Post: #1
Title: الناحر فؤادى........و مّولع جوفى حر
Author: عبد الناصر الخطيب
Date: 02-26-2009, 10:33 PM
Parent: #0
غنية من قبيل في سماعاتي
يارب تنفع نتشارك فيها كلنا ..... غنية خضر بشير ( العجيبة )
في معانيها وفي الاداء العبقري
ياجماعة الزول ده من قلة غنو بجد ... ولا شنو ؟؟؟؟؟
http://www.herosh.com/up/73952/659270968.wma
الناحر فؤادى مولع جوفى حر
أضرم نار وجدى نسام السحر
الكتف المهدل والجسم انبتر
والغيم المزمزم والصاد والتبر
والضهر المتنى والتيه يا الابر
دا الخلانى ساهر ماء عينى تبر
لاحم كتفه كفله ماج جيده الوفر
عمعم ديسه درعه فى بعضه إنضفر
حاكى الغيم تعرجن يا غالى النفر
قول للوزة غورى فى عينك ضفر
ما أطراك حبيبى الا وقلبى فر
اتلظى وأكظم الغيظ الوفر
ينعش روحى طيبك لو بدرك سفر
زى ما بى تفعل ذنبك مغتفر
شاغل غير شواغل بى سوحك مرر
على أسمعن من فاهك درر
من فولاذ قليبك وكبدك من حجر
ما أحلاك عندى إن زر أو هجر
بمناسبة ترجيع إيقونه الوردة ... وحاجات تانية حامياني 
***
|
Post: #2
Title: Re: الناحر فؤادى........و مّولع جوفى حر
Author: ود الباوقة
Date: 02-26-2009, 10:43 PM
Parent: #1
ما أطراك حبيبى الا وقلبى فر
اتلظى وأكظم الغيظ الوفر
اخونا الخطيب يا رائع ..
تصدق الاغنية دي كنت مشغلها قبل دقائق في السيارة بصوت الرائع ابراهيم خوجلي وعندما جاء في المقطع اعلاه قربت ادخل في غيبوبة من كمية الطرب التي تقمصتني ..
|
Post: #3
Title: Re: الناحر فؤادى........و مّولع جوفى حر
Author: عبد الناصر الخطيب
Date: 02-26-2009, 10:51 PM
العزيز / ود الباوقة
يامتذوق
Quote: تصدق الاغنية دي كنت مشغلها قبل دقائق في السيارة بصوت الرائع ابراهيم خوجلي وعندما جاء في المقطع اعلاه قربت ادخل في غيبوبة من كمية الطرب التي تقمصتني ..
|
خضر بشير بتحس أنو بغني بكل ذرة في ( كيانو )
في اغاني لخضر بشير وأحمد المصطفي ومحمد احمد عوض
لما تسمعه بتشم ريحة ( السودان )
وتحس انك لو مديت يدك حتلمسوا ...
ياخي عندنا بلد سمحة ........................ خلاص
أنت من ناس بنسمعة في ( السيارة )
أنا من ناس بنسمعة في العربية وتولع سيجارة (البرنجي) طربان
*طالت سنين غربتنا لا قدرنا نغير من العربية للسيارة ولا من البرنجي لغيروا مارلبوروا أو بنسون
حتى لو كانت برنجي اماراتي العلبتو 20 سيجارة
بس في الاخر أبوكاس ...
ياخي ورطتنا صعبة بالحيل
تحياتي
|
Post: #4
Title: Re: الناحر فؤادى........و مّولع جوفى حر
Author: عبد الناصر الخطيب
Date: 02-26-2009, 11:42 PM
Parent: #3
الغنية لود الرضي والالحان لخضر بشير
وغناها أبراهيم خوجلي وأبدع فيها نور الجيلاني
بس برضو الغني سمح في ( خشم سيدو )
****
|
Post: #5
Title: Re: الناحر فؤادى........و مّولع جوفى حر
Author: ناهد بشير الطيب
Date: 02-26-2009, 11:48 PM
Parent: #4
حينما نسمع تلك الاغانى
لانستطيع ان نقول سوى
(حدث منذ وطن بعيييييد )
شكرا للاغنية الجميلة
|
Post: #6
Title: Re: الناحر فؤادى........و مّولع جوفى حر
Author: عبد الناصر الخطيب
Date: 02-26-2009, 11:57 PM
Parent: #5
الاستاذة الاعلامية/ ناهد بشير الطيب
تحية وتقدير ,,,
---------------------------------------------------------------
Quote: [حينما نسمع تلك الاغانى
لانستطيع ان نقول سوى
(حدث منذ وطن بعيييييد )
شكرا للاغنية الجميلة |
والله يا استاذة وطن قادر يسجنك في حاجاتو بالصورة دي
ما ببعد حتى لو الناس بعدو منو ........ للشديد القوي
وقدر ما تشوف حاجات غيروا تلقي حاجاتو هي الاقرب
لو بعدته ما بتخليك
***
|
Post: #7
Title: Re: الناحر فؤادى........و مّولع جوفى حر
Author: ناهد بشير الطيب
Date: 02-27-2009, 00:10 AM
Parent: #6
Quote: وطن قادر يسجنك في حاجاتو بالصورة دي
ما ببعد حتى لو الناس بعدو منو ........ للشديد القوي
وقدر ما تشوف حاجات غيروا تلقي حاجاتو هي الاقرب
لو بعدته ما بتخليك
|
هل تذكر ايام تجمهر اباءنا حول مذياع واحد فى البيت لسماع
من هم بقامة وطن امثال خضر بشير واحمد المصطفى وحسن عطية و و و
وهل تذكر تجمهرنا نحن حول اسماع مايسمعه اباءنا
وتسامينا مع الكلمات... رغم صغر سننا انذاك.. الى درجة الامساك
بكتاب الشمس وقراءة افاداته سطرا سطرا ...
هذا هو ماجعلك تحتفى بخضر بشير
وجعل ود الباوقة يحتفى بذات الاغنية عند ابراهيم خوجلى
اذن هى ابواب مشرعة
لكن ...
تمنع الدخول لمن هم اقل من سن الوطن
والفن ...والكلمة ...واللحن المموسق ...
|
Post: #9
Title: Re: الناحر فؤادى........و مّولع جوفى حر
Author: عبد الناصر الخطيب
Date: 02-27-2009, 00:30 AM
Parent: #7
الاستاذة / ناهد بشير الطيب
تحية وإجلال تشكرى للعودة مجدداً
-------------------------------------------------------------------
جاري سوداني دكتور كبير سنا ومقاما عندو ولد مع انو من العيال المصروف عليهم
ودارس بره ... بلاقي بالجينز وشعرو زي الزعافة طوالى منكوش ... وكل ما ألاقيهو
مشغل في عربيتو غني مصري وخليجي ...
ولو الصدفة ختتكم وش تسألو من الحال
يقول ليك ( والله طفشان = تصريفة بالسوداني زهجان )
الولد ده بالجد قلقني شديد
ياربي الغربة دي بتضيع الناس قدر ده ...
تفتكري ولدنا ده سمع بخضر بشير ولا احمد المصطفي ؟؟؟
ويارب ده حيكون مصير عيالنا
ولا الحته :
Quote: اذن هى ابواب مشرعة
لكن ...
تمنع الدخول لمن هم اقل من سن الوطن
والفن ...والكلمة ...واللحن المموسق ... |
والله ما عارف وانا من جيل برضوا شاف التلفزيون ابيض واسود في طفولتوا
وسمع خضر بشير وأحمد المصطفي ...
وتابع الاذاعة السودانية
وعاش وقراء وأشتغل في السودان
وكنت من النوع البخت رجل على رجل لما تجي سيرة الغربة ويقول بالفم الملان
( ما بسافروا الا الفشلوا هنا ... وما يفكر في السفر إلا زول فشل يكون في بلدوا )
وحاول وحاول وفي الاخر طلع ثمانية سنين وكل يوم يقول بكرة رأجع
ويمش مشتاق ويرجع ... زهجان
لاهناك لاقي حلول ولا هنا قادر ينسجم مع ( غربتو )
خصوصا لما يقابل الشافع ابو راس منكوش زي الزعافة ده
مسبب لى رعب عديل
****
|
Post: #14
Title: Re: الناحر فؤادى........و مّولع جوفى حر
Author: najma
Date: 02-27-2009, 09:39 PM
Parent: #5
العند الله اقرب من لمح البصر
تسلم
ناصر على الطرب الجميل
|
Post: #8
Title: Re: الناحر فؤادى........و مّولع جوفى حر
Author: محمد المختار الزيادى
Date: 02-27-2009, 00:16 AM
تصدق الاغنية دي كنت مشغلها قبل دقائق في السيارة بصوت الرائع ابراهيم خوجلي وعندما جاء في المقطع اعلاه قربت ادخل في غيبوبة من كمية الطرب التي تقمصتني
|
Oh my God
|
