Post: #1
Title: يوسف السماني ومركب النقص الكيماوي Yousif O2 S3
Author: عمر الفاروق
Date: 03-01-2009, 11:17 AM
الجعلي قال ليهم والله الغربة من شدة مو حارة تخليك تسالم الشايقي كان لاقيتو في الشارع ..
ابشرك اخي الجعلي فالغربة اصبحت اكتر حرورية وهي تجلعنا نلتقي امثال يوسف السماني وننتظر لمن يناضمنا ويقول لينا اقيف هنا وما تقول ده وما تسوي ده !!!!!
هااااااانت الزلابية ..
تعرف يا يوسف السماني كلامي البكتب فيهو هنا ده كنت ممكن اسمعك ليهو امبارح عشان ما تفتكر الشغلانة فنجطة خلف كيبورد والسلام لكن لانني احترمت ناس كتار كان موجودين في التجمع او خليني اقول احترمت كل الموجودين وقتها فاثرت الصمت وتسليمك المايك البتحبو زي عيونك ..
والله يا يوسف فكرت جادي امشي محلات مكبرات الصوت بتاعة الجوامع و اجيب ليك ساوند سيستم ..
يا اخوي انت كان المايكات دي عاجباك كده ما تشتغل مؤذن او ابقا فنان ..
انا مقتنع تماااما يا يوسف انو انت عندك نقص ما في مكان ما تحاول انك تتمو بي التسلق على اكتاف المايكات والجلوس في المقدمة وتوسط كراسي الندوات عسى ولعل يكتمل وقتها مركب النقص المصاحب لي شخصيتك لكن للاسف انت تختار الطريق الخطأ والاشخاص الخطأ لتكملة نقص هذا المركب الكيميائي المعقد ..(معقد ده حلوة )
الاستاذ الدكتور كرار التهامي التقيته مرتين كانت الامس هي الثالثة احترمه للحد البعيد ولا احتاج ان ادافع عنه فالرجل طيلة اغترابه واعتراكه في مختلف انقسامات الرياض كن قادرا على الدفاع عن نفسه ..
ولا اعتقد ايضا انني احتاج للدهنسة والتملق المعشعش في رؤوس امثالك والديدن الذي تتصرف به للوصول لشهرة او لخدمات مدفوعة الاجر حتى اصل لهدفي ..
ادفع ضرائبي سنويا وبانتظام حتى جاءت لحظة الاعفاء يعني يا يوسف انا حاليا معفي من الضرايب وعليه لن استفيد من خدمات الدكتور للتملق..
لست من هواة جمع الاراضي وكل ما انزل اجازة اكتفي بالنزول في بيت الوالد الله يديهو العافية ومرتاااح جدا من الناحية دي فلا احتاج للتملق لسحب قرعة اراضي ..
عربيتي كركعوبة وربما ادل الدكتور كرار في حرج ان حاولت ان اطلب منه التوسط لي من اجل جمركة العربية فعربيتي تصغرني بعامين تقريبا (ما تضغطوا علي وتقولوا لي انت مواليد كم سمح ؟)
متى ما قررت العودة النهائية اما بعدم رضاء الكفيل عني او بسبب استفزاز سعودي لي في اشارة مرددا (اااااااااااي يا زوووول ) فالدكتور كرار لن يفيديني كثيرا فلا انا املك الاثاث الفاخر ولا المكيفات الاسبليت وكل الممكن اشيلو معاي بيطلع دون الحوجة لجمرك وخدمات الدكتور (تلاتة سراير- ستارتين - بوتوجاز اربعة عيون- غسالة يدوية - خلاطة جكها مكسور- وطقم عشا عمران ضييع منو سيرمس وكباية )
احترم الدكتور كرار التهامي قبل ان يكون امينا عاما فانا احترمه لشخصه ومنذ اول مرة التقيته فيها في تجمع لابناء امدرمان ..
لا تعتقد ان كل الناس تفكر مثل تفكيرك النفعي المعارضة صباحا ثم التملق ليلا (عفوا عكستها فانت تعارض ليلا وسط الرقيص وتتملق صباحا وانت تقدم الشاي والكراسي الفاخرة للسفارة )..
يوسف السماني مشكلتك عايز تعمل ليك سيرة ذاتية قاطعا من شبطك مفادها انك من دعاة العمل الناجح في المجتمع المدني وربما لما ترجع نهائي السودان تقد اولاد الحلة بي قصص خرافية ونات قاعد في ضل شجرة نيمة او شايل كيس جيلاني وماشي الجزارة تجيب طماطم وربع كيلو لحمة .." هيييييييييه والله انا لمن كنت في السعوديييية ..هيييييييييه زمن "
والله يا يوسف بتزكرني بي جارنا زول قدااااااااااااااااااد وفاكيها في نفسو زيييك كده يوم واحد صاحبنا جاني في الحلة قام لم فيهو زولي القداااد زيك ده قال ليهو يا ولدي انت جاي من وين ؟؟
قال ليهو انا مغترب في السعودية ..
زولنا القداد قال ليهو يا سلااااااااااااااام ياخ انا عشت في السعودية دي اجمممل ايامي ياخ ..اها النسألك بالله ..الحرم لسة في حتتو ديك ؟؟؟؟؟
صدقني يا يوسف ده مصيرك القادم زييي زولنا القداااد ده ..
امبارح يا يوسف اثبت انك ضعييف تماااما في ادارة ندوة ومن حقي التساؤل من فوضك للجلوس في هذا الكرسي وباي صفة ؟؟؟؟؟؟
اوووعا تقول لي بسبب لجنة البورداب !!!!!!!
طيب ياخ نفترض جلا انو الناسديل قالوا ليك اقعد فهل تعلم انك لا حواريا ولا ذهنيا ولا حضوريا تستحق الجلوس في الكرسي ده وادارة حوار يكبرك تجربة وخبرة ..
فلا انت سميت لنا سبب هذا التجمع اهو ندوة اهو اجتماع اهي ونسة اهي هي ام أهو أهو كما يقول عبد المنعم مدبولي!!!!
تووووووووووشك مسكت المايك وقلت يا جماعة العندو سؤال يسأل ومعكم الان كلمة ابو جهينة !!!!
يوسف السماني يا اخوي شغل يا زول يا نيل والحفلات البتسويها هناك دي ما تجي تزحمنا بيها هنا..
كل التحية للدكتور كرار وبالله را دكتور ما تنساني بعدين لمن اجي اجازة السودان عشان تشوف لي موضوع التخفيض وتأجيل الخدمات وتحلني من موضوع الخدمة الوطنية عشان انا جوووة الجك ..
حا ازكككككككككككرك واقول ليك انا عمر الفاروق الشكرتك في قصر الستين ..
تخريمة :
والله يا يوسف امبارح اللقاء ده لو كان حاضروا صحفي فلسطيني كان لحقك بوش ....
قوم لف كده
|
Post: #2
Title: Re: يوسف السماني ومركب النقص الكيماوي Yousif O2 S3
Author: محمد عبد الماجد الصايم
Date: 03-01-2009, 11:36 AM
Parent: #1
|
Post: #3
Title: Re: يوسف السماني ومركب النقص الكيماوي Yousif O2 S3
Author: عمر الفاروق
Date: 03-01-2009, 11:39 AM
Parent: #2
ود الصايم ديييمة يا ليل مرضي ماااا مرض عزيييمة يا ليل :D
امبارح وجدتك ولم احضر ياخ ..
فاتك المولد ..
مش تبارك لي سمعت صوتي في المايك الوير لس الماااااا خمج ؟؟؟
وعااااااااااااد هي ما صلصة
|
Post: #8
Title: Re: يوسف السماني ومركب النقص الكيماوي Yousif O2 S3
Author: عمر الفاروق
Date: 03-01-2009, 11:59 AM
Parent: #2
حميدة والنضارة :
اول شي رديت ليك في الحتة دي عشان البوست حلف ما يديني رد غير في الحتة دي ..
اما بخصوص الكلام الغير مفهوم فابشرك اونت سيد العارفين رغبتي الملحة في سماع صوتي عبر مكبرات الصوت فمنذ ان تغنيت برائعة المرحوم ابراهيم عوض " لو عايز تسيبنا" وانا في رحلة بحث عن مايك وقد كان ..
قال ليهو يا ولدي ده خروف شنو الضعيف الجبتو لينا ده ؟
قال ليهو يا ابوي خليك من جسمو ركز في عونو دي حلوة كيف عليك الله ..
اها يا حبوب خليك من المداخلة صوتي كان كيف عليك الله ؟؟
بعدين ياخ انت ما قاعد تحضر دعايات ؟؟؟
مش بيجيبو ليك زول مرة ماشي مع اسد ويقوم يشطب من الورقة رغبات لم تحققها ؟؟
اها انا امبارح اووول ما دخلت البيت مشيت جبت الورقة وشطبت الحتة بتاعت :
الحديث في مايك في وجود يوسف السماني (مع العلم انو لو اسماعيل وراق كان في ما كان الامنية دي اتحققت :D )
تخريمة :
الشافع قال لي اختو وهم في صينية الغدا مع ابوهم :
والله انا ماااا قواااااااااال لكن لو كنت قوااااال كان قلت ليهم انتي امبارح طلعتي مع النعيم ود جيرانا بالليييييييل ...
قلت لي شنو يا محمد ما بتحب اقحام الخاص ؟:D
|
Post: #10
Title: Re: يوسف السماني ومركب النقص الكيماوي Yousif O2 S3
Author: عمر الفاروق
Date: 03-01-2009, 12:03 PM
Parent: #2
ابو صلاح :
Quote: يوسف السمانى ده القادينا فى إذاعة الرياضية ؟
ولّ واحد غيرو ؟ |
الكوت ده للتانية لانو الاولى رد عليها حميدة :D
لالالالا ياخ داك اقلاه بيقد بي حقو وممكن عادي يقول ليك انا بقدكم لاني غنيت امتي يا امة الامجاد ..
لكن ده يقد فوق كم ؟؟؟
غايتو الا تنفع معاهو مقولة :
قوم بالله قد كده ولا كده ..
|
Post: #13
Title: Re: يوسف السماني ومركب النقص الكيماوي Yousif O2 S3
Author: عمر الفاروق
Date: 03-01-2009, 12:25 PM
Parent: #2
حميدة :
ياخ البوست حارن وحالف ما رد علي الا في الحتة دي..
اما بخصوص التلج فحاليا والحمد لله قدرنا نتخلص من نص لوح وباقي لينا النص التاني ..
وهنا لا يفوتني التذكير بالنكتة المكررة واهديها ليك بمناسبة العرس ..
العريس زول مسااااااااااااك اها الشباب عايزين يعملوا ليهو حركات الرياء ديك (تكون مريت بها) قاموا قال ليهو اها يا عريس ماشين نجيب تلج توصينا بي اي حاجة ؟
قال ليهم بالله ما تنسوا تجيبو لينا من التلج الصاااااااااااااقط داك ..
تلجي بكل اسف ما خلوهو يجمد لي واكتفوا فقط بدرجة حرارة الغرفة (هي كم 25 في حتتا ولا زادت؟)
بالمناسبة الفرق بين كلامي وكلام حنين انو حنين كسر نار وانا كسرت تلج لكن الفهم واااحد فياخ لو فهمت كلام خونا حنين اضغط على نفسك شوية وبتفهم كلامي..
تخريمة :
انت لسة شوفت حاجة شهرين بس وبتبيع موبايلك زااااتو خليك من رصيد..
|
Post: #4
Title: Re: يوسف السماني ومركب النقص الكيماوي Yousif O2 S3
Author: humida
Date: 03-01-2009, 11:41 AM
Parent: #1
عمر الفاروق .. ( زميل المنبر ) ..
اول حاجة .. والله عجبني ليك شديد و اتكيفت كيف امبارح ..
اساسا انا جاي عشان اشوف لي لقطة ذي دي .. و ما خيب البورداب ظني ..
و الظريف في الموضوع بعد حركتك الدرامية بتاعت طلعت بره ديك .. في كم واحد كانوا دايرين يقلدوك لكن طلعت بايخة حقتهم ..
ذكروني بالفنان .. عاصم حيدر بورسودان الابيض .. !!
..
..
في الاجمال .. كلامك كان فارغ جدا وما مفهموم .. والله العظيم ..
بس اخونا يوسف السماني كان خاشي في الدور شديد لمن اداني احساس انه حيقول في النهاية ..
get out and close the door behind you
..
..
الكلام الكاتبه دا كلام زعل .. وبرضو ما مفهوم ذي كلام امبارح ..
و فيهو كلام ما صحيح .. بتاع عربيتك كركعوبة .. و العفش .. و آمالك في شراء ارض ..
ما داير ادخل ليك في الحاجات الخاصة بتاعتك ..
لكن في مكان ذي البورد ( حتة عام ) .. ما تجي تدي احساس انك زول لا تملك من حطام الدنيا شيئا .. لكسب الرأي العام ..
الحمد لله زول مرتاح للدين .. لمن مديني قروش .. 
..
..
| Quote: فعربيتي تصغرني بعامين تقريبا (ما تضغطوا علي وتقولوا لي انت مواليد كم سمح ؟) |
انت من مواليد 2008 .. اغسطس .. و لونك كحلي ( ميتالك ) .. مش كدا ..
..
..
| Quote: تلاتة سراير- ستارتين - بوتوجاز اربعة عيون- غسالة يدوية - خلاطة جكها مكسور- وطقم عشا |
اها و الطقمين بتاعين الجلوس .. حتديني ليهم مش كدا ..
الله يخليك لي يا عمر .. لمن الدمعة جرت من عيني ..
ولو اديتني معاهم السفرة .. و الدولاب بتاع الادراج الفي الممر داك و المناظر بتاعت ايكيا .. تب ما قصرت ..
..
..
اها يا معلم .. انشاء الله ارتحت
|
Post: #5
Title: Re: يوسف السماني ومركب النقص الكيماوي Yousif O2 S3
Author: صلاح أبودية
Date: 03-01-2009, 11:46 AM
Parent: #4
يوسف السمانى ده القادينا فى إذاعة الرياضية ؟
ولّ واحد غيرو ؟
|
Post: #6
Title: Re: يوسف السماني ومركب النقص الكيماوي Yousif O2 S3
Author: صلاح أبودية
Date: 03-01-2009, 11:47 AM
Parent: #4
يوسف السمانى ده القادينا فى إذاعة الرياضية ؟
ولّ واحد غيرو ؟
|
Post: #7
Title: Re: يوسف السماني ومركب النقص الكيماوي Yousif O2 S3
Author: humida
Date: 03-01-2009, 11:50 AM
Parent: #6
| Quote: وسف السمانى ده القادينا فى إذاعة الرياضية ؟ |
لا دا كوبي بيست منو .. اصدار الرياض - المملكة العربية السعودية ..
..
..
قررت تمديد اقامتي في هذا البوست ..
..
..
|
Post: #9
Title: Re: يوسف السماني ومركب النقص الكيماوي Yousif O2 S3
Author: humida
Date: 03-01-2009, 12:01 PM
Parent: #7
| Quote: قلت لي شنو يا محمد ما بتحب اقحام الخاص |
لا لا بحب .. خصوصا لمن زول يديني فرصة .. انت ابداها و انا بتمها ليك ..!!
|
Post: #12
Title: Re: يوسف السماني ومركب النقص الكيماوي Yousif O2 S3
Author: humida
Date: 03-01-2009, 12:17 PM
Parent: #11
طيب تعال ياخي لحدي ما يجي اخونا يوسف السماني للرد عليك ..
نناكشك في ما حدث ..
عشان المديدة ما تبرد ..
..
..
هل تعتقد ان حديثك بالامس .. و اقحامك للاخ احمد حنين كمرشح لإدارة الجهاز كان فعلا مقبول من قبل الاخ أحمد حنين ..
وما ادراك ان الاخ احمد حنين لا يستطيع احداث تغيير جذري منطقي نابع من وطنيته في ما يخص الجهاز ..
( كدا دخلنا ليك طرف تالت في المعركة ) ..
في استطلاع الاراء حول حديثك في بهو الفندق .. اكد لي الاستاذ احمد حنين انه لا يقبل هذا المنصب لو ما كان متأكد انه سيحدث تغيير ..
يعني كلامك طلع ساي يا وهم ..
دفاعك عن الدكتور كرار التهامي .. كان في شكل لوح تلج كبير قسمتو نصين .. و طلبت من الاخ الاعلامي يوسف السماني ابتلاع احد النصفين ..
..
..
الفكرة الكان داير توصلا شنو بالتحديد ..
مع تحية تعظيم للاخ عبدالله داش .. و هو يشجب تصرف الاخ الاعلامي يوسف السماني بحزم .. و عجبتني حركة خروجكم من القاعة كخروج النواب اليمنيين من قاعة البرلمان ..
في جلسة تعديل الدستور لتمكين الرئيس علي عبدالله صالح بالترشح لولاية رئاسية خامسة .. !!
|
Post: #14
Title: Re: يوسف السماني ومركب النقص الكيماوي Yousif O2 S3
Author: Khalid Saeed
Date: 03-01-2009, 12:32 PM
Parent: #12
حبايبنا ود الفاروق ..
وحبيبنا يوسف السماني ..
تحياتي العامرة لكم ..[ تظلون دوماً أصدقاء نحسنهم .. ونتوكأ عليهم ] ...
لقد أضحكني حميـــدة .. بتعليقه [ خصوصاً .. رفض حبيبنا أحمد حنين للمنصب ] .. وتعليق حبيبنا داش ..
حميدة ..
هيهيهي هي هي هي هي هي هي هي هي
|
Post: #15
Title: Re: يوسف السماني ومركب النقص الكيماوي Yousif O2 S3
Author: ahmed haneen
Date: 03-01-2009, 01:03 PM
Parent: #14
اها
يا شباب
الجاب سيرتي .. منو .....
اكيد العريس الظريف حميدة
اخونا عمر الفاروق
واخونا يوسف السماني...
الدكشمان الأسفيري .. دا .. عاوز ليهو نفس الطويل ..
بعدين يا الفاروق .. ما تشتت الكورة ... وتضيع الزمن .. عشان كلتشي ما يتعادل...
خلونا نشوف د كرار قال شنو .. واوضح شنو ... ووعد بشنو ؟؟؟
|
Post: #16
Title: Re: يوسف السماني ومركب النقص الكيماوي Yousif O2 S3
Author: علاء الدين يوسف علي محمد
Date: 03-01-2009, 01:18 PM
Parent: #15
| Quote: الجعلي قال ليهم والله الغربة من شدة مو حارة تخليك تسالم الشايقي كان لاقيتو في الشارع .. |
عمر الفاروغ
تلِف ولّا ألِفّك 
|
Post: #17
Title: Re: يوسف السماني ومركب النقص الكيماوي Yousif O2 S3
Author: humida
Date: 03-01-2009, 01:19 PM
Parent: #15
| Quote: تظلون دوماً أصدقاء نحسنهم .. ونتوكأ عليهم |
خلاص يا جماعة نحن نحسما يوم الخميس الجاي ..
لمة لبورداب الرياض في سطوح احد العمارات الفارهة .. شية جمر و ملحقاتها .. و جلسة صلح ..
..
..
وزير الري .. تمنية استعد ..
|
Post: #18
Title: Re: يوسف السماني ومركب النقص الكيماوي Yousif O2 S3
Author: humida
Date: 03-01-2009, 01:39 PM
Parent: #17
يا علاء ياخي والله مما سافرت الزول دا بقى لافي صينية ..
يبرطم ساي .. يحسبو لعب .. !!
|
Post: #19
Title: Re: يوسف السماني ومركب النقص الكيماوي Yousif O2 S3
Author: وليد محمد المبارك
Date: 03-01-2009, 01:52 PM
Parent: #18
وانا اقول عمر ده مالو قامت ليه صلعة
تاريكم ماعطنو معط ..!
|
Post: #20
Title: Re: يوسف السماني ومركب النقص الكيماوي Yousif O2 S3
Author: صالح عبده
Date: 03-01-2009, 01:53 PM
Parent: #18
Quote: امبارح يا يوسف اثبت انك ضعييف تماااما في ادارة ندوة ومن حقي التساؤل من فوضك للجلوس في هذا الكرسي وباي صفة ؟؟؟؟؟؟
اوووعا تقول لي بسبب لجنة البورداب !!!!!!! |
....
|
Post: #21
Title: Re: يوسف السماني ومركب النقص الكيماوي Yousif O2 S3
Author: humida
Date: 03-01-2009, 02:58 PM
Parent: #20
Quote: وانا اقول عمر ده مالو قامت ليه صلعة
تاريكم ماعطنو معط ..! |
الزول دا جانا ممعوط خلقة ..!!
|
Post: #27
Title: Re: يوسف السماني ومركب النقص الكيماوي Yousif O2 S3
Author: جمال هباني
Date: 03-01-2009, 07:20 PM
Parent: #21
ودالفاروق
حبابك مرينا للسلام
سيب لينا ولدنا ده وكان داير ليك ساوندسيستم جاهزين لل(قطة) على قول السعوديين
الكلام دة مابيعجب عريس الموسم حميدة
|
Post: #23
Title: Re: يوسف السماني ومركب النقص الكيماوي Yousif O2 S3
Author: يوسف السماني يوسف
Date: 03-01-2009, 05:22 PM
Parent: #20
ايها العبد غبر الصالح .
(صالح التراثي الانتهازي النفعي اكل كل الموائد ستظل تبحث عن فتات الموائد متسلقاًيمين ويسارا و منخفبا خلف بوستات الاخريين )
|
Post: #22
Title: Re: يوسف السماني ومركب النقص الكيماوي Yousif O2 S3
Author: يوسف السماني يوسف
Date: 03-01-2009, 05:11 PM
Parent: #1
عمر الفاروق
ساتجاوز عما هو شخصي واستغرب من تحويلك الامر لخلاف شخصي ولو كنت افكر في خلاف معك لم امنحك فرصة اصلا .
كان محور اللقاء المطروح المشاكل التي تواجة المغتربيين وحينما خرجت عن المحور اردت ان اوجهك دون قصد اواساءة .
اقول لك معليش ماحصل لم اقصد به شحصك انما هو دوري كمنصة اقوم بة لادارة الحوار اي كان شكلة .
|
Post: #24
Title: Re: يوسف السماني ومركب النقص الكيماوي Yousif O2 S3
Author: وليد محمد المبارك
Date: 03-01-2009, 05:25 PM
Parent: #22
| Quote: ولو كنت افكر في خلاف معك لم امنحك فرصة اصلا . |
بت الكلب الدمغراطية
هاهاهاهاهاهاهاهاهاهاهاهااهاهاهاهاها
|
Post: #25
Title: Re: يوسف السماني ومركب النقص الكيماوي Yousif O2 S3
Author: Rawia
Date: 03-01-2009, 05:28 PM
Parent: #24
أحي .....
يعني الحكاية كدا خلاس فينيتو
طيب حميدة ولاموخذة نعلاته المقلبن ديل يمشوا وين
|
Post: #26
Title: Re: يوسف السماني ومركب النقص الكيماوي Yousif O2 S3
Author: Rawia
Date: 03-01-2009, 05:31 PM
Parent: #25
He even added third party
wooooooow
|
Post: #28
Title: Re: يوسف السماني ومركب النقص الكيماوي Yousif O2 S3
Author: صالح عبده
Date: 03-02-2009, 07:22 AM
Parent: #1
| Quote: يوسف السماني ومركب النقص الكيماوي |
|
Post: #29
Title: Re: يوسف السماني ومركب النقص الكيماوي Yousif O2 S3
Author: humida
Date: 03-02-2009, 10:16 AM
Parent: #28
Quote: كان محور اللقاء المطروح المشاكل التي تواجة المغتربيين وحينما خرجت عن المحور اردت ان اوجهك دون قصد اواساءة .
اقول لك معليش ماحصل لم اقصد به شحصك انما هو دوري كمنصة اقوم بة لادارة الحوار اي كان شكلة . |
طول عمرك واعي يا استاذ يوسف ..
ونيابة عن ولدنا عمر الفاروق بنعتذر ليك عن رعونته تلك ..
انت عارف اخونا عمر هو زاتو ما بيكون قاصد .. بس بحب يعمل حلمنتيش في شكل شكلة .. حركات ديش كدا .. !!
..
..
الاخ عمر ..
الرجاء التوقف عن الاساءة للاخ يوسف السماني .. وما تكتب اي كلمة في البوست دا .. ارجوك ارجوك ارجوك ..
..
..
الاخ احمد حنين ..
افتح بلاغ في الزول دا .. !!
..
..
اححححححححححححححححححححححححح ..
|
Post: #30
Title: Re: يوسف السماني ومركب النقص الكيماوي Yousif O2 S3
Author: abdulhalim altilib
Date: 03-02-2009, 12:05 PM
Parent: #29
Quote: تخريمة :
والله يا يوسف امبارح اللقاء ده لو كان حاضروا صحفي فلسطيني كان لحقك بوش ....
قوم لف كده |
كان برضو دخل التاريخ من
بوابة قصر الستين ؟!
ود الفاروق .. لكن لقيتك ساخر بدرجة بروف ؟!
الاخوان / ود الفاروق ، حميدة ، صالح ، يوسف :
هل وصلتكم (عبر الجوال) رسالة الريس أبو جهينة ؟ّ!
وهل يا ترى لها علاقة بأحداث لقاء السبت الملتهب ؟!
سؤال برئ ؟!!
أخي / ود الصايم
افتقدناك والله ليلتها ،
مودتي ،
( ليمو )
|
Post: #31
Title: Re: يوسف السماني ومركب النقص الكيماوي Yousif O2 S3
Author: محمد عبد الماجد الصايم
Date: 03-02-2009, 12:14 PM
Parent: #30
Quote: أخي / ود الصايم
افتقدناك والله ليلتها |
المعايش جبارة يا عمكـ
ما لقينا أي طريقة مع الشغل!
تشكرات على السؤال وكــدا!
|
Post: #32
Title: Re: يوسف السماني ومركب النقص الكيماوي Yousif O2 S3
Author: humida
Date: 03-02-2009, 01:14 PM
Parent: #31
| Quote: وهل يا ترى لها علاقة بأحداث لقاء السبت الملتهب ؟! |
يا زول ملتهب بتاع شنو ..
كل الحصل ود الفاروق دا قام قال كلام فارغ كدا .. يوسف هرشو .. لمن قرب يبكي ..
و لو ما يوسف هرشو كان الجنبو ختف منه المايك ..
و اتخارج دقيقتين بره .. و مشي عبد الله داش جابو .. وقعد حضر باقي الندوة بكل هدوء ..
يعني الهرشة جابت فايدة ..
..
..
ابو جهينة قدم استقالته عشان الناس الما بتدفع قروش .. كل مرة يجو يشاركوا و ينططوا .. و وقت الدفع ملح و داب ..
|
Post: #33
Title: Re: يوسف السماني ومركب النقص الكيماوي Yousif O2 S3
Author: humida
Date: 03-02-2009, 01:19 PM
Parent: #32
ياخي في نجم هنا ما اديناهو حقه ..
نتشرف بدعوة الاستاذ عبده صالح الملقب بـ( الاصطياد في الماء العكر ) ..
استاذ علم ( التحت تحت ) و ( المطاعنة ) .. جامعة الشارع فاتح في قلبي ..
..
..
تفضل يا استاذ في المنصة انت و الاقتباسات بتاعتك دي ..
..
..
شفت يا عمر الفاروق .. اهو مستر عبدو جاي يصفى حساباته مع يوسف من خلالك ..
يعني انت طلعت ( ثرو ) ساكت .. !!
|
|