جارك القريب ولا ود أمك البعيد

جارك القريب ولا ود أمك البعيد

هي مقولة قديمة وكان يعتز بها جدا إباؤنا وأجدادنا

كان الجار مثل الوالد يربي ويعلم وله نفس حق والدك عليك، إما الآن اختلف الوضع جدا قد يصل الحال إلى أن الجار يسكن في بيت لا يعرفه أهل الحي إلا في صلاة الجمعة للرجال وللنساء، قد لا يتقابلن أصلا،وقد يتقابل الأولاد في لعب الشارع وقد لا، وأصبحت العلاقة هي علاقة مفككة، وأصبحت الأسرة في زاتها لا تهتم بالعلاقات الاجتماعية مع الجار ولا في (السمح) ولا في (الشين).

علاقة أولاد الجيران ببنات الجيران هي علاقة الأخ بأخته ومن حق هذا الأخ أن يصحح خطأ أخته بالطريقة التي يراها مناسبة ولا يلومه والد البنت أو والد الشاب لأنها(زي أخته).

علاقة الجار بجاره هي علاقة اكبر من علاقة الدم بالنسبة للسوداني وبالنسبة لبقية الجنسيات لا أهمية لهذه العلاقة إطلاقا.

معروفة عن علاقات الجيران في مدن خارج الخرطوم هي علاقة وطيدة جدا لأنها تكون بين الجار والذي هو في نفس الوقت قريبك من ناحية الدم.

علاقة الجيران في امدرمان هي علاقة وطيدة جدا قد لا يكون جارك هو قريبك من ناحية الدم لكن الحياة بينكما واحدة ،وذلك لوجود(النفاج) الذي عمق العلاقات سابقاً والذي اختفى مؤخراً، والذي يجهله الجيل الحالي.

علاقة الجيران في أحياء الخرطوم المختلفة قد تكون اقل قوة وذلك لأن في معظمهم لا توجد علاقة دم وكذلك علاقة الجار بجاره ضعيفة لان معظم أهالي الخرطوم من الوافدين والذين هم منشغلون بمعايشهم عن علاقاتهم الاجتماعية في الحي وعلاقتهم أقوى مع جيرانهم الأصليين في بيوتهم الأصلية.

هل يؤثر في علاقتك بجارك أن كنت مستأجر للبيت أو مالك له؟
هل علاقتك بجارك مرتبطة بموطنه الأصلي؟
ماهي تفاصيل علاقتك بجارك الحالي في أي مكان كنت فيه أو كيف كانت مع جيران ك السابقين؟
ما أهمية تلك العلاقة بالنسبة لك؟

طيب اول حاجة ياجارتي القريبة
بالجد مشتاقين

Quote: طيب اول حاجة ياجارتي القريبة بالجد مشتاقين

دكتورنا
تعال بالنفاج اشرب ليك كباية شاي وادينا خشم خشمين

*

Quote: إما الآن اختلف الوضع جدا قد يصل الحال إلى أن الجار يسكن في بيت لا يعرفه أهل الحي إلا في صلاة الجمعة للرجال وللنساء، قد لا يتقابلن أصلا،وقد يتقابل الأولاد في لعب الشارع وقد لا، وأصبحت العلاقة هي علاقة مفككة، وأصبحت الأسرة في زاتها لا تهتم بالعلاقات الاجتماعية مع الجار ولا في (السمح) ولا في (الشين).

والله عوجة ..
ونحن هنا نتباها قدام أولادنا .. عن الحلة والجار .. وولدك يتأدب قبال يدخل البيت ..

كيفنك يا شبكة ..

أمدرمان "القديمة" طبعآ كانت متميزة شديد .. وعيالك ناموا وين وأكلوا وين ما جايب ليهم خبر .. النفاج يطلعك على نفاج .. وطريقة بناء البيوت متفردة .. نظام الحوش الكبير وداخله حلة ..

قالوا ود نفاش بتعلم العجلة .. وزلفت منه لقى نفسه داخل تكل وواحدة بتعوس .. قالت ليه سجمى دا شنو .. قال ليها أمى قالت ليك أدينى طايوقة ..

هى نكتة .. ولكن تأملها يوريك كيف كانت بيوت أمدرمان ..

حليل البلد يا شبكة

رأفت
انت تبع امدرمان ولي الديم؟؟

حدد موقفك

يا شبكة أنا ديامى إنترناشونال

ما عارف منو القال لكن قريتا هنا قال "الديم حى أمدرمانى ضل طريقه فى الخرطوم"

وبعدبن ما مر بيك ده : أنا من المسالمة .. ومن مدنى .. ومن الديم .. ومن بورتسو... .. "يا محمد البشرى"

يعنى محل ما تقبلى تلقينى جارك العزيز وود حلتكم ..

Quote: وبعدبن ما مر بيك ده : أنا من المسالمة .. ومن مدنى .. ومن الديم .. ومن بورتسو... .. "يا محمد البشرى" يعنى محل ما تقبلى تلقينى جارك العزيز وود حلتكم ..

ما مر بي البوست دا
لكن مر بي بتاع الديامة واتذكر قصتك يوم الفيضان تماما وكيف جريتو العربية و....و...
احدث حكيتها اتذكرها جيدا


لكن بالطريقة دي انت انترناشيونال فعلا