Post: #1
Title: عمرك طويل صديقي الجميل جمال علي شريف
Author: نصار
Date: 02-28-2009, 00:22 AM
Parent: #0
لحظات من اسوء ما مر علي في حياتي، كان قصيرة بحساب الدقائق و لم تبلغ ساعة. لكنها وطئت النفس كجبل خلد عبر الدهور. انزاح بحمد الله و فضله لكن وقعه ما زال واقعاَ. هذا احساس عجيب، اين الفرح بعودة من اعتقدت فقده و هو عزيز حبيب قريب خليل صديق اخ ولدته امي الانسانية النيبلة.
اتصل بي الصديق كمال حسن علي لافجع بكلمات التقطها بصعوبة من صوته الباكي بحرقة و الم. سمعت اسم جمال علي شريف و باقي الخبر قاله البكاء. جمال طول شامخ له اصدقاء و احبه في كل مكان فهل يعقل ان يأتينا خبر مثل هذا عنه بالصدفة التي تأتي لكمال ممن لا نتوقعه؟. راودني الشكر لكن الحزن لا يجلوه الشك فكيف تكون الدنيا غدا بدون جمالها.
ما حدث لي مساء اليوم تسونامي حزن ذهب و ابقي حزنا و وجدا و حبا يا جمال، فالحزن لا يغشي قلباَ و يذهب دون اثر. فالحمد لله انك مازلت تزين دنيانا بحضورك اللطيف و شخصك الودود و عقل النابغ و قلب المحب. عمرك طويل و سعيد باذن الله يا صديقي.
الحصل انه واحد سوداني بنية سليمة نقل لاحد زملاء الدراسة ايام الهند خبر وفاة سوداني في امريكا علي انه صديقي جمال علي شريف ذاكرا له رئاسته لاتحاد الطلاب في الهند و منطقته الاصل في السودان و مكان اقامته في امريكا. تطابقا تمام. لا ادري كيف حدث اللبث. دعاءنا للمرحوم (فقط عرفت انه من خريجي الهند) بالقبول الحسن عند رب كريم و ان يجعل مثواه الجنة و ان يلهم اهله و اصدقاءه الصبر الجميل...
و يا جمال بالله اظهر و حاول انك ما تستسلم لطاحونة الرأسمالية الشادهاكم دي فقد اصاب هذا الخبر الطائش اصدقاءك بحالة لا توصف و الاتصلنا بيهم في امريكا قالوا انهم لم يسمعن منك منذ زمن طويل فكاد ينهار خط دفاعي الوحيد المعتمد علي احتفاءك باصدقاءك و لا يمكن ان يتوه خبر زي دي حتي يخلنا من السودان.
|
Post: #2
Title: Re: عمرك طويل صديقي الجميل جمال علي شريف
Author: نصار
Date: 02-28-2009, 11:40 AM
يوم ما بعد الخلعة
|
Post: #3
Title: Re: عمرك طويل صديقي الجميل جمال علي شريف
Author: فدياس نجم الدين
Date: 02-28-2009, 12:11 PM
Parent: #2
حمدا لله ..
جمال علي شريف .. ابن الجبال .. الرجل الطيب .. تحياتي
و برضو من المهم جدا ان نعرف اسم الشخص المتوفي خاصة انه رئيس اتحاد ..
|
Post: #4
Title: Re: عمرك طويل صديقي الجميل جمال علي شريف
Author: نصار
Date: 02-28-2009, 02:31 PM
Parent: #3
العزيز فدياس
تعرف جمال؟
يا سلام ياخي
المرحوم ما كان رئيس اتحاد
الحاصل انه الشخص الاتصل بالسودان
تحدث عن جمال علي انه المتوفي
و اكد دقة معلومته بذكر سيرته
بانه من الجبال و كان رئيس اتحاد
المرحوم عرفه اخونا كمال حسن علي
ياريت يمر بهنا
تحياتي
|
Post: #5
Title: Re: عمرك طويل صديقي الجميل جمال علي شريف
Author: نصار
Date: 02-28-2009, 05:37 PM
Parent: #4
لا ينقص فرحتي بعودة جمال
من حيث اراد لنا الخبر اعتاده
سوي حقيقة ان القدر و ان تخطاه
فقد تخير زميلا لنا اخر
له اهل و احبه و اصدقاء
هو لهم بمثابة جمال لنا
له الرحمة و لجمال طول العمر
و السعادة
|
Post: #6
Title: Re: عمرك طويل صديقي الجميل جمال علي شريف
Author: نصار
Date: 02-28-2009, 05:38 PM
Parent: #4
لا ينقص فرحتي بعودة جمال
من حيث اراد لنا الخبر اعتاده
سوي حقيقة ان القدر و ان تخطاه
فقد تخير زميلا لنا اخر
له اهل و احبه و اصدقاء
هو لهم بمثابة جمال لنا
له الرحمة و لجمال طول العمر
و السعادة
|
Post: #7
Title: Re: عمرك طويل صديقي الجميل جمال علي شريف
Author: نصار
Date: 02-28-2009, 10:28 PM
Parent: #6
اتصل بي الان جمال علي شريف
احساس عجيب..
يا فيداس الاخ المتوفي اسمه ابوبكر درس في جيبور
و بومبي
كان مصاب بمرض الضغط منذ ايام الهندي
له الرحمة و الجنة
باذن الله
يا بكري لو مريت من هنا اتمني اتمني ان تتكرم
بتيسير انضمام اخونا جمال علي شريف
و بالتأكيد ح يتفق معاي كل البعرفوهوا انه ح يكون مكسب كبير
للمنبر
و قد ذكر لي ان لديه الكثير الذي يود رفد هذا المكان به
|
Post: #8
Title: Re: عمرك طويل صديقي الجميل جمال علي شريف
Author: Ahmed Alim
Date: 03-01-2009, 04:03 AM
Parent: #7
الاخ الـحبيب نـصار،
ربـنا يـسلم أخـونا الـجميل جـمال مـن كـل بـلاء.
واللـه انا مـا عارف كـيف زول يـنقل لـيهوا خـبر وفـاة وهـو مـا متأكد مـنو!!
يـعني عـدم مـسؤولية وخـربطة مـمكن يـروح فـيها زول تـاني!
بـعدين جـمال دا لـسه بـدري عـليهوا مـش بـقولوا عـمر الـشقي بـقي ولا كـيف ..
بالله قـول لـيهو أضـرب لـينا تـلفون نـعرف أخـبارك.
نـسأل الله ان يـتغمد الـمرحوم أبوبكر بواسع رحمته.
مـحبتي
|
Post: #9
Title: Re: عمرك طويل صديقي الجميل جمال علي شريف
Author: نصار
Date: 03-01-2009, 01:15 PM
Parent: #8
العزيز احمد
سلمك المولي يا حبيب
انا غايتو بعد الخلعة راحت وجدت في العكة دي
ايجابيات كتيرة
ليس اقلها احساس ان يؤخذ منك عزيز ثم يرد لك
جمال ان شاء الله سوف يشرف هذا المكان
قريبا و يثريه بما تعرف من لطف و معرفة
|
Post: #10
Title: Re: عمرك طويل صديقي الجميل جمال علي شريف
Author: Elsiddig A. Ahmed
Date: 03-01-2009, 05:19 PM
Parent: #9
عزيزنا نصار لك من التحايا باعمار كل من تحبنهم وتجلهم من زملاء واصدقاء وحبان
سلام كثير وشوق معطون برائحة الفل
تخيل لما قريت عنوان بوستك اشتممت رائحة هذا الرجل الجميل وتذكرت اياما خلت واندهشت لهكذا خبر وقولت لنفسي هل وصلت بنا المشغوليات والجرى وراء لقمة العيش لدرجة لا نعرف بعضنا البعض وكان الكان بينا ماكان لاتصال ولا ايميلات ولا حتى تفعيل بوست خريجي الجامعات والمعاهد بشبه القارة الهندية واكثر من ذلك الواحد يدخل المنبر ويلقى واحد من ناسوا بدل يدخل ويدى التحية يتوارى خجلا حتى لا يفسد ليه البوست لكن من اليوم ما حاخلى اى بوست فيهو زول من ناسنا الا دخلته وحييت
يا نصار بالله عليك طمئنا على جمال وكل الجميلين ابتداءا من حامد على وخالد ود السلطنة والمبدع كمال حسن على واشرف قسوم و وليد ابو راس والخ تحياتى لهم جميعا مع الامنيات لهم بوافر الصحة والعافي
تخيل يا نصار انا قاعد لى فى حته مافيهو زول من الهند بس تقول شنو ده قدرنا
لك الشكر والتقدير
اخوك الصديق
|
Post: #11
Title: Re: عمرك طويل صديقي الجميل جمال علي شريف
Author: نصار
Date: 03-01-2009, 10:53 PM
Parent: #10
العزيز صديق
ايوة و الله الدنيا سايقنا بنبوتا
غايتو الحصل دا يشهد الله بعد ربك لطف بقي واقف لي زي
العضم في الحلق
او احساس انه لسع خانقك مع انه اتبلع
انت زول بيعيد احتمال النكتة القديمة دي لسه ما وصلتك عند مشرق الشمس
قال ليك ممرض شغال في عيادة دكتور موش علي بد
الدكتور كل معرفته انه كاتب جول بالامراض و الادوية بتاعتها
ممشي حاله بكدا
الدكتور غاب ليهو كم يوم
اخونا الممرض قال اصله الشغلانة كلها في الدفتر دا
و لما ليك في المرضي المرض الفلان دواهو ياهو دا في الجدول
سلكت معاهو
يوم جاهو زول واقفة ليهو شوكة وت في حلقه
جديدة لنج و مافي في القائمة
بدا معاهو تجريب، خد السلفا دي و تعال بكرة
مافيش فايدة
بكرة حقنا و تعالي تاني يوم
شرحو
اخيرا خت ليهو لصقة في حلقة
الشوك قاعدة لليوم التاني
ختاها ليهو في شنبو
برضو زولنا مخنوق
الممرض زهج و جرا اللصقة بعنف
سخنت مع المخنوق لمان بلع ريقو شديد و الشوكة اتبلعت
الممرض اضاف في القائمة
شوكة في الحلق
لصقة في الشنب
زي ما قلت يا صديق الحياة و الموت ما معروفات
بعد دا نشوف ناس
اصلو الدنيا ما بتحن و تحلي براها
وبلاهم ما ليها معني
تسلم يا حبيب
|
Post: #12
Title: Re: عمرك طويل صديقي الجميل جمال علي شريف
Author: نصار
Date: 03-02-2009, 09:04 PM
Parent: #11
|
Post: #13
Title: Re: عمرك طويل صديقي الجميل جمال علي شريف
Author: نصار
Date: 03-09-2009, 10:50 PM
Parent: #12
.
نقطة ليس بغرض الاحتلال
بل من اجل جمال
العضوية يا بكري باللهي
|
Post: #14
Title: Re: عمرك طويل صديقي الجميل جمال علي شريف
Author: elsharief
Date: 03-09-2009, 11:10 PM
Parent: #13
ندعم عضوية جمال يا نصار وله التحايا
|
Post: #15
Title: Re: عمرك طويل صديقي الجميل جمال علي شريف
Author: ELSUNNI
Date: 03-10-2009, 08:53 AM
Parent: #14
العزيز نصار لك وللاخ جمال كل التحايا
جمال كان معنا في نهاية 2008 في اجازة قصيرة
و كعادته كان حريص يقابل شباب الهند و حضر احد برامج جمعية بوناالشهرية
و عملنا ليهو برنامج جلسة في قندهار (سوق الناقة)و انت بتعرف علاقة البوص العضة لولولولو
كان معنا الصادق خليفة بفلو (مدراس+بونا) - عارف على عوض الكريم - ياسر كسلا - خالد الدبل - امين جين - طلال معتصم - علاء تيتاوي - محمد الطيب MCM - جمال ابوحنيفة - هشام عيسى الخ
|
Post: #17
Title: Re: عمرك طويل صديقي الجميل جمال علي شريف
Author: نصار
Date: 03-13-2009, 01:48 PM
Parent: #15
العزيز راشد السني
احوالك و الاهل
الظاهر مسؤلياتك كترت و كبرت
فاخذتك عنا
و الله يا راشد القلب رهف و الشوق للبلد بلغ مداه
رغم الحاصل و المتحصل
نسأل الله السلامة
الحمد لله ما عشتوا صقعة الخبر الرهيب
عن جمال
تحياتي للجميع
|
Post: #16
Title: Re: عمرك طويل صديقي الجميل جمال علي شريف
Author: نصار
Date: 03-13-2009, 01:43 PM
Parent: #14
تسلم يا شريف يا هميم
و لك اعطر التحايا
|
Post: #18
Title: Re: عمرك طويل صديقي الجميل جمال علي شريف
Author: كمال عباس
Date: 03-13-2009, 01:51 PM
Parent: #16
| Quote: ندعم عضوية جمال يا نصار وله التحايا |
|
Post: #19
Title: Re: عمرك طويل صديقي الجميل جمال علي شريف
Author: نصار
Date: 03-13-2009, 08:58 PM
Parent: #18
الله يخليك يا كيمو يا اصيل
تحاياك اكيد تصل لجمال
|
Post: #20
Title: Re: عمرك طويل صديقي الجميل جمال علي شريف
Author: نصار
Date: 03-24-2009, 08:07 PM
Parent: #19
بكري لو سمحت رسل المطلوب علي ايميلي
[email protected]
|
|