يا أعضاء (الحزب الشيوعي السوداني) أسقطوا كلمة (بلاغ)

الشيوعيون السودانيون

وأنا لست عضوا معهم

ولكنني أحبهم حبا جما

ويصنفونني من أصدقاء الحزب

وهذه أيضا أرجو أن (تغير)

ومع احترامي الكامل

لعساكر سودانا

فأرجو أن تكون لحزبنا

مفردة (اجتماعية)

وغير عسكرية

العزيز عاطف
تحايا وسلام
بينى وبينك مفرده تخلى جسماالواحد يكش.أنت صديق الشيوعيين وبتحبهم,سألت نفسك ليه? كل الحتقولو ممكن تختصروا فى كلمتين :عشان التغيير,الموضوعى الممنهج ,إذا كان سياسى ,إجتماعى,ثقافى وغيره فى كل المناحى..عشان شيل ورقه وقلم وأعمل زى قال شاعرالحقيبه( تبقى الصداقه قرابه ونكسب الودين)
بالمناسبه أسمع الأغنيه دى بصوت الفرجونى..
أجسامنا ليه جسمين
روحنا واحده وكيف إتقسمت قسمين
شئ عجيب فى غرامك
يافريع ياسمين..
عشان كده ممشى لأقرب غصن ياسمين وخت الورقه فيه..وأبدأ التغيير..أبدا بالغصن ده زاتوا ,بعد الشجره كلها..
طبعا قناعاتك الخاصه دى حقتك ,وأسبابك الناس حتفهما..
ولك التحايا يا عزيزى

القارئي الكريم

الأستاذ أبو مكاوي

الإحترام


السلام عليكم ورحمة الله


حول موضوع تغيير تسمية البلاغ:

يا أخوي البلاغ ياهو البلاغ ولو حبيت يسموه تقصي حقائق فده غلط لأن التقصي هو العملية التي تلي البلاغ.
بعدين يا أخي ما في داعي لتحويل الحزب من حالة (الإنضباط العسكري) إلى حالة النادي وإلا بعدين يبقى نادي للثرثرة السياسية.
هو هسه يا الله يا الله

ولك التقدير

وللإبن مكاوي الديكشنريات الأربعة(أصول الفلسفةالماركسيةاللينينية، أصول الإقتصاد السياسي، أصول نظرية الحق، قاموس علم الجمال)

Ya Azizi Almansour...

Atif makkawi hit an important point in his post: Language Violence...

Whether the SCP or Umma Party, we need to filter out our terminology..
As much as wecan, we need to remove all military language from our political life...
Not only this word, i.e. Balagh, but also many other ones like : Tajneed, i.e. recruitment...Why noy use membership renewal or development?

Thanks to both of you ...

mohamed elgadi

P.S. An important 'dictionary' ya mansour is the Origin of Species. as explained by Richard Dawkins in his controversial text God Dellusions... I think this is more important text to SCP and any other political party ...!

Dear
Mohamed Elgadi
I know what you came from
I can't agree more,the time has not run awy to make the changes,any way way much hs been done sofar and much more still comming up and looking forward to
my finest regards

Dear Mohamed makki Mohamed,
Thanks for your kind words... I loved this part in your message to Atif:

Quote: وأعمل زى قال شاعرالحقيبه( تبقى الصداقه قرابه ونكسب الودين)

Which, I consider the best way to use in tajneed, SIC, new party members...Why this Friend standing outside the party ranks? simply because of some dogmatic language we inherit from different time... we need to change the by-laws of SCP and any other political party to reflect a culture of peace..

with love and respect

mohamed elgadi

Quote: simply because of some dogmatic language we inherit from different time... we need to change the by-laws of SCP and any other political party to reflect a culture of peace

Dear Mohamed
Thanks agian
I do understand what you ment,as you know it's hard to make ends meet in the aspects of mind work as well as gathring the rests pwoer to stand for the new task.the political srrounding is rapidly changing.we are still not under the red ,however boardering with the blue,that makes all harder to cope with.
once again I remain with love and respect

الجميع

سلام

البلاغ هو اجراء للاعلام بخرق اللائحة و هي وثيقة تنظم سلوك الاعضاء في مجموعة توافقت علي مستوى محدد للسلوك.

عليه اوافق المنصور في ما ذهب اليه!

لا يوجد اي عنف في كتابة البلاغ.

او

يتعلق بسلامة جسد الحزب

الثرثره

الاسرار الحزبيه

الوثائق الداخليه

و كل مايسبب ضررا



عضو الحزب طالما ارتضى برنامجه ودستوره عليه الالتزام بهما

والاحتكام لهما...ليس الامر كما هو في عنوان البوست

للحزب قنواته وهيئاته التي يستطيع العضو ان يقول مايقول

وليس من حق العضو تحت اي ضل شجره ان يقدم مقترحاته بشأن الحياة الداخليه

مادام هناك من المنابر مايسمح بذلك



نادى صاحب البوست اعضاء الحزب الشيوعي للتخلي عن واحده من وسائل نقل المعلومه داخل

الحياه الحزبيه ...وواضح للمنادي ان هذا يخص الاعضاء فقط !!!!


عليه

نريد حزبا يمارس اعضاءه الديمقراطيه كيفما يشاأون لكن لكل مقامه وزمانه.

سلام يا شباب
واضح إنو بنتكلم عن نقطتين مختلفات..الموضوع ليس خرق اللائحه أو خلافه..الموضوع المفرده المستخدمه(بلاغ).. ممكن الناس تشوف غيرها..أكثر مدنيه..

Quote: سلام يا شباب واضح إنو بنتكلم عن نقطتين مختلفات..الموضوع ليس خرق اللائحه أو خلافه..الموضوع المفرده المستخدمه(بلاغ).. ممكن الناس تشوف غيرها..أكثر مدنيه..

الأخ محمد مكي سلام :
اذا كان الامر يتعلق باشمئزاز سببه مفردة تحمل مضمون عسكري ؟
الا تحمل كلمة الميدان نفسها مضمون عسكري؟؟؟
افترض انك رأيت داخل حزبك المنتمي له من يقوم بمنكر ما،هل تقوم
بإزالة هذا المنكر باليد ،ام بالسان ،ام بالقلب فتكون بذلك قد ارتكبت اما
جريمة او عمل غير فعال وغير حضاري ،ولكن دائماً الفعل الجماعي هو سلوك متحضر،حتي
و ان وصل رأي الجماعة لإدانة البلاغ واعتبارة بلاغ كيدي .

Quote: بإزالة هذا المنكر باليد ،ام بالسان ،ام بالقلب فتكون بذلك قد ارتكبت اما جريمة او عمل غير فعال وغير حضاري ،ولكن دائماً الفعل الجماعي هو سلوك متحضر،حتي و ان وصل رأي الجماعة لإدانة البلاغ واعتبارة بلاغ كيدي

سلامات يا إبراهيم

ياخوى لو كنا بنفكر بالطريقه دى تبقى الشغلانه بايظه من أساسا.بعدين (منكر) دى قاصد بيها شنو?

سلام عاطف والجميع
تحياتي
فكرة البوست جميلة جدا وموفقة
والاجمل انها طرحت من " زميل " خارج التشكيلة !
المهم !
في بداية اي اجتماع حزبي وبعد وضع الاجندة
يحدث هذا السيناريو المكرر ..

- يا زملا في زول عندو حاجة عايز يضيفه
- يرفع زميل وزميل او زميلة يده :
- ايوه عندي بلاغ !
- بالله بلاغ تاني لو سمحت يا زميل

وتمر الدقائق ببطء وتثاقل والكل في انتظار البلاغات !
وحقيقة من اول اجتماع حزبي حضرته حتى الآن ما كان في بلاغ خير
يا كافي البلا وشنو كده المحن ..
لا بلغو انو في زميل او زميلة عرس او عندو سماية
او زميلة سدو مالها!!
او بلغو انو في زميل او زميلة كايس لي شغل
معظم البلاغات تقتصر على السلبيات
وسرعان ما تتشكل لجنة التحقيق !

اعلن كامل موافقتي على طرح الزميل عاطف
هنالك عبارات يجب ان تختفي وتلغي من حياة الحزب
- بلاغ
- لجنة تحقيق
- مسؤول ..
وربما اعود
شكرا عاطف


التعديل لتعديل عبارة
حتى لاتفهم ةتفسر خطأ

Quote: ياخوى لو كنا بنفكر بالطريقه دى تبقى الشغلانه بايظه من أساسا.بعدين (منكر) دى قاصد بيها شنو?

مكي سلام مرة ثانية:
انالأ اقصد بمنكر ماذهبت اليه(ارجو ألا تسألني فيما ذهبت البه) ولكني اقصد مخالفات لائحية .
فهذه تتعتبر منكراً في عرف المنظمة السياسية اليس كذلك؟؟كيف يمكنك التصرف؟؟؟الا يعد اعلام
الكل لتقوم بعملية تقويم الفرد او الحكم علي هذا التصرف بدلاً عن التصرف الذاتي الا يعد عملاً
حضارياً ..ثم اذا كان الضجر من المفردة سبباً لتغيرها ،لمالأ يشمل ايضاً الميدان .؟؟؟؟؟؟؟

فهمتك يا إبراهيم..برضو ممكن نخلق مسميات تانيه وبرضو آليات تانيه,لتحسينووترقية الآداء.يمكن يكون الوقت غير مناسب الآن,لأنو فى أحداث متسارعه بتفرض نفسها كأولويات,نشوفها أول وبعديناالباقى ملحوق.
أجمل التحايا يا عزيزى

يازملاء

تحيات

واحدي من ميز الحزب الشيوعي

هي الحياه الداخليه للحزب

لانها حياه فيها تصالح مع الذات

فيها صدق وشفافيه

فيها روح الفريق

خاليه من الغرض

الا الغرض الحزبي

صحي الحزب ماتنظيم عسكري

يعني ممكن يكلفوك بي تكليف وتعتذر انو مابتقدر تنجزه

و تسوق المسببات البتقنع بيها الناس ويعفوك منو

ولمن يكتب زميل فيك بلاغ بيكون الغرض انو يتعالج الخطاء

في اطار الجماعه حتى لاتشخصن الامور

والقصه ماقصة كلمه القصه قصة تنظيم مكرب داخليا

في فهمو للوائحه الداخليه وواجبات عضويته وحقوقهم

مانجي نقول الكلمه دي مادايرنها لانها عسكريه

ولا لجنة تحقيق مالذيذه طيب الناس يخلوها طلقيته ساكت ولا شنو ؟

الحزب الشيوعي تنظيم ومادام هو كذلك يجب ان يكون لديه النظام الداخلي

البيهو يحدد حقوق وواجبات عضويته

وللعضو الحق في ان يقول مايريد فيما يتعلق بالنظام الداخلي من خلال المنابر

المتاحه له( داخليا)

بعدين البلاغات عمرها ماكانت لشيل حال او دق طار

بل كانت لاصلاح الخطأ وتربية العضو تربيه تتوافق مع انتماءك السياسي

فى احد فروع الحزب تم تقديم بلاغ فى زميل..
وتمت الاجراءات كالعادة
وكان القرار (صاح,غلط) فصل الزميل من الحزب,ولكن لاسباب
منطقية تم تكوين لجنة لاقناع الزميل بتقديم استقالته طوعا....
كانت اللجنة تتكون من مقدم البلاغ وأخر يشاركه
نفس الموقف.التقوا بالزميل فى فسحة وكان الوقت
ليلا ...
ودار الحوار التالى ...
* يافلان تم فصلك من الحزب
- كويس
* لكن الناس اتفقوا تقدم استقالتك
- مافى مشكلة ...وداير يمشى
* لا يازميل (اقصد يا فلان) دايرنها اسع دا
- اسع كيف ياجماعة ,الدنيا ليل ومافى ورقة ولا قلم ؟
*قالوا معالا لا لا ..انت بس اقعد واكتبها فى الرملة
دى نحن بنخُمها ونوديها للحزب .

الاخ عمر

دي حقيقه ولا قصه ساكت

اذا كانت حقيقه

اصلوا الفرع دا مافيهو زوول درسوه مباديء العمل التنظيمي واللائحه

واذا كانت قصه ساكت

ماأظن في السودان

بيكون في بلد فيها رمله بتتلفه

والزملاء بتاعينها رباطه

الاخ
Shazaly Magzoub
دى مجرد نكته

يا شاذلي انت منضبط كده مالك؟
فكها شوية ياخ !!
اها اسمع دي :
زملا قبل بداية الاجتماع بي دقايق كانو بيتونسو ويضحكو
فجأة واحد قال ليهم الاجتماع بدا
والجماعة مبسوطيين يضحكو
والزميل يكرر الاجتماع بدا
في زميل قال ليه :
ما تبدا ياخ .. يعني نصر وشنا ولا شنو !!

الاعزاء

خالد

عمر

تحياتي

تعرفوا المسأله مامسالة انضباط

لكن الموضوع انو في مسائل مابتتحمل

عينة بدون مناسبه يقوليك حقوا نلغي الحاجه دي

ولا نبدل الكلمه دي حتى مافي فقه ضروره ليها

طيب حسع اناا ستعملت جملة فقه ضروره بس لانها مستعمله في حته تانيه

مااستعملها

برضك الزملاء بيضحكوا وبهظروا وعاديين تماما

ولمن يخشو القده مابيخشوا مركبين وش ( وان كان في زي ديل)




مع ودي وتقديري

على ذكر الانضباط هاك النكتة دي بس بكري مايحزفها

في شيوعي قضي عمرو اختفي واعتقالات واجتماعات في الاخر الحزب قرر لازم الزميل يتزوج يوم زواجو جاء نقد يشاركو فرحتو وصاحبنا اكتشف انو خام ماعندو فكرة في اي حاجة قام سال السكرتير العام بعمل شنو شرح ليهو في التطبيق صاحبنا اخطاء ... العروس قالت ليهو لا ماهنا ماهنا
قال ليها بس ولا كلمة انتي تعرفي اكتر من سكرتيرنا العام


_________________________________________________________
اعتقد انو المقترح تغير مصطلح لجنة التحقيق الي لجنة تقصي حقايق ودا عين العقل كلمة تحقيق كلمة ثقيلة وهي بداية للادانة لكن تقصي حقائق هو الصاح لانو المطلوب معرفة ماحدث ولماذا لذا فهي تقصي حقايق .

سلامات يا عاطف و تحيات

حكي لي صديق اوان دراسته الجامعية في (ليبيا) كان عندهم صاحبهم فنان الجامعة و مجرد اعلان اسمو في اي
حفل جامعي كان كاف لاحداث فرحة وسط الطلاب و اهالي الطلاب كمان , الفنان كان محبوب جداَ و رغما عن ده في احدي
المرات اعلن عن فاصل غنائي للشاب المغني ده , لاكنو للاسف تأخر كثيرا في الصعود للمسرح
صادف ان حضر الحفل احد المغتربين بصحبة زوجته و الزوجة كانت مولعة بغناء المطرب . و تأخر الوقت و المطرب
لم يحضر , همس الزوج بصبر نافذ (يلا نمشي ) قالت الزوجة وهي تراقب المطرب يتهادي بإتجاة المسرح
النبي فيكـ شوية بس اهو داك جا.
عندها صاح الزوج (قلت ليكـ يلا انعل دي.. و د.. (اسم المطرب).
فصارت الحكاية مثلا في اوساط الطلاب تفيد التحذير من ترديد امر ما كثير

وانشاء الله تكون فهمتني

تحياتي الاكيدة

يا شــالي والجميـع
عاطـف دا يكون عاوزكم تبدلوا اســم بـلاغ الى ( شـكوى ) أو ( عريضة )
بس اوع يكون عاوز يكتبها بتاع عرضحالات أو محامي ويكون عليها دمغــة أو دمعــة
أو أي شــيء .
يا خي عاطف دا وكت بـرا ما يخليكم في حالكم في مســائلكم الداخلية دي
........
........
يا شــباب ليه محملين الكلمـة أكتر مما تحتمل
بلاغ تعني توصـيل معلومة محددة ومنها , بلغت الرسـالة ؟ الزول دا مبلغ ؟
بلغـني أنك .
قال رسول الله ( ص ) , الأ هـل بلغت
بالله ياشــباب بلـغ لياتـو نيابة او ياتو قسـم
مش كان المقصود تبليغ الرسـالة
دا من ناحية معنى الكلمة ومدلوها
أما من ناحيـة الممارســة ( اتفق تماما معى شـاذلي وذا النون وعنكبة و بدرالدين ..)
فهذه الممارســة أسـاسية لتنظيم ثــوري يحترم أهمية تربيـة عضويته والمحافظة
على حياته الداخلية
.........
.........
محمد مكي أتفق معك في أن الأحداث متسـارعة يجب الإلتفات لها ومواكبتها
.......
.......
شــاذلي لو ســمحت جاوب على ســؤالين فقــط
1 / الحســـانية البقولوهم ديل قاعـدين ويــن ؟
2 / ياخــوي مالطـا بي ويـــن ؟ جـمب شــنو ؟
عشـان نمشي نأذن فيها
.............
.............
عنكبــة الخامس خربكم خالص , ونا س بــرا* جايين يتمـوا الناقصــة
..........
ناس بـرا دي تعني برا الحزب ( ذي أنا وعاطف )
أما بعض ناس بـرا الســودان فديل نسـأل الله أن يهدينا ويهديهم
( زول من بـرا ينتظـر مقررات مؤتمركم تنزل ألى أرض الواقع ويتعشــم
أن يلعب حزبكم الدور المتوقع منه )