صور مظاهرة رابطة المرأة واشنطون ضد الختان

الاخ منعم الف تحيه وشكرا لتغطيتك لكل الاحداث وحضورك الدائم
ولكن تعليقي هو
جميل ان ياتي هذا العمل من النساء وهن اهل الحاره وستات الوجعه
ولكن من باب محاربة العادات الضاره ارى ان يحاربن ايضا البزخ والتفاخر في الاعراس وان يكون لهن
الدور الاكبر في توعية الاسره السودانيه وشعار بت المدن يالواعيه يالدارسه الكتاب غلاء المهور حاربيه ماتخليلو باب
يكون شعار الندوه القادمه كم من شاب وشابه طالت خطبتهم ولكن العادات السودانيه المكلفه حالت دون اتمام المراد لذا
انتشرت العنوسه اي قل زادت نسبتها
وقصة كريمه الفات فيها الفوات ضحيه المهور الغاليه لازالت في الخاطر
امها قالت ليها يابتي الحقيني بالغداء عند ناس عواطف اختك انا ماشه ليها من بدري عشان ح تطهر بناتها اليوم
اها يابتي سوي الغداء وحصليني بيه هناك
قامت قالت ليها
شوف التخلف ده اسه الطهروهن عروسن
دمت

شكرا عبدالمنعم الجزولي حضور دايماولم نراك بالصور - الشكر لكل هذا الحضور الجميل السيدات والسادة والزهرات الصغيرات وهن يشاركن بحماس يبدين تارة استغراب وهول وعدم تصديق بان هذا حقيقة شاركن وشارك الصغير الجميل عمر عدلان عبدالعزيز. المتواجدات هن عصب المنظمة فلا شكر وهن مؤسسات لهذا الصرح ليؤدي هذا الدور الفعال ونوعدكم بالكتير - البعض لم يظهر لصعوبة الاجواء ومازالوا بيننا عفراء و رجاء بشير وايمان وشادية وجمع لم تساعدهن ظروف المواقف او الاجواء من الحضور الا انهن بيننا


التقدير للعمل الفني للوحات واللافتات والتي صممتها السكرتير الثقافي محاسن احمد واحداها فازت بجائزة تقديرية من قبل .وكذلك تصميمات الشابة اريح الزبير وسترونها في احتفالنا القادم .

السبت القادم 21/مارس نتمني من الجميع الحضور مبكرا لهذ اليوم واحضار صغيراتهن ليستفيدوا ويشاركن ليواصلوا رسالة هذه المنظمة


منظمة المرأة السودانية الامريكية بمنطقة واشنطن الكبري

في اطار احتفالاتنا بيوم المرأة العالمي

وتحت شعار

لا لخفاض الإناث

لا للعنف والاضطهاد ضد المراة

وبكافة اشكاله


ندعوكم لحضور الاحتفال الكبير المقام بهذه المناسبة

يشتمل البرنامج علي :-

ملتقي الحوار حول موضوع الشعار

نستضيف فيه نخبة من المتخصصين

الأستاذ إبراهيم علي إبراهيم – المحامى

الأستاذة إسراء بانى - إستشاري للأمم المتحدة/تخصص صحة نساء

متحدثين اخرين لتوضيح الرؤية الدينية والنفسية

تعقبه فقرات فنية يشارك فيها

كورال شابات المنظمة

الموهبة الصغيرة / سارة الزبير

مجموعة فرقة اطفال السودان للرقص الشعبي

بقيادة الفنانة التشكيلية محاسن احمد

ختامنا مسك :

فرقة أوتار النيل الموسيقية ولاول مرة تشاركنا بكامل فريقها

والفنان /

ماهر تاج السر

والفنان /

عاطف انيس


نرجو الحضور في الزمان المحدد

الدخول بسعر رمزي 5 دولار

يقام الحفل علي مسرح

James K. Polkُ ُElementary

بفرجينيا على العنوان التالي:

5000 Polk Avenue

Alexandria, Virginia 22304

- left from Van Dorn Street -
South
Right from Van Dorn Street North
الزمان :

السبت 21/مارس/2009

5:00- 9.30:00مساء


انوار عبدالوهاب- السكرتير العام
ع/اللجنة التنفيذية لمنظمة المرأة السودانية الأمريكية/منطقة واشنطن الكبري

لماذا البيت الأبيض؟

هذا القرار أتخذته حكومة السودان،الحكومة التي أجتمعتم بوفدها النسائي البرلماني( الكوكوس النسائي). لماذا لم تذهب مظاهرتكم صوب سفارة السودان؟ عينكم في الفيل وبتطعنو في ضلو.

سألنا نفس السؤال


لكن ما مشكلة ممكن دي تعتبر بروفة
و لقد وعدت الأخت أنوار بقيام مظاهرة ضخمة أمام السفارة السودانية


و عندها سوف ندعمهم دعما سخيا
_______________________________________

بس كنت أريد أن أعرف من هم رجال أو نساء الدين الحا يتكلموا في الندوة المعلن عنها أعلاه. لأنو أنا قريت بيان آخر مكتوب فيه أن الإمام محمد ماجد هوأحد المتحدثون.

سؤالي موجه لمن عنده الإجابة.

مثلك ومثل كوستاوى قلت ليهم المظاهرة لازم تكون قدام السفارة السودانية ووعدت المناضلة انوار بتنظيم المظاهرة القادمة امام السفارة ووعدناها بالمشاركة.. وقلنا للمناضلات ان القضية قضية سياسية وان المرأة تمثل أكثر من نصف المجتمع وهى أكبر كتلة مهمشة فى السودان وأن بإمكانها قيادة قوى الهامش والمهمشين...
اشيد بإخراج المناضلة محاسن وشعاراتها السنينة.. وبصور شاعر كجبار منعم الجزولى..
نحن فى انتظار الكنداكات لقيادة المسيرة..

نورالدين منان

..
.

Quote: لماذا البيت الأبيض؟ هذا القرار أتخذته حكومة السودان،الحكومة التي أجتمعتم بوفدها النسائي البرلماني( الكوكوس النسائي). لماذا لم تذهب مظاهرتكم صوب سفارة السودان؟ عينكم في الفيل وبتطعنو في ضلو.

( اول مره تجيب كلام 50% منطقى يا دينق )
ولماذا سفارة السودان بالولايات المتحدة؟؟
ما عندنا هنا وزارة شئون اجتماعية وشئون دينية
واتحاد مراة .. وجمعيات توعية الاسرة ورعاية المراة والطفل ..
واقاليم وارياف ومدن وقري .. تحتاج لترجمه هذا اللافتات وجلوس
فى البروش وداخل الرواكيب مش مجرد.. تعابير انجليزية يحملها 15 شخصاً امام بوابة
لا تمت للموضوع بصلة ولا من قريب او بعيد وكأن البيت الابيض ترك ازمته
ليعالج لكم قضاياكم وقضايا مجتمعكم وانت تتأنقون وتحتفلون بمجرد لوحات لا تحل ولا تربط !!؟


___________

عدم الموضوع فى ديار المهجر ايضاً موضوع ..

الصيد في الماء العكر
!!!!

البوست موجه للسودانيين الأمريكيين المتواجدون في العاصمة الأمريكية

هم يفهمون مجتمعهم و يفهمون خلافاتهم
و للأ خر حق التداخل إذا أفاد بتعلية مستوى الحوار

Again
The Sudanese American Women's Organization
has promissed to hold a demonstration infront of the Embassy of Sudan in Washington, DC
according to the General Secretary of the organization,
Madam, Anwar A. Alwahab

Full stop

..
.

Quote: الصيد في الماء العكر !!!!

هو بالله ماء عكر ..!!؟ الغريبة دى فاتتنى كيف
ما كان مفترض اجى اغسل يدى هنا

Quote: البوست موجه للسودانيين الأمريكيين المتواجدون في العاصمة الأمريكية

ماشاء الله يا ناس واشنطن ..

Quote: هم يفهمون مجتمعهم و يفهمون خلافاتهم و للأ خر حق التداخل إذا أفاد بتعلية مستوى الحوار

ياتو مجتمع دا ؟؟ مجتمع السودانيين الامريكيين المتواجدون فى واشنطون دى سي
قرقر قرقر قرقر
والله شر البلية ما يضحكـ ..

Quote: Again The Sudanese American Women's Organization has promissed to hold a demonstration infront of the Embassy of Sudan in Washington, DC according to the General Secretary of the organization, Madam, Anwar A. Alwahab

مقدمة
بطلو فلسفة اللغة الانجليزية
كأنها تمنح عبر الجواز الاجنبي او فى ارض مهجركم
الجانب الاول
قضية سودانية بحته ..
تمس المراة السودانية
والمجتمع السودانى الطبقة الجاهلة من هذا المجتمع
بدولة لها عاداتها وتقاليدهاومؤسساتها الاجتماعية
ووسائلها ونساء قادرات لتمرير هذا الاحتجاج ... الخ
الجانب الثانى
مظاهرة عن القضية اما البيت الابيض
البيت الابيض .. وكفى ..
القضية لا علاقة لها بذلك المجتمع ( السودانى رغم تواجده بواشنطن دى سي :) )
8 نساء ورجلين يحومون حول لافتات وكانهم فى جزيرة الكنز

وبرضو FULL STOP
وصاحب العقل بميز والبلا عقل كذلكـ

____________

كوستاوى .. بطل شغل الحريم
بتاع الهمز والغمز دا وتعال عديل ..سمح ..
ولكن ارجوكـ .. ثم ارجوكـ
ان تبتعد عن مداخلاتى .. بالجد بدخل نفسك فى محل عمرك ما بسمح بيهو

لا تدعنى اخرق وعد..

شكرا الرائع عبد المنعم الجزولي

التقطية الجميلة ولي قدام


مدثر تيف تيف

الاخ نصر الدين
لك التحيه والإحترام

أولا انا عارف انو الناس بقت مابتقبل كلام بعض بنفس طيبه، و أصبحت عقليتنا للتقبل منحازه وما ديمقراطيه كما نعتقد. وأصدقاء الأمس أعداء اليوم فقط نتاج تراكم لحواجز نفسيه وهميه. فيا عزيزي ما تكبر عرض الإنشقاق، وممكن ناس تكون عندها رأي مختلف لكن ما عندهم عداء مفصلي ناشف.
الثاني، وبحيث أنو البوست دا يتوقع دخول أخواتنا وبناتنا وأمهاتنا فيه، نرجو منك مسح اللغه الهابطه المستخدمه أعلاه، لانها غير معبره عن واقع سودانا الجوه والبره. وبنستعملها في حدود عدم خدش الحياه إن وجد.

الثالت: لا أري في ما قاله الأخ تبلدينا ما ستدعي كل هذه الأوصاف، أنماعرض فكره تحتمل النقاش، وأنا شخصيا أتفق فيما رأي، أنه يمكن للمرأه في المهجر الأمريكي إستخدام وإستفعال كثير من الأدوات والوسائل المؤثره فيما يخص الوصول الي شخصيات ومنظمات ضغط عالميه تعكس الماساة وتساهم بشكل فعال في رفع الوعي لنساء القري والأرياف السودانيه. وفي هذا المجال صالت جامعة الأحفاد وجابت معظم قري السودان شحدآ للهمم وبصيص ضوء. وأري أنو لهم حق التعبير بس ما مفيد وغير مؤثر لعدة أسباب ذكرها الأخ تبلدي.
فياعزيزي
لماذا حشر المواضيع كلها بسله بيض واحده؟ ولماذا الدفع بمنظمة المرأه ونقل تصرحيات غير رسميه من أعضائها للتسويق الدعائي، للتظاهر بسفارة السودان؟ وهل مايمر به الوطن من محن الآن يسمح لمزيد من التمزق؟

الرجاء التفكر جيدا فبل الكتابه بإنفعال، بمعني خليك لطيف ولملم الناس القراب.

ولنا لقاء

تحياتي
أبراهيم الحاج

Quote: الاخ نصر الدين لك التحيه والإحترام أولا انا عارف انو الناس بقت مابتقبل كلام بعض بنفس طيبه، و أصبحت عقليتنا للتقبل منحازه وما ديمقراطيه كما نعتقد. وأصدقاء الأمس أعداء اليوم فقط نتاج تراكم لحواجز نفسيه وهميه. فيا عزيزي ما تكبر عرض الإنشقاق، وممكن ناس تكون عندها رأي مختلف لكن ما عندهم عداء مفصلي ناشف. الثاني، وبحيث أنو البوست دا يتوقع دخول أخواتنا وبناتنا وأمهاتنا فيه، نرجو منك مسح اللغه الهابطه المستخدمه أعلاه، لانها غير معبره عن واقع سودانا الجوه والبره. وبنستعملها في حدود عدم خدش الحياه إن وجد. الثالت: لا أري في ما قاله الأخ تبلدينا ما ستدعي كل هذه الأوصاف، أنماعرض فكره تحتمل النقاش، وأنا شخصيا أتفق فيما رأي، أنه يمكن للمرأه في المهجر الأمريكي إستخدام وإستفعال كثير من الأدوات والوسائل المؤثره فيما يخص الوصول الي شخصيات ومنظمات ضغط عالميه تعكس الماساة وتساهم بشكل فعال في رفع الوعي لنساء القري والأرياف السودانيه. وفي هذا المجال صالت جامعة الأحفاد وجابت معظم قري السودان شحدآ للهمم وبصيص ضوء. وأري أنو لهم حق التعبير بس ما مفيد وغير مؤثر لعدة أسباب ذكرها الأخ تبلدي. فياعزيزي لماذا حشر المواضيع كلها بسله بيض واحده؟ ولماذا الدفع بمنظمة المرأه ونقل تصرحيات غير رسميه من أعضائها للتسويق الدعائي، للتظاهر بسفارة السودان؟ وهل مايمر به الوطن من محن الآن يسمح لمزيد من التمزق؟ الرجاء التفكر جيدا فبل الكتابه بإنفعال، بمعني خليك لطيف ولملم الناس القراب. ولنا لقاء تحياتي أبراهيم الحاج

الأخ إبراهيم
تحيتي

أنا جني و جن الكلام الني و الكلام الإنشائي الما بودي ولا يجيب
أول حاجة ما تقول كلام أنا ما قلتو و تحاول تعمل فيها الود خطير
و مقددها
تعال أولا قول لي معنى كلامك دا شنو:

Quote: ولماذا الدفع بمنظمة المرأه ونقل تصرحيات غير رسميه من أعضائها للتسويق الدعائي، للتظاهر بسفارة السودان؟

ياتو كلام أنا نقلتو للتسويق? هل أنت كنت في المظاهرة? ليه الزول النقل ليك الكلام الغلط ما يجي يرد على كلامي دا و يقول دا ما كلام رسمي?
و ليه إنتو خايفين من المظاهرة أمام سفارة السودان يا أستاذ?
هل بقت خجلة?

و أنت بالذات مالك و مال كلامي مع تبلدينا
أنا و تبلدينا عندنا دواس من سنة 2000
و جاي خاشي بالعرض في حاجة إنتا ما عندك ليها أي خلفية

ما يدعى بالسكرتير العام لمنظمة المراءة قالت و أمام جمع من المتظاهرين أن المظاهرة القادمة سوف تكون أمام سفارة السودان (هذا تصريح في عمل عام ولي حق نشره هنا) ليه إنتا زعلان?
إقرأ مداخلة الأخ منان أعلاه
و الأخ دينق

أنا بكتب هنا يا إبراهيم من 2000 و أي كلام أنا مسئول منو و ما بجيب حاجة لو أنا ما متأكد منها.

=و بجيك تاني=

..
.

Quote: و أنت بالذات مالك و مال كلامي مع تبلدينا أنا و تبلدينا عندنا دواس من سنة 2000 و جاي خاشي بالعرض في حاجة إنتا ما عندك ليها أي خلفية

وهل تعلم باننى ليست لى خلفية ؟؟
بالجد انا ما عارف من سنة 2000 انت شايلاها معاى مالك ؟؟
عشان ارائى فى بعض المواقف من المعارضة وناس المهجر ..
يا كوستاوى ..
صدقنى انا ما عندى معاك خلاف شخصى ؟؟
ولا ادرى ماذا كتبت فى ليل محاه نهار او مشرف الموقع ..
ومهما كتبت فليجعلها الله لنا فى ميزان حسناتنا
ولكن اعتقد ان تسع اعوام من الخلاف فى وجهات النظر على الاقل تعطى كل شخص
ان يفهم الاخر الى حد ما.. او مفترض ان تتقارب الاراء .. فليس بيننا سابق معرفة سوى هذاالمنبر
ولا عداء مسبق ولا صراع حول جاه او سلطان او منصب ..

خلافنا معك هى ان وجهة نظرى .. ان تستخدم المراة فى الولايات المتحدة او المهجر
وسائلها للوصول الى شخصيات ومنظمات داخلية وخارجية لتوصيل صوتها ضد الختان او اى قضية
الى الجهات ذات الشان سوى كانت منظمات حقوق مراة او رعاية اسرة او تنمية مجتمع
اما مسألة مظاهرة اماالبيت الابيض دى .. والله لا تخدم قضية ومجرد عدم موضوع او فهم للآلية
التى يتم بها رفع هذاالنداء ..

والدليل

Quote: ما يدعى بالسكرتير العام لمنظمة المراءة قالت و أمام جمع من المتظاهرين أن المظاهرة القادمة سوف تكون أمام سفارة السودان

ووين هم المتظاهرين ؟؟
ثانياً من البداية تصاغ مذكرة بحيثيات الموضوع وتسلم للسفارة ونسخ منها لمنظمات
حقوق المراة واتحادات وووزارة الشئون الاجتماعية داخل السودان وايضاً للجمعيات
والمنظمات التى تطالب بوقف الاعتداء على المراة وحقوقها بالخارج .. حتى يزداد النداء
لايصال هذه القضية لمرحلة لفت النظر ..

فى ذكمتك فى لزوم .. للبيت الابيض ؟؟ وهل يخدم قضية ؟؟ وقف 8 نساء بلافتات قد تكون
لم تجد هذه المظاهرة ( اربع اسطر ) فى صحيفة محلية ولا مجرد تعليق ..!!

الاخ ابراهيم الحاج
جاء وعلق تعليق له الحق مثلما كان لى الحق وكان لك الحق
ان تأتى وتناقش موضوع المظاهرة .. امر عادى .. نصحك بطول النفس
وعدم كتابه الفاظ هابطة مسيئة _ رغم اننى لم اطلع عليها _
ودعم وجهة نظرى المتواضعة .. فلماذا الهجوم الاستفزازى ..

ختاماً ..
لك منى الاعتذار عما ورد سابقا وهنا ..
ليس ضعفاً ولا جبنا لكن اعتبرو كبرنا وشخنا
وانت زول تكبرنا اعوام تستحق الاحترام
وليس منا من لم يوقر صغيرنا ويحترم كبيرنا ..
بس ادى نفسك طولت البال ..

___________

وصدقنى منذ فترة افكر فى عمل بوست اعتذار لك
ولدكين وتراجى .. وعرائس النيل ووالدتهم .. الخ

والله اخرها كوم تراب ..

Quote: ختاماً .. لك منى الاعتذار عما ورد سابقا وهنا .. ليس ضعفاً ولا جبنا لكن اعتبرو كبرنا وشخنا وانت زول تكبرنا اعوام تستحق الاحترام وليس منا من لم يوقر صغيرنا ويحترم كبيرنا .. بس ادى نفسك طولت البال .. ___________ وصدقنى منذ فترة افكر فى عمل بوست اعتذار لك ولدكين وتراجى .. وعرائس النيل ووالدتهم .. الخ والله اخرها كوم تراب ..

تبلدينا.

مالك جنيت ولاعضاك عقرب؟

أشكرك على مثل هذه المبادرة الطيبة وحسن النية تجاه الأخ كوستاوي، ولو بتعرف كوستاوي ده من أفضل الشخصيات التي تعرفت عليها أنا في أمريكا وله مواقف مشهودة. أتمنى من الأخ كوستاوي أن يتقبل منك هذه المبادرة الكريمة وتفتحون صفحة جديدة، وفي نهاية الأمر لا يوجد سابق معرفة أو شئ شخصي بينكم.

.. نعم لوحدة قوى الضمير و النضال الديمقراطي في مواجهة قضية خِتان الإناث

نعم لمجاهدات و مواقف كوستاوي المشهودة .. نعم لملاحظات و إنتقادات تبلدينا الرامية لتطوير النضال

* كامل دعمنا لماجدات جمعية المرأة بواشنطن في مواجهة جريمة العصر

* لا ننسى ان نضال نبينا الكريم (محمد بن عبد الله) من اجل الحق و خير الإنسانية قد
بدأ ب 11 شخصا متحصنين داخل دار الارقم .. و عبر وقفات متناثرة و معزولة

* الي الامام يا انوار .. وقفة بالسفارة .. و ياريت وقفة بشارع المك نمر امام مجلس
الوزراء .. و امام مبنى الرعاية و الشئؤن الإجتماعية .. و ليس كل ما يتمناه المرء
يدركه .. بل تبقى حركة النضال المستمر من اجل الحق

سلام عليكم

Quote: يحملها 15 شخصاً امام بوابة

يا تبلدينا 17 شخص ... ما تاكل الناس عليك الله





التحية لهم و ان شاء الله المرة الجاية العمل يكون اكبر و اكبر

الأخ نصر الدين

عارف الإنسان بحاول يبتعد بقدر الإمكان من النقاش الما مفيد ولا بودي ولا بجيب. وأيضآ لغه السباب والإنفعال ما بتبقي الصاح صاح. كنت بتمني إنك تعتذر بعدما سحبت ملافظك في البوست بتاعك. وبكدا تثبت للناس إنك فعلآ حقاني ومعارض حقيقي، بس حكاية إنك تحذف وما تعدل البوست دي قويه، لكن عندي نسخه للضروره، إذا واصلت الدرب.
كتبت ليك مداخله مهذبه وما فيها تجني بقدرما هي وجهة نظر عاديه في ظلمه. كان ممكن تفندها برد منطقي ومهذب . لانو متل كلامك دا ما بدرسوه في المدارس . وإنت عارف معاي ماعندك طريقه.

Quote: أنا جني و جن الكلام الني و الكلام الإنشائي الما بودي ولا يجيب أول حاجة ما تقول كلام أنا ما قلتو و تحاول تعمل فيها الود خطير و مقددها أنت بالذات مالك و مال كلامي مع تبلدينا أنا و تبلدينا عندنا دواس من سنة 2000 و جاي خاشي بالعرض في حاجة إنتا ما عندك ليها أي خلفية ما يدعى بالسكرتير العام لمنظمة المراءة قالت و أمام جمع من المتظاهرين أن المظاهرة القادمة سوف تكون أمام سفارة السودان (هذا تصريح في عمل عام ولي حق نشره هنا) ليه إنتا زعلان? أنا بكتب هنا يا إبراهيم من 2000 و أي كلام أنا مسئول منو و ما بجيب حاجة لو أنا ما متأكد منها.

واحده واحده نجبيب كلامك الذي الشعريه دا.
1. وين الكلام الني في كلامي؟ الكلام الني نحن ما بنقولوا، أحسن تشوف ليك درب تاني.

2. "الود خطير ومقددها" .... بالله عليك الله دي لغه حوار وفي منبر عام، يعني لا رد فكري ولا منطق سياسي عندك. مافي راسك غيرالتقريق والهمز والشتيمه؟ طيب والله النصيحه ليك يا الله أنا خطير جدا بي معرفه وفكر كمان، قولك شنو؟ كان عندك قول، أعمل ليك ندوه، عشان تعرف لو حبيت.
الكلام المافيه إحترام بتعدا الشخص الواحد الي أشخاص عديده. فياخئ قصر من مثل الكلام دا.

طبعا أنأ تبلدينا بعرفوا فقط من خلال كتاباته هنا في المنبر منذ بداية عام 2002 . يعني 2000 دي من وين ما عارف. راجع تاريخ إنظمامك وإفتتاح بكري للمنبر، القصه ما قشره ساكت. الكتابه نوع ما كم!

أما قصة ما يدعي السكرتير العام دي ، وقصة أنا زعلان ليه؟ فأنا ماحاأكتب فيها و لأنوار الحق إن أرادت الرد فأنت أدري بقدره قلمها وطلاقة لسانها .

المهم يا نصر الدين ،
أتركوا منظمة المرأه في حالها ترعي ماتراه مناسبآ ودون تأثيير من إي كان.


الخلاصه:واحد: نقل التصريحات فرديه وما صادره من لجنه تنفيذيه مؤذي للعمل العام أذا فعلا الناس عندها مصلحه حقيقيه في ما يقدمه الأخرون. طبعا أنت الشغل التنظيمي دا ماعندك بيه شغله.

إتنين: إنت مشكلتك شنو مع السفاره وخوفنا منهااو حبنا ليها، أذا قصدت الحركه الشعبيه بمعناك. لو بتفتكر العمل السياسي دا كله شتيمه وفنجطه ساكت كدا ، تشبت عمليآ إنك بعيد كل البعد عن إي عمل سياسي حقيقي، القصه ما عواطف وبس . خليك عميق وحقيقي شويه بالله.
إبعدنا عن الأساليب الما بتودي لي قدام.


إبراهيم الحاج

عدل البوست أعلاه لضروره التصحيح الطباعي.

عليه أرجو يا كستاوي ، أن توضح للقراء كيف ولماذا قمت بحزف البوست الذي بسببه كتبت مداخلتي، دون أدني إشاره للموضوع.
لرجاء عدة اخوان عزاز ، إمتنعت عن إعادة نشره مره أخري، أملآ في إعتزارك للقراء .


إبراهيم الحاج

(1)

عارف يا أبرها

ساعت كنا بنقعد قدام الخور البودي موية المطرة نحو البحيرة (البحيرة ميدان ضخم قرب جناين أولاد المهدي -أم درمان) بجي زول يقول لينا (المقعدكم شنو هنا--)

ياخ مالك?

قرنق جا و مشى مليون مرة
أنا قابلتو مليون مرة

أنا دعيت قرنق في بيتي في ال 90th
أسأل أخوك

أسمع أنا البعرفو عن SPLA و SPLM إنتا ولا one percent مابتعرفو

و أناأتحداك في مناظرة عن ذلك عشان أفضح إنتهازيتك


إبراهيم
حدثني عن نشاطك السياسي في و اشنطون
حدثني عن بدلتك و كرفتتك السياسية

يا السكرتير السياسي لل splm




هوي
أبعد مني


عندي

Quote: عليه أرجو يا كستاوي ، أن توضح للقراء كيف ولماذا قمت بحزف البوست الذي بسببه كتبت مداخلتي،

و كمان مابتعرف في التكنلوجيا!!!
أنا إفتكرت إنو عندك MIS من جامعة الخرطوم!!!
عشان ما تستهبل أتحداك أحذف مداخلتك الفوق دي...ياخ أنت مستجد كمبيوتر و مستجد سياسة يا أبرها
كيف بتسأل كوستاوي الزول الضعيف عن كلام كبار زي دا

ما بكري صاحبك و زولك

Talk to him



شوف يا أبرها
Thanks to Sudaneseonline
الطلعت لينا حاجات كنا ما عارفنها
أنت دخلت في بوست
و لو كنت طالب خير و ضمير صافي كان ممكن نستعمل طرق أخرى للتفاهم


تحيتي لك و للمدام و الأولاد
++++++++++++++++++++++++++++++++++++++++++
بالمناسبة المرحوم جون قرنق قال لي في 1992
نصر إنتا حركة لكن تحتاج طهورة

later

Quote: الخلاصه:واحد: نقل التصريحات فرديه وما صادره من لجنه تنفيذيه مؤذي للعمل العام أذا فعلا الناس عندها مصلحه حقيقيه في ما يقدمه الأخرون. طبعا أنت الشغل التنظيمي دا ماعندك بيه شغله. إتنين: إنت مشكلتك شنو مع السفاره وخوفنا منهااو حبنا ليها، أذا قصدت الحركه الشعبيه بمعناك. لو بتفتكر العمل السياسي دا كله شتيمه وفنجطه ساكت كدا ، تشبت عمليآ إنك بعيد كل البعد عن إي عمل سياسي حقيقي، القصه ما عواطف وبس . خليك عميق وحقيقي شويه بالله. إبعدنا عن الأساليب الما بتودي لي قدام

Quote: أذا قصدت الحركه الشعبيه

يا شافع إنتا بتين عرفتاالحركة الشعبية?
إنتا ما ليك مليون سنة في البلد دي بتعرف شنو عن الحركة الشعبية?
خشيت...Ok لكن ما تتكلم Negative عن أصدقاء الحركة

لو داير تاريخ الحركة في واشنطون من 1987 ممكن نديك درس فيه

بالمناسبة أمشي do you home work و جاوب على هذه الأسئلة

Who was the first person represented the SPLA/SPLM in the
?Washington Area
( 1988-1990)
1993-1990
1993-2001
2004
2006

حاول أضرب تلفونات...
overseas
including
Juba
and its territories



سؤال آخر

بيانات ال spla/splm كان بستلمها منو? و يوزعها منو? في واشنطون في ذلك الوقت? وأين تلك البيانات يا سكرتيرنا السياسي الآن?
أتاريخ و إنتهى?

دكتور جون قرنق كان بنظم لقاءته منوsince 1990?

أبرها ألزم مواعينك
و أسكت

بطل نفاق و إستهبال

و أنا ح أقيف هنا لإعتبارات أخرى
و ما بحب أجي تاني

الكلام يا نصر بقي غير موضوعي وفيه إساءه وتشكيك في شهادات أكاديميه كمان. credential
دي حاتكون آخر لي مداخله معاك في الموضوع دا، بعد كلامك دا:
نبدأ يا إدراة المباحث:
للمعلوميه إي زول بعرفنا بعرف مقدراتنا الأكادميه، يعني ما بنغش ذي مابتحاول تظهر للناس. وهذه هي البيانات وبعدها الصور كمان ، ما ليك إنت لانك عارفها، للأصدقاء
من القراء:
1. MIS - ماجستير تفنية المعلومات - تحصلت عليهاهنا في أمريكا وفي نفس الجامعه البدرس فيها- بعد أن تشرفت بالعمل كاستاذ لأول دفعه من كلية كمبيوترمان بالسودان . جامعة الخرطوم دي تخرجت منها بمرتبة الشرف - يعني خمسه سنوات.
2. والأن خلصت PhD-SWE - دكنوراة في هندسة علوم الكمبيوتر من جامعة جورج ميسون - فرجينيا - waiting for defense

في المسأله دي جانبك الصواب، وخطأت خطأ جوهرى ما عندو مبرر غير عماء البصيره.

وفي النهايه سلوك مانظيف لأنك تدرك تماما مقدراتنا العلميه والمهنيه والاخلاقيه ومجرد التشكيك فيها نوع من المرض والحسد لا غير.

2. نجي لقصة الإنتهازيه والوزير دي ، وأتمني من كل قلبي أنها ما تكون همزه ولمزه من البتستعملهم، إحساسي ونظراتك كانت كافيه لمعرفت ما تكنه . أنت تدرك جيدآ أننا عمرنا ما عرفنا الإنتهازيه عشنا وعاشرنا كل من عرفنا بعفتة نفس وكبرياء لا وزاره ولا رئاسه دوله ممكن تغيرها.

تهمه من شخص غير جدير بالإحترام. وكتنظيم بنتعامل معاها بك جديه.

3. ما زول قال إنك مابتعرف دكتور جون ولا انك ممكن تكون صديقه الشخصي . لكن صدقني أنو د.جون نفسه ممكن يقول ليك نفس الكلام أعلاه. وثاني منو ما جاء البلد دي وأنت ما عزمته من أقاصي اليسار الي مابعده.

القصه ما إنك قاعد في خور أو بتبكي في ماكرفون ندوه. ياخي تعلم إنك تخلف كيف ومع من بإحترام ؟


4. العمل السياسي في المهجر بطلب كثير من الصدق مع النفس ، أكثر من الشليله وصحبة فلان وعلان، إركز ليك علي حيطه عشان نعرف نتعامل معاك. شغلك كلوا إنطباعي وأحكام طفوليه.

5. الحركه الشعبيه ما حكر علي شخص محدد، وعضويتها الفعاله تدرك معني الإلتزام التنظيمي ، ولا ما عندك ما تقدمه لن تجد لك موضع قدم.

6. طبعا، ما حأتبرع ليك بعلومات مجانيه وعلي الملأ ، عن عضويتي بالحركه الشعبيه، أمشي أبحث .

7. أما قصة معرفتك السياسيه فالمعترك السياسي موجود، ومرحب بيك في ندوه الحركه يوم الجمعه.

الحمد لله إني مواطن إمريكي ، كان ممكن تقول إنك حا ترحلني من البلد دي كمان.


دي آخر كلامي معاك وما كنت بتمني أنو يصل لهذا الحد، لكن التصحيح واجب .

إن عدتم عدنا

Quote: الكلام يا نصر بقي غير موضوعي وفيه إساءه وتشكيك في شهادات أكاديميه كمان. دي حاتكون آخر لي مداخله معاك في الموضوع دا، بعد كلامك دا:

تشكيك? و ين شككت في ال credentials بتاعتك?
أنا قولت ليك زول عندو شهادات زي دي ممكن يتهمني بكلام زي دا?

أرجع أقرأ كلامك الفوق دا!!!!

شوف يا إبراهيم
أنا بتحداك في مناظرة في لقاء جامع عام عن The Theoy of the New Sudan
أو The life of J. Garang
أو في أي موضوع سياسي أو علمي و أترك لك الخيار


be good

..
.
طريقة النقاش الحالية بين نصرالدين هجام
ود. ابراهيم الحاج ..

مثال حى للاشياء المؤسفة فى إدارة الحوار
بين طرف واخر..
يعنى موضوع عن الختان ومظاهرة اما جهة لا علاقة لها بالقضية
فجاة وبلا مقدمات انقلب الى انا صديق جون قرنق ووانا حصلت على
مرتبة الشرف .. الخ
ويتضح جلياً للقارئ ان تحت الاكمة ما تحتها وان هناك خلاف شخصى
فى واقعهم هناكـ ..والامر لا يحتاج يا دكتور لتبرير ولا يا كوستاوى لتتفاخر
نحن هنا يا جماعة بناقش القضية وانا شخصياً تحدثت من منطلق ماهى
الآلية الصحية والصحيحة لتوصيل هذا النداء وايقاف الختان .. رغم انه فى الخرطوم
عموما وشريحة العشرينات يعنى من 90 وانت طالع توقف هذا الإعتداء
الا نسبة ضئيلة .. يعنى قضية تتجه للاضمحلال وعادة تتجه للاندثار..

بعدبن وين الست انوار عبدالوهاب ؟؟ ما تجى تقول لينا يا شباب
صوغت مذكرة وستسلم للسفارة وكل الجهات والجمعيات المتعلقة المراة وقضاياها ..
ولا تكون مركزة فى الحفل والبرنامج الترفيهى لعيد المرأة يوم عيد الأم ..؟؟
عارفه يا ست انوار عيد الام دا ليهو قدسية خاصة ؟؟ ومكانة مميزة ..
فاعتقد الافضل تحتفلو بيهو فى ابدع صورة ؟؟ ما دام برنامج يوم المراة متعلق بالختان
جا مش ولابد .. ركزوا فى الام ( والجنة تحت اقدامها ) وتربية النشء فى المهجر
وحب الام يعنى حب الوطن ؟؟ والاحترام وحملته وهن على وهن ..
والختان خليهو للمذكرة .. يعنى ما تخلتو الكومين

__________

كوستاوى شنو ياخى قول كلمة ؟؟
بعد الكلام الجاب ليكم ود الحاج هنا واتسمح بكم او بمشرف اخر ..
ونحنا البينا عامرة ..

للناس المتابعين شوفو الزول دا بقول في شنو
أنا ح أخت كوتات فقط من الكلام الكتبو بغرض تمويه و إستجداء عطف القارئ:

Quote: 1- نجي لقصة الإنتهازيه والوزير دي

(عليكم الله أنا وين قلت كلمة وزير دي)

يا أبرهة إحتمال أنت بتحلم شن لم للم

Quote: 2-وفي النهايه سلوك مانظيف لأنك تدرك تماما مقدراتنا العلميه والمهنيه والاخلاقيه ومجرد التشكيك فيها نوع من المرض والحسد لا غير

يحسدوك في شنو يا العشا

Quote: 3-العمل السياسي في المهجر بطلب كثير من الصدق مع النفس ، أكثر من الشليله وصحبة فلان وعلان، إركز ليك علي حيطه عشان نعرف نتعامل معاك. شغلك كلوا إنطباعي وأحكام طفوليه.

الحمد لله إنو لقيت ليك حيطة ترتكز عليها مؤخرا, مبروك. نحن بس سيبونا لكلاب الخلاء

(الكلام دا مش كان بقولوه ليك الشوعيين زمان يا جيك?)

Quote: 4- الحركه الشعبيه ما حكر علي شخص محدد، وعضويتها الفعاله تدرك معني الإلتزام التنظيمي ، ولا ما عندك ما تقدمه لن تجد لك موضع قدم.

حركة يا عبدالعظيم حركة...رحم الله رسولنا جون قرنق

Quote: طبعا، ما حأتبرع ليك بعلومات مجانيه وعلي الملأ ، عن عضويتي بالحركه الشعبيه، أمشي أبحث

أبحث!!! يا زول إنتا بصحك??? أبحث ليه و عشان شنو???
say you are the head of SPLA/SPLM so what?

Quote: أما قصة معرفتك السياسيه فالمعترك السياسي موجود، ومرحب بيك في ندوه الحركه يوم الجمعه

معترك سياسي? و من بتين عرفت السياسة

المهم إنتا مطلوب منك تحضر لمناظرة بيني و بينك عن أدبيات الحركة الشعبية و خاصة التطور (النظري) لنظرية السودان الجديد و تحديات مرحلة ما قبل و بعد الإنتخابات أو أي topic تختاره أنت حتى و لو في علوم الكمبيوتر

Quote: إن عدتم عدنا

أنا عدت بالمناسبة

عوووووك أنا هنا

Quote: طبعا أنأ تبلدينا بعرفوا فقط من خلال كتاباته هنا في المنبر منذ بداية عام 2002 . يعني 2000 دي من وين ما عارف

ya MIS


منبر بكري بدأ في 1999
حصل تصحيح technical في 2002 عشان كدا العضوية بدأت للمرة الثانية 2002

بالمناسبة تبلدينا تعرفت عليه في سودان نت sudan.net
and then SDB

و أنا واحد من الناس العملت recuretment لأصدقائي من sudan.net عشان ينضموا لسودانيزأونلاين

(ask Bakri about that)
ياخ دا تاريخ ما عندك ليه رقبة



طيب إتفرج هنا

تاريخ سودانيزاونلاين 1999 - حتي اليوم

شكرا طراوة وتبلدينا ود. ابراهيم الحاج


وكل المتداخلين كنت اري ان الصور الجميلة لعبدالمنعم ممكن تجمعنا، لنواصل لكن يبدو ان هذا البوست تم اجلائه ليكون تتمة ... المهم

الاخ الكريم تبلدينا - فعلا مشغولين - كما ان البرنامج سيضم تكريم للامهات اللاتي نجحن في تربية اجيال في هذا المهجر وبنجاح فائق ودا هم اولي لنا كسيدات وامهات في ظل تعدد وهوية ثقافية مزدوجة-كما سيتم تكريم البعض من الاعضاء - نتمني ان يتم كل ماعددنا له .

ا ب ت ث - عمل عام
اب ت ث - لجنة تنفيذية
ا ب ت ث - ديمقراطية

دي فقط معادلة للتأكيد - دا اساس عمل المنظمة بدون عرض الامر وموافقة اللجنة التنفيذية أؤكد يستحيل ان نذهب الي اي مكان - نقاشي كان للاخت / نازك القدال وهي عضو ومؤسس لهذه المنظمة باقتراحها اوافقاها الراي ام لا استثمر لحظة ذلك التجمع لنناقش امور هامة بالمنظمة دا حقنا وكذلك الاستاذ / منان ناقشني وسيتم عرض الامر للجنة التنفيذية - بس لدينا مهرجان كبير وبعده سيتم مناقشته مع اللجنة التفيذية .

يعني اذا كنت ساعلن واوعد ساوعد هؤلاء نازك ومنان لانهم سيقدرون ويفهمون معني اقتراح يوصل للجنة هي التي تدير شؤون المنظمة للفترة بين الجمعية العمومية واخري والخيار لسيدات هذه المنظمة .

كل من يريد ان يطلع في موكب ضد من شاء له الحق ضمن تنظيمه السياسي او المنظمة المنضوي تحتها فلا استخدام لمنظمة المراة الا لما تقرره عضويتها نحترم ونشيد بمبادرات الاعضاء الحريصين كنازك لكنها تنفذ عند موافقة اللجنة التنفيذية.وكذلك مبادرات غير الاعضاء من السادة الحريصين تحدث لي منان - وكذلك عدلان اورد ملاحظة خاصة بالعمل العام لكننا غير ملزمين تمامابارائهم نحترمهم وملاحظتهم ولنا عضوية هي من نلجأ لها.

د / ابراهيم الحاج - اولا اهنئك فما تفعله كثير وصعب واراه يوميا سر ولن تنتقص شئ ، كل نجاح وعمل يجلب الكثير من التوتر - حتي في العمل العام .اتمني ان تبعد عن اي استجابة لاستفزاز او انتقاص .

انوار
ولكم الشكر

لا لاي منظومة مطبعة مع نظام القتلة، ايا كانت.

بلا ختان بلا باذنجان.

دي الاعيب النظام.

عينم في السفارة مشو البيت الابيض!

ثم من الاساس، دي مشكلة اجتماعية صرفة، من صميم مشاكل ثقافتنا، فما دخل الابيض؟

ده عمل مشبوه تماما!

اكرر موقفي، هذا العمل مشبوه، او بالذات التوقيت.

اي كلام عن ختان في ظروف الابادة للملايين، والملاحقة للمجرمين، ماهو الا تسويف، ذر رماد، تمويه، ولاغير!

هذا ترف جلابة، معبر عن حالة الانبتات العايشنها هؤلاء!

الختان ام الابادة في دارفور؟

الختان ام ملاحقة المجرم البشير؟

مادور الوفد النسائي الكيزاني الزائر، وقبلها السفارة، وقبلها المنظومات المشبوهة، اللتي يعمل من خلالها، منسوبي النظام في شمال امريكا؟

Quote: لو بتفتكر العمل السياسي دا كله شتيمه وفنجطه ساكت كدا ، تشبت عمليآ إنك بعيد كل البعد عن إي عمل سياسي حقيقي،

مرحب المتسلق الجديد ابراهيم الحاج!

اها قت لينا العمل السياسي ما فنجطة ساي، مش؟

العمل السياسي، طبعا للبعض، فرص تنتهز، مش؟

ناس كوستاوي تنعرك نخرتكم في التراب، او ده طبعا في عرف الانتهازيين امثالك، "فنجطة ساي"، اما الحرفا زيك، يقعدو بعيد، نضاف، يغنو للشر، او يخموها وزارات في الجزيرة، مش؟

ياخي، حريف خلاس، يالمتسلق الاممي!

Quote: العمل السياسي في المهجر بطلب كثير من الصدق مع النفس

قرقرقرقرقرقرقرقر!

اها، او انت هسي كعضو في المنبر، قاعد فوق في العلالي تتفرج علي السذج امثالنا، البصارعو في اذلام النظام، وبقية قوي السودان القديم، فانت صادق هنا، مع نفسك، مش؟
طبعا زول مهم او دكتور وماشابه، ما شبه مرمطة، بس شبه استوزار او كده! انت داير منو يقضف الدم، البروي، الشدرة الانت حارس ثمار تفاحا يقع، بلاشي كده، تروح متمغي، تكد؟
قوم بلا لمة وصوليين!

الان فقط بديت افهم، ليه البعض من اهلنا في الجنوب، ينظرون بعين الشك للجلابة الركبو الحركة سطوح، بلوشي، بعد ازيز المدافع سكت، اوشلالات الدم وقفت!

عووع!