Post: #1
Title: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 01:09 PM
انامرة كان عملت دراسة عن لغة اطفال الشوارع
واللي الايام دي مستخدم بكثرة بين طلاب الجامعات
واللي خلاني اعمل كدا انو يوم راكبة الحافلة وماشة محاضرة
قاعدين في الصف الجنبي ثلاث شباب واضح انهم طلاب جامعة
فتصور بيتكلموا مع بعضهم بلغتهم ومصطلحاتهم
والله بالرغم من انها عربية... لكن ما فهمت شئ
وواضح انهم فيما بينهم المصطلحات دي بتعني ليه معنى او حاجة معنية
بالنسبة لكلمة ماسورة اللي استخدمتها حضرتي في بوست بي هناك
المعنى اللي استخدمته هو انو ماسورة
بمعنى فاضية وما بتجيب مووية
ودي ثقافة اهل الهامش في الخرطوم
لمن يفتحواالماسورة بتكون عادة الموية قاطعة
ونادرا ما تجي بليل متاخر وكدا
فتعودوا الجماعة لم يفتحوا الماسورة بالنهار بتجيب هواء فاضي
وبالتالي بقى متداول بينهم الحاجة الفاضية والما تجيب شئ
بقولوا عليها ماسورة
وعفوا لو هي عندها معنى غير لايق بالذوق العام
وهذا ما لزم توضيحه
لكي لا يظن فيني شئ يمس اسمي او اخلاقي اوسمعتي
|
Post: #2
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: ALZOLZATOO
Date: 02-25-2009, 01:21 PM
Parent: #1
انا سمعتها هنا كتير
وماعارف معناها قلت اسال بس الصبر جميل
لا اعتقد انو معناها قبيح لانها مستخدمة كثيرا هنا خصوصا في مجال الرياضة منو طلع ماسورة يعني خاذوق
على ما اعتقد
سبحان الله كنا بنعرف جميع اللغات من شماشي وانتي نازلة لكن الغربة فصلتنا عن المجتمع
يعني الواحد لمن يمشي اجازة عايز ليهو اسبوع عشان يفهم بعض المصطلحات
اها نصيحة لله كلمة ماعارفه معناها ما تستخدميها ومن تعلم لغة قوم ا من شرهم
شكر الله الجزولي
يعني شكرا جزيلا
زاتوووو
|
Post: #3
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: ود الباوقة
Date: 02-25-2009, 01:30 PM
Parent: #2
ميادة ..
لا بأس من استخدامها لاوكامبو ....
|
Post: #7
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: معاوية الأرباب
Date: 02-25-2009, 01:52 PM
Parent: #3
هوني عليك بنيتي ، فهذه الركاكة والجلافه
هي بعض ثمار غرس الإنقاذ. نسمعها من أفواه
سادة هذا الزمن الردئ حتي بتنا لا نكاد نميز :
هل القوم يخطبون أم يتغوطون ؟؟؟؟
|
Post: #14
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 02:40 PM
Parent: #7
Quote: هوني عليك بنيتي ، فهذه الركاكة والجلافه
هي بعض ثمار غرس الإنقاذ. نسمعها من أفواه
سادة هذا الزمن الردئ حتي بتنا لا نكاد نميز :
هل القوم يخطبون أم يتغوطون ؟؟؟؟ |
العزيز معاوية الأرباب
اولا شكرا على اللطف منك
ثانيا : الانقاذ ما عندها دخل بما وصلنا اليه
ولايمكن ان نعلق فشلنا في شماعة الانقاذ
دمت بخير
|
Post: #10
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 02:27 PM
Parent: #3
Quote: ميادة ..
لا بأس من استخدامها لاوكامبو .... |
شكرا يا اخي عمر
|
Post: #4
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: حواء سليمان ابراهيم
Date: 02-25-2009, 01:38 PM
Parent: #2
Quote: اها نصيحة لله كلمة ماعارفه معناها ما تستخدميها ومن تعلم لغة قوم ا من شرهم
|
ميادة
امسكى فى الكلام دا قوى
تحياتى يا غالية
|
Post: #6
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: Deng
Date: 02-25-2009, 01:42 PM
Parent: #4
Quote: بمعنى فاضية وما بتجيب مووية
ودي ثقافة اهل الهامش في الخرطوم
لمن يفتحواالماسورة بتكون عادة الموية قاطعة
ونادرا ما تجي بليل متاخر وكدا
فتعودوا الجماعة لم يفتحوا الماسورة بالنهار بتجيب هواء فاضي
وبالتالي بقى متداول بينهم الحاجة الفاضية والما تجيب شئ
بقولوا عليها ماسورة |
ميادة.
هسع ده مش أعتراف منك بأن حكومتك الرشيدة بتقطع الموية من أهل الهامش؟
قلتي لي راكبة في الحافلة وما فاهمة الرندوك؟
هسع كان فهمتي رندوك شباب الحافلة ده كان خليتي الكوزنة.
دينق.
|
Post: #15
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 02:51 PM
Parent: #6
أحييييييي منك يا دينق
بختك الفرصة جاتك مدردقة
وجنازة تشبع فيها لطم
Quote: ميادة.
هسع ده مش أعتراف منك بأن حكومتك الرشيدة بتقطع الموية من أهل الهامش؟. |
ما اسمع حكومتك بتقطع الموية من اهل الهامش
من قبل ما الانقاذ تجي الحاجات دي موجودة
وكانت صفوف البنزين والعيش في الافران ما تديك الدرب
النصيحة لازم تعترفوا للانقاذ انها جات وحلت الحاجات دي
وكونو الهامش الخدمات دي ما توفره فيه دي مشكلة موجودة في الدنيا كلها
تردي في البيئة والاوضاع والخدمات
في بلدك القاعد فوقها دي امش اعمل ليك جولة وشوف
وهي لو بقت الحاجات دي متوفرة فيه امال حيسموها هامش لي شنو
|
Post: #13
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 02:34 PM
Parent: #4
Quote: ميادة
امسكى فى الكلام دا قوى
تحياتى يا غالية |
يا حواء يا عزيزتي
اقولها للمرة الثانية انا ما قلتها عن جلها
وما مسئولة عن مترادفاتها اللي ربما تعني عن فئة تانية حاجة غير لائقة
انا مسئولة عن نيتي وبس
وتاكدي نصيحتك مقدرة عندي
|
Post: #5
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: عز الدين بيلو
Date: 02-25-2009, 01:41 PM
Parent: #2
ميادة
ما تهتمي كثيراً بنباح البعض هنا
|
Post: #8
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: محمد البشرى الخضر
Date: 02-25-2009, 02:06 PM
Parent: #5
ميادة ما تكوني حساسة اكتر من اللازم
نيتك و سياق الحديث الوردت في الكلمة تكفيك
أي كلمة في الدنيا ممكن تحمل دلالة غير لائقة او يتم استخدامها بشكل مسيئ
عليك بما عنيتيه منها فقط
|
Post: #18
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 03:12 PM
Parent: #8
سلامات ياود البشرى
أريتك طيب
Quote: ميادة ما تكوني حساسة اكتر من اللازم
نيتك و سياق الحديث الوردت في الكلمة تكفيك
أي كلمة في الدنيا ممكن تحمل دلالة غير لائقة او يتم استخدامها بشكل مسيئ
عليك بما عنيتيه منها فقط |
تسلم يا محمد على الكلام الجميل
بس انا بخاف زول في يوم من الايام يسمعني كلمة فارغة في حق نفسي
ودا حرص مني انو ما اغلط عشان ما ادي الناس فرقه يسئوا لي منها في شخصي...
شكراااا ليك
وياريت اكون عند حسن ظن الجميع هنا
وما يبقى سبب انو اغادر البورد بسببه
|
Post: #17
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 03:01 PM
Parent: #5
Quote: ميادة
ما تهتمي كثيراً بنباح البعض هنا |
اخ عز الدين شكرا ليك
تسلم من كل شر
|
Post: #9
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 02:07 PM
Parent: #2
شكرا سيد/ALZOLZATOO
| Quote: اها نصيحة لله كلمة ماعارفه معناها ما تستخدميها ومن تعلم لغة قوم ا من شرهم |
انا ما استخدمتها عن جهل
المانع شنو انو مفهومها عندي وزي ما جاء في البوست اياه
انو يكون وارد وصحيح برضو
وانا غير مسئولة عن انو معناها عن فلان او فئة ما كلمة بذئية ووووووو
في النهاية المقصد هو براءتي
وفي الاخر برضو
شكرا على النصيحة
وهي قطعا مقبولة منك
|
Post: #11
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: د.نجاة محمود
Date: 02-25-2009, 02:32 PM
Parent: #9
ميادة يا بنيتي ما تتحسسي المنبر دا
اي زول بجي "قاشي" بيكتب العايزو
بكرة تطير السكرى يجي يمسح.
ليك الاحترام والمودة واريتك بتي
| Quote: لا بأس من استخدامها لاوكامبو |
دي قوية والله يا ود الباوقة
|
Post: #19
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 03:24 PM
Parent: #11
يا دكتورة نجاة
انتي بالذات ليكي دائما وقع خااص وكبير عندي
Quote:
ليك الاحترام والمودة واريتك بتي |
وانا لي الشرف الكبير
|
Post: #16
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: نزار باشري ابراهيم
Date: 02-25-2009, 02:55 PM
Parent: #12
لما كان الواقع قبيحا لزم التعبير عنه بمفردات أكثر قبحا
هذه اللغة هي ثقافة ليست جميلة بالطبع وهي تعبر عن واقع بعض الاشياء
تحياتي
|
Post: #20
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: مريم بنت الحسين
Date: 02-25-2009, 04:00 PM
Parent: #16
والله يا ميادة طلعتي إشاعة... قدروا يهزوك، ويطلعوا البت الجواك... سريع جدا اتهرشتي... ؟
أركزي يا بت... مافي زول مشى راسه للكلام البعيد بتاعهم ده... خليك واثقه في نفسك..
وماتنساقي للضحاله بتاعت الكلمات دي...
ملاحظة: انا مع أوكامبو ميه الميه...
|
Post: #36
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-26-2009, 08:27 AM
Parent: #20
العزيزة بنت الحسين
كيفنك
أريتك طيبة
Quote: والله يا ميادة طلعتي إشاعة... قدروا يهزوك، ويطلعوا البت الجواك... سريع جدا اتهرشتي... ؟
أركزي يا بت... مافي زول مشى راسه للكلام البعيد بتاعهم ده... خليك واثقه في نفسك..
|
قلتي لي طلعتي إشاعة
ليه كانو فاكريني شنو!!!!
شكرا على مرورك
|
Post: #21
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: تبارك شيخ الدين جبريل
Date: 02-25-2009, 04:03 PM
Parent: #16
ميادة كمال ... التحيات
| Quote: انا ما استخدمتها عن جهل |
دا نوع التصريحات البتمرقنا من الصمت البوردابى ظااااطو ....
الشفع بتاعين "الدراسة" غشوك!
(وما حاقول ليك مسّكوك الماسورة وانتى ما فاهمة معناها، واحتمال تزعلى)
.. المهم ....
|
Post: #23
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: Nader Abu Kadouk
Date: 02-25-2009, 04:18 PM
Parent: #21
ماسوره هو لفظ شوارعي واي واحد اقول غير كده كذب عليك
عليك ان تعي ما تكتبي جيدا لأنك مسؤله عنه
|
Post: #38
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-26-2009, 08:38 AM
Parent: #21
تبارك أخوي
سلامات
كيفنك
Quote: دا نوع التصريحات البتمرقنا من الصمت البوردابى ظااااطو ....
|
في شنو اسع خلاك تقول كدا
وموضوعي دا دخله شنو بي صمتك البوردابي ولا غيره !!!!!!!!!!!!!!!
أسمعني حكاية المهم بتاعتك دي شنو البتوقع بيها دايما في نهاية الكلام بتاعك
|
Post: #22
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 04:11 PM
Parent: #16
تحياتي اخي نزار باشري
Quote: لما كان الواقع قبيحا لزم التعبير عنه بمفردات أكثر قبحا
هذه اللغة هي ثقافة ليست جميلة بالطبع وهي تعبر عن واقع بعض الاشياء
تحياتي |
يقال ان الانسان ابن بيئته لان الانسان يستمد ثقافته من بيئته العايش فيها
وبالتالي أي كان لا يستطيع ان يصف ثقافة جهة او بيئة ما بانها ليست ايجابية او جميلة
لانها نابعة من بيئتهم العايشنها
من حقهم علينا احترام ثقافة الاخر وبيئتهم هذه ....
|
Post: #24
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: د.نجاة محمود
Date: 02-25-2009, 04:23 PM
Parent: #22
اسع يا ميادةلو ما كان عالمنك كوزة
اسع كان جو ضحكو وتونسو وقرقرو
احب لغة الرندوك وافتكر انها لغة جميلة جدا
والان صار لكل اللغات الحية رندوكها
تبارك
المفهوم دا من ياتو زمن؟
المصطلحات ببتغير كل جيل بكلاماتو؟
المهم
|
Post: #25
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: Galaleldin Abdalla
Date: 02-25-2009, 04:32 PM
Parent: #24
Ya Mayada
also ( narakkeb mwaseer ya3ni nakol ---eat Kaware3
|
Post: #26
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-25-2009, 04:39 PM
Parent: #12
اهلا يا اخونا محمد الواثق
|
Post: #27
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: نزار باشري ابراهيم
Date: 02-25-2009, 06:31 PM
Parent: #26
أخت ميادة ما عنيته يشير إلي اللغة السوقية والتي دخلت بيوتنا أيضا ليست قاصرة علي أطفال الشوارع أو ابناء المدارس هي اليوم يتخاطب بها بعض المثقفين للاسف وتنزل في أعمدة يومية يقولون أنهم يخاطبون بها البسطاء
لدينا مفردات سودانية اصيلة تعود لبيئتنا جميلة ومقبولة وهذه مفردات نتجت وستزول بزوال اسبابها إن شاء الله
تحياتي مرة ثانية
|
Post: #28
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: Abd Alla Elhabib
Date: 02-25-2009, 11:33 PM
Parent: #27
| Quote: الانقاذ ما عندها دخل بما وصلنا اليه |
ومال العندو دخل يطلع منو طيب?..كــــندورة ??
|
Post: #29
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: عبدالعزيز الفاضلابى
Date: 02-25-2009, 11:39 PM
Parent: #28
Quote: هوني عليك بنيتي ، فهذه الركاكة والجلافه
هي بعض ثمار غرس الإنقاذ. |
وبرضو خروج السعودية من كاس العالم من ثمار الإنقاذ ,, اضيفوها للتهم..
يعنى خلاص قبل الإنقاذ كنا مجتمع فاضل
|
Post: #30
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: heba Elmahi
Date: 02-26-2009, 05:52 AM
Parent: #28
| Quote: ومال العندو دخل يطلع منو طيب?..كــــندورة ? |
نعم مين بينادي ؟ هسة الجاب سيرة كندورة هنا شنو ؟ عالم بس تحب اللخبتة !
سلامي ليك يا ميادة و لكل زوار البوست و عذرا يا أخونا عبدالله علي المداخلة
الشترة دي لكن عرفت السبب بتعذرني ،،،، و يا واااااثق الـحـقـنـي .
|
Post: #31
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: خالد عبد الله محمود
Date: 02-26-2009, 06:43 AM
Parent: #30
ميادة ...
بغض النظر عن محتوي البوست لكن إستخدامكـ لكلمة ماسورة أنا شخصياً ما شايف فيهو حاجة ...
ماسورة تستعمل بمعني إشاعة يعني يقولو ليكـ وارغو طلع ماسورة يعني طلع إشاعة ساكت و أفتكر إنها متناسقة مع ما ذهبت إليه في هذا البوست ...
أنا الولد ما عارف ليها معني خلاف كده خلي أنت البت ...
|
Post: #44
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-26-2009, 11:46 AM
Parent: #31
العزيز خالد عبد الله محمود
كيفك
Quote: ميادة ...
بغض النظر عن محتوي البوست لكن إستخدامكـ لكلمة ماسورة أنا شخصياً ما شايف فيهو حاجة ...
ماسورة تستعمل بمعني إشاعة يعني يقولو ليكـ وارغو طلع ماسورة يعني طلع إشاعة ساكت و أفتكر إنها متناسقة مع ما ذهبت إليه في هذا البوست ...
أنا الولد ما عارف ليها معني خلاف كده خلي أنت البت |
وانا مثلك قصدت المعنى دا والثاني الاقرب ليه واللي هو انو اوكامبوا ماسورة
بطلع هواء ساي
لكن تقول شنو ... يبدوا انو في ناس تانية المعنى عندها مختلف عن اللي عندنا
وتسلم على المداخلة
وياريت اكون عند حصن ظنك/م جميعا
|
Post: #32
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: khalid abuahmed
Date: 02-26-2009, 07:04 AM
Parent: #2
الاخت الكريمة الفاضلة ميادة
طالعت حديثك عن (الماسورة) لكن لفت نظري ان لغتك المستخدمة ركيكة للغاية وأستغربت أن تكون لغة انسان باحث وبالتأكيد الشخص الباحث كثير القراءة والاطلاع، لا تقولي هذه لغة بوستات..ارجوك.
بالامكان لغة البوستات أن تكون جميلة ورائعة مثل الكثيرين هنا تعلمنا منهم بعض المفردات الجميلة وطريق تركيب الجُمل.
ليس هناك عيب أن يطور الانسان امكانياته اللغوية حتى يتعود على التطور المستمر بالتالي تتحسن لغته مما يمكنه من التواصل مع الآخرين وخاصة الذين يهتمون باللغة.
أختي هذة نصيحة لك ولنا جميعاً في هذا المنبر.
مع خالص تقديري واحترامي
|
Post: #33
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: د.نجاة محمود
Date: 02-26-2009, 07:13 AM
Parent: #32
Quote: ميادة ...
بغض النظر عن محتوي البوست لكن إستخدامكـ لكلمة ماسورة أنا شخصياً ما شايف فيهو حاجة ...
ماسورة تستعمل بمعني إشاعة يعني يقولو ليكـ وارغو طلع ماسورة يعني طلع إشاعة ساكت و أفتكر إنها متناسقة مع ما ذهبت إليه في هذا البوست ...
أنا الولد ما عارف ليها معني خلاف كده خلي أنت البت |
انت كدا
|
Post: #34
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: د.نجاة محمود
Date: 02-26-2009, 07:33 AM
Parent: #32
ابو احمد
سلامات كيف انك والاسرة؟
البورد دا محل بتاع تواصل بين الناس وبورد سوداني
يتحدث الناس في الشان العام ويعزو ويتونسو
الابنة ميادة طالبة متفوقة في دراستها الجامعية وما بعد الجامعية
اكيد في 17 سنة دراسة دي وعملها فيما بعد في البحوث
بتكون ادربت عشان تكتب لغة تليق بتخصصها..
مافي حاجة اسمها لغة ركيكة الا في عقول السودانين الماليهم
العوج من راسهم لكرعينهم ويعاينو بس لعوج الاخرين..
الابنة ميادة اتجاوزت كل مراحل تعليمها لا تحتاج لتطور لغتها
وهي حرة في اختيار اللغة التي تريد ان تتواصل بها مع الناس
لو ما لغة خادشة للحياء العام..
قبل دا الطيب صالح رسل قصة نخلة على الجدول لمجلة القصة وقالو غير صالحة للنشر
ونصحوه بمزيد من الاطلاع والتدريب على الكتابة..بعدها بعام نشر موسم الهجرة الى الشمال
اسع لو سمع كلام ناس مجلة القصة كنا اتمقلبنا
لماذا توجد وظيفة اسمها محرر ومصحح في دور النشر والصحف لو اي زول المفرو يكون طه حسين؟
هذا البورد لا مجلس بحوث ولا مجلس اكاديمي فيه ناس بمختلف التخصصات والامكانات العقلية والاعمار
اي زول بختار لغة خطابه بحرية دون ان ينصب البعض انفسهم مجالس بحوث ومجالس اكاديمية
اذا في ناس بترتاح للغة الفصحى ام تشكيل خليهم يكتبو بيها
لو ي زول برتاح يعبر بالراندوك برضو مسموح ليه
لو في زول عايز يكتب بالدارجة برضو مسموح ليه..
خلو العسف دا
والتقول على الاخرين وتعليمهم وتخصصاتهم..
ميادة في وجهة نظري زول بتمثل جيلها وبتستخدم لغته
ذي ما امهاتنا بيقولن اجي يا يمة وسجم خشمي ..
انا شخصيا بكتب باللغة البتريحني وهي العامية..
ولما جيت هنا في ناس انتقدوني واسع بكتبو بالعامية ذي الترتيب
ويستخدم سجيمان لهجة الرباطاب مافي زول قاليه
اكثر من القراءة وانت الدكتور البيطري..
والتحية ليك ولي ميادة
بالمناسبة اول ما اصل السودان بعمل اجتماع مع ابنة اختي الطبيبة
التي تحب الراندوك توريني ىخر الكلمات ودلالاتها
وهي مولودة وعاشت في السعودية امها وابوها درسو قانون
دي ما بتخليها دكتورة ركيكة ولا شماشية ولا قاع مجتمع..
ولا بتعرف طب..
فكو الزنقة يا ناس وخليكم طبيعين ياخي
|
Post: #35
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: على محمد على بشير
Date: 02-26-2009, 08:00 AM
Parent: #34
انا غايتو يطرشنى ..
لو سمعت ليها معنى اخر خلاف الذى ذهبتى اليه فى بوستك هذا
ونحنا ناس الكوره قاعدين نكاوى بعضنا بأن نعلن بان محترف
الهلال الجديد ماسوره ونقعد نضحك ونفس الشئ الهلالاب بيناكفونا
اليومين ديل فى وارغو اغلى محترف اجنبى يجى السودان وبرضو
الهلالاب قالوا وارغو ماسوره .. وا كنت لا اعتقد
و اذا طلع ليها معنى تانى
بيكون كل زول وحسب نيتو وفهمو ..
|
Post: #37
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: khalid abuahmed
Date: 02-26-2009, 08:37 AM
Parent: #35
كتبت د. نجاة
Quote: البورد دا محل بتاع تواصل بين الناس وبورد سوداني
يتحدث الناس في الشان العام ويعزو ويتونسو
الابنة ميادة طالبة متفوقة في دراستها الجامعية وما بعد الجامعية
اكيد في 17 سنة دراسة دي وعملها فيما بعد في البحوث
بتكون ادربت عشان تكتب لغة تليق بتخصصها..
مافي حاجة اسمها لغة ركيكة الا في عقول السودانين الماليهم
العوج من راسهم لكرعينهم ويعاينو بس لعوج الاخرين..
الابنة ميادة اتجاوزت كل مراحل تعليمها لا تحتاج لتطور لغتها
وهي حرة في اختيار اللغة التي تريد ان تتواصل بها مع الناس
لو ما لغة خادشة للحياء العام..
قبل دا الطيب صالح رسل قصة نخلة على الجدول لمجلة القصة وقالو غير صالحة للنشر
ونصحوه بمزيد من الاطلاع والتدريب على الكتابة..بعدها بعام نشر موسم الهجرة الى الشمال
اسع لو سمع كلام ناس مجلة القصة كنا اتمقلبنا
لماذا توجد وظيفة اسمها محرر ومصحح في دور النشر والصحف لو اي زول المفرو يكون طه حسين؟
هذا البورد لا مجلس بحوث ولا مجلس اكاديمي فيه ناس بمختلف التخصصات والامكانات العقلية والاعمار
اي زول بختار لغة خطابه بحرية دون ان ينصب البعض انفسهم مجالس بحوث ومجالس اكاديمية
اذا في ناس بترتاح للغة الفصحى ام تشكيل خليهم يكتبو بيها
لو ي زول برتاح يعبر بالراندوك برضو مسموح ليه
لو في زول عايز يكتب بالدارجة برضو مسموح ليه..
خلو العسف دا
والتقول على الاخرين وتعليمهم وتخصصاتهم..
ميادة في وجهة نظري زول بتمثل جيلها وبتستخدم لغته
ذي ما امهاتنا بيقولن اجي يا يمة وسجم خشمي ..
انا شخصيا بكتب باللغة البتريحني وهي العامية..
ولما جيت هنا في ناس انتقدوني واسع بكتبو بالعامية ذي الترتيب
ويستخدم سجيمان لهجة الرباطاب مافي زول قاليه
اكثر من القراءة وانت الدكتور البيطري..
والتحية ليك ولي ميادة
بالمناسبة اول ما اصل السودان بعمل اجتماع مع ابنة اختي الطبيبة
التي تحب الراندوك توريني ىخر الكلمات ودلالاتها
وهي مولودة وعاشت في السعودية امها وابوها درسو قانون
دي ما بتخليها دكتورة ركيكة ولا شماشية ولا قاع مجتمع..
ولا بتعرف طب..
فكو الزنقة يا ناس وخليكم طبيعين ياخي |
.
الاخت الفاضلة د. نجاة
تحياتي وتقديري واحترامي
حقيقة استغربت من لغة ردك على نصيحتي للاخت ميادة والتي كتبتها بلغة هادئة.. ليس فيها همز ولا لمز ولا استعلاء.
..
وانتقل بك إلى نقطة متقدمة..
يا أختي ويا دكتورة نجاة يمكن للانسان أن يكتب بعامية لكن ليس باللغة التي تطرد القارئ وتبعده على قراءة الموضوع..
مثلاًً موضوعك مع الاخ خالد العبيد كان مستوى لغتك والله العظيم جمل كثيرة ما فهمتها عكس الطرف الآخر، ولم استمتع بباقي الحوار من الحصى والدراب من النوع الكبير.
والنقطة الثانية أختلف معك فيها جملة وتفصيلاً
| Quote: الابنة ميادة اتجاوزت كل مراحل تعليمها لا تحتاج لتطور لغتها |
.
وأعتقد أن أي قارئ يقراء ما كتبته الاخت ميادة يختلف معك في هذه النقطة مع كل الاحترام والتقدير لها ولغة الباحثين والذين أمضوا السنوات الطوال في المجال الاكاديمي باينة ولا تحتاج لنقاش حتى وإن كتبوا باللغة الدارجة، وشتان ما بين الركاكة والدارجة.
واختلف معك جملة وتفصيلاً أيضاً في لغة الاخ سجيمان وهي لغة دارجة نعم لكنها رصينة المعنى وبالغة الوضوح وجميلة التراكيب والمفردات وباين من خلالها الغنى المعرفي..
وشتان ما بين الثريا والثرى.
جمل وعبارات وقفت عندها متأملاً.
Quote: هذا البورد لا مجلس بحوث ولا مجلس اكاديمي فيه ناس بمختلف التخصصات والامكانات العقلية والاعمار
اي زول بختار لغة خطابه بحرية دون ان ينصب البعض انفسهم مجالس بحوث ومجالس اكاديمية
|
......
Quote: خلو العسف دا
والتقول على الاخرين وتعليمهم وتخصصاتهم.. |
.
.....
دي ما بتخليها دكتورة ركيكة ولا شماشية ولا قاع مجتمع..
....
والحمدلله أختي نجاة رديتي على مداخلتي ونصيحتي للاخت ميادة حتى أعرف الكثير فعلاً الحياة مدرسة.
واشكرك جدا..
والتحية والاحترام والتقدير للاخت ميادة وأعتذر عن اي تجريح..
|
Post: #39
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: مريم بنت الحسين
Date: 02-26-2009, 08:46 AM
Parent: #37
الأخ أبو أحمد... اسمح لي أن اوافقك الرأي.. لان هذا ما خطر على بالي اول ما قرأت الموضوع الاول.. الأكاديمي يمكنه ان يستخدم مفردات بسيطه او عاميه، ولكنه يصيغها بصورة مفهومة، مرتبة ومدعمه بالمنطق... حتى سيجيمان بكتب بمنطق... وهذا يا ميادة ليس انتقادا بقدر انه ملاحظة.. انت ستحملين شهادة دكتوراه عما قريب، وأي دكتوراه، انها دكتوراه في العلوم السياسية أليس كذلك؟
لازال تأيدي لك كي لا تنساقي وراء (الهرش) الحاصل
بنت الحسين
|
Post: #40
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: د.نجاة محمود
Date: 02-26-2009, 11:08 AM
Parent: #39
| Quote: مثلاًً موضوعك مع الاخ خالد العبيد كان مستوى لغتك والله العظيم جمل كثيرة ما فهمتها عكس الطرف الآخر، ولم استمتع بباقي الحوار من الحصى والدراب من النوع الكبير |
اها عدم فهمك دا مشكلة منو؟
اي زول اتربي في حارة عادية سودانية بيفهم مااكتبه ود سر انه يكون عندك قراء كتار
انك تخاطب كل الناس في آن واحد...وتخلق لغة تواصل بينك وبينهم...
لغتي لغة يومية وعادية...
اما موضوع ميادة لسع بصر انه ميادة تكتب ما تريد مادام ما خادش للحياء العام..
ولسع بقوليك الناس هنا تكتب كما تريد لانه مكان نقاش
لا متؤمر ولا قاعة درس..
ويا مريم الحبيبة دكتوراه ولا غيرها ما عندها اي دخل بطريقة الكلام..
الا اذا عايزين ترجعونا لفكرة مسرحية سيدتي الجميلة..
انا بعرف كمية من البروفات العظماء موش في السودان عالميا
يتونسو معاك بكل تواضع ولغة عادية جدا بلهجات اهلهم
وقبائلهم..
التقعر وفكرة الزول الدكتور دي بس في مخ السودانين..
لما تجي ميادة تطتب تقرير في العلوم السياسية لجهة رسمية
ما حتقوليهم في وجهة نظري انه اوكامبو ماسورة..
في البورد دا ذي ركن النقاش اي زول بستخدم اللغة العايزها..
بورد شعبي لا مؤتمر ولا جامعة ولا قاعة درس..
يعني الزول يعمل دكتوراه تاني لا يضحك لا يفرفش لا يكتب كلام راندوك؟
|
Post: #41
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: khalid abuahmed
Date: 02-26-2009, 11:08 AM
Parent: #39
Quote: الأخ أبو أحمد... اسمح لي أن اوافقك الرأي.. لان هذا ما خطر على بالي اول ما قرأت الموضوع الاول.. الأكاديمي يمكنه ان يستخدم مفردات بسيطه او عاميه، ولكنه يصيغها بصورة مفهومة، مرتبة ومدعمه بالمنطق... حتى سيجيمان بكتب بمنطق... وهذا يا ميادة ليس انتقادا بقدر انه ملاحظة.. انت ستحملين شهادة دكتوراه عما قريب، وأي دكتوراه، انها دكتوراه في العلوم السياسية أليس كذلك؟
لازال تأيدي لك كي لا تنساقي وراء (الهرش) الحاصل
|
.
يا أختي بنت الحسين
أشكرك جدا على ما تفضلتي به، وحقيقة أحسست بمرارة من رد الاخت د. نجاة والتي من المفترض أن تعضد كلامي باعتبارها أكاديمية وإذا كانت حريصة بالفعل على مصلحة الاخت ميادة لقالت لها كلاماً آخراً، لكنني فهمت المغزى من رد الاخت نجاة.
لها ولكي وللاخت ميادة كل التقدير.
|
Post: #42
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: د.نجاة محمود
Date: 02-26-2009, 11:35 AM
Parent: #41
| Quote: تعضد كلامي باعتبارها أكاديمية |
عشان انا اكاديمية ما ممكن اعضد كلامك
دي وجهات نظر ما مقيد بيها اي زول..لا انا مقيدة بقبول كلامك ولا انت مقيد بقبول
كلامي .. مافي حاجة قاطعة 100% في الاراء
وذي ما قلت ليك اي زول يختار طريقة التعبير. حقتو
لكن نرفض تأطير الاخرين وفرض ارائناا وتصوراتنا عليهم
ما عشان الناس بتقول ميادة كوزة ولا ضد اكامبو نحنا نقعد
نصحح ليهابالشولة والفول ستوب
اكبر مثقفاتي مر على هذا البورد من اول طوبة هو شنتير
معوكابي وعنقالي فرست كلاس رغم شهادته السوبر من جامعات لها مكانتها..
يعني بي منطقكم دا اي عنقالي ما يكتب..
|
Post: #43
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-26-2009, 11:40 AM
Parent: #41
*** الاخ الكريم Abd Alla Elhabib: رجاء دا موضوعنا عندك امكانية تفضل افتح بوست بخصوص الموضوع دا
وليك علينا نجي نناقشه ليك بي هناك... اوكي؟؟
*** الاخ عبدالعزيز الفاضلابى : تقول عليهم شنو بس !!!!
*** العزيزة heba Elmahi : هلا يمه
كيفنك
أريتك طيبة
|
Post: #45
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: khalid abuahmed
Date: 02-26-2009, 11:51 AM
Parent: #41
الاخت نجاة
سألتيني عن أسباب عدم الفهم..
وها أنا أجيب على هذا السؤال..
الكثير من الجمل التي استخدمتيها في بوست الاعتذار للاستاذ خالد العبيد لم أفهمهاحقيقة نعم قد يكون فهمي قاصر.
وهذه نماذج قليلة جدا من الجُمل التي وردت في ثنايا حديثك:
| Quote: ممكن ارد ليك باقنورد |
..
| Quote: البكتب لامرأة لا تعرفه وثابة خفيفة يجب قتله موش الاعتذار ليه.. |
...
Quote: طبعا عايزني اجي اتكل في قضية
اما القضاء دي ما بعملها
|
.
...
| Quote: عينتك دي اقرقشها بلا موية |
.
.....
| Quote: علما انه لا يعمل في السياية وانه كان في الولايات المتحدة الامريكية |
.
...
| Quote: فحطت مليت عمك غبار |
.
...
| Quote: بس اوعى تكون النوع البتلح النساء |
.
| Quote: ولا المؤجر طوفة الفطر الجا امبارح قال عايز يكره بيان المنبر |
.
....
| Quote: والا سميناك اللهلينا بتاع الطيب صالح داك |
.
آخيرا أختي نجاة انا لست هاوي مشاكل وليس لدي ثارات هنا في المنبر، فقط همي ان أقراء مادة استمتع بها وليس مادة تخرب عليّ لغتي وتضيع جهدي الذي أبذله في القراءة التي تكلف الكثير من الوقت ومن المال.
وحقيقة لفت نظري عبارة (المأسورة) وقلت في نفسي أدخل لأعرف ما هي قصة المأسورة هذه، وأنا لدي قائمة في مخيلتي عن كُتاب المنبر الذي الذين استمتعت بكتاباتهم وحواراتهم الجميلة ومؤخراً وجدت نفس أستفدت أيما استفادة من مواصلة قراءة ما يكتب هؤلاء.
كذلك لدي في مخيلتي قائمة بأصحاب الكتابات الرديئة فأتحاشاها بسرعة يعني أنا لا أدخل أي بوست من طرف لكن مرات حب الاستطلاع يجرني للأسف للدخول في مثل هذه المزالق التي لا أحبها حتى لا أحتك مع أحد وخاصة ممن أجلهم وأحترمهم.
وثقي تماماً..أنني سوف لا أفعلها مرة أخرى فليس لدي وقت للجدل غير المفيد.
ودمتم جميعاً بخير.
|
Post: #46
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: مريم بنت الحسين
Date: 02-26-2009, 11:54 AM
Parent: #41
العزيزة د.نجاة.. انا ما قاعده اتكلم عن تكلّف في الكتابة، ولا تقعّر في حمى الألقاب العلمية.. لكن الدكتوراه دي مما قمنا وشفناها، ما كده.. الواحد مفروض معلّم اجيال، على مستوى عالي من الثقافة، قرا كتير، وفهم كتير... استخدامه للألفاظ (غصب عنّه) بكون محسوب ومقيوس بالمسطره..جزء من الشيء البتعلمه الدكتوراه (الدراسات العليا بشكل عام)، انه يكون دقيق واضح ومفهوم في كلامه... لانه ده جزء من طبيعة عمله-حياته... القصد ما الدعوة إلى التكلّف.. القصد التعجّب من اعتماد اسلوب حوار بلغة مثل لغة الرندوك.. لانها ملاذ من لا رصيد له من الكلمات... لغة الرندوك ما مناسبة، انت بتحاولي تأكدي انه مافي مشكله في استخدامها، لكن بصورة اوتوماتيكية، مافي زول بحترم ليه زول بناقش الآخرين بلغة الرندوك.. مافي زول صادر من ميادة حيرة التعبير، أو اختيار الطريقة العايزاها في الكتابه..الواحد لما يطرح نفسه أكاديمي (وده شيء بتأكد عليه ميادة من اول يوم ليها في المنبر ده) بيضع للناس تصّور معين عنّه.. بالمناسبة.. البوست الأصلي الاحنا بنكتب فيه ده بتكلم عن دراستها لموضوع لغة الشارع، وبحث قامت بيه.. ..
ده مجرد رأي...
|
Post: #47
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: د.نجاة محمود
Date: 02-26-2009, 12:10 PM
Parent: #46
Quote: آخيرا أختي نجاة انا لست هاوي مشاكل وليس لدي ثارات هنا في المنبر، فقط همي ان أقراء مادة استمتع بها وليس مادة تخرب عليّ لغتي وتضيع جهدي الذي أبذله في القراءة التي تكلف الكثير من الوقت ومن المال.
وحقيقة لفت نظري عبارة (المأسورة) وقلت في نفسي أدخل لأعرف ما هي قصة المأسورة هذه، وأنا لدي قائمة في مخيلتي عن كُتاب المنبر الذي الذين استمتعت بكتاباتهم وحواراتهم الجميلة ومؤخراً وجدت نفس أستفدت أيما استفادة من مواصلة قراءة ما يكتب هؤلاء.
كذلك لدي في مخيلتي قائمة بأصحاب الكتابات الرديئة فأتحاشاها بسرعة يعني أنا لا أدخل أي بوست من طرف لكن مرات حب الاستطلاع يجرني للأسف للدخول في مثل هذه المزالق التي لا أحبها حتى لا أحتك مع أحد وخاصة ممن أجلهم وأحترمهم.
وثقي تماماً..أنني سوف لا أفعلها مرة أخرى فليس لدي وقت للجدل غير المفيد.
ودمتم جميعاً بخير |
علم وشكرا ياخ
|
Post: #48
Title: Re: ما لزم توضيحه بشأن كلمة ماسورة اللي وردت في بوست ((((أوكامبوا ماسورة )))
Author: mayada kamal
Date: 02-26-2009, 12:25 PM
Parent: #46
*** الاخ khalid abuahmed
تحية وسلام
من حقك تقول رايك وليك علينا ان نحترمه
وما عندي اكتر من القالته الدكتورة نجاة محمود
وكلمة واحدة قلتها هي في النهاية ما تقييم لي او لي الرسالة البعمل فيها
اولي طرحي لي نفسي كباحثة او اكاديمية هنا في المنبر او في مجالس اخرى
وياريت ما تشبكوا في بعض بسببي
يعني انا ما عايزة اكون السبب في اي تعكير بينك وبين الدكتورة هنا
ولك مني كامل التقدير والاحترام
*** د.نجاة محمود : أوافقك الراي في كل ما جئته بيه
وكل كلامك تاج في راس .... وياريت ياريت ياريت أستحقه
وأفخر بيه كونه صادر من واحدة قامة مثل حضرتك
*** وفي النهاية اقبل اي انتقاد من اي شخص.. طالما لا يمس كرامتي ... وطالما هو في حدود المقبول .. وطالما كلامي لا يتنافي والذوق العام.... او ان كلامي اللي صدر مني هو صادر عن قلة ادب مني او عدم احترام مني
|
|