Post: #1
Title: ما هذا يا مجلس الجالية بماليزيا؟
Author: Mahathir
Date: 03-08-2009, 07:32 PM
Parent: #0
Quote: ندوة كبرى بسفارة السودان بكوالالمبور
تنظم سفارة السودان بكوالالمبور بالتعاون مع الجالية السودانية بماليزيا ندوة سياسية كبرى يتحدث فيها السيد / نادر يوسف الطيب سفير السودان لدى ماليزيا عن تداعيات الموقف السياسي عقب قرار ما يسمى بالمحكمة الجنائية الدولية ويتحدث فيها ايضاً عدد من الخبراء والمحللين السياسيين والدعوة عامة لكافة الاخوة والاخوات السودانيين بماليزيا
الزمان: الأحد/ 8مارس 2009 م الساعة الثامنة مساء
المكان : مباني السفارة بشارع امبانج
|
ذهبت اليوم بعد غيبه لمبني السفاره لحضور ندوة عن " عن تداعيات الموقف السياسي عقب قرار ما يسمى بالمحكمة الجنائية الدولية" ....
لأسمع تحليل لما قادنا لتلك الحفرة وكيف الخروج منها.....
ذهلت عندما وصلت لمبنى السفاره...عنوان يختلف عن ما أعلن في النت ...
عنوان غريب و بائس لندوة عن "التصدي لقررات المحكمه ...." ....
ليست ندوة حديث عن سلام عادل وتحول ديمقراطى حقيقي؟
لو اعلنتم أن الندوة هي ندوة "نصره" لما أتينا...
اتفهم موقف أهل السفاره ...فهم موظفي دوله ويعكسون نظرة الدولة ...
ولكن ما أعجب له هو وجود إسم الجالية كمنظم للندوه ....
هل تسيست الجالية ؟
هل صارت الجالية بوق للنظام؟
ماذا تبقي؟ بيان إدانة للمحكمة وحرق بخور للبشير بأسم الجالية ؟
ونحن المرحبين بقرار المحكمه ....هل ننشء الجالية السودانية المؤيده للقرار؟
تركت ال"نفرة" الكبرى قبل أن تبدأ و عدت مع الختام لأسمع خطاب التسعينات البائس....
عن تجريب السيوف فوق الرقاب والتكبيرات الانقاذية - ولو أنها على استحياء ألان- وتلك الذقون التي لا نجهلها......
يا أهل الجالية ...إن كنتم تستحوا فدعوني أقولها:
" يا سعادة السفير ... أدع الناس بإسم السفاره و قل لهم انها نفرة ....
لا تخف ....سيحضر الناس...
في الزمن الجميل في كوالا لمبور كان السودانيين يحضرون مند دون تسخير باصات من الجامعة الاسلامية وينسل ...
و لم تكن طاولات الطعام مهمه لجعل الناس تجلس حتى نهاية الندوة .....
و لن تحتاج لادخال إسم الجاليه .... أترك الجالية لحالها ولا تسخرها لرهط دون رهط ...السودان للجميع ..والجالية للجميع..."
وإن كان في مجلس الجالية اناس تلقوا تعليمات من جهاز بيت الأشباح لتنظيم شيء يعكس "حب الناس للبشير" ...
فنقول نعم خدعتونا بالعنوان على النت....
ونعم نجحتم في تشكيكنا في حيادية الجالية ....
إرفاعو تقريركم ....وأرفقو صور نجاحكم ...
فاخوانكم منظمي النفرات في الخرطوم ليسوا بافضل منكم....
فقط بالله عليكم لا تكذبوا على الجميع وتكتبوا أن سودانيي ماليزيا خرجوا عن بكرة أبيهم لنصرة البشير ...أو أن اللقاء كان حاشد ....
لا تكذبوا يوم مولد الرسول يا قوم....
..
....
....
.....
..........
.............
ما يجي واحد يقول لي إنت ما وطني ولا ما سوداني و شنو ما عارف .....
|
Post: #2
Title: Re: ما هذا يا مجلس الجالية بماليزيا؟
Author: الطيب عبدالرازق النقر
Date: 03-08-2009, 10:24 PM
Parent: #1
طبعا ما سودانى
وهل فى ذلك شك
وكمان شيطاناها ايه رايك
لانك اول ما سمعت صوت التكبيرات والتهليلات البتضاهى صيحات الصحابة رضوان الله عليهم فى بدر
عملت كبتن ماجد وكبيت صوف
شوف يا باشمهندس
طبعا انا زيك اتفاجات فى تغيير عنوان المحاضرة وهى اشبه ما تكون نفرة على حد قولك وكسب تأييد
الا اننى لا أرضى غضاضة فى ذلك رغم تحفظاتى على بعض الهنات التى حدثت هنا وهناك
تسليم البشير فيه تركيع واهانة للسودانيين قاطبة...
البشير مذنب اقترف تجاوزات ليس هذا مربط الفرس الان
المهم الا يتم تسليمه للدول المتعجرفةهذه
يحاسب على جرائره التى ارتكبها فى حق دارفور من قبل محكمة سودانية ان لم تكن فى عهده فلتكن فى عهد اخر
ولكن يا باشمهندس فليكن بصحبة أقطاب الحركات الدارفورية التى ارتكبت هى بدورها مجازر فى امدرمان والغرب نفسه
اضافة لترويع الآمنين فى امدرمان وتجنيدهم للقصر وأطفال مازالوا فى معية الصبا
مودتى
|
Post: #3
Title: Re: ما هذا يا مجلس الجالية بماليزيا؟
Author: أيزابيلا
Date: 03-09-2009, 07:00 AM
Parent: #2
الطيب عبد الرازق
الزول دة كلامو واضح وعبر عن رايو..وقال انو اتغشا
وانت اعترفت انو تم تغيير عنوان الندوة
لكنك (لا ترضى غضاضة فى ذلك) واظنك تقصد لا تجد غضاضة
......
أرجو ان يسهم هذا البوست فى ادارة حوار عقلاني بدلا عن التهم من نوع ما سوداني وشيطان وعندك قرون
.....
تعرف يا الصادق
انا لو محلك كنت طلبت فرصة فى الهيلمانة دى
وواجهتهم بى انهم غيروا اسم الندوة وانو فى جمهور بيفتكر انو الجنائية دى ورطة وقع فيها النظام بفعل عمايلو المهببة
ولا شان لى انا المواطن البسيط بها
الناس ديل اتعودوا على سكاتنا وبالكتير انسحابنا من جوقاتهم..انا ما عارفة ما الذى غيره اضعف الايمان الى يومنا هذا
|
Post: #4
Title: Re: ما هذا يا مجلس الجالية بماليزيا؟
Author: Mahathir
Date: 03-09-2009, 12:21 PM
Parent: #3
الطيب ....
Quote: تسليم البشير فيه تركيع واهانة للسودانيين قاطبة...
البشير مذنب اقترف تجاوزات ليس هذا مربط الفرس الان
المهم الا يتم تسليمه للدول المتعجرفةهذه
|
تحدثت عن تسييس الجالية ....
اتفهم أن يكون الداعي هو السفير وأهل السفارة ..لكن لماذا إقحام الجالية؟
إذا كنت تري أنها نفره "أو تشبه النفرة" ...هل الجالية لتنظيم النفرات؟
|
Post: #6
Title: Re: ما هذا يا مجلس الجالية بماليزيا؟
Author: Mahathir
Date: 03-09-2009, 12:39 PM
دكتورة ....
Quote: تعرف يا الصادق
انا لو محلك كنت طلبت فرصة فى الهيلمانة دى
وواجهتهم بى انهم غيروا اسم الندوة وانو فى جمهور بيفتكر انو الجنائية دى ورطة وقع فيها النظام بفعل عمايلو المهببة
ولا شان لى انا المواطن البسيط بها
الناس ديل اتعودوا على سكاتنا وبالكتير انسحابنا من جوقاتهم..انا ما عارفة ما الذى غيره اضعف الايمان الى يومنا هذا |
تركت "النفرة" لامر خاص وليس انسحابا من الجوقه ....
|
Post: #7
Title: Re: ما هذا يا مجلس الجالية بماليزيا؟
Author: Mahathir
Date: 03-10-2009, 03:26 AM
Parent: #6
Quote: لانك اول ما سمعت صوت التكبيرات والتهليلات البتضاهى صيحات الصحابة رضوان الله عليهم فى بدر
|
قلت لي بقو يضاهوا الصحابه ذااااااااااااااااااااااااااتم ؟
اتقوا الله فينا ....
ما رأيك في تسييس الجالية؟
......
وصديقك لن نرد سلامه حتي ينزل بوست إعتذار لSabah Hussein
التي قال لها:
" اخرجي من هذا البوست ايتها ***
اخرجي من هذا البوست فهو للشرفاء من ابناء وطني
لقد قرأتي ما قلت فاخرجي من هنا ايتها ****"
|
Post: #8
Title: Re: ما هذا يا مجلس الجالية بماليزيا؟
Author: mansur ali
Date: 03-10-2009, 07:09 AM
Parent: #7
هندسة ياعجيب ، تسلم على هذه المرافعة الآخلاقية النبيلة التى تؤكد من خلالها إمكانية إتخاذ موقف واضح إزاء محاولات التدجين الجارية . أما موقفك فهو بلا شك يضاهي "وحدة الروح الأخيرة؟" أو كما قال رحمه الله:
كم كنت وحدك، يا بْنَ أمي
يا بن أكثر من أبٍ
كم كنت وحدك.
//
هم يسرقون الآن جلْدك
فاحذر ملامحهم .. وغِمدك
كم كنت وحدك، يا بن أمِّي،
يا بن أكثر من أبٍ
كم كنت وحدَكْ.
|
Post: #9
Title: Re: ما هذا يا مجلس الجالية بماليزيا؟
Author: Hawari Nimir
Date: 03-10-2009, 07:38 AM
Parent: #1
الصادق...
الطيب ...
منصور...
سلامات و عوافي..وعلكم بخير..
...
..
.
المطروح امامي...شئ واحد يا الطيب..ياصديقي؟؟
لماذا تم تغيير..اسم الندوة؟؟او المحاضرة؟؟
وهل الدعوة من الجالية؟؟ام السفارة؟؟؟
ولماذا؟؟
...
..
.يا الطيب يا اخوووي كدي استهدي بالله!!
شيطان شنو؟؟وما سوداني منو؟؟
علييك الله يالطيب انت جادي؟؟؟!!
....
...
..الصادق ..لك الشوق...و شكرا لك..علي التساؤل ..الحقيقه؟؟والاستنكار القوي..
فقط يا ريت..لو كان عملت مثل ما قالت د\شذي...
ولكم كل الود
هواري
|
Post: #10
Title: Re: ما هذا يا مجلس الجالية بماليزيا؟
Author: Abdlaziz Eisa
Date: 03-10-2009, 10:28 AM
Parent: #9
الأخ العزيز الصادق
الإخوة المتداخلون الشرفاء...
سلام
Quote: هل تسيست الجالية ؟
هل صارت الجالية بوق للنظام؟
م....
..
|
لقد تم تسييس الجالية لما يزيد عن العقد من الزمان.. فآخر جالية حقيقية كانت تضم كل سودانيي
ماليزيا هي لجنة د. عباس حسين 1995م .. إبتعد غالبية أعضاء الجالية بعد اجتماع Petaling Jaya
الشهير الذي دعي الناس له دون علم اللجنة التنفيذية للجالية ومن وقتها.. وبدأ التغول
السياسي وسيطرة محسوبي النظام على لجنة الجالية وأصبحت جزء من السفارة..
Quote: ماذا تبقي؟ بيان إدانة للمحكمة وحرق بخور للبشير بأسم الجالية ؟
ونحن المرحبين بقرار المحكمه ....هل ننشء الجالية السودانية المؤيده للقرار؟
|
يا عزيزي الصادق
السفارات مكلفة بعكس توجهات النظام.. وطاقم السفارة هم موظفين كما ذكرت أنت آنفا.. فلا نتوقع منهم
خلاف ما نراه ونسمعه في الخرطوم.. والجالية تأتمر بأمر السفارة.. وبالتالي تنفذ سياسة السفارة..
الناس الهتيفة والغوغائيين يغبشون الحقائق والواقع وهو أن غالبية الشعب السوداني اذا توقف ارهابهم
ومنحوا حرية حقيقية للتعبير فبالتأكيد سيكون رأيهم مع قرار المحكمة.. وأني أدعو الله ساجدا لأرى يد
العدالة تطول البشير وكل مجرم ظالم انتهك حرمات الوطن والمواطن..
Quote:
فاخوانكم منظمي النفرات في الخرطوم ليسوا بافضل منكم....
فقط بالله عليكم لا تكذبوا على الجميع وتكتبوا أن سودانيي ماليزيا خرجوا عن بكرة أبيهم لنصرة البشير ...أو أن اللقاء كان حاشد ....
لا تكذبوا يوم مولد الرسول يا قوم |
لا جرم بعد القتل يا أخي..
البشير اعترف بقتل عشرة آلالاف وعندما صدر قرار العدالة ذهب بلا أدنى ضمير ولا أخلاق ليرقص على رفاة ضحاياه.. فاليكتبوا ما يكتبوا يا أخي.. فليس هنالك جرم أكبر من القتل.. وهم يعرفون تماما الكذب الأشر الذي يكتبونه..
التحية لاوكامبو والمحكمة الجنائية الدولية..
عبدالعزيز
|
Post: #11
Title: Re: ما هذا يا مجلس الجالية بماليزيا؟
Author: Mahathir
Date: 03-10-2009, 11:44 AM
Parent: #10
منصور ....
انها محاولة صراخ في الفراغ....
بعضهم يرها كمحاولة إسماع الموتي ...وهناك من يراها كحديث الشخص مع نفسه كي لايحسب مع الموتي .......
....
...........
..........
..................
حدثنا عن كرات الثلج يا صاح
|
Post: #12
Title: Re: ما هذا يا مجلس الجالية بماليزيا؟
Author: Mahathir
Date: 03-10-2009, 11:54 AM
Parent: #11
هواري ....
Quote: .يا الطيب يا اخوووي كدي استهدي بالله!!
شيطان شنو؟؟وما سوداني منو؟؟
علييك الله يالطيب انت جادي؟؟؟!!
.... |
لا الطيب دا ما جادي ...
الطيب دا نحمد الله إننا لسا بنروق ليهو :)
ما دار في الندوة دعه ألان يا جميل من الزمن الجميل فهي كانت نفره وليست ندوة ...
تركت النفره قبل أن تبدأ لسبب خاص ولا علاقه له بالهروب أو الضجر - سمعناهم 20 سنه ..يغلبنا نسمعهم 90 دقيقة :)
لكن لم تسييس الجالية ؟
........
تحيه لك يا هواري
|
Post: #13
Title: Re: ما هذا يا مجلس الجالية بماليزيا؟
Author: Mahathir
Date: 03-10-2009, 12:22 PM
Parent: #12
Abang aziz ....
Quote: السفارات مكلفة بعكس توجهات النظام.. وطاقم السفارة هم موظفين كما ذكرت أنت آنفا.. فلا نتوقع منهم
خلاف ما نراه ونسمعه في الخرطوم.. والجالية تأتمر بأمر السفارة.. وبالتالي تنفذ سياسة السفارة.. |
طاقم السفاره كانوا يقوموا بواجبهم وهو عكس وجهة نظر الدوله ....
لكن الغريب هو وجود إسم الجالية كمنظم للنفره....لماذا؟
.......
لكن تعرف ...دائما كنت أقول في نفق اوكامبو المظلم دا أكتر حاجة حتغتس راس البشير هي ألغوغائيه والهتافات ....
و لو تركوا الأمر ليحل بالقانون والدبلوماسيه لكان هناك مخرج مقبول "شايفين يا هتيفة أنا بتكلم عن مخرج - ...
ألحق يقال كنت ماشي عشان أسمع كلام متزن و مرتب من أهل الدبلوماسية في ماليزيا ...
ماعارف السفير قال شنو في الأول
لكن في أخر النفرة شايفو كان متكيف من الهتافات والتكبيرات الكنة على استحياء "اكرر علي استحياء مخلوطه بتصفيق" ...
و الأولاد الكانوا بقولو نرجع للجهاد و يلا نجرب سيوفنا في رقاب الناس بدل ما ينصحهم بحوجة السودان لعلمهم و شهاداتهم... لاذ بالصمت .....
كلام غريب ....
the question remain ...why the embassy allow or put the Jalyah name in this pro Basheer Rally ?
Did the embassy request for any kind of help from the Jalyah to organize this?
who did they get the green light from?
since Dr.Shihab said they in the Jalyah committee did not agree to use the Jalyah name in this gathering, who went behind their back and said "ok"?
the OBVIOUS is not to use the Jalyah name in such RALLY....why did the embassy allow such thing?
abang aziz .. too many questions and i know i will get no answers ... but hay ..i'm just throwing a rock into the lake :)
stay well
|
Post: #14
Title: Re: ما هذا يا مجلس الجالية بماليزيا؟
Author: اسامه خليفه
Date: 03-10-2009, 12:57 PM
Parent: #13
الاخ الباشمندس الصادق... مساءك سعيد
كان عليك ان تتوقع مارايت وسمعت بمجرد ذكر مكان الندوه ( السفاره )..
فكما تفضلت السفاره وموظفيها يمثلان حكومة السودان وراي الحكومه واااااضح وضوح الشمس تجاه تلك القضيه,,
اذا كان المكان غير ذلك فيمكن ان تجد ما اشرت اليه ..
اتفق مع الدكتور شهاب في ما رمي اليه ..
التحيه لك مجددا ولضيوفك الكرام..
التعديل لاضافة ما
|
Post: #15
Title: Re: ما هذا يا مجلس الجالية بماليزيا؟
Author: Mahathir
Date: 03-10-2009, 01:23 PM
Parent: #14
ود الخليفه ... حبابك عشره
Quote: كان عليك ان تتوقع مارايت وسمعت بمجرد ذكر مكان الندوه ( السفاره )..
|
تعرف إنو الواحد عندو أمل إنو النمر يغير خطوطه :)
|
|