Post: #1
Title: "محكمة النفاق والظلم". تعــالوا وســـنردّكم خائبـــين وخاســـريـن
Author: أيوب خليل
Date: 03-03-2009, 10:20 AM
"الدنيا لن تنقلب الأربعاء 4/03/2009م"
والمخرج من هذه القضية يكون :
بالتمسك بقيم الشهداء
وأن العقوبات الاقتصادية المفروضة علينا
لا تزيدنا إلا
قوة
ومنعة.
|
Post: #2
Title: Re: "محكمة النفاق والظلم". تعــالوا وســـنردّكم خائبـــين وخاســـريـن
Author: الرفاعي عبدالعاطي حجر
Date: 03-03-2009, 10:42 AM
Parent: #1
| Quote: بالتمسك بقيم الشهداء |
هاهاها حقيقي يا ايوب اجمل ما قرأته
لكـ طوال معرفتي لأسمكـ هنا أي قيم؟ وأي
شهداء تقصد؟ الشهداء الزغاب ام شهداء
الاحتيالات ام تقصد الشهداء الذين قال
الله تعالى فيهم (... بل أحياءً عند ربهم
يرزقون ...) صدق الله العظيم ... أيوب
صلي على النبي وكدي قوم اخذ ليكـ دُش
وبعدين أكتب ذكرتني صاحبكـ الذي قاطع
الغناء الوطني ليهتف بحياة الرئيس فما
كان من الحضور غير الاشمئزاز معروف أن
الشعب السوداني يكره النفاق والتملق ..
دي قضية أكبر من كلمات هتيفة في سوق النهب
المنظم (جالية , تدريس ,مؤتمر ,وشوية كذب وقروش احتفالات)
الموضوع يحتاج موضوعية ورؤية حل سودانية وعلاقات عامة
ومفكرين وخبراء في الدبلوماسية والقانون يعني شوية
الهتاف دا ممكن يدخل ليكـ مكسب لليلة ليلتين
لكنه لن يحل مشكلة المآزق الذي زرعنا فيه من
هم على شاكلتكـ يطبلون فقط دون ان يحركـ ساكن.
ارحمونا يا هتيفة المنبر .
...........................................حجر.
|
Post: #3
Title: Re: "محكمة النفاق والظلم". تعــالوا وســـنردّكم خائبـــين وخاســـريـن
Author: فدياس نجم الدين
Date: 03-03-2009, 11:00 AM
Parent: #2
أيوب :
الكلام دا ممكن تكتبوا في منبر في الواق واق . لناس ما بعرفوك ..
أما هنا فلا ..
أوعاك تجي متاوق بي هنا تاني ..
بلا قوة بلا احتيال معاك ..
|
Post: #4
Title: Re: "محكمة النفاق والظلم". تعــالوا وســـنردّكم خائبـــين وخاســـريـن
Author: خضر حسين خليل
Date: 03-03-2009, 11:16 AM
Parent: #3
Quote: والمخرج من هذه القضية يكون :
بالتمسك بقيم الشهداء
وأن العقوبات الاقتصادية المفروضة علينا
لا تزيدنا إلا
قوة
ومنعة.
|
الاخ ايوب خليل
ازيك
ربما تكون هذه اولي مداخلاتي معك ! للأمانة قرأت العنوان فدخلت متوكلاً علي الذي لا ينوم
فقرأت ما كتبت وهو في تقديري لا يخرج من جملة بوستات شبيهة للرافضين لقرار المحكمة
التي للغرابة لم (تصدر بعد) !
ما يميز خطابك يا سيدي إنو عبارة عن شوية (خطاب ديني علي شوية مرجلة علي حبة نقة
في ما هو اقتصادي) فيا أخا الاسلام روق المنقة شوية !
تداعيات القرار يا ايوب ظهرت علي مستويات السياسي والاقتصادي وببعض الغد سنري تداعياته
علي ماهو اجتماعي !
الكلام المن دة لا يقدم ولا يؤخر ! والحديث عن التمسك بقيم الشهداء في رأيي لهو (كلام الطير
في الباقير) يعني شنو تمسك بقيم شهداء من اساسو ؟ وكيف سأتمسك أنا خضر حسين كمواطن سوداني
بهذه القيم والقيم دي زاتها شنو بالضبط ناهيك من انو نمسكها من وين ؟
للاسف نجد ان الرافضين للقرار يتعاطون مع هذه القضية كنوع من المرجلة في قضية لاتحتمل المرجلة
والعنتريات !
والسلامو عليكو
|
|