زمــن تافهـ ( نص شعرى )

زمن تافه .. مشاعر خادعه بتزيف صدى الايقاع..



زمن غدار ..


إبدل فى احاسيسنا واخلى نفوسنا فى الزحمه تعانى ضياع..




زمن دوار ..




إغير سكة التيار..اكّسر دفة المركب واسيبنا ودار..







لا لا لا ...؟؟؟

ده ماعيب الزمان الفيو...؟؟؟





ده عيب النفوس الفيو وعيب روحنا..




نفوس بياعه للعشره وبتبدل حقيقتنا ..




حقيقتنا البنهرب منها يوماتى..




حقيقة غشنا المدسوس فى



صلواتنا ..





ودعواتنا ..




وضحكاتنا..




صلاتنا نفاق على قلوبنا الملانه الخداع ...





صلاة القلب على نفاقو وبيعو الود ..





دعانا خشوع إكفّر لى خطايانا..





خشوعنا كضب اذيدنا فجور..





ضحكنا الم نشيلو فرح..




فرحنا عذاب افرق لى خطاوينا..

مكرر

وكت اتعب واكون مهمــــــــــــــــوم!!!


بمد ايدىّ فى العتمه..



أفتش لى شعاع الحب وصوت الحق..


أفتش لى قليب رويااااان




وكلو حنان اغازلو زمان..





واريح فيهو باقى العمر واروى الشوق..






افتش لى مرافئ امان تضج الحان وتوهب حب..




تزغرد شوق وكت ارسى بعد رحلة عذاب طّول ..




بلاقى صداىّ اصيح جـــــــواىّ اذيد همى..



اقولى كفاك دهـ أملك قاسى تحقيقو ومابتلقاو..






ده املك ضيعو التاريخ وماحافظ عليو لكن ..!



أسال صوتو عشان ترتاح من الترديد..



بلاقى مراره فى قلبى من الاوهام ..



تشق الجوف وتوقد فيهو نار الخوف من الراجيو..

وبنده برضى للتاريخ ..



أسائل فيهو عن زمنى وعن قلبى عساى ارتاح..




بقولى خلاااااص ..





زمانك فات وحبك مات وماتتعب وماتسأل ..




لكن ...!





بقولك شئ وبقولك خير..




قلبك ليهو يوم راجيو وماتفتش عليو لكن..!





بجيلك فى مواعيدو افتش ليك وابسم ليك..




اضوى عليك ايامك وامسح لى تعب روحك..




بقولو خلااااص ..





كفايه علىّ تبشيرك وتطمينك..




وبرجى الجاى عشان ارتاح من الغربه..



واريح القلب من الضايقو...




وبرجى الجاى......!

وبسأل ديمهـ عن أزمان



وبندهـ جُملة الخلقانـ ...





وبسأل برضو عن أوطانـ



تكون ممزروعه بالتحنان ...





تكونـ مليانه فيض إيمان



توحّد نظرة الإنسان ...





بسأل عن مرافئ ألحان



توهب لينا ضوء تبيان ...




تمسح عننا الأوهام




وتبقى فضائل الأكوان ...