Post: #1
Title: و مابينفع الجقليب !!!
Author: ست البنات
Date: 03-09-2009, 04:19 AM
Parent: #0
أقول ليكم سر ؟
: أنا فى الحقيقة ضد محاكمة البشير والقرار من أصلو !
شفتوا كيف !
لأنه قرار ناقص !
وكان المفرزض الحكم يصدر ضد كل طاقم الجبهة الأسلامية ومعاهم البشير وكلاب أمنه !
حين اتى جبريل عليه السلام فى هيئة بشر الى سيد الخلق عليه الصلاة والسلام , وأسر له منفردا , وحين انصرف قال المصطفى لصحابته : هذا جبريل جاء يعلمكم دينكم , ثم شرح لهم كل ما جاءه به
وكان عليه الصلاة والسلام متكئا , فاعتدل فى جلسته حين ذكر شهادة الزور !
وبالبلدى : هسع انت والناس المندعرين للدفاع عن البشير ديل بيسألكم رب العالمين يوم يفر المرء من اخيه من الحق , لأن الحصل فى دارفور دا كان ظلم فظيع وحقوق ناس , وربنا سبحانه قال : حرمت الظلم على نفسى . وبعدين فى يوم الحشر داك هل البشير حيجى يشفع ليكم ؟ ولا حيكون الحساب الصعب فى الحقوق ؟؟
أما الساكتين عن الحق ومرابين ومحابين ديل ومعاهم ناس الجبهة والبشير برضو ليهم يوم عند المليك العدل !
يعنى حسابين فى الدنيا والآخرة !
ومافى داعى للمغالطات المجحفة فى حق امة دارفور , والآ أمة دارفور ما من ضمن امة المصطفى (ص) ؟؟؟؟
ولا الجماعة قايلين بيخرسوا ا الناس بالتبشيع بيهم زورا , والتشكيك فى مؤهلاتهم ووطنيتهم ؟
وبعدين لو كل الشعب السودانى بقى سيئ برضو عندو عذر ( اذا كان رب البيت للطبل ضارب ...!)
وبعدين القرار دا ما أصدره زول من السودان عشان تقعدوا تتحرشوا بالناس وتتحرشوا بيهم , ثم تانيا القرار صدر وانتهى ومابتفيد الهنقلة والحشود والنقزى !
واليومين ديل رئيسكم ما قاعد يجيب سيرة الديمقراطية ! يعنى أباح قول الحقيقة والتعبير بالرأى !
ولا الرأى الفى صالحكم فقط ؟؟؟
وميته بالعزة اخير من الجقليب البتسووا فيهو انتو ورئيسكم !
وهو رئيسكم ورئيس جماعته عارف ليه ؟
لأنه جاء براهو وقعد فوق الكرسى دا !
مافى زول انتخبوا !
هسع عليكم الله شفتوا الملك خالد ولا أمراء دول الخليج ديل فى يوم من الأيام قاموا يتراقصوا ؟؟
وزمان ما حرموا الناس حفلات الزواج وكانت بمصاحبة حرس من كلاب الأمن !
والشوارع امتلأت بجماعة النهى عن المنكر , وسيق الكثيرون الى المحاكم بتهمة الشروع فى الزنا !
وتضاءلت مساحة الغناء فى برامج الأذاعة والتليفزيون , بل أوقف الكثير من الأغانى عن البث !
هسع يا ربى الجد شنو ؟؟ وشنو الخلا الرأس الكبير يمتهن الرقص ؟؟؟؟
والله انا اكان منهم الجماعة ديل اشوف ليى جحر اندس فيه !
يا النبى نوح من البشتنه وشيل الحال !
ست البنات .
|
Post: #2
Title: Re: و مابينفع الجقليب !!!
Author: Nader Abu Kadouk
Date: 03-09-2009, 07:46 AM
Parent: #1
ست البنات
جنس جقلبه هي
جماعتو إطبلوا
والبشير يرقص
شئ مقرف
|
Post: #3
Title: Re: و مابينفع الجقليب !!!
Author: على احمد النعيم
Date: 03-09-2009, 07:57 AM
والذى طاف الحجيج ببيته كل من ناصر اوكامبو اللعين قرف الى ابعد الحدود.
آناس شوفو واسمعو وخلونا من هذه الجعجعة الكريهة.
|
Post: #4
Title: Re: و مابينفع الجقليب !!!
Author: محمد على النقرو
Date: 03-09-2009, 08:24 AM
Parent: #3
يا ست البنات سلامات
انتى فى دا ولا البشير رجع لابس لبس الكجور
الكان بينعت أهلها بلا دينيين.
شفت المحن!!!!
|
Post: #5
Title: Re: و مابينفع الجقليب !!!
Author: ست البنات
Date: 03-09-2009, 12:30 PM
Parent: #4
يا محمد النفرو يا اخوى الزول دا مستعد يلبس أراجوز كمان !
غايتو الواحد يشوف أخبار العالم يتحير !
ونحنا أثبتنا اننا شعب ميسيكين ويحنن !
هسع جنس المظاهرات دى متوقعين ناس المحكمة الدولية يشوفوها ؟
ويقوموا يقولوا نحنا أخير نلغى القرار دا عشان حبايبنا فى السودان وخارجه زعلانين مننا !
وكمان يقولوا البشير عمل سد مروى , وطريق الجنوب , وجاب البترول , يعنى كان قتل وسحل كم نفر من دارفور مالو ؟
خلاص نحنا أحسن نبل القرار دا ونشرب مويته يمكن يبقى لينا عصير ورق ( على قرار ملاح ورق ) !
ونقوم نعفيهو ونقول ليهو مصرح ليك كمان تقتل ناس من الشرق والشمال ,
ومافى داعى تمشى تقتل ناس فى دارفور تانى عشان قرار ترحيل منظمات الأغاثة دا بيقوم باللازم كله .
ست البنات .
|
|