Post: #1
Title: خمج تشجيع المهلهلين
Author: طلحة عبدالله
Date: 02-27-2009, 08:21 PM
Parent: #0
ناس فارشين فرواتم وجارين سبحم وداقين نوباتم
وناس يحرقوا في البخرات
وواحدين يضربوا الرمل
وتانين يرموا في الودع
وآخرين يقلبوا في فنجال الجبنة
و.....و...وو....و....و
أراهن بعتود وضكر حمام وودأبرق أنو الجماعة هسع عاملين مسيرات ومهرجانات إحتفالا بالتعادل المعجزة بتاعم دا ..
ياخي ديل مزعجين بإسفاف ..
يتبع ..
|
Post: #2
Title: Re: خمج تشجيع المهلهلين
Author: Abdulrahman Eldaw
Date: 02-27-2009, 08:29 PM
Parent: #1
| Quote: أراهن بعتود وضكر حمام وودأبرق أنو الجماعة هسع عاملين مسيرات ومهرجانات إحتفالا بالتعادل المعجزة بتاعم دا .. |
والله يا طلحة انا هسي دي في البيت...المريخاب عاملين لينا ازعاج..صفافير و نوبة
...
ما مصدقين
ـــــــــــــــــــــ
انتا ذاتـــــــــكــ ما مصدق
|
Post: #3
Title: Re: خمج تشجيع المهلهلين
Author: عبدالوهاب علي الحاج
Date: 02-27-2009, 08:44 PM
Parent: #2
تتزين الشوارع الان وتلبس حلة حمراء وصفراء
ابتهاجا بالتعادل
قال اراهن قال ياخ اختشي
|
Post: #5
Title: Re: خمج تشجيع المهلهلين
Author: osman abdala
Date: 02-27-2009, 08:51 PM
Parent: #3
وهبة يا رشاشة قوم لف
الله مرقكم ما مصدقيييييين
|
Post: #9
Title: Re: خمج تشجيع المهلهلين
Author: طلحة عبدالله
Date: 02-28-2009, 09:02 AM
Parent: #5
Quote:
وهبة يا رشاشة قوم لف
الله مرقكم ما مصدقيييييين
|
ما كل مرة يسلم الملهلهلين يا أبو عفان ..
خليهم يفرحوا شوية بتعادلم الهبوب دا ..
المرة الجاية نتق الريش .
|
Post: #7
Title: Re: خمج تشجيع المهلهلين
Author: طلحة عبدالله
Date: 02-27-2009, 09:58 PM
Parent: #3
هلا يا وهبة Quote: تتزين الشوارع الان وتلبس حلة حمراء وصفراء
ابتهاجا بالتعادل
|
دي قولا لي زولا ما قاعد يفجخ الطماطم في الكسرة واللا ما قاعد ياكل مرارة واللا اي زول غيري .
|
Post: #4
Title: Re: خمج تشجيع المهلهلين
Author: طلحة عبدالله
Date: 02-27-2009, 08:48 PM
Parent: #2
غايتو جنس خمج الجماعة الأقلية دي ما لاقتني في أية لفة بالواطة
ناس يجوك من المغرب ويقعدوا يكوركوا الليلة ح نعمل معجزة ، والليلة فريقنا المهلهل دا ح يغلب الزعيم في آخر الدقيقة
وناس تانين يجوك يقولوا ليك رأيت كما يري الحلمان الوهمان أنو نحن غالبين تلاتة ( كمان معاهم طمع ما بقولوا واحد )
وتالتين يجوك يضحكوا زي البالعين حبوب ضحك تقول ليهم في شنو يقولوا ليك مشينا لفكي أب لالوبة وقال لينا النتيجة خاتيها في جيبو
بتاع الجينز الأميركاني الوراني ..
والمصيبة أنو بعد ما صفقم اللصفر دا يتحت كلو في أول هبوب كلتشية تلقاهم برضو قاعدين ..
ياخي امشوا نوموا واللا أكلوا ليكم نبق واللا تبش بالشطة واللا أية حاجة كدا ..
يتبع ...
|
Post: #6
Title: Re: خمج تشجيع المهلهلين
Author: طلحة عبدالله
Date: 02-27-2009, 09:25 PM
Parent: #2
Quote: انتا ذاتـــــــــكــ ما مصدق
|
عليك الطلاق يا ابو عبدة أنت الصادق
المباراة تسعين دقيقة
فيها سبعين دقيقة فريقكم المهلهل دا محصور ومضبوب ومزنوق والعشرين الباقية وقيع من ناس الحارس الوقيع بتاعكم
المفروض أبو الهل دا ياخد في صنقورو تلاتة اربعة كرباج لكن ....
ياخي أسكت دي كورة بت ستين كلب ..
|
Post: #8
Title: Re: خمج تشجيع المهلهلين
Author: طلحة عبدالله
Date: 02-28-2009, 08:53 AM
Parent: #6
وما أضعف من أبو الهل المهلهل إلا أبو الهل المهلهل
او كما قال
|
Post: #10
Title: Re: خمج تشجيع المهلهلين
Author: طلحة عبدالله
Date: 02-28-2009, 09:15 AM
Parent: #8
قال حكيم معاصر رحمه الله :
زنقتان لافكاك منهما إلا بمعجزة ..
قالوا وماهي يا أبو حنك ..؟
قال :
زنقة أبو الدقيق في لمبة فانوس
وزنقة ابو الهل المهلهل المنحوس
وكان مكوعا ومدقر سفته فقمز وبصق تووووووف وقال :
إنعل أبو دا حظ ياخ .
|
Post: #11
Title: Re: خمج تشجيع المهلهلين
Author: طلحة عبدالله
Date: 02-28-2009, 02:33 PM
Parent: #10
بيد أن أطرف ما يذكر في هذا المقام جنوح بعضهم( مشجعي الفريق المهلهل ) للتفليك والرجم فكان أن فلقونا بدراب فطير الإستنتاج ورجمونا بحجارة من قراءات هشة لا تكاد تستقيم وتستوي علي جودي التقييم والمنطق ، وذلك قبل أن يلغمهم الزعيم جوز شرابات قديمة .
روحوا جاتكم عقرب الخلاء .
|
Post: #12
Title: Re: خمج تشجيع المهلهلين
Author: 7abib_alkul
Date: 02-28-2009, 02:35 PM
Parent: #11
|
Post: #13
Title: Re: خمج تشجيع المهلهلين
Author: طلحة عبدالله
Date: 02-28-2009, 10:43 PM
Parent: #12
قال شاعر لحق أمات طه حفظه الله
حظ المهلهلين كتفاح فوق ورد نثروه وقالوا لجماعة الملح تعالوا لقطوه
ففرحوا فرحا شديد قعدوا ينططوا .
|
Post: #14
Title: Re: خمج تشجيع المهلهلين
Author: طلحة عبدالله
Date: 03-01-2009, 02:54 PM
Parent: #13
يا حبيب الكل
الصورة دي يعني شنو ..؟
|
Post: #15
Title: Re: خمج تشجيع المهلهلين
Author: طلحة عبدالله
Date: 03-01-2009, 04:12 PM
Parent: #14
يالكم من مساكين حتى ان مسكنتكم وصلت حالة جد متأخرة ..
لو كانت الإنتصارات والبطولات والإنجازات بالتمني لفاز الفريق المهلهل الضعيف علي الأقل ببطولة سيكافا التى جري وراها جري الوحوش وحتى لميدالياتا الفضية ما قدر يحوش .
لو كانت بالتفليك والتنطيط والرجم لكان هذا الفريق الكحيان أسد ينتر في الأدغال الأفريقية كما فعل وما زال يفعل الزعيم المريخي الذي جبل علي رفد جماهير شعب السودان بالإبتسامات والأمجاد والفخار والعز وهو يسافر كل مرة ليعود متأبطا الكأسات ومتوشحا الأوسمة والنياشين .
لو كانت الإنتصارات تأتي بحرق البخرات والعبث بالرمل والتمسح بالمحايات لبني هذا الفريق الخربان الفقران نادي زيو وزي الناس ولكان لديه ملعب مكسو بالنجيل السندس الأخضر وليس مجرد حواشة تحتشد بالضريسة والنباتات الطفيلية وما شابه .
لو كانت بقلب فنجال الجبنة وشخبطة الأكف وقراءة التعاويذ واللغاويس لما كان هذا النويدي مجرد خرابة ترعي علي باحته الأغنام وتهيم في غرفه المهجورة الزواحف وتنعق بأسطحه البوم .
يتبع ...
|
Post: #16
Title: Re: خمج تشجيع المهلهلين
Author: مازن الجمّال
Date: 03-01-2009, 06:14 PM
Parent: #15
| Quote: وتنعق بأسطحه البوم |
البتنعق الضفادع يا وهم
غايتو يا طلحة
أرجو الجاييكم ساي
مسحوا الرقاب
واقعدوا بالقرقاب
فالهلال قد اصبح جاهزا لتلطيشكم بالكتير
وهاك وش حمودي دا 
|
|