعرف الأمور بوضوح..
اما اخوانا ناس الإنقاذ.. بنقول ليهم ما قلت العدالة عدالة الرجل الأبيض؟.. اها اسمحوا بالقواعد الروسية لمن تجي تقبضكم زي جداد الفريق الراحل (51 من الفتية الذين آمنوا.. الواحد تلو الآخر)..بعدين ما تجوا تقولوا اهل السودان ما نصحونا..
سؤال جانبي و برئ: هل عندك فكرة عن جماعة (نسور البشير)؟..
كبر
|
Post: #35
Title: Re: الاستدراج واستدعاء النقائض
Author: د.محمد حسن
Date: 03-16-2009, 09:27 AM
Parent: #32
في صحة المؤتمر الوطني
هي للجاه
|
Post: #36
Title: Re: الاستدراج واستدعاء النقائض
Author: أحمد أمين
Date: 03-16-2009, 10:37 AM
Parent: #35
Quote: وأضاف البيان الذي نُشر على الموقع الرسمي الخاص بالإقليم على الإنترنت هذا الأسبوع: "يجب أن نحذر من وقت لآخر، ونوقف المتدينيين من تنظيم صلوات جماعية (مثل التراويح والقيام)، ونمنع التجمعات الجماهيرية الكبيرة التي تضر بالسلم الاجتماعي والاستقرار في رمضان".
وإضافة لما سبق فقد منعت حكومة الإقليم موظفيها المسلمين من أعضاء الحزب .... الحاكم والمعلمين والطلاب من صيام رمضان أو ممارسة أنشطة دينية، كما حذرت من أن "أي شخص يُعرف أنه يجبر أشخاصا آخرين على الصيام سيواجه بالعقاب"، في إشارة إلى الوعاظ الذين يتحدثون عن وجوب وفضائل فريضة الصوم.
وفي هذا الاتجاه أصدرت السلطات أوامراها إلى المطاعم بأن تفتح أبوابها في نهار رمضان.
كما طالبت السلطات الرجال الملتحين بأن يحلقوا لحاهم والنساء اللواتي يرتدين الحجاب بنزعه، وإلا فإن الحكومة ستتخذ التدابير لإجبارهم على ذلك. ولم يوضح البيان ماهية هذه التدابير.
|
تخيل أين يحدث هذا؟
|
Post: #37
Title: Re: الاستدراج واستدعاء النقائض
Author: جعفر محي الدين
Date: 03-16-2009, 10:57 AM
Parent: #36
| Quote: تخيل أين يحدث هذا؟ |
في أرض حليف الإنقاذ الاستراتيجي الجديد
فعلا الغاية تبرر الوسيلة
|
Post: #38
Title: Re: الاستدراج واستدعاء النقائض
Author: ابراهيم قناوي
Date: 03-16-2009, 11:50 AM
Parent: #37
د. محمد حسن
هيق
وليه القزازة فاااااااااضية
هيق
إنتو ما عارفين الفودكا البااااااااااااردة
هيق
حرام؟؟؟
هيق
الشربا ده منو؟؟؟
هيق
______________________________
مؤونة عام من الروس
|
Post: #41
Title: Re: الاستدراج واستدعاء النقائض
Author: ود محجوب
Date: 03-16-2009, 12:56 PM
Parent: #38
Quote:
قرض
الموقف الروسي الداعم للسودان قوي وواضح منذ فتره طويله
ولن يتأثر هذا الموقف بإنشاء القاعده من عدمها .
مؤونة عام من الود |
محمد فرح سلام
طيب ليه احبابنا الروس ديل ما استعملوا الفيتو ضد احالة القضية للجنائية.
|
Post: #42
Title: Re: الاستدراج واستدعاء النقائض
Author: معاذ حسن
Date: 03-16-2009, 03:46 PM
Parent: #41
لو حصل
المعادلة الطبيعية حا تكون:
قاعدة روسية في الشمال
وقاعدة امريكية في الجنوب
وخمو وصروا ,,
|
Post: #43
Title: Re: الاستدراج واستدعاء النقائض
Author: أحمد طراوه
Date: 03-17-2009, 03:33 AM
Parent: #42
.. أخي محمد،
التدخل العسكري، العمل العسكري، إن تم بموجب الفصل
السابع (حماية الامن و السلم ) فهو لا يتقيد بالفيتو !
ولا يقتضى المشاركة الفعلية - المباشرة لكل الدول
* غالبا ان الصين و روسيا ( القياصر الجدد ) لن يشاركوا في هكذا تدخل و حسم عسكري
، لكن سيكون موقفهما معبرا عن الموافقة الضمنية - المُبطنة !
على الحركة الإسلامية ان تفكر و تتصرف بشكل افضل !
بشكل يعبر عن الفهم الواقعى - الحقيقي لمسار الأحداث
|
Post: #44
Title: Re: الاستدراج واستدعاء النقائض
Author: نوفل عبد الرحيم حسن
Date: 03-17-2009, 05:38 AM
Parent: #43
| Quote: إنشاء قاعده عسكريه شمال امدرمان |
وين يا محمد فرح ؟
الجيش احتل اراضينا من الثوره 19 وحني الكليه الحربيه ثم دروة النوفلاب اخيرا
اكتر من 13 وحده عسكريه ... مافي مساحه ذاتو فاضيه .. نرحل ولا شنو ؟
مؤونه عام من الود
|
Post: #46
Title: Re: ملينا يدنا تب من الفيتو الروسي .. وإحتمال إنشاء قاعده شمال امدر
Author: منتصر الامين
Date: 03-17-2009, 11:03 AM
Parent: #1
ياخى ما تختصروا الموضوع
وتدوا القاعده العسكريه دى لامريكا
وكفى الله المؤمنين شر القتال
انتو شكلكم لسه عايشين على القطبيه العالميه
الموضوع دا اتلحس زمااااااااااااااان
|
|