Post: #1
Title: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 10:57 AM
Parent: #0
تكبد العشرات من الغيورين على بلدهم السودان عناء السفر
من مسافات بعيده الى لاهاي (DEN HAAG) للتعبير عن رفضهم
التام للقرار الصادر باعتقال رمز سيادتهم .
وكانت شعاراتنا ان
بالروح بالدم نفديك يا سودان
|
Post: #2
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 11:00 AM
Parent: #1
لا لا للجنائية
|
Post: #3
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 11:07 AM
Parent: #2
السودان وطن للجميع
|
Post: #5
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 11:13 AM
Parent: #3
نحن نحب السلام
|
Post: #4
Title: Re: مسيرة هادره في لاهاي تنديدا بقرارات المحكمة الدوليه.
Author: tmbis
Date: 03-08-2009, 11:12 AM
Parent: #2
يا وليد كيفك ؟؟
ياخ عندي سؤالين .. ممكن ..؟
واحـــد:
وين الناس الدقاقين .. القاعدين يدقو الناس في المظاهرات .. ما شيافم قطعو الطريق المرة دي ..؟
اتنيــن:
وين (المخترقنجية)  بتاعين المرة الفاتت .. ماجو عملو لينا بروفات هنا دا وقالو نحن اخترقنـا الكيزان وصورناهم ..؟
|
Post: #7
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 11:33 AM
Parent: #4
اهلا يا تامبا
Quote: واحـــد:
وين الناس الدقاقين .. القاعدين يدقو الناس في المظاهرات .. ما شيافم قطعو الطريق المرة دي ..؟
|
والله كنا متوقعين مواجهة مع الدقاقين والقطاعين ولم نحظى بلقياهم.
لكن عرفنا السبب القطع وشهم مننا شنو.
اوريك ليه ولا نخليها مستورة؟
Quote: اتنيــن:
وين (المخترقنجية) بتاعين المرة الفاتت .. ماجو عملو لينا بروفات هنا دا وقالو نحن اخترقنـا الكيزان وصورناهم ..؟ |
اها ديل بالذات نحن جبنا الصور دي ليهم عشان يبطلو الوهم المعيشين روحهم فيه.
|
Post: #6
Title: Re: مسيرة هادره في لاهاي تنديدا بقرارات المحكمة الدوليه.
Author: Mohammed Elhaj
Date: 03-08-2009, 11:28 AM
Parent: #2
مسيرة هادرة عديييل كدا
خلعتنا ياخ بالنظر لي انو المشاركين في المسيرة الهادرة دي 20 نفر (انكلودنق الطفل) مع انو مفروض ننتظروا يصل 18 سنة عشان نشوف هو جا بي رغبتو ولا ابوهو خمخمو جابو طمعاً في زيادة
|
Post: #8
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 11:35 AM
Parent: #6
Quote: مسيرة هادرة عديييل كدا
خلعتنا ياخ بالنظر لي انو المشاركين في المسيرة الهادرة دي 20 نفر (انكلودنق الطفل) مع انو مفروض ننتظروا يصل 18 سنة عشان نشوف هو جا بي رغبتو ولا ابوهو خمخمو جابو طمعاً في زيادة |
انت اصبر وعد معاي ... باقي الصور جاي .
|
Post: #9
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 12:33 PM
Parent: #8
دي عشان الشليقين والشفقانييييييييين
قلت لي عشرين نفر (انكلودينق) الاطفال
حاسب معاي ؟
|
Post: #11
Title: Re: مسيرة هادره في لاهاي تنديدا بقرارات المحكمة الدوليه.
Author: أحمد أمين
Date: 03-08-2009, 01:34 PM
Parent: #10
وليد دارويش
كيفك
لدى بعض الاسئلة ارجو ان تجب عليها لأنى والله محتار.
هل كل او بعض هؤلاء المشاركين طالب لجؤ سياسى؟
فلو كانوا كذلك فمن من يطلبون دولة مثل هولندا ان تحميهم؟
احد الاسباب الاساسية لمنحك (حق اللجؤ) هو ان السلطات فى ذلك البلد تحس بأن هناك (خوف فعلى) على حياتك لو عدت الى بلدك؟
من من يخاف هؤلاء اذن فى السودان؟
لماذا يعترض هؤلاء على عدم محاكمة البشير؟
هل لأنه سودانى فقط؟
ام لأنه لم يرتكب جرائم اصلا فى دارفور؟
هل شارك اى واحد من هؤلاء او عبر فى اى لحظة من اللحظات عن حزنه اسفه وجعه على ما حدث فى دارفور؟
لو كانت الاجابة بلا يمكننى ان افهم موقفهم الحالى (لأنو الموضوع مابهمهم اصلا)؟
لكن لو كانت الاجابة بنعم؟ كيف يعاقب من ارتكب مثل هذه الجرائم (مع العلم ان الحكومة السودانية تتستر على الفاسدين منها وتحمى كل من ينتمى اليها من سلطة القضاء) اى لا يوجد قضاء مستقل فى السودان؟
ولدى سؤال الى القبلين المندسين فى وسط هذه المجموعات؟
ماهو رأيهم فى جرائم الحرب الذى قام بها جيش عبدالله التعائشى فى المتمه 1897؟
فى رأى بمعايير اليوم هو مجرم حرب، ويسلم كما سوف يسلم البشير لأن السودان عدالته ناقصة قبل 100 سنة
ولا تزال حتى الان.
|
Post: #12
Title: Re: مسيرة هادره في لاهاي تنديدا بقرارات المحكمة الدوليه.
Author: Mohammed Elhaj
Date: 03-08-2009, 02:41 PM
Parent: #11
ايييك تمو 50 بالشفع
بختكم
|
Post: #13
Title: Re: مسيرة هادره في لاهاي تنديدا بقرارات المحكمة الدوليه.
Author: مصطفي سري
Date: 03-08-2009, 02:47 PM
Parent: #11
شكراً
احمد امين
(هل كل او بعض هؤلاء المشاركين طالب لجؤ سياسى؟
فلو كانوا كذلك فمن من يطلبون دولة مثل هولندا ان تحميهم؟
احد الاسباب الاساسية لمنحك (حق اللجؤ) هو ان السلطات فى ذلك البلد تحس بأن هناك (خوف فعلى) على حياتك لو عدت الى بلدك؟
من من يخاف هؤلاء اذن فى السودان؟)
وكان يفترض ان تذهب التظاهرة الى السفارة ليخاطبها احداً من طاقم السفارة ، وان يعيدوا جوازت السفر الهولندية
التي يحملونها الان بسبب ان الحكومة التي على راسها البشير اضطهدتهم في وقت ما والان عادوا ليؤيدوها من جديد
لانها افضل لهم من الحكومة الهولندية التي يحلون جواز سفرها لانها تؤيد بل ان مقر المحكمة الجنائية على اراضيها وبذلك
ينتفي سبب كونهم هولنديين الان ، وعليهم العودة الى وطنهم سالمين غانمين ، وكان الله يحب المحسنين ..
|
Post: #24
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 08:50 PM
Parent: #13
Quote: وكان يفترض ان تذهب التظاهرة الى السفارة ليخاطبها احداً من طاقم السفارة ، وان يعيدوا جوازت السفر الهولندية
التي يحملونها الان بسبب ان الحكومة التي على راسها البشير اضطهدتهم في وقت ما والان عادوا ليؤيدوها من جديد
لانها افضل لهم من الحكومة الهولندية التي يحلون جواز سفرها لانها تؤيد بل ان مقر المحكمة الجنائية على اراضيها وبذلك
ينتفي سبب كونهم هولنديين الان ، وعليهم العودة الى وطنهم سالمين غانمين ، وكان الله يحب المحسنين .. |
انت كمن يغرد خارج السرب
يا سيد لا دخل للحكومة الهولندية بمحكمة الجنايات الدولية.
|
Post: #21
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 06:42 PM
Parent: #11
اهلا احمد امين
اولا وللتصحيح فان اسمي
وليد دواش وليس دارويش
Quote: هل كل او بعض هؤلاء المشاركين طالب لجؤ سياسى؟
فلو كانوا كذلك فمن من يطلبون دولة مثل هولندا ان تحميهم؟ |
اولا انا ما من الاحصاء عشان اعد ليك منو طالب لجوء ومن ما عارف عامل شنو.
ولنفترض ان هناك طالبي لجوء .
Quote: احد الاسباب الاساسية لمنحك (حق اللجؤ) هو ان السلطات فى ذلك البلد تحس بأن هناك (خوف فعلى) على حياتك لو عدت الى بلدك؟
من من يخاف هؤلاء اذن فى السودان؟ |
ولنفترض ان هناك خوفا فعليا على حياتي في بلادي ولكني ارى ان هذا القرار
ضد مصلحة بلادي فما المانع من التنديد به؟
Quote: لماذا يعترض هؤلاء على عدم محاكمة البشير؟
هل لأنه سودانى فقط؟
ام لأنه لم يرتكب جرائم اصلا فى دارفور؟
هل شارك اى واحد من هؤلاء او عبر فى اى لحظة من اللحظات عن حزنه اسفه وجعه على ما حدث فى دارفور؟
لو كانت الاجابة بلا يمكننى ان افهم موقفهم الحالى (لأنو الموضوع مابهمهم اصلا)؟
لكن لو كانت الاجابة بنعم؟ كيف يعاقب من ارتكب مثل هذه الجرائم (مع العلم ان الحكومة السودانية تتستر على الفاسدين منها وتحمى كل من ينتمى اليها من سلطة القضاء) اى لا يوجد قضاء مستقل فى السودان؟ |
من اعرفهم في هذه المسيرة لايقبلون ابدا بالقتل والاغتصاب والترويع
وينددون دائما بذلك.
يحاكم امثال هؤلاء بواسطة جهة او محكمة عادله وليست مسلطه على البعض
دون الاخرين.
| Quote: ولدى سؤال الى القبلين المندسين فى وسط هذه المجموعات؟ |
اعد السؤال لاني لم افهم هذه الكلمة.
|
Post: #15
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 04:32 PM
Parent: #10
والله ياتمبس كتبت ليك رد وما لقيتو ..
انت عارف لمن خفت وصدقت الكلام بانو الناس ديل ممكن
يصادرو اي شي . حتى البوستات ممكن تتصادر...
على العموم الرد ده لو جيت تاني راجع وما لقيتو...
تاكد من انني ساعلن توبتي واستغفر الله على ما اذنبت واعلن
ولائي التام للاخرين وسااؤدي فروض الولاء
والطاعة صباح ومساء .
|
Post: #16
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 04:38 PM
Parent: #10
Quote: نت ما عارف في لجنـة أوروبية هنا بصدد تكوينه منوط بيهـا الرصد والتبليغ الفوري عن اي واحد يطلع مظاهرة زي دي يعبر بيها عن شعورو ..؟
يدقوكم .. ويبلغو عنكم .. يقلعو جوازاتكم من طرف .. ويسفروكم .. |
انت عارف ذكرتني نكتة الامام والسكرجي
في صلاة الجمعه وكانت عن الخمر فقال الامام( ان الشيطان ياتي
الانسان حين يشرب الخمر)
فرد السكرجي( لكن يا شيحنا تكلمنا بعد ما حملنا)
اسي ياخوي ما عيب عليك الكلام ده؟
تكلمنا بعد ما ضعنا؟
وا ضيعتااااااااااااه وا جوازاااااااااااااااااااااااه
مع انو ماعنديش جواز
|
Post: #14
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 04:05 PM
Parent: #6
| Quote: ولا ابوهو خمخمو جابو طمعاً في زيادة |
ده كل فهمكم ومبلغ علمكم؟
انو كل السودانيين الطالعين في مسيرات ماخدين قروش.
انت ما شايف انك بتسيء ليك شخص اصلا ما عندو معاك مشكله ولا شغال بيك الشغله
وما عارفك انت موجود ولا ما موجود؟
احترم نفسك .
|
Post: #17
Title: Re: مسيرة هادره في لاهاي تنديدا بقرارات المحكمة الدوليه.
Author: أنور أدم
Date: 03-08-2009, 06:08 PM
Parent: #14
وليد
أسمع كلامي ده كويس، لو في واحد من ناس فرنسا معاكم احسن تخفو صورتوا ، لانكم بذلك ستتببوا في خراب بيته
|
Post: #18
Title: Re: مسيرة هادره في لاهاي تنديدا بقرارات المحكمة الدوليه.
Author: Zoal Wahid
Date: 03-08-2009, 06:22 PM
Parent: #17
Quote: هل كل او بعض هؤلاء المشاركين طالب لجؤ سياسى؟
فلو كانوا كذلك فمن من يطلبون دولة مثل هولندا ان تحميهم؟
احد الاسباب الاساسية لمنحك (حق اللجؤ) هو ان السلطات فى ذلك البلد تحس بأن هناك (خوف فعلى) على حياتك لو عدت الى بلدك؟
من من يخاف هؤلاء اذن فى السودان؟)
وكان يفترض ان تذهب التظاهرة الى السفارة ليخاطبها احداً من طاقم السفارة ، وان يعيدوا جوازت السفر الهولندية
التي يحملونها الان بسبب ان الحكومة التي على راسها البشير اضطهدتهم في وقت ما والان عادوا ليؤيدوها من جديد
لانها افضل لهم من الحكومة الهولندية التي يحلون جواز سفرها لانها تؤيد بل ان مقر المحكمة الجنائية على اراضيها وبذلك
ينتفي سبب كونهم هولنديين الان ، وعليهم العودة الى وطنهم سالمين غانمين ، وكان الله يحب المحسنين .. |
تناقض غريب. زول زى دا حقوا يقطعوا اوصالوا و يجزو راسو .... او كما قال صلاح قوش
و يطرد من البلاد الهولندية كما قال محمد النجيب مدير الشرطة.
يفرحوا بحرية التعبير في بلاد الكفار و يحرموننا منها في بلاد الاسلام.
صحيح الاختشوا ماتوا.
|
Post: #23
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 08:40 PM
Parent: #18
| Quote: صحيح الاختشوا ماتوا. |
وانت بتختشي متين؟
|
Post: #19
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 06:23 PM
Parent: #17
والله انا لو بسمع كلام نوعك ده من بيتنا ما كنت طلعت.
|
Post: #20
Title: Re: مسيرة هادره في لاهاي تنديدا بقرارات المحكمة الدوليه.
Author: خالد حاكم
Date: 03-08-2009, 06:33 PM
Parent: #14
ا| Quote: ساعدونا بى جداول الضرب والقسمة والطرح.. والجمع |
الاخ تمبس
سلامات
معليش اول مرة اتداخل معاك ...
ممكن اسالك سؤال
انت بتكاوى مين ولمصلحة من بتكاوى؟
حتى لو اختلفت مع بعض المعارضين او مع كل المعارضين فى اسلوبهم كما تقول هنا , هل تنكر جرائم الانقاذ فى حق الشعب السودانى اجمع ما عدا الفئة القليلة المنتفعة؟
اختلافك مع المعارضين للانقاذ يمنعك من قولة الحق , ام توافق على ما قامت بها وماتقوم بها الانقاذ حتى تاريخ اليوم فى حق الشعب؟
لم ارى لك مداخلة او موضوع تنتقد فيها سياسة الانقاذ غير الترصد للمعارضين لها!
اتمنى ان تتقبل ملاحظاتى هذا بصدر رحب
مع خالص الشكر
|
Post: #22
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-08-2009, 08:34 PM
Parent: #20
الكل ممتعض من القرار
حتى الاجانب
|
Post: #25
Title: Re: مسيرة هادره في لاهاي تنديدا بقرارات المحكمة الدوليه.
Author: علاء الدين يوسف علي محمد
Date: 03-08-2009, 09:05 PM
Parent: #22
والله رُجال أولاد رُجال
شفتكم هسع في التلفزيون و اتكيّفتة كيف ما عادي
حاسي بي أوكامبو هسي في نص هدومو
أو في الحمام نتيجة تقلُّصات معوية حاااااااااااااااااااااااااادة
و شفتة ناس بريطانيا و فرنسا
و العجب ناس فرنسا معاهم رئيس إتحاد العُمّال الأفارقة و رئيس الجالية العربية
ياخي السودانيين ديل مافي منهم تاني
هم و بس
يا باشا
البقول ليك 20 دة زول حاسِد ساي ما تشتغل بيهو
ديل الناس البيش
الكِيّش
|
Post: #26
Title: Re: مسيرة هادره في لاهاي تنديدا بقرارات المحكمة الدوليه.
Author: بدر الدين اسحاق احمد
Date: 03-08-2009, 09:55 PM
Parent: #25
والله يا وليد
بعد دهـ اعملو حسابكم حيبلغو عنكم لاوكامبو شخصيا باقى انتم خطرين على الامن والسلم العالميين
وبعدين تمبس دهـ عندو كفيل وانتم كفيلكم الله فى بلاد الفرنجــة
تضامنــى التام مع شرفاء من بلادى فى حوش اوكامبو
|
Post: #27
Title: Re: مسيرة هادره في لاهاي تنديدا بقرارات المحكمة الدوليه.
Author: Mohammed Elhaj
Date: 03-09-2009, 02:58 PM
Quote: ده كل فهمكم ومبلغ علمكم؟
انو كل السودانيين الطالعين في مسيرات ماخدين قروش.
انت ما شايف انك بتسيء ليك شخص اصلا ما عندو معاك مشكله ولا شغال بيك الشغله
وما عارفك انت موجود ولا ما موجود؟
احترم نفسك . |
عشان تعرف انو الفي قلبو حرقص
أنا قاصد زيادة ناس انت فهمتها زيادة قروش براك لوووووووووووووووول
براك جبت ليهم اللوم جماعتك ديل
|
Post: #28
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-10-2009, 09:57 PM
Parent: #25
علاء الدين يوسف علي محمد؟
الكوز الجبهجي الامنجي ال ال ال....... شخصيا معانا؟
| Quote: ياخي السودانيين ديل مافي منهم تاني |
كيف ياخي
اذا مارجيته من زي ديل وا اسفاي وا ماساتي وا ذلي
عرب ممزوجه بدم الزنوج الحاره ديـــــــــل اهلي
| Quote: البقول ليك 20 دة زول حاسِد ساي ما تشتغل بيهو |
مابشتغل بيه لكن بديه زيادة صور عسى ولعل يرتد اليه صوابه
|
Post: #29
Title: Re: مسيرة هادره في لاهاي تنديدا بقرارات المحكمة الدوليه.
Author: ABUHUSSEIN
Date: 03-10-2009, 10:30 PM
Parent: #28
إبن عمي سلام
| Quote: مابشتغل بيه لكن بديه زيادة صور عسى ولعل يرتد اليه صوابه |
يا أبو محمد الناس ديل لسه بي صوابهم ما تغلط (وشوش كتييييييييرة مِكشٍرة)
|
Post: #31
Title: Re: مسيرة هادره في لاهاي تنديدا بقرارات المحكمة الدوليه.
Author: waleed dawash
Date: 03-13-2009, 07:31 PM
Parent: #29
| Quote: يا أبو محمد الناس ديل لسه بي صوابهم ما تغلط |
اااااااااااااااااااااااا؟
قلت شنووووووووووووووووووووووووووووووووووووووووووووو؟
|
Post: #30
Title: Re: مسيرة هادره في لاهاي تنديدا بقرارات المحكمة الدوليه.
Author: tmbis
Date: 03-11-2009, 09:11 AM
Parent: #20
| Quote: معليش اول مرة اتداخل معاك ... |
.. سلامات يا حاكم ..
Quote: ممكن اسالك سؤال
انت بتكاوى مين ولمصلحة من بتكاوى؟ |
دا كلوو الطلعت بيهو بعد متابعة علشان تجي تتداخل لي اول مرة ..؟ وبعدين شنو تكاوي وما تكاوي دي ..؟ لو إنت شايفه مكاواة انا شايفه غير كدا ..
Quote: حتى لو اختلفت مع بعض المعارضين او مع كل المعارضين فى اسلوبهم كما تقول هنا , هل تنكر جرائم الانقاذ فى حق الشعب السودانى اجمع ما عدا الفئة القليلة المنتفعة؟اختلافك مع المعارضين للانقاذ يمنعك من قولة الحق , ام توافق على ما قامت بها وماتقوم بها الانقاذ حتى تاريخ اليوم فى حق الشعب؟
لم ارى لك مداخلة او موضوع تنتقد فيها سياسة الانقاذ غير الترصد للمعارضين لها! |
والله نوعيتك دي فعلا بتدي الواحد احساس انو يكاوي المكاواة نفسها ..
جاي في الفين وتسعة بيستجوب فيني عن ثورة الانقاذ .. وعن موقفي .. جاي في الفين وسبعة وعايز يستجوب ..
امشي شوف تاريخ تسجيلي دا من متين في المكان دا .. واعمل بحث بي اسمي في مواقف مشابهة ..
ياخ اقوليك حاجة..؟
احسن انك تاني ما تجي ترد علي كويس معاك .. كدا مش ريحتك ؟؟
قال توافق وما توافق في حق الشعب ..
يعني انا تاني اي رد اعملو لي ناس خالد حاكم ديل اجيب لي ملف بتاع وورد مقفول في بي دي اف .. واعمل ليهو اتاشمنت هنا دا علشان يكونو في الصورة ..
خالد حاكم ..
مع السلامة ياخ .. والله بالجد مع السلامة ..
|
|
