Post: #1
Title: شكلي كدة ح أخش النار يوم القيامة!
Author: حبيب نورة
Date: 03-12-2009, 11:49 PM
Parent: #0
اكاد اجزم الان باندثار معني ان أحلم , فلا أغمض اعيني الا لتتفتح علي تعهــّر صون موسيقاي , التي ما عادت ترتدي الا عباءة ألحـان مومسٌ تناست رقيب النغم الاجتماعي
ووجع سياط الفن يا هذي ,,,,,,.
أخـــافني ........ اخافني وكلي تنازع افكار تواثبت علي بدون سابق عقلانية , و أحكمت الخناق علي مخيلتي , وسقطت ُ في ارض جنوني بلا بلا بلا !!!!! ما معني ان أعيش بلا و بلا !!!!!! ؟؟؟؟؟؟
أحتضـــــارٌ أندثــارٌ ,, وتنازعت أقدارُ أسفي حاضري وفقدتُ هوية انتمــائي لزمني ,,
وان توقفت ساعة الحائط في سجني ,,, لا انتظر الا توقف دقات ما بين أضلعي و اعلن تمردي علي الايقاع ,, لاجد لي موطأ قدمٍ في دفتر التاريخ , رجلٌ بلا ماضي و لا
حاضر ....
لا اريد ان اكون أحرص الناس علي حياة ٍ قد سئمتها , انا الان معنوياً خارجها ,,,,
ربما تصرُّ فسيولوجيا جسدي علي التشبّث بها , ولكن تلحُ نفسيتي علي الزج بي
خارجــها أكلينيكــــــــياً وتعتزمُ الرحــيل....
يا ألهــي .... متي تاتي القــيامة ؟؟؟؟ و أقرأً عند الباب لافتة السلامة ,,, ؟
اريد ان اوزع حلوي خلاصي , و أرتبك ُ خجلاً وانا أقدم الشربات ,, حاولت ان
ألملمُ شتات انسانيتي ,,, و أطرحُ نفسي كـــائن حي , و أعلن للناس أنني علي قيد
حلمي ,,,,,,................ و أنبضُ بأملي .... ألفيتني في زمرةٍ من الناس الذين
يتراقصون في بلاهــة ٍ ويرددون الاغاني الغبية في هستيرية تفضحهم ,,,,,,,
و تعلن للمــلأ ان هذا هو صوت الناعي الحزين...
متي يكون بعث ظرف زماني الذي مات منتحـــــراً حتي يحافظ علي شرف التاريخ
الذي نخشي حــملهِ من زمنٍ منفلت وطــائش ,, لا يراعي صلة القرابة و تقديس
حقوق الجيرة ,, فيغتصب ساعاتنا ,,, لتولدُ الثواني يتيمةً ,, وتعيشها طفولة مشردة
قاسية ,,, فينشأ مجتمع التوقيت فينا ,,, بلا أخلاقيات ,, و لا ضوبط ولا قيم ولا
أخلاق ,,, ومع ذلك لا زلتُ أسائل زمني ,بل زمنكم بل زمننا جميعاً ,,, متي
تأتي القــيامــــة ؟؟؟؟؟؟؟
لا زلتُ أجــردُ سبحة الايام ,, وتستوقفني في هذا العمر الباهت أصدارة شعرية
صاغها محمد نجيب بعنوان ( ضد الاحبـــــاط ) و اعتقد انها محاولة انفكــاكية
متفائلة حسب تصوري وحسب مقاييس ذلك الزمن ,, ولكن فوق دفاتر شعر
الرجل ,,, عشعش الاحــباط , لانه ثقيل الدم ,, وفي برودة ( ألاسكــا ) و لا تنفع
معـه أي وصفة ً كيمائية او طبية ,,, وانا أعتقد في مثل حالتي , أحتــاجُ الي
روشتة ألهية ومعجــزة من السماء لا تحملها الي الا توصيات ربانية ...
اهربُ من ( دكتور جيكل ــــ الي مستر هايد ) أردد مع صديقي ذات ليلةٍ
في ربيع الحبِ كنا نتساقي ونغني ,,,, لأتفــاجــأ بضياع الامس وحسرات كل
السنين في دواخلي
|
Post: #2
Title: Re: شكلي كدة ح أخش النار يوم القيامة!
Author: حبيب نورة
Date: 03-12-2009, 11:50 PM
أليها أهدي
يفتعلُ مد الحروف التجزّر , وينهشني صمت
تفاصيل المفردات عن صدق القول , وطهر
الصراخ ... و أدركُ تماماً أننا لا زلنا ننقّـبُ
عن كلمةٍ تبلغنا اخــر المرافي , بعد ان حطم
سكوتنا اخـر مركبين يسافران وما هنالك ن
مكان ... يتشرنق الحــــزن فينا مـأساةً كاملة
التطور .. ونمارس أسقاط الحاضر من اجندة
التاريخ ,, ليقفذ في وجوهنا الامس بكل اشكال
التداعي
أحسُ بدماء الانتماء تسكنني.. وتفاجـــاني من
الشريان الي الشريان.. ترحلين.. ترحلين عنا
لتبقي .. أحترمُ هذا الغيـــاب الانيق.. وتبقـين
جزوةً تدنـدنُ بالبريق ..النار لا تولد الا الحريق
ولا تبخلُ الازهار بالرحــيق ,الندي ولا انتي
سانتظرك في كل ما يعيدني اليك
لن اسمح للحلم ان يتسرب من بين انامل فرحي
لن اسمح له
ولكي
ايضاَ انا في انتظار ردك علي رسالتي
وأأمل
انو الرد يطلع من حروف ما بتعرف تجامل
ولا بتعرف زيف
يعني قدر الجواك
انا عايز اقرأ
ما اكتر ولا اقل
يا ريت جياتك ترجع زي ما كانت في الاول
أنيقة ومدهشة
وياريت المح جوي الجوف الكان بنده لي
كلمات ود عينيك الشايلة محنة كل العالم
لما نزلتي صورتك في المسينجر
كنت عايز اتخطي الزمان والمكان
واقول ليك زي ما كنت بقول في الاول
بحبك
واتدسي جوة صمتي و احكي ليك
بس خفت من شوقي الجواي يفضحني وانا ماسك في كتف الكرامة
وعزة نفس الحلم
لمن تغيب شمساتو ويظلم خاطر الدنيا وشكل القافية
يا بنت يا مافي يا الأصلك مافي وشبهم مافي
احساس العشق الظاهر وخافي
ما دارن عينيك صقيع خطواتك وانتي بعيدة وما دسن برضو النغم الدافي
يا العشقك كافي
ما بتدسوا سجون ومنافي
يا قلب الحن المدهش وصافي ووافي
ولي قدام
عشم ممدود
قدح كسرة
كلام ناساً حنان بالحيل
واشوفك حلم
سلام يا غالية
|
Post: #3
Title: Re: شكلي كدة ح أخش النار يوم القيامة!
Author: حبيب نورة
Date: 03-13-2009, 00:04 AM
Parent: #2
في ظل حوجتنا الملحة ليها
ومافي طريقة نهائي!
أنشاء الله القيامة تقوم
وكلمتين للحزن
أعلي مافي خيلك أركبو!!
|
Post: #4
Title: Re: شكلي كدة ح أخش النار يوم القيامة!
Author: نوفل عبد الرحيم حسن
Date: 03-16-2009, 01:24 AM
Parent: #3
| Quote: أنشاء الله القيامة تقوم |
قال :
ان شاء الله القيامه تقوم عشان ريدك معاي ما بدوم
ناس سهرانه طوااااالي وناس طول الليالي تنوم ؟
قال ليهو :
ان شاء الله الحساده تطير وايام السعاده تدوم
والضاق الحزن في الريد بكره ينوووووم ويشبع نوم
حبيب نوره
يا ود الذين انجبوك واهدونا اياك
جننت الحروف والمعاني جن
جن يجنن جنك ذاتو
|
Post: #5
Title: Re: شكلي كدة ح أخش النار يوم القيامة!
Author: حبيب نورة
Date: 03-16-2009, 09:57 PM
Parent: #4
نوفل كيفنك
ياخي دة ذاتو الجنن عبد القادر
وكيلك الله
تسلم علي جميل المرور
|
Post: #6
Title: Re: شكلي كدة ح أخش النار يوم القيامة!
Author: Abdel Aati
Date: 03-16-2009, 10:24 PM
Parent: #5
| Quote: شكلي كدة ح أخش النار يوم القيامة! |
انتا حتخش لوج ...
احجز لينا جنبك معاك لو خشيت قبلنا .
|
Post: #7
Title: Re: شكلي كدة ح أخش النار يوم القيامة!
Author: حبيب نورة
Date: 03-16-2009, 10:33 PM
Parent: #6
ههههههههههه
والله في ناس كتار بقولوا كدة
يا زول نار مضمونة ولا جنة مجهجهة
Quote:
احجز لينا جنبك معاك لو خشيت قبلنا . |
!!
لكن أنت ما قالوا أرتديت؟؟
سلامو عليكو
|
Post: #8
Title: Re: شكلي كدة ح أخش النار يوم القيامة!
Author: أميرة فاروق عبد العال
Date: 03-17-2009, 01:00 PM
Parent: #7
حبيبها..
كتاباتك مجنونة لا تقاوم..
عساك بخير..
|
Post: #9
Title: Re: شكلي كدة ح أخش النار يوم القيامة!
Author: حبيب نورة
Date: 03-17-2009, 11:19 PM
Parent: #8
أميرة فاروق
ياخي تسلمي
دة من طيبة أصلك وذوقك
شكرن كتيرن!
|
|