... تعرفو اجمل مافي يوم باكر ...

تعرفو اجمل ما في
يوم باكر
انو بعد يوم 4 مارس
البشير اصبح رئيس
من منازلهم
يعني ازا ما اشالك
ومده ايدو بالحيطة
للقزافي
عشان يسلم عليهو
ساكت
ما بتجيهو راجعة
حيلقى اوكامبو واقف
ليهو في سكة الرجعة
ولاحتى يقدر يتف بالشباك
سفة
واسع يخش ليك
زول نشاز
ياكوز معتوه
يا امنجئ كلب
مرتزق
اومتلفق دنيا وسخان
لص دين
حرامي عفن وبي دقن
ويقول ليك
ياخائن
وعميل
كيف تهاجم هيبة الدولة
وشرف الامة ورئيسها
بس بقول ليهو
منوالخلاهو
يجئ بالليل مشعلق
فوق راس دبابة
ومتلب علي صدر
الوطن
راس الشعب
زي حرامي
شقي ود حرام
سارق حلمو الكان
جواه بالحب ساكن
منو القال ليك تسرق
امنو وسلامو
وضحكة اطفالو القبيل
ومنو القال ليك
اتحرفن واشالك
وزور
عشان تقعد في سلطة
مادايمالك
ودي ما شماتة معارض
وصعلقة حروف مابتخاف
كشف رجفة حالك
ولا زيف هتاف المسيرات
الضهب
ولا رجالة رقزة جلد
سوط في الضهر
ولاحلف طلاق بالكزب
دا واقع بالحق ظهر
هووي انت كنت ساهي
منو وين ساعة حصل
اي يالبهم
دا كان نتيجة تسبيحكم
الجسس
وصلاتكم في الجمم
دا دم 12 الف روح
انسان في دارفور
ودم ضباط 28 رمضان
الماتوا غدر
دا دم علي فضل
ورفاقو
السدوا عن عيون
الجلاد
بالثبات ضؤ الشمس
دا دم كان سال حزن
قدام اي باب عرق
نواح في كل ربوع
الوطن
بس ارجى الجياك
ياسجم
وجرح البلد الجوانا
مابنساك
وعيش في الوهم ياسفاح
وطير طير في العدم
يالبشير
دم الشعب بي غضب الموالي
بتلقاك
28/2/2009

وتاني اجمل مافي يوم باكر

انو يوم 8 مارس يوم المراة العالمي

وحنشوف اللجنة الجديد المنتخبة حتحتفل باليوم
دا كيف

ارجو ان يكون رائع زي لجنة الاتحاد النسائي الجديد

وعاش كفاح المراة

مدثر تيف تيف

وبرضو اجمل
ما في
يوم باكر
حتجئ الانثى
الحقيقة
مالية الحروف
بالحنان قصائد

ليوم اربعة فضل يومين

وقدر ظلمك كبر حفرتك

مرتين

بدل واحدة حفرتين

وحدة ليك والتانية

لي صلاح قوش

لانو ساعة يجئ اوكامبو

ماحتعرفوا تمشوا وين

تلاقينا الزمن الملامحو

معكرة

قيد خطانا وعم جوانا

المحل

الاستز علب الكامل

أجمل مافي يوم باكر إنو ما نشوف العساكر

الرائع الجميل الفاتح يسن سلامات

وطلتك شديدة

Quote: أجمل مافي يوم باكر إنو ما نشوف العساكر

عشان كده بهديك القيدة دي اهداء خاص


يا قمر ضوي
بالفكرة ألجواك
خلينا نذاكر ونمسح عن دنياك
وجمع الماضي ونرسم فيها بالألوان
أجمل حاضر
ونكتب للأطفال غناوي الحب
ألجوه الخاطر
وألم الناس الباين في عيونك
حيروح يوم باكر
ضحكت يوم داك ترجع من تأني
والفرح يتواصل
ويزول الظم الكان حاصل
ما الدنيا أجمل من غير سجان
من غير جلاد
ومن غير عساكر
ونبقى كمان أجمل
لما تزول ما بين الناس
أي فواصل
بالحب تناصر والخير ألجواك
بيناتم يتباصر
ودربك لوطال بنمشيهو ونتشايل
يا قمر تضوي بالحلم ألجواك
تلقي هناك في ناس
تحت الظلمة قاعدة وراجياك
للخير ألجواك دايرة تذاكر
يا قمر ضوي بالأمل ألجواك
يا قمر ضوي
أغسطس 2001

انا الهذاء
اسف علي كل
هذاء
ومعليش
كان البيني
وبينك
حطاء احساس
حرف
اترسلت غنوات
عشان تفرتك
بوتر ريد
سكون صمتك
بالنغم للرد
تترجاك
بس لكني خاويت
الجسد بالروح
حنين
بعد ما جاني
مرسال رسالتك
وطويت مصلاية عشقي
ومشيت
متوكل علي جمال
يوم باكر
انسد من سؤال الغيب
الاجابة
وساند ظهري علي عيون
الحقيقة
محدق في للافق
مرات اتلفت واعلين
لي غروب شمس اليوم
النازلة تعب بهمو
ابتسم
وارجع اسرح في شرق
شمس يوم باكر
وكيف بنطلع منها الانثى
الحقيقة
مليانب بالامل فرح
ومرسومة في السحاب
مطر حبيبة
نازل فيض حب
لزمن جاي
مخضر وطن
وضاحك مع الصباح
قوس قزح
واسف علي كل هذاء
انا الهذاء

3/3/2009

الخرطوم


يا امنا الحنون
شايلك في فكري
هموم
صورتك بائسة
ووشك موشح بالدموم
اطفالك محروك جوفا
بالسموم
والجوع حاميها النوم
لما تحتاج تنستر من
البرد
تفتش ما تلقى قطعة
هدوم
حالك ما بسر عدوك
وانت ضائعة بين
بلادة العساكر ودجل
الدقون
حاميكي حراميك
اولادك الشرفاء
مالين السجون
اصبري ليل الظل
كزاب ما بدوم
مانحن اولادك الحمر
جأين
انصرتك نعب ونقوم
احنا البرق قبلي
في سماك يا الخرطوم
نحن الفي الشوارعك
دمنا بيجري
ذي مطرا شائلاه غيوم
جوانا نار بتقلي
غضب الغبش حنكون
حالفين يمين لو تدري
في شرفك نموت ونصون
قطعنا عهد من بدري
لمبادئنا ما بنخون

يوم الحارة جأي
ابشري
واندهي يا ثوريين
في لحظة يجوك من
قلب الارض
كل الشوعيين
بريقم يضؤي في
قلبك
خطاهم تسير علي
دربك
وصوتهم يعلو بأسمك
ويهتف الخرطوم ..
الخرطوم ...
الخرطوم..

يونيو 2001

يا رائعة



يا رائعة في بطن الكتب
فهمت كل حروفك
الطالعة من قلب اللهب
ومشيتو دربك ألما هو ضهب
حفظت من غناك الصعب
ختيتو حبك في قلبي شبال
جيتك ومتجاوز في الزمن
كل محطات الانتظار
جيتك وشايل ريدك أمل
وشايل معاي رسمك
عشان أكون من ملامحك
أجمل وطن
لليتامى أجمل حضن
للطير المهاجر سكن
للغلابة يمسح حزن
يا رائعة في غني الأطفال المحرومين
يا واحة ضلها رامي على المساكين
كان قصدي أكون من عيونك
أجمل أمل للأجيال الجايين
يا رائعة في حزن الناس التحت
صورتك ألفي خيالي ما اتمحت
واسمك في قلبي اتنحت
قلت أكون من دنياك أجمل فرح
لي ناسا من حزنها نست الضحك
يا رائعة في الكلام عاشقين
على ضفاف النيل
في سكون الليل
شالتك ليهم زهرة ياسمين
ريحها بتطلع من أنفاس الناس
العلى دربك ماشين
ومن روح الناس
الفي حبك ميتين... ميتين

غنى الطير وطن
في وطنا دا الطير الكان صداح
ومليان بالفرح والغنى
ساب الغنى
وبقى في الحزن والطنطنة
وقاعد في ظلام الليل ينقنق
مستني نور الصباح اللسه
ما طلع
ويفكر في همنا وناسي هموا
وفي القعدة يغفو وفي الغفوة يحلم
بصباح أجمل وزرع اخضر
ويغازل في الحلم نفسوا
ويبدأ يغني بصوت عالي
ولما يذكر انو وطاويط الليل
بتجسس على حلمو
وبتسمع في غناه
بتحس بي همسو
فجأة يصحى ويخاف
يحضن صغاره ويوطي حسو
ويطاطي راسو ويرحل
وبي سرو ينقنق ويقول
دا غناي ألما برأي بحسو
دا غناي لمن يجئ الصباح بغنية
وما بدسوا



11 /12 / 2004

فوق