Post: #1
Title: معقول بس يا هناي ...
Author: محمد البشرى الخضر
Date: 03-04-2009, 09:15 PM
دا شنو دا ؟
وين مشى المولد و الحفلة القاجة الكانت هنا
زي تسعين بوست تكاد تكون كلها نسخة واحدة " أمر القبض طلع " و شماتة شديدة
ومية و تلتين بوست بتنبذ و تتحدى اسياد التسعين بوست الأولى وهاك يا عملا و يا خونة ويا غرابة
و تلتمية بوست تعلن الجهاد و التحدي و دوبيت و مسادير في البشير
و تمنمية بوست تحليل و تنظير و فلقة ما انزل الله بها من سلطان
دا كلو يا كافي البلا بح
مشى وين ؟
شنو يا عمك جريت الساعة لا ورا لغيت القرار يعني ولّ كيف
دا كلو كوم و المسنجر كوم تاتي
يا داب ما قلنا بسم الله و قوينا قلبنا وبدينا نحنك من جديد
نتلفت نجي نلقاه مافي
المهم عرفتوا لينا مجقة دي طلعت شنو يا خوانا
|
Post: #2
Title: Re: معقول بس يا هناي ...
Author: عبدالوهاب علي الحاج
Date: 03-04-2009, 09:26 PM
Parent: #1
| Quote: المهم عرفتوا لينا مجقة دي طلعت شنو يا خوانا |
ياعمك
مجقة دي من الكلمات التي تنطق ولا تكتب
لانو انا شاعر انو في نون ساكنو قبال الجيم ما شايفا
ودي طبعا لغة الناس اللسة شغالين بسوفتوير السبعينات
اما معناها شنو دي دايرة ليها تلفون ودعوج الدرب نكتها من وين ما عارف .
نسيت اسلم عليك
كيفك
|
Post: #3
Title: Re: معقول بس يا هناي ...
Author: Yassir Tayfour
Date: 03-04-2009, 09:33 PM
Parent: #1
ya 3amak
alboard da darabo hurricanes ?
___
|
Post: #4
Title: Re: معقول بس يا هناي ...
Author: Adil Hamza
Date: 03-04-2009, 10:10 PM
Parent: #3
Quote: ومية و تلتين بوست بتنبذ و تتحدى اسياد التسعين بوست الأولى وهاك يا عملا و يا خونة ويا غرابة
و تلتمية بوست تعلن الجهاد و التحدي و دوبيت و مسادير في البشير
و تمنمية بوست تحليل و تنظير و فلقة ما انزل الله بها من سلطان
|
محمد البشرى سلامات
الاقتباس الفوق ده ينفع فى بوست الرياضة الذهنية
عادل
|
Post: #5
Title: Re: معقول بس يا هناي ...
Author: Elsanosi Badr
Date: 03-05-2009, 04:38 AM
Parent: #4
ود البشري ...صباحاتك ياسمين
جيت الساعه اتنين...لقيت ليك المنبر (قاجي) نار منقد بس يعلم الله ...
اها اخوك عندو غرض كده مشي يقضيهو جيت لقيت ليك الهكر ولا زول تاني ما بعرفو (يفن) في البوستات بالشباك...غايتو لم ليك في بوستات الدجانقو اوكامبو علي بوستات الدرويش البشير...عجنهم ليك كلهم في صحن واحد...
يا عمك... ياخي ماشايف ود الصايم بلحن فيها...
(مجقه مجقه الليل نعدو)...
وابو يمن يشيل ويفكك فيها ويختها في جمل مفيده....
يا ود طيفور يا صاحب ... ياخي في (نبذ) كده غريب جدا الايام دي من الزول الكبير الاسمو سيف مساعد ...انا ما عارف الناس الكبار ديل بيجيبو النبذ الشين ده من وين...ياخي الزول ده انا لا قدرو ولا لحم سدرو...
وهبه يا عمك ...ما تعمل لينا جمعيه نسميها جمعية (مكجني) سيف مساعد....
__________________________
.
|
|