Post: #1
Title: بكرة سيسي كمون بدري خلاااااس...!!!!!
Author: عبدالكريم الامين احمد
Date: 03-03-2009, 02:30 PM
الاربعاء العجيبة 4 مارس الذي هو الان بالتاكيد شهرا لزرقنة الكوارث
سيكون يوم تاريخي في مدارات وبيوتات وكل مساحات المليون ميل مربع..
انه يوم الانتظار لجدل طال وتكهنات وتحليلات وحليفات وتسريبات وتهديدات وقنصات وفرحة هنا وبوز سيمد مترين ونص هناك.....
حدث سينضم فيه التاريخ مهما كان القرار الي سياتي
قبضا ودعوة الي لاهاي او تشتيت للقرار وتسريح دعوة اوكمابو لعدم توفر الادلة...
تاريخيا كون الامر يستهدف رئيس دولة شغال (لايف) وعلي راس الخدمة ومدور تقيل في كل اركان السودان
وتاريخيا بالنسبة لنا كسودانين كوننا بكرة سنكون في خشوم القنوات والاذاعات والصحف وملايين البشر في هذا الكون سيصل الي اضانهم هذا القرار عبر ورود كلمة
سودان
سودان
دارفور
دارفور
اوكامبو
اوكمابو
وسنعود
|
Post: #2
Title: Re: بكرة سيسي كمون بدري خلاااااس...!!!!!
Author: عبدالكريم الامين احمد
Date: 03-03-2009, 02:48 PM
Parent: #1
سيسي كمون بدري خلاص
مستلهمة من ايامات بركسيةبعيدة
وصديقنا الخرطومي الذي حاو كثيرا تعلم اللغة او (السغة) ليمون
وهي لغة ترسل كشفرة بسحب الحروف واستبدالها بحرف السين...
وعندما اراد ذات ليل ان يطلب من افراد غرفته ان يصحوه باكرا فلم يجد غير هذه السيسي كمون بدري خلاص
والتي كانت بمثابة كلام الطير في الباقير للملمين بالسغة ليمون..
سكرة ابوني السشير بربور
سي فرفور اسر مرمر ضيب قرقور
بديد شوشو
الترجمة
بكرة البشير في امرا ضيق شديد
|
Post: #3
Title: Re: بكرة سيسي كمون بدري خلاااااس...!!!!!
Author: عبدالكريم الامين احمد
Date: 03-03-2009, 05:38 PM
Parent: #2
لايزال الفهم قاصرا علي الهرجلة والدربكة والاستعراضية...
والقرار في ساعاته الاخيرة طل البشير اليوم بنبرة لا تزال عاجة بالاستعراضية والمبالة والمكابرة
وفي محاولة للالتفاف حول الاشياء ذهب الي مروي وسده
متناسيا بان القضية الاساسية للشعب هي الحريات والحرية التي هي اعظم ثمنا من الاسمنت المسلح
الموشح بالسيخ الذي في استطاعة اي بلدية من بلديات السودان لو وجدت 100 مهندس وميزانية مفتوحة
لشيد مليون سد مروي ...
|
Post: #4
Title: Re: بكرة سيسي كمون بدري خلاااااس...!!!!!
Author: محاسن زين العابدين
Date: 03-03-2009, 05:54 PM
Parent: #3
Quote: سكرة ابوني السشير بربور
سي فرفور اسر مرمر ضيب قرقور
بديد شوشو |
تعرف يا كيكي
شعور غريب ينتابك وأنت تتنقل بين المحطات وكلها تتحدث عن "هذا وسوف يصدر قرار قبض الرئيس البشير رئيس حمهورية السودان..الخ"
دة إحنا اتهزئنا باعالم
كان الأكرم له ولناأن يغادر في صمت
|
Post: #5
Title: Re: بكرة سيسي كمون بدري خلاااااس...!!!!!
Author: khaleel
Date: 03-03-2009, 06:00 PM
Parent: #4
سافي مرمر سكرة بربور
خلاص الموضوع جاهز
|
Post: #8
Title: Re: بكرة سيسي كمون بدري خلاااااس...!!!!!
Author: عبدالكريم الامين احمد
Date: 03-03-2009, 06:11 PM
Parent: #5
Quote: سافي مرمر سكرة بربور
|
السيم قرقور يا يايات سلي خريف سنش فرفور
القيم يا خلي فنش
وبكرة يوم الاعلان للعكش الدولي
واه يا وطن
|
Post: #6
Title: Re: بكرة سيسي كمون بدري خلاااااس...!!!!!
Author: بشير أحمد
Date: 03-03-2009, 06:00 PM
Parent: #4
المهندس /عبد الكريم
تحياتي؛؛؛
غايتو يوم بكره ده اتمني ان يعدي علي خير
لانو مرات الواحد بتجيهو افكار كده والله يكضب الشينه ؛انو يجي داخل البوردبكرة طاشم
علي الآخر حتي ولو بمريسة تامزينو ؛
عشان الواحد يفكـ آخرو للاخر ؛ويجلد كل الاتوهات
وقالوا الطاشم في ذمة الواعي
عشان مايكون في جلكسات واعتذارات وما كنت واعي ؛وباركوها ياجماعة .
|
Post: #7
Title: Re: بكرة سيسي كمون بدري خلاااااس...!!!!!
Author: عبدالكريم الامين احمد
Date: 03-03-2009, 06:08 PM
Parent: #4
| Quote: كان الأكرم له ولناأن يغادر في صمت |
هلا يا محاسن وحبابك
وبكرة فعلا يا محاسن يوم متموج الاحاسيس مابين غصة في القلب علي حال البلد الموسف
وراس السلطة فيها تتناوشه المحاكم الدولية بابشع الجرائم وفرحة علي بدايات تخليصنا من هذا الكابوس الرعديد
الذي جثم علي صدرنا عقدين من الزمن...
بشائر الشمشمة من زملاء العمل من الدول المختلفة بدات ومنذ اليوم
غدا القنوات ستاكل لحم السودان كثيرا....
وكم كنت اتمني يا ن يكون هذا الرجل شجاعا بجدرة تجعله يحس هذا الام بزاوية تحفظ هذا البلد
ولكن.. سعد باشا قال يا محاسن مافيش فايدة..وفعلا مافيش فايدة
|
Post: #9
Title: Re: بكرة سيسي كمون بدري خلاااااس...!!!!!
Author: عبدالكريم الامين احمد
Date: 03-03-2009, 06:19 PM
Parent: #7
| Quote: لانو مرات الواحد بتجيهو افكار كده والله يكضب الشينه ؛انو يجي داخل البوردبكرة طاشم |
هههه
هلا يابشير
وحبابك ياخي
وبكرة يا بشير لو جينا 10 ستات عرقي وخليني بكرة عمل ليهن لنك لايف اربعة وعشرين ساعة
مافي ليكم اي حل...
بكرة يا دكتورة حتطلع الاصناف المعتقة والسطلجية سيجارتهم من ابو كرنك..
يعني الدقش حيكون علي اصولو
فامسكوا الخشب
|
Post: #10
Title: Re: بكرة سيسي كمون بدري خلاااااس...!!!!!
Author: احمد التجانى احمد
Date: 03-03-2009, 06:49 PM
Parent: #9
Quote: الذي في استطاعة اي بلدية من بلديات السودان لو وجدت 100 مهندس وميزانية مفتوحة
لشيد مليون سد مروي ... |
كيكى السد تم تشيده بالخبرات الصينية المتمرسة فى تشييد مثل هذه المشاريع الضخمة
بمساعدات تمويلية من بعض الدول الخليجية يحمد للانقاذ جرأتها فى مقاربة هذا النوع من
التنمية الذى تهابه الحكومات التى عايشناها وهى فى النهاية ستبقى للوطن وحتما الانقاذ
زائلة فعلينا تشجيع التنمية التى تنهض بالمواطن وتنتشله من الفقر والجوع افضل من التبخيس
والتقليل منها اما عن المهندس السودانى بدون شك يمكنه تشييد سدود وبوابير وحاجات تانية
لو وجد فرص التأهيل والتدريب والمشاركة فى انجاز اعمال حقيقية تحت اشراف خبرات اجنبية
ولكن بالنسبة للمهندس المدنى الموظف بالرى او متابع السقالات ونجارين المسلح او المهندس الكهربائى
البيشتغل فى مصنع النسيج او مصنع كريكاب او حتى الهيئة القومية للكهرباء
i dont think so
|
Post: #11
Title: Re: بكرة سيسي كمون بدري خلاااااس...!!!!!
Author: عبدالكريم الامين احمد
Date: 03-03-2009, 07:36 PM
Parent: #10
Quote: التنمية الذى تهابه الحكومات التى عايشناها وهى فى النهاية ستبقى للوطن وحتما الانقاذ
زائلة فعلينا تشجيع التنمية التى تنهض بالمواطن وتنتشله من الفقر والجوع افضل من التبخيس
والتقليل منها اما عن المهندس السودانى بدون شك يمكنه تشييد سدود وبوابير وحاجات تانية
لو وجد فرص التأهيل والتدريب والمشاركة فى انجاز اعمال حقيقية تحت اشراف خبرات اجنبية
ولكن بالنسبة للمهندس المدنى الموظف بالرى او متابع السقالات ونجارين المسلح او المهندس الكهربائى
البيشتغل فى مصنع النسيج او مصنع كريكاب او حتى الهيئة القومية للكهرباء
i dont think so |
هلا يا ود التجاني وحبابك
وبالتاكيد يا احمد اي صرح تنموي بتخت في بقعةفي الناس فهو مكسب وحق لينا وللاجيال الجاية
ونقطتي لم تاتي في سبيل السخرية بل اشارة الي ما جري في السدود ليس بامر مستعصي ان وجد الدراية الهندسية والامكانيات ولا يحتاج الامر الي عبقرية ...و100 مهندس سوداني مكربيي يمنكهم الاشراف بكل بسهولة والاستعانة بالخبرات الضروية...
مشكلة الحكومات يا ود التجاني انها تتاجر بالاشياء وقاعدة من دقن قروش الشعب تفتل ليهو وتسجل كل هذا ككسب وامر يحسب لها مع انو في العادي والسوي مثل هذه المشاريع لا تساوي شي ان كانت الامور ماشة مية مية..
|
Post: #12
Title: Re: بكرة سيسي كمون بدري خلاااااس...!!!!!
Author: احمد التجانى احمد
Date: 03-03-2009, 10:33 PM
Parent: #11
دى زى جامع الجامعة
|
Post: #13
Title: Re: بكرة سيسي كمون بدري خلاااااس...!!!!!
Author: عبدالكريم الامين احمد
Date: 03-03-2009, 10:41 PM
Parent: #12
| Quote: دى زى جامع الجامعة |
ياحليلو ياخي
عارف يا احمد بلاوي ومصايب البلد الدورت فينا عشرين سنة
ولمن وصلتنا بكرة لموضوع اوكمابو ده
كلها طلعت من مسجد الجامعة ده وبالذات من الاوض الجنوبية الغامضة المامعروف الناس ديل بعملوا في شنو
اتاريهم بجهزوا لاوكمابو واحنا كنا دايشين ساكت
|
Post: #14
Title: Re: بكرة سيسي كمون بدري خلاااااس...!!!!!
Author: أحمد الشايقي
Date: 03-03-2009, 10:50 PM
Parent: #13
طيب يا كيكي
كلام ناس مايرنو يمشي ويـن
أمانة ما اتلوموا
لو الكلام دا حصـل تمشي عشة صابون تملأ أباريقهم مريسـة ....
أحمد الشايقي
|
Post: #15
Title: Re: بكرة سيسي كمون بدري خلاااااس...!!!!!
Author: osman righeem
Date: 03-03-2009, 10:51 PM
Parent: #13
| Quote: بكرة البشير في امرا ضيق شديد |
وانت الصادق السودان بكره في امر ضيق
اكتب المداخله و وردي يغني في مروي حنبنيهو البنحلم بيهو يوماتي
وعلي شماله اسماة عبدالله
شفت محن الدنيا
عارف المشكلة التانية وردي عمل مدرس في مدرسة الحامداب الصغري عام 1958
ولم يذكر هذه اللمحه( لم اشاهد السهرة كامة ) و لكن لا اظنها واقعه يمكن مرورها
مرور الكرام واظنه تجاهلها لانها مربوطه بالجور و التعسف الذي
حاق بالمرحلين من المنطقه و الذين كانو ينقلونه بالحماره الي مروي و يتابعونه راجلين
دنيا بنت جزمه
مش كان في حاجه كده اسمها جزمة وردي
|
Post: #16
Title: Re: بكرة سيسي كمون بدري خلاااااس...!!!!!
Author: حواء سليمان ابراهيم
Date: 03-04-2009, 00:35 AM
Parent: #15
| Quote: كان الأكرم له ولناأن يغادر في صمت |
وانتى الصادقة
قلت ليك يا كيكى !!!
وين صاحبنا ابو الجقاجق ؟؟؟؟
شايفة رجلو حفت من المنبر الليلة
|
Post: #17
Title: Re: بكرة سيسي كمون بدري خلاااااس...!!!!!
Author: Imad Khalifa
Date: 03-04-2009, 00:53 AM
Parent: #16
ما بكرة يا كيكي
الليلة بالليل بنسمع خبر العكشة (ام جناحا برة)
وليك علي اضرب تلفون لبدرالدين موسي ولو الساعة 2 صباحا.
كسرة:
يا اخي لو ما جبت سيرة بدر دا معاك ما برتاح ما عارف ليه؟
لكما تحياتي وودي الاكيد
|
|