Post: #1
Title: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!!
Author: أيمن دياب
Date: 03-01-2009, 08:54 AM
عزيزنا المشترك.. التزاماً بقرار الهيئة القومية للاتصالات
فإن تعرفة استقبال المكالمات في التجول خارج السودان
لمستخدمي الشبكة الواحدة ستكون 50 قرشاً للدقيقة..
مع امكانيات الشحن بكروت زين وإجراء المكالمات بالتعرفة المحلية..
هذا نص رسالة وردتني من شركة (زين) تفيد بفرض رسوم حتى على استقبال
المكالمات بواقع خمسين قرشاً للدقيقة الواحدة..
بعد أن استبشرنا خيراً بخدمة الشبكة الواحدة.. وزين عالم جميل..
وأرسلنا لطلب شرائح زين من السودان.. واستمتعنا لمدة بسيطة
بالاتصال والكلام مع ناس السودان.. رغم رداءة الشبكة و(عدم تجميعها)..
القرار ستتضرر منه شركة (زين) بلا شك.. إذ أن تعرفة استقبال المكالمة
أصبحت تعادل ريال واحد للدقيقة.. في حين أن تكلفة الاتصال من المملكة
الي السودان تساوي أقل من هذا المبلغ.. تقريباً.. بعد العروض الكثيرة
وتنافس شركات الاتصال في السعودية لجذب الجمهور..
الحل سيكون كالتالي: أن ترسل لأهلك في السودان شريحة زين السعودية
وتشتغل استقبال فقط.. وشركة (موبايلي) برضو عندها عرض التجول الدولي
ضاعت عليكم يا زين.. يا طماعين..
|
Post: #2
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: أيمن دياب
Date: 03-01-2009, 09:15 AM
Parent: #1
الرسالة تقول أن القرار صادر من هيئة الاتصالات..
وشركات الاتصال الآن تتجه نحو مزيد من العرض لجذب حصة سوقية
في ظل منافسة حادة وانخفاض عالمي في تكلفة الاتصال..
تطورت الآن خدمة الاتصال وأصبحت في متناول يد الجميع
وتعددت الوسائل وتنوعت..
فمن البريد الالكتروني إلى المحادثة الالكترونية (المسنجر)
إلى الاتصال الهاتفي عبر الكبائن في أوقات التخفيض..
شركة زين ستخسر كل نصيبها من المغتربين بالذات في السعودية..
من غير المعقول أن يتم شحن زين في السعودية لمجرد استقبال المكالمات
وفي الوقت نفسه يمكن الاتصال (بدل الخسارتين تكون خسارة واحدة))..
|
Post: #3
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: بشير حسـن بشـير
Date: 03-01-2009, 09:17 AM
Parent: #1
الأخ / أيمن ، تحياتى
فعلا ضاعت على المغتربين !!!
Quote:
إستبشرنا خيرا منذ نهاية شهر رمضان الفائت ، وإمتلكت كما إمتلك الكثيرون مثلى هنا فى المملكه العربيه السعوديه
شريحه معتبره من شركة زين السودانيه ، وقمنا بتشغيلها هنا فى السعوديه ، على أساس إنه نستقبل جميع مكالماتنا من
أهلنا فى السودان مجانيه ، وتم تأكيد هذا الحديث من قبل زين السعوديه والسودانيه معا ، فالإتفاقيه تقول التجوال
الدولى ما بين الشبكه الواحده من شركة زين هو مجانى للمستقبل ، وعلى المرسل دفع سعر المكالمه بالتعرفه المحليـه
فى السودان ، يعنى 15قرش سوداني بالجديد ، ومضت بنا الحياه وسط إستقبالات المكالمات من السودان بحيث لا ندفع ولا
مليم أحمر ولله الحمد ، تم إلغاء ميزانية المكالمات الدوليه من طرفنا وللأبد ... هكذا حلمنا وعشنا واقع زين الجميل
ولأول مره أمد يدى على مدار اليوم ولأكثر من عشره مرات وأقوم بعمل مس كول للسودان ، وبلا حرج .
أمس الأربعاء25 فبراير وصلتنى رساله من شركة زين السودانيه على الهاتف المخصص للسودان وبداخله شريحه معتبره
من شركة زين السودانيه ، محتوى الرساله يقول (( إستقبال المكالمات على شريحتك زين السودانيه توجب عليك دفع 50 قرش
للدقيقه الواحده ، يعنى المتصل فى السودان يدفع ثمن المكالمه الداخليه ، وأنا أقوم بدفع قيمة الإستقبال بسعر 50 قرش
للدقيقه كما قلت . اليوم الخميس 26 فبراير تم خصم أكثر من 24 جنيه سودانى بالجديد من رصيدى ، إتضح أنها قيمة الإستقبال
لكل المكالمات التى أرسلت لتلفونى الجوال هنا فى السعوديه فى هذا اليوم .
يا فرحه ما تمت ، عموما قمت بإغلاق شريحة زين السودانيه ، ورجعت لشريحتى على شركة الجوال ، لأنها بها خصم قدره
50 % يومى الخميس والجمعه من كل إسبوع ، وقررت عدم الرجوع لشريحة زين السودانيه ، لأنى عندما أدفع 50 قرش سودانى
على كل دقيقه إستقبال فمعنى هذا أننى أدفع ما يعادل أكثر من ريال سعودى ، والخصم الذى أتحصل عليه تكون قيمة الدقيقه
هى 80 هلله سعوديه يعنى أقل من ريال .
أمنياتى أن تتخلى شركة زين السودانيه عن هذا القرار فورا والرجوع لما كان عليه الوضع قبل 26 فبراير 2009 م
لأن شركة زين السودانيه مستفيده تماما وحتى فى الحاله الأول ، فكم مغترب هنا فى السعوديه يقوم أهلهم بالإتصال عليهم
من السودان فنحن نتعدى ال 2 مليون ، وإذا فرضنا أنه المتصلين من السودان يوميا فى حدود ال 50 ألف متصل فقط وكل
متصل إستهلكت مدة إتصاله 5 دقائق فقط ولمره واحده فى اليوم تكون حصيلة شركة زينالسودانيه هى = 125 مليون جنيه س
بالقديم ، هذا بفرضيه بسيطه على أساس أنه كل شخص تكلم لمدة 5 دقائق فقط ، مع العلم أنه الناس بتتكلم ل 20 دقيقه
وأكثر . وهذا بفرضية الناس هنا فى السعوديه فقط ، فهنالك الأردن والبحرين والعراق أيضا فى نفس الشبكه لشركة زين .
عجبى من شركه كبيره تتصرف مثل هذا التصرف الأحمق ،،، عجبى !!!!!!!
بشـير حسـن بشـير / جده |
وتتوالى المفاجآت !!!! زين السودان أتاواتها تصل خارج الحدود
|
Post: #4
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: Alshafea Ibrahim
Date: 03-01-2009, 09:24 AM
Parent: #3
أخي أيمن:
فعلا زين عالم سخيف ... كان عندي عشرة ألف رصيد لزوم الرسائل والاستقبال .. بعد مكالمة طويلة سكت الجوال بدون سبب .. مؤخرا عرفت أن الرصيد 0 ولا يمكن أن اتصل أو استقبل أوحتى استعلم عن الرصيد .. بإذنه تعالى لن أعود لعالم زين ... شركات السعودية بارك الله فيهم ... كذبت زين كثيرا في عروضها ... هم الخاسرون
الشفيع
|
Post: #5
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: محمد عبد الماجد الصايم
Date: 03-01-2009, 09:28 AM
Parent: #3
تعرف يا أيمن يا عمكـ
المشكلة ما في الـ 50 قرش دي
المشكلة لمن تخلص المكالمة تسمع كف جف الرصيد شتت!
تحسبا بأي طريقة ما بتلفق معاكـ!
عاوزين يعوضوا خسارة الدقسة بتاعت الأسبوع الفات!
|
Post: #6
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: Hatim Yousif
Date: 03-01-2009, 09:43 AM
Parent: #5
فعلاً ... منتهى الغباء من شركة زين السودانية بتطبيق القرار إياه ...
..
ببساطة ... العروض من STC حتى في الإرسال بتوصل لـ قريب من مبلغ الإستقبال فقط لدى زين السودانية ...
إذن ... وداعاً زين السودانية ... ورجعنا للـ STC مرة أخرى ...
..
بخصوص شريحة موبايلي في السودان ... أعتقد والله أعلم ... ح ينطبق عليها نفس القرار ... وح يتم الخصم من المتلقي في السودان ...
...
ود الصايم ..
| Quote: عاوزين يعوضوا خسارة الدقسة بتاعت الأسبوع الفات! |
أشرح لينا ياعمك ... دي ماعارفنها ...
..
|
Post: #7
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: محمد عبد الماجد الصايم
Date: 03-01-2009, 09:47 AM
Parent: #6
| Quote: أشرح لينا ياعمك ... دي ماعارفنها ... |
معقولة يا عمكـ
فاتت عليكـ الدقسة!
ياخ ديل نسو ليكـ الخطوط دي مفتوحة
عينكـ ما تشوف إلا النور
مكالمات مجانية يا عمكـ لأي مكان في الدنيا لمدة يومين!
دقسة النوع البجيب اللحسة داكـ
|
Post: #8
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: SHIBKA
Date: 03-01-2009, 09:52 AM
Parent: #7
وحليمة رجعت لعادتها القديمة
|
Post: #9
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: Mohd Ibrahim
Date: 03-01-2009, 10:01 AM
Parent: #8
معليش عاوز اقول ليك كلامك غير صحيح.....
|
Post: #10
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: Mohd Ibrahim
Date: 03-01-2009, 10:08 AM
Parent: #8
زين ماخسرت ...بالعكس حصدت الملايين..بيع شرائح للمغتربين..شهر تسعة الفات مشتري اربعة شرايح..لي ولناس...الواحدة منهم بعشرة سوق اسود وخمسةالف من الشركة..تخيل كم واحد عمل زيي..لكن في بلدنا اتعودنا علي استهبال الناس وحتي الناس بطلت تحتج..لانو مافي فايدة....
|
Post: #11
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: Abdulbagi Mohammed
Date: 03-01-2009, 10:36 AM
Parent: #10
إذا الرسوم علي اللإستقبال بس، خلاص ما نستقبل
نتصل نحن طالما بالتعريفة المحلية
|
Post: #13
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: محمد عبد الماجد الصايم
Date: 03-01-2009, 10:45 AM
Parent: #11
Quote: إذا الرسوم علي اللإستقبال بس، خلاص ما نستقبل
نتصل نحن طالما بالتعريفة المحلية |
تتصل وين يا عبد الباقي ياخ!ّ
والله أخير ليكـ تستقبل وتتلحس
لمن تتصل ممكن يقلعوا منكـ جهاز الجوال زاتو!
|
Post: #12
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: GeerTor Tong
Date: 03-01-2009, 10:41 AM
Parent: #10
قبل اسبوعين تصرفت بكل عفوية وطيبة بتصديق كل ما قالته زين
قمت اضرب للأردن ويوغندا ... وكدا ظاناً أن "زين" صادقٌ....
بعد يومين يجيني رسالة في الموبايل تقول بأن فاتورة الخط حقتي وصلت
أكتر من 150 جنيه (يعني يعادل تقريباً75 دولار)
طلعت الشريحة زين وركبت شريحة ام تي ان وبقيت اتصل بالقاهرة واستراليا واميركا
وبريطانيا والدقيقة لا تكلف اكتر من 50 قرش.
بس انا داير اسدد لناس زين الفاتورة حقتهم وبعد داك اوقف الخط واشتغل بـ(ام تي ان)
خاصة المكالمات الدولية.
قير تور
|
Post: #14
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: Abubakr Osman
Date: 03-01-2009, 10:55 AM
Parent: #10
حسب رسالة الشركة القرار من الهيئة القومية للاتصالات وليس من شركة زين
يبدو ان الشركات الأخرى والمتضررة استخدمت نفوذها فى إستصدار هذا القرار من الهيئة
|
Post: #15
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: محمد عبد الماجد الصايم
Date: 03-01-2009, 10:57 AM
Parent: #14
| Quote: حسب رسالة الشركة القرار من الهيئة القومية للاتصالات وليس من شركة زين |
هيئة شنو يا عمكـ
شركات الاتصالات بتعمل في عروض لو لقت طريقة تجي تدق ليكـ الرقم زاتو وإنت تتكلم بس!
|
Post: #16
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: نادر
Date: 03-01-2009, 11:04 AM
Parent: #14
سلامات يا أيمن، وشكراً علي إيراد الخبر
شركة زين دي أنا مما ظهرت مكجنة لله في لله كده، وحسيت إنو وراء أمرهم ريبة ما، وفعلاً صدق حدسي وكان ما كان من أمر غش الناس بعرضهم (شهر عليك وشهر علينا) وشربو كتيرين المقلب. عشان كده ما غيرت من الشركة الأنا معاها (الاتصالات السعودية) the same shoes أقلو (جناً تعرفو ولا جناً تجهلو) والعايز يتصل بالسودان يدفع ويتكلم بصوت واضح وبدون لف ودوران، ويختصر.
وكدعاية مجانية كده موبايلي دي أحسن شركة اتصالات في المنطقة فيما يخص ثقة العميل بهم، ومصداقيتهم تجاه عملائهم، وهم بالمناسبة عندهم التجوال مجاناً فلو انته مغروض شوفهم أحسن ليك من رمضاء زين ونار الاتصالات السعودية، والله يجمعك بالأحبة كلهم.
|
Post: #17
Title: Re: شركة زين تفرض رسوماً على التجول الدوالي (500) جنيه للدقيقة الواحدة.. ضاعت عليكم يا مغتربين!
Author: أيمن دياب
Date: 03-01-2009, 02:43 PM
Parent: #16
شكراً يانادر.. وشركة زين بالتأكيد خاسرة..
بداية أزعجونا بالاعلانات.. وزين عالم جميل.. وزين عالم الشبكة الواحدة..
الأردن.. البحرين.. العراق.. وأخيراً السعودية..
الكلام فعلاً كان عن طريق الشبكة الواحدة بدون رسوم..
وزين تبريء نفسها في الرسالة.. وتقول بناء على قرار هيئة الاتصالات
يعني هي نفسها ملزمة بالقرار.. مع أنها من المستفيدين من القرار..
مافي حل إلا موبايلي.. اتصال بكون شبه مجاني.. وعندهم شبكة قوية جداً..
|
|