Post: #1
Title: حركات نسوان عجيبة وغريبة !!!!!!!
Author: ابوحراز
Date: 03-03-2009, 07:47 AM
Parent: #0
كلما أقرا الآية التي تتحدث عن نسوة المدينة أجدها مازالت شاهدة في عصرنا الحاضر
نفس حركات نسوة المدينة وإمراة العزيز ماثلة يومياً
غتاتة 00 وغموض 00 وغنج 00 واحتيال انثوي عجيب
واذا اجتمعن على شيء فإن الرجال آخر من يعلم
زوجة صديقي حينما ينقطع الاتصال منه فأول شيء تتمارض عليه
وهو معروف عنه أنه دائماً يبكي بجوارها كالأطفال حينما تمرض
فيبدأ بالاتصال يوميا عليها
تعرف نقطة ضعفه
فتثيره بجنون 00
لكن استغربت لتصرف احداهن في اجازتي
لم استطع أن اجد لهذا التصرف اي تفسير
فقد اتصل صديقي وطلب مني أن اقوم بايصالهم للعيادة
حيث اتصلت عليه زوجته بأنها تمر بحالة صعبة
وحينما وصلت اليهم وجدت حالتها يرثى لها
كانت ترفس وتتراجف وتتعرق وتتأوه وتئن
وكانت مغطاة ببطانية من الحجم العائلي الثقيل
يشهدالله أننا حملناها بصعوبة ودرجناها حتى وصلت السيارة
وطلبت منها أن ترقد على المقعد الخلفي
لكنها رفضت وقالت ظهرها يؤلمها وتريد أن تجلس
وبدأت تئن وتتلوى 00
وانا في الطريق كنت ارثى وأتألم لحالها
بل سألت صديقي مازحاً ان كانت له خلفية عن غسل الجنازة !!!
منظرها يوحي بانها ستغادر الى الآخرة بعد قليل
ولكن ربك رب الخير يأتي لنا فجاة { بكارو حمار }
بالطبع لم تصدمنا
ولكن الزوجة المريضة طلبت منا ايقاف الكارو
قلنا ليها 00 والعيادة !!!
فقالت أول شيء نشوف بتاع الكارو والعيادة ملحوقة
طبعاً كان يبيع { العدة } الله ينعل ابو العدة والملايات !!
والله نزلت هذه المخلوقة وبدأت تسأل
الجردل دا بي كم ؟؟؟
الحلة دي في أكبر منها ؟؟
والله صحونك تمام 00
وأخيراً اشترت ليها جردلين وحلتين واربعة صحون ودستة كبابي
وقالت خلاص يرجعوها البيت !!!!!!
ولاعيادة ولاتايفويد ولاكلوروكين !!!!!
حتى اللحظة لا اعرف انطباع زوجها
أما أنا فكلما أدخل عليهم وارى الجرادل والكبابي
أصاب بقشعريرة وآلام حادة في الجهاز التنفسي
قال عيادة قال !!!
بالله فسروا لنا مثل هذه المواقف !!!!
|
Post: #2
Title: Re: حركات نسوان عجيبة وغريبة !!!!!!!
Author: Sana Khalid
Date: 03-03-2009, 07:56 AM
Parent: #1
كلو من أولاد ماما!!!
تحياتي و مودتي يا أبو حراز
|
Post: #3
Title: Re: حركات نسوان عجيبة وغريبة !!!!!!!
Author: ابوحراز
Date: 03-03-2009, 08:10 AM
Sana Khalid
| Quote: كلو من أولاد ماما!!! |
وكلو من اولاد بابا
شكراً ليك ومودتي بالأطنان
الجماعة زمان يقولوا ليك دي حركات أطفال
لكن مع عصر العولمة كل شيء تغير
قال أولاد ماما قال !!!
|
Post: #4
Title: Re: حركات نسوان عجيبة وغريبة !!!!!!!
Author: أيمن الطيب
Date: 03-03-2009, 08:41 AM
Parent: #3
سلامات يا أبوحراز,,Quote: وأخيراً اشترت ليها جردلين وحلتين واربعة صحون ودستة كبابي
وقالت خلاص يرجعوها البيت !!!!!!
ولاعيادة ولاتايفويد ولاكلوروكين !!!!! |
كان فى الأول تتأكدوا إنو حمى العدة ما طلعت
للزولة دى فى راسا وإذا ثبت خلوها من ذلك كان الأولى بك والأجدر أيضا أن تنصح صاحبك دا
بإنّو يتخارج من الورطة الوقع فيها دى ويفكا لبتاع الكارو وكان أبى يدفع ليهو فوقا كمان,,,
هى العدة دى ما كان ببدلوها بالهدوم القديمة بقو يشتروها هسة,,,
الله ينعلك يا أوكامبا!!!
|
Post: #6
Title: Re: حركات نسوان عجيبة وغريبة !!!!!!!
Author: maia
Date: 03-03-2009, 09:10 AM
Parent: #4
الاخ ابو حراز
والله الزولة دي ابدعت
بترجف ودايرة دي تموت وبرضو نزلت تشترتي من سيد العدة؟؟
والله دي تحير لغاية ما خلتني اشك الاتلوم منو؟
غايتو غالبا بيكون سيد الكارو اتلوم لوم شديد
حسه في داعي كان يظهر عشان تبين الخفايا المكنونة لمعشر النسوان
|
Post: #10
Title: Re: حركات نسوان عجيبة وغريبة !!!!!!!
Author: ابوحراز
Date: 03-03-2009, 10:15 AM
Parent: #6
maia تحياتي
Quote: والله دي تحير لغاية ما خلتني اشك الاتلوم منو؟
غايتو غالبا بيكون سيد الكارو اتلوم لوم شديد |
والله ياmaia أنا بقول الإتلوم المرض ؟؟؟
بعد الحادثة بثلاثة أيام دخلت ست النفر وطلبت مني ايصال جارتنا الى المستشفى
وبيني وبينك مايندر أن تأتيك ست النفر لتحمل إمراة أخرى في سيارتك
اعتبرتها ذلك اليوم واحدة من المعجزات
ولكن قفلت كل الطرق والمنافذ حينما ذكرت لي أنها ستذهب معنا
وقلت لها : اتمنى ما يقابلنا سيد العدة
وفي السودان الغريب العجيب لو مالاقاك سيد العدة حايلاقيك سيد اللبن
أكره سيد اللبن
وسيد العدة
وبياع الطلح
ومصلح السراير
ولا أخفي كرهي وحسدي عليهم
فهؤلاء يتعاملون مباشرة مع الجنس اللطيف
ويتعامل معهم الجنس اللطيف بكل أريحية 00 سبحان الله
طيب نحن فينا شوووووك وللا فينا شوووووووووك ؟؟
قال بصلح السراير قال !!!
|
Post: #9
Title: Re: حركات نسوان عجيبة وغريبة !!!!!!!
Author: ابوحراز
Date: 03-03-2009, 10:08 AM
Parent: #4
اخي ايمن
| Quote: هى العدة دى ما كان ببدلوها بالهدوم القديمة بقو يشتروها هسة,,, |
عليك الله ماتزيد لينا مغصنا
والله قميص جميل جداً اتصورت بيهو صورة سودانيز أون لاين
عليك أمان الله بدلوه بكباية عصير
كل ما اسأل القميص وين يقولوا ليك مش قلت عاوز كباية سادة
والمشكلة ملابسها هي نهائي ماقاعدة تبدل بيهن
حاقرات بي الرجال
المرة دي وانا راجع السعودية أتيت بكل الأقمصة والبناطلين حفاظاً عليها من حاجة مريم
طبعاً دي الفلاتية بتاعت العدة !!!
|
Post: #5
Title: Re: حركات نسوان عجيبة وغريبة !!!!!!!
Author: احمد العمار
Date: 03-03-2009, 08:52 AM
Parent: #1
ابو حراز تحياتى
المرا دى شكلها ما كانت تعبانة شديد لكن انت
على حس الجرادل والحلل والصوانى دى قمت اديتا
( كوزين ) وما نسيت اديت المحلبية قرصة شوية
ولا يمكن الزوجين ديل يكون عملو ليك كاميرا خفية
أحمد العمار
|
Post: #7
Title: Re: حركات نسوان عجيبة وغريبة !!!!!!!
Author: شهاب الفاتح عثمان
Date: 03-03-2009, 09:35 AM
Parent: #5
الاحتيال فن لا يجيده اللصوص فقط
:)
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #8
Title: Re: حركات نسوان عجيبة وغريبة !!!!!!!
Author: عبدالله احيمر
Date: 03-03-2009, 09:55 AM
Parent: #7
| Quote: ولا يمكن الزوجين ديل يكون عملو ليك كاميرا خفية |
|
Post: #11
Title: Re: حركات نسوان عجيبة وغريبة !!!!!!!
Author: ابوحراز
Date: 03-03-2009, 12:13 PM
Parent: #5
أخي العمار
( كوزين ) وما نسيت اديت المحلبية قرصة شوية
مرات كده في شمارات الواحد مابيكون عاوز يفتها
لكن بتجبروا الواحد
والحديث هنا على لسان الزوج المسكين
والذي تغيرت حياته فجأة من العيادة والفحص الطبي
وبقدرة قادر الى الجرادول والصواني
قال محلبية قال !!
حكي لي أن زوجته أكثر شيء شاطرة في توفيره هي المحلبية والدلكة
يشترونها في السنة مرة واحدة
وفي اللحظة التي يستعد فيها لإجراء هذه الطقوس يقومون بفتح بعض المواضيع
فتحرد الزوجة
قال لي مرة قامت بتدليك رجلي اليمنى
ومن ثم حردت وتركته كصحراء قاحلة
شخصياً اثناء الوضوء والتيمم اقطع الموية والنور عن كل المواضيع التي تؤدي الى التهلكة
ودائماً ما أأتي لها بمواضيع أكثر كاريزما ورومانسية
ولكن بعد أن ينتهي كل شيء اقوم بافتعال المشاكل
حدثت صاحبي أن يطبق نظريتي
فطبقها 00 وتم تدليك الأرجل والأيدي واشياء أخرى
لكن سرعان ماعادت العاصفة بعد ايام قليلة
هذه مشكلته إذا وليس مشكلتها
اتركوا المشاكل يا أحبتي للنهار فهو قادر على تحملها
أما في الليل فلا تقربوها الا بعد أن تؤدوا مناسككم وتنتشروا في الأرض!!!
|
|