أي زول عنده مزاج يتشاكل يجيني هنا !!!!!

السلام عليكم,

أول حاجه الحمد لله ما عندي مشكله مع أي زول في المنبر عشان الناس ما تفهمني غلط,

لكن الليله روحي محرقاني,
وقافله معاي,
صحيت من الصباح في أمان الله,
لكن حصلت حاجات زهجتني,
وبما اني من النوع اللايوق,
ولما بزهج بزهج كم يوم ورا بعض,
وخصوصا اني من النوع الكتوم, يعني بقعد أهري وأنكت في نفسي,
لدرجة تعذيب الذات,
فلازم عشان ما أضيع وقت في الزهج, خصوصا اني عندي شغل متلتل,
أفرغ الشحنه بتاعت الغضب دي,

وبما اني ياعيني قاعده براي في اخر الدنيا,
فما ممكن أفرغها في الأغراب المعاي ديل,
والسودانيين مابفهموا الكلام ده,
يعني لو لفيتها مع زول هنا ياخسرته ياخسرته,
وحرام أضرب تلفون السودان عشان أزهج الناس معاي,
يعني لو ضربت لأمي احتمال ما تنوم الليله, تقعد تقول لي سجمي وزهجانه مالك,
وخلاص تعالي راجعه,
ده غير انها حتقعد تضرب لي كل خمسه دقايق,
واحتمال تكلم الحله كلها اني الليله زهجانه وانها قلقانه علي..
فيا أولاد وبنات الحلال,
الناس هنا أخوان, وما فيها حاجه لما يتبرعوا لي كم نفر أتشاكل معاهم,
ما شديييييييد يعني شويه بس,يمكن أتحسن شويه,

ملحوظه: أي زول عنده مشكله معاي,
يعني انشاءالله مامستلطفني ساكت,
ما يجيني هنا,
عشان أنا ماتقفل معاي زياده,

ملحوظه تانيه:
العرض ده مستعجل,
يعني مافي زول يجيني بكره عشان يتشاكل معاي,
العرض ده بينتهي الليله الساعه 12 مساء بتوقيتنا,
وبكره حأواصل في بوستيي بتاع بني اسرائيل عادي,

ملحوظه أخيره:
لو ما لقيت استجابه حأمشي أسوط البوست المذكور أعلاه وأفش فيه زعلتي دي..

لا ابوك لا أبو أهلك

ياريت لو اتلاقينا امبارح زى الوقت ده

ناهد حسي أنا أعمل شنو؟
الليله ما أمبارح عايزه أتشاكل, ينفع؟؟؟

بعدين صورتك دي شكلك وديعه ده حيكون بكا ما شكل..

أبو الرييييييييييش

قلنا ما شديد شويه بس!!!!!

هسي البنات بشاكلوهم كده؟؟؟؟؟؟؟

الليلة الناس شغالة باوكامبو
مالك ناطا ليهم بي جاي

الأخ الشامي:

Quote: الليلة الناس شغالة باوكامبو مالك ناطا ليهم بي جاي

يعني أنا ما أزهج وللا أعمل شنو؟
أوكامبو ده ذاتو الليله لو لاقيتو بشاكله ليك, اتفقنا..

طلب ليس بغريب في هذا الزمن الأغبر! ومرات الواحد يتمنى شكلة مع ضلو وما يلقاها، لذلك ألجأ لطريقة
عنيفة عندما تقفل معاي، أدق رأسي بالحيط، ولن أدعوك لفعل ذلك لأن جبهتي صارت محنية بفعل الطرق على
الحائط، وصدقيني، أعود بعد الخبطة أكثر إشراقا وميلا نحو السكون!

تحياتي أماني...

الأخ عبد الاله زمراوي:

والله الزهج في الغربه دي حار خلاص,
هسي لو في السودان كان أمي حنستني لما زهجت تاني..
لكن سودانيز أون لاين ده اختراع كويس,
بدل ما تضرب راسك في الحيط,
تعال هنا بتلقي ليك زول يتشاكل معاك,

بس أهم حاجه ما شديييييد..

Quote: لكن حصلت حاجات زهجتني,

ود الصايم ياخ دي ثقاله منك,
الوش البضحك ده أحسن تسحبوا,
وبعدين انت بتجيبهم من وين الوشوش ديل؟؟؟؟
ناقص تخت لي وش أخضر بدور..

ثم ثانيا أنا فتحت لي بوست طويل عريض بتاع خايفه شنو ما عارفه داك؟
ما جيت ضحكته لي فيه ليه؟

ناس تحب الشماته كيف؟

استغفر الله العظيم..

اللاب توب علق قفلها معاي زياده,

Quote: هسي البنات بشاكلوهم كده؟؟؟؟؟؟؟

انتى ما قلتى عايزه شكلة...
كمان فى نوع معين من الشكل ولا شنو ..!!!

الأخ محمد كابيلا:

Quote: كمان فى نوع معين من الشكل ولا شنو ..!!!

أي نعم,
أكيد في..
انواع وأنواع..
عشان كده أنا حددت..
هسي عاين لي شكل عزاز وهاله وتيتا ودلال,
مش حاجه حلوه!!!!..

يا جماعة انتو البت دي قالت العايز يتشاكل ولا العايز يتزوج؟؟
لانو ما ممكن زول يقطع تذاكر ويمشي لي زول عشان يشاكلو
لو ما متزوجة فالباب مقتوح للشباب العوانس والمنبر مليء بهم
كانت متزوجة ففشي غلك وابرزي عضلاتك في الزوج المسكين زيما بحصل لينا
ولك التحية وباقي ليك زي كم ساعة كدا وتروقي

شكل بالصيني شنو

قعدت عشر دقائق افكر اشكالك في شنو
لقيت الحاجات بتاعت الشكل اكبر من شكلة
ساعات
عشان كده يا مولانا
امشي المرايا

هلا يا رغيم:

Quote: أمشي المرايا

ما بحتاج, اللاب توب بعمل لي في حركات غياظه كيف؟
بس تقول عرفني دايره لي سبب!!!
هسي لو كتروا بحسمها مع اللاب توب ده وخلاص..

مزاجي رااااايق لكن ما مشكله بنتشاكل


هوي اقيفي بعيد واعملي شخيط .. فاضين نحنا للدلع دا
عمو عمر ماشين يقبضوهو وانت شغلانا بي فراغاتك دي
عالم فاضيه صحيح


















هي امشي باركي لي داليا بي هناك وتعالي نتمو

دلال ياخ انتي صحبتي

مابينفع أتشاكل معاك

بعدين والله عمو عمر وأكامبو الليله عندي واحد..
ما بينفع الزول يكون زعلان ويتذكر الكلام ده,
لأنه حيزهجني زياده..

يا جماعة انتو البت دي قالت العايز يتشاكل ولا العايز يتزوج؟؟
لانو ما ممكن زول يقطع تذاكر ويمشي لي زول عشان يشاكلو
لو ما متزوجة فالباب مقتوح للشباب العوانس والمنبر مليء بهم
كانت متزوجة ففشي غلك وابرزي عضلاتك في الزوج المسكين زيما بحصل لينا
ولك التحية وباقي ليك زي كم ساعة كدا وتروقي

زمراوي الحبيب


اناشخصيا جاهز لي كلو

لو مافي داك

رايك شنو


مصارع قديم

قومي لفي بلا كلام فارغ معاكــ
كلنا قافلة معانا ..

Quote: صينية ضفادع من اللي يحبها قلبك...

أكلي الأكلة دي وبترتاحي ...

معروف:

Quote: قومي لفي بلا كلام فارغ معاكــ كلنا قافلة معانا

ولما كلكم قافله معاكم الساكتين ليها شنو؟

وبعدين ما تجيب لي سيرة الضفادع,

عايز تذكرني الحاجات المزهجاني كلها صاح؟؟؟

Quote: هسي البنات بشاكلوهم كده؟؟؟؟؟؟؟

طبعـا ما بشاكلوهم كدا..

طيب..

نصيحتى خلى الشكل، ولا براسمالو..


طيب الزهجـة ما فكت لسـه..
البسى ليكى لبسـة رياضيـة، وكبك.. وفى أى حديقـة عامـة فى مدينتكم أجرى زى كيلومترين (منهم مشى شوية)
و بالليل مشى حوالى كيلومتر بعد تناول العشـاء.. واليقول ليكى يا مجنونة أمشى نومى ولا تهتمى بيه..
بعد داك لو ما فكت تعالى لومينى

أبو الريش:

نصيحتك ممتازه,
لكن البررررررررد,

هسي أنا ال سوبر ماركت بلاوز أوصلها,
أتمشي ساعه وأتمرن ساعه وين؟

في التلج ده يا وقعته يا وقعته..

خليها للزهجه الجايه يمكن تكون دفت شويه..

عباااااااااس

أنا الليله شكلي حأمسك في زمراوي ده أتشاكل معاه
يأ أضرب تلفون لي زوجته أخليها تلفها معاه..

بعدين ما جابت ليها مصارعه,
شكل البنات ما بتعرفه؟؟؟

ايمان

اتني يا ست البنيات بصارعوك

المصارعه لي زمراوي ورغيم ديل

ابعدي منهم الرجال الكبار ديل

غير خمة النفس ما بجيبو ليك شيء

وكترت كلام في الفاضي ساي


عايني جاي

زمراوي ياخ..

استغفر الله العظيم تاني مره,

يجيني هنا ده يعني يجيني في الصين؟؟؟؟؟؟

يعني في البوووووووست ...

الكلام ده واضح أفتكر,

الناس دي بس دايره تجيب سيرة العرس ساكت..

عارف شكلي حأتشاكل معاك انت , تنفع..

زحي من رجلي .. من قبيل عافصة لي صباعي الصغيروني

عايزة شكل وكضب اهبشي عش الدبابير الشيوعي في البورد

مع المودة

أطلبوا الشكل .. ولو في الصين ..

شوفي ..
تركبي تروحي الفلبين ..
ما أصلها فركة كعب من عندكم ..
وفي مانيلا تسألي عن مطعم فش الخلق ..
بيبيع صحانة للقرفانين زيك و يقوموا يهشموها
على جدار خاص في المطعم معد لهذا الغرض ..
تشتري صحانة على قدر قرفتك ..
وهاكي يا تكسير ...
ترتاحي راحة تامة بعد التكسير ..
النتائج مضمونة ,,
بس ما يجرحك الصحن ..
نقوم نخش في نقل دم ..
والدم البوذي ما بينفع معاك ..
ندخل في ورطة ..
أعملي حسابك ..

أمانى كيفك؟؟؟

تصدقى؟؟

ما ح اسألك مالك؟؟
لأنى حاسة بيكى،
و الحاصل معاكى هو سيم سيم حاصل معاى،،

Quote: لكن الليله روحي محرقاني, وقافله معاي, صحيت من الصباح في أمان الله, لكن حصلت حاجات زهجتني, وبما اني من النوع اللايوق, ولما بزهج بزهج كم يوم ورا بعض, وخصوصا اني من النوع الكتوم, يعني بقعد أهري وأنكت في نفسي, لدرجة تعذيب الذات, فلازم عشان ما أضيع وقت في الزهج, خصوصا اني عندي شغل متلتل,

و هو د بالظبط حالى،،

يعنى سبحان الله،
قدرتى توصفينى الايام دى بدقة شديدة،،،

يكون دة (أيام) الزهج العالمى؟؟؟؟؟؟

عموما يا ستى،
ح اتابع معاكى البوست دة،
عشن أعرف ح تطلعى من الموود دة كيف،،،



تحياتى،،،

هاله حبيبتي:

Quote: عموما يا ستى، ح اتابع معاكى البوست دة، عشن أعرف ح تطلعى من الموود دة كيف،،،

هاله ياخ أنا قلبي واجعني,
وروحي محرقاني,
وعامله بنظرية الكاظمون الغيظ,
لكن بعد شويه بطرشق..

ما تعايني لي ساكت,
تعالي نتصرف ياخ,,
أصلو هو الزهج ده براه لي يوم القيامه ما بروح,,

فكري معاي يمكن نلقا حل..

أهلا يامحمد:

Quote: بيبيع صحانة للقرفانين زيك و يقوموا يهشموها على جدار خاص في المطعم معد لهذا الغرض .. تشتري صحانة على قدر قرفتك .. وهاكي يا تكسير

فكرتك دي عبقريه, وقاعده تساعدني خالص,

شقت البلاستيك البيجي مع الأجهزه الجديده,
ياخ فيه دوائر دوائر كده بتقعد تعملهم طق طق طق كده,
ده عظييييييييم,
بريحني راحه عجيبه.
مره برضه كسرته لي دسكيتات, تتذكر زماااااااا مش كان في حاجه اسمها دسكيت,
بدخلوها في الكومبيوتر,
بس ديل تلقاهم كتاااار وما عايزهم, مرات لو عايزهم برضو لكن ما عندك بديل,
متعه والله,
لكن الصحون دي ما جربتها لسه,
عشان لو جربتها أمي بتطير لي الزهجه وراسي بالمره,

لكن عارف مجرد التفكير في الموضوع ده ريحني شويه,

دكتوره نجاة:

قلنا ما شكل شديييييييييييد.
براحه براحه..

بعدين أنا زعلانه منك,
هسي متشاكله ليك مع زول,
ناس علوم ذنبهم شنو؟

والله حرقتني كيف؟؟
قراية العلوم كان عرفتيها حاره وصعبه كيف,
ما كان قلتي الكلام ده,
كفايه انه علوم الخرطوم دي خرجت المرحوم الطيب صالح شخصيا..
وخرجت ناس كتااار قامات انتي أكيد عارفاهم.
وبعدين بره السودان العلوم دي توب التوب..
بس بلدنا ماشه بالعكس..

طبعا انتي فردتي عشان كده عملت ما ملاحظه..

لكن هسي ده موضوع شكله ممتاز, يا تعتذري لي ناس علوم يا نتشاكل من هنا لغاية الساعه 12,

رايك شنو؟

عادل اخوي اتخرج من علوم
لكن ما قاعد يجي يتبوبر بي شهاداتو
وابوي قرا علوم برضو في الجامعة الامريكية في بيروت

لكن عمرو ما جا اتبوبر بشهادتو
ما قلنا علوم سهلة ولكن قرايتها ما بتخلي الزول يتبوبر في الناس يعمل بق شو
ويطرح نفسو طرحة قدر دا يا بت امي

يا سلااااام يا دكتوره نجاة:

جيتيني راجعه,
خلاص اتشاكلاكي..

Quote: ما قلنا علوم سهلة ولكن قرايتها ما بتخلي الزول يتبوبر في الناس يعمل بق شو ويطرح نفسو طرحة قدر دا يا بت امي

يا دكتوره ما في حاجه في الدنيا دي كلها بتخلي الزول يفكها في روحو,
كان قرايه وللا سماحه وللا مال,
ناس كتار كان عندهم ده كله ومشوا خلوا,
وناس كتار عندهم ومااستفادوا منه أي حاجه,

أها انت غلطانه في ناس العلوم ديل بالذات ليه؟
ما تقولي لي زولك ده أنا رايي فيك انت ده كده كده كده,
في داعي تجيبي سيرة علوم؟؟؟
وبعدين لو والدك وللا أخوكي قروا جملتك ديك,
كان بظبطوا معاك الموضوع ده تماااام,

أسمعي أنا رايحه لي شكله ولقيت اتنين,
انتي وزمراوي,
ماشين كويس,
واصلي,

عزاز:

Quote: زحي من رجلي .. من قبيل عافصة لي صباعي الصغيروني

قلتي شنو؟

ماسامعاك؟؟

علي صوتك شويه !!!!!!!

Quote: الناس دي بس دايره تجيب سيرة العرس ساكت.. عارف شكلي حأتشاكل معاك انت , تنفع..

بالله الزول مايلقى ليهو زول يشاكلو وكمان في الصين
ديل المشي في شوارعم ظاطو شكل

وبعدين الزول البريد الشكل بكون محتاج لي زول يشاكلو
وعشان تتشاكلي لازم يكون في زول جمبك
وعشان ندي مشروعة التواجد بجمبك لازم تتزوجي واحنا مجربين

وخلي بالك ما تعفصي لينا اصابع عزاز الزغيرونات ديل

طاقتي الحمرا وينا ؟

Quote: ما بحتاج, اللاب توب بعمل لي في حركات غياظه كيف؟

ما قلنا ليك ما تشتري لاب توب مستعمل
اصريتي

القروش دي قاعده تدسدسي فيها لي متين

اها عجبني ليك

يا

اماني بت الللمين هووووي

ارعي بي قيدك ...

علي باليمين .. انا قافلة معاي ليها اسبوعين

وقاتلوا في حناني ساكت ..

لكن الليلة .. بتفشا فيك ...

روحي محرقاني

وعندي ابو الشهيق..

وعندي امتحان بعد بكرة ...

لكن لازم اشوف لي زول اتفشا فوقو...

بس شكل النسوان ما بنعرفوا ( الليلة ما يجوني الجندريات)

نحن ناس عصاتي المضببة

والخوسة في الضراع ....

وكان حجاز مد اليد ... بتسمع ... كع ...

دحين يا بت اللمين اخوي ...

ابعدي من وشي

يتيهي يسخهعبهسي يس09سي يس9سي ]س09حخ 90سي90بخكت ءؤحخء يحخخحي يسحخحخه؛×؛×ه يخهحخكمرتكمتسيلكسمينك حخخ
حٍيخ:خ×؛ي :خلهحيخلهيخ لج؛خيهل
ل؛<خهخهجحخلهل
جحخٍجحخل؛خيلع؛خل؛خيلع؛ ×؛يسلحليحخخخلتامءمىءملخلنسيمىومسينتيبهيس يسخهعسخب يس
يسسيحسيحخسيحسيبعسيحخ يسب
سي سيحخيسحخيح سحخسيخبعيسب بيس



بس

وكان ما عاجبك .. أشربي من اليانج

محمد أبو العزائم:

ياخ أرحمني عليك الله..
مش كفايه الشخبطه الهنا دي..
ناقصه شخبطه أنا,
كفايه شخبطت الصينيين..

أكتب عديل أحسن ليك..

اماني ...شكرا كتير ليكي وشكر من الصميم ...و الله ...لانك ما خيّبتي ظني ...
... و انا بقرأ في البوست داك ... بتاع اخوانّا في الله ...جاني انطباع قوي..
..و بصمت بالعشره ... انك انت زرله بتاعة مشاكل...
...ثم تاتين يا جهيزه لتبصمي بالعشرين ...عصا..و نبّوت...انك فعلا لا انطباعا... انك بتاعت مشاكل..

... لكن اقول ليكي حاجه ... ما مشكله ... عندنا زول صاحبنا كده... اصلا طالع للربا و التلاف ...
...و اسمو (عنكبه)...(اي عنكبه شنكبه ... عضلات تبش) .... حالفتو علي البوست ده... ومعاها دفره ...
... بس انتي ابقي قدر كلامك ... و يا منبر دخللك شر مستطييييييييييييييييير...


...
...بجانب النص ....
...(ياخ) انت الحساده العليكي شنو ...(ياخ)...يعني الواحد لمن تقع عينو بهناك علي بوست متمبز و يبدأ في ..
..مطالعته و بذهن منفتح و صاحي ...عشان يستفيد ... تجي تعمليها لينا بهنا... عكاكيز و دراب و فليق....
..و بعدين لو انتي عندك حبة صبر ... داك ذاتو ملغوم وفي الغالب يمكن تجيكي فيهو كلاشنكوفات ..و قنابل..
...بس جهّزي ... دروعك و مصداتك ... و كتّري منها ساي..

... طلب اخير بالله و عارفو (غالي)... صعبه دي؟؟؟؟
...
...(ياخ) ...ما تمددي الموضوع شويه كده للوراء و عمقا في التاريخ ...
..... و تشوفي لينا ناس المعتقدات التوحيديه ما قبل اليهوديه
...( الاحناف) مثلا ... و مشاكلم و صراعاتم مع الاوثان و ناس الاوثان ... ثم ظهور اليهوديه و صراعاتا مع الموحدين
... و غير الموحدين ...و اعتقد الموضوع قابل للتمدد ...حتي ظهور المسيحيه ثم الاسلام و الفترات الزمنيه فيما بين
... الديانات السماويه الثلاثه و ما تم فيها من صراعات و حروب و كره ... و لماذا اختصت هذه الرقعه الارضيه من الكون..
...(منطقة فلسطين و اورشليم و جزيرة العرب ...بالدين السماوي بينما بقية الكون باّلهه ارضيه...
...الهة الشمس ... الهة الجمال ... هندوس بوذيين ... مجوس ...الخ....
...
...
لك الورد و العكاكيز .... و حبة مشاكل...

أهلا بيك Hololy:

Quote: ...(ياخ) انت الحساده العليكي شنو ...(ياخ)...يعني الواحد لمن تقع عينو بهناك علي بوست متمبز و يبدأ في .. ..مطالعته و بذهن منفتح و صاحي ...عشان يستفيد ... تجي تعمليها لينا بهنا... عكاكيز و دراب و فليق.... ..و بعدين لو انتي عندك حبة صبر ... داك ذاتو ملغوم وفي الغالب يمكن تجيكي فيهو كلاشنكوفات ..و قنابل.. ...بس جهّزي ... دروعك و مصداتك ... و كتّري منها ساي..

ضحكتني والله.. البوست داك من شدة ما ملغوم,
زول دخل قال لي انت بتقولي في شنو مافي,
بعيد بعيد,

لكن والله مازولة مشاكل,
أنا ماشه فيه بمزاااج,
وعندي فيه حاجات كتيره لسه..
وأصلو اختلاف الراي مابجيب شكل..
الشكل ده بنفتح ليه بوست برااااه..

موضوعك شيق وبيشجعني علي القرايه والاطلاع,
ربك يسهل بس نظبط موضوع أخوانا في الله,
عشان ما نتشعب,

شكرا علي مرورك الكريم,

أحمد حنين:

Quote: لكن الليلة .. بتفشا فيك ... روحي محرقاني وعندي ابو الشهيق.. وعندي امتحان بعد بكرة ... لكن لازم اشوف لي زول اتفشا فوقو...

اتفقنا,

أول حاجه علييييك الله,
في طولك في عرضك,
غير صورة البروفايل حقتك دي,
كلامك ده قريتو عين مغمضه وعين مفتحه,

ناقصين نحن!!!

بعدين زح من وشي انت ده,
عندك امتحان بعد بكره تمشي تقرأ طواااااالي,
القاعد ليها في النت شنو؟
عدم القرايه ده ياهو ذاتو الجايب ليك حراق الروح,
أمشي ياولدي أقرأ ليك كلمه كلمتين بنفعوك..

شكل النسوان ده بوري ليك أنا دي كان ما قعدت في واطات الله دي,
وختيت الرحمن في قلبك وقريت,
كدي تاني ألقاك حايم..

Quote: ما قلنا ليك ما تشتري لاب توب مستعمل اصريتي القروش دي قاعده تدسدسي فيها لي متين اها عجبني ليك

رغيم ياخ ماتضحكني,
هسي أنا قلت عايزه أتشاااااكل,
بتضحكني ليه؟

Quote: طاقتي الحمرا وينا ؟

حمور ياخ كرهتني,
دي ما طريقه..
ما تقعد تجدع حاجاتك وتجي تسألني منها,
ما يا تلملم حاجاتك دي كويس,
يا أنا بلم حاجاتي وبطلع أخلي ليك البيت ده..!!!!!

دي ما طريقـــــــه!!!


ملحوظه:
عرفاك قاصد نكتة القرد..
بلا قرد معاك ..

البرد!

إنتى تخافى من البرد وكمان جاية تشـاكلينـا؟
إذا أنتم من الحر والبرد تفرون، فأنتم والله من السيف أفـر.

وهسى جاتك هالـة متضامنـة وبقيتـو حلفـاء.. طيب. شوفو ليكم زول تشاكلوه.. نحن هدا طرفنا.

من زمان كنت حاسى أنو دى مؤامـرة وانتى مقدمينك طعـم بس..

المهم.. إقتراح تانى، إنك تمشى الصين.. دى حتفك قرفتك وقرفـة الخليتهم وراكى.

Quote: عمو عمر ماشين يقبضوهو

يا اماني زي كلام دلال ده البجيب الشكل .........

لكن سيادتو عمر مش (عمو عمر) زول بقبضو مافي طالما فينا نفس طالع ونازل.

عمر عثمان:

Quote: يا اماني زي كلام دلال ده البجيب الشكل ......... لكن سيادتو عمر مش (عمو عمر) زول بقبضو مافي طالما فينا نفس طالع ونازل.

غايتو أنا مااااا برد عليك,
عشان في ناس متخصصين,
بجوك هسي لي كلامك ده طايرين,

بعدين أنا ما فاضيه أحجز بالله عندي كم شكله هنا, عايزه أحسمهم,
ياحماعه بالله مافي أي زول يجي طاير,
أنا بس الأتشاكل هنا,
العنده شكله مع زول بعيد بعيد..

انا اصلو من زمااان شكلك ماعاجبني

وكمان خاته في البروفايل صورة حمامة سلام

علي الايمان اجيب نبلة وبي حجر واحد اطير ليك ريشها ده صفقة صفقة وتجي عامله لاندينج طوالي

اها تاني لو قلتي ليها طيري مابتطير وتكتشفي بما انك قارية علوم انو الحمامة بعد يقطعوا ليها ريشها بتبقى طرشة .

الوش ده جبتو من السماء الاحمر ماتساليني تقولي لي جبتو من وين

ما تحياتي ولا حاجة دي اشكال يحيوها دي

عمي عسكري كانوا مابحيوا الضباط من النساء واحده يوم زنقتوا قالت ليهو مابتحييني مالك قال ليها والله انتي لو ماكنتي ضابطه مفروض احييك ماشفتك سعادتو اها سعادتو ضحكت طوالي اسع انتي البضحكك شنو عامله ضرسك الكبير ده

زاتوووو

الزول زاتوووو:

Quote: وكمان خاته في البروفايل صورة حمامة سلام علي الايمان اجيب نبلة وبي حجر واحد اطير ليك ريشها ده صفقة صفقة وتجي عامله لاندينج طوالي

أول حاجه انت ورغيم ماتنفعوا في الشكل,
تلقوا ليكم زول بتشاكل,
تقعدوا تضحكوا فيه,

بعدين دي ما حمامة سلام ولاحاجه,
سلام شنو في الشكله دي,
دي أنا دي, ماعارفه أرك وين!!!

مالك عايز تقلب الكلام جد,
خلينا نتشاكل ياخ..

غريبة الليله من صبحت مالاقيت لى زول ما قال زهجان ياربي يكون يوم الزهج العالمي وانا ما عارف

نزار:

Quote: غريبة الليله من صبحت مالاقيت لى زول ما قال زهجان ياربي يكون يوم الزهج العالمي وانا ما عارف

انشاءالله انت تكون مبسوط بس..
ياهو يوم الزهج العالمي, ألحق سريع مايفوتك,
لو مبسوط تعال راجع أطير ليك البسطه دي..

أماني
سلامات
قدر البسطة الكانت في راحت
تحياتي

عزيزتى أمانى،
قلتى لى،
أتفاكر معاكى،

المشكلة من شدة ما الزهجة متمكنة منى،
ما قادرة أكتب ذاااتو،

قلت ليهم حاسة،
إنى بفففور و أتدلق
يجى أى زول مارى،
يقول ليه معلومة (من غير قصد)،
يقوم يزيد النار حطب،
أفوووور تانى و أتدلق،،
لامن خميرنا ذااتو قربت تخلص،،

لكن عشان خاطرك بس،
أديكى من تجاربى المتواضعة...............


أنا والله مجربة كام طريقة كدة لفش الخلق،

شى علمى،
و شى من طرف راسى،
و شى ولا كدة و لا كدة،،،

أول هام،،
(كنت) ما بخلط الامور،
يعنى لو فى حاجة مزهجانى فى البيت،
ما بجيبها الشغل،
و بالعكس،،،

لكن،
من ما الزول كبر و (عقل)،
لقيت الموضوع دة بستنزفنى،،،
ولا بد من فش الخلق،،

و العنده حاجة لازم يستحمل،
(ما تصدقى الكلام دة،
والله ما بحب الإفتراء...)،

أها يا ستى،
فى طريقة تانية،
بأسلوب ناس د. فيل،
و هى إنو تواجهى متاعبك،
و تحدديها،
و تحاولى تحليها،،
يعنى حكاية،
زهجانة و ما عارفة السبب شنو دى ،
ما بتنفع،،،،

لكن د. فيل،
ما عارف إنو فى أوطاننا أتربينا،
إنو فى حاجات (مشاكل) بتحصل (من ناس)،
ما بنقدر نتفاداها،
و نتحرج إننا نواجهها،،،،

ما علينا،،

الاسلوب الأمثل،
الايام دى انا بستعملو،
أى زول يقابلنى،
يسلم على يقول لى كيف؟؟
أقول ليه زهجانة،
لو حاول يواسينى و يتكلم معاى،
أحكى ليه حاجة بسيطة،
يقوم يزهج و يمشى،،،



اقوم أنا أفكها (شويييية)،،،




___________________________
Quote

Quote: : طاقتي الحمرا وينا ؟

أنا حمور دة مش قلت ليه ألف مرة،
ما تبس طاقية حمرا مع قميص بنفسجى؟؟؟؟

دى شنو العالم دى،،،

Quote: أها يا ستى، فى طريقة تانية، بأسلوب ناس د. فيل، و هى إنو تواجهى متاعبك، و تحدديها، و تحاولى تحليها،، يعنى حكاية، زهجانة و ما عارفة السبب شنو دى ، ما بتنفع،،،،

عارفااااه ياهاله عارفاااه,
شفتي السبب من ناحية عارفاه عارفاه شديد,
لكن حكاية تواجهي وتحددي وشنو دي ياها ذاتها المشرداني..
ياخ انا روحي دي مابحب أقعد معاها,
دايما بتلم فيني تزرزرني..
يوم واحد ماطلعتني صاح,

الله يعين..

Quote: حمور ياخ كرهتني, دي ما طريقه.. ما تقعد تجدع حاجاتك وتجي تسألني منها, ما يا تلملم حاجاتك دي كويس, يا أنا بلم حاجاتي وبطلع أخلي ليك البيت ده..!!!!! دي ما طريقـــــــه!!!

كمان جابت ليها لداحه ؟
شوفي يا اماني ده اخر انذار ليك تغيري طريقتك دي
مليون مره قلت ليك حركات التحدي دي بتطلع ديـ ..
و تربة ابوي تاني تقعدي تعملي حركاتك دي ما بتلحقي تخلي البيت .. انا البفنك بالشباك
بلا كلام فارغ معاك
و الحاجات دي مسئولتك انتي دي
من اول يوم كلمتك الكلام ده
ما تجي هسه تعملي لي فيها طاقاك كهربه و تلولوي الكلام
فاهمه وله لأ ؟

(يوجد رفع اصابع و خبت تربيزه )

Quote: و تربة ابوي تاني تقعدي تعملي حركاتك دي ما بتلحقي تخلي البيت .. انا البفنك بالشباك بلا كلام فارغ معاك و الحاجات دي مسئولتك انتي دي من اول يوم كلمتك الكلام ده

حمور
سجمي ياحمور!!!
تفنني أنا بالشباك..
نحن ما اتفقنا علي كده,
زمان كلمتك قلت ليك انه انا عندي قرايه وشغل,
قلت لي مامشكله مسئولية البيت بنتقاسمها النص بالنص,
وأصلو ما حأخليك تتعبي,
غشيتني يا حمور!!!
انت اتغيرت يا حمور زمان ما كنت كده,
كمان جابت لهاخبيط طرابيز,
وبترفع صباعك في وشي؟؟؟؟

(يوجد دموع)

Quote: (يوجد دموع)

بس دي فلاحتك
اول ما الزول يقول ليك كلمتين تقعدي تتبكي و تملي جضومك دموع
ياخ دي ما بقت عيشه زاتو
لا قادر اتكلم
لا لاقي طاقيتي الحمرا
ينعل ابو اليوم اللمانا زاتو
كان يوم زفت من اولو و مويتو قاطعه .. انا متذكرو


(ثم مرق و رزع الباب وراو لامن رمى الزهرية اتكسرت *)



ــــــــــ
* يلاحظ انه ظريف لامن مشتري ليها زهرية لمن كانت وردة حياتو

زمراوي:

Quote: وبعدين الزول البريد الشكل بكون محتاج لي زول يشاكلو وعشان تتشاكلي لازم يكون في زول جمبك وعشان ندي مشروعة التواجد بجمبك لازم تتزوجي واحنا مجربين

الزواج ده ما شكله دي شبكه,
ياخ انا مابحب الشكل ولا حاجه,
وهراااااااااشه,
أي نعم هسي من هنا لغاية الساعه 12 لازم أتفشي بشكله,
لكن أصلو ما جابت ليها شبكه قدر ده,
نبقي في أسئلة نكير,
الشنو داك وينو؟
وماعارفه شنو داك ما عملتيهو ليييه؟

لا لا لا لا,,
أنا بتشاكل في البورد ده كفايه ...

اماني
سلام
وكدي قبل ما نقرر نشاكلك ضروري نعرفك عاوزة ياتو شكل من الشكولات
-شكل مثقافتية
-شكل عنقالة وناس قريعتي راحت زي ناس كلثوم(بنية)
-ولا شكل سياحي حنكوشي
-ولا شكل اسفيري احتقاني
حدد ي نوع الشكلة وتيمي العامل في الية الشكل جاهز موية ونور
ومن حسع شوفي ليك حل جذري

عبدالكريم سلام،،


أمانى يا صاحبة،
ما بنتظرك تسألينى‘ عشان أوريكى رأيى،،


أصلو لو الشكل واقع لا محالة،،

أمسكى فى دى قوى،

-

Quote: ولا شكل سياحي حنكوشي

Quote: أصلو لو الشكل واقع لا محالة،، أمسكى فى دى قوى،

هلا يا هالة وتحياتي ياخي
ويادوب صحبتك دي تعبت ووقعت شديد لو اختارت السياحي الحنكوشي
ننزل ليها (سميرة حنكشة) علي عجل
اماني صجبتك دي الا ترجع الباصوريد ده لبكري حسسسسسسسسسسسسع دي

يا أماني الأمين
أنا ذاتي ما بتاع مشاكل..
بس اسمك ده بذكرني بسلاح الأسلحة..

Quote: بعدين دي ما حمامة سلام ولاحاجه, سلام شنو في الشكله دي, دي أنا دي, ماعارفه أرك وين!!! ..

لا كان كده انتي ماعايزة شكلة انتي عايزة موية سكر بي ضم السين

انا سكري زمان لحسوهو والكيس الجواني جلدو بيهو الكراسات والكيس البراني عملوهو مصلاية

لكن بنشوف ليك سكر من اي حته عشان تنزلي وتركي عندنا مش في فنان قال انزل تعال ياحمام شتت ليك سكر

وتاني قال طيري ياقمرية وركي فوق الزنكي احب تاور زاتووو قدامنا عمود تلفون وكهرباء بس انا جني وجن الحمام البرك في العمدان

welcome home



تحياتي

زاتوووو

الزول زاتووو:

الحصه هنا شكل,

سكر كيف يعني؟
أيوا انت النوع البدردق الزول في الكلام صاح؟
طيب دي حمامة سلاااااااام,
وهسي حأغيرها,
قال حمام قال!!!

نظام جر شكل وكده...

نصر الدين:

Quote: أنا ذاتي ما بتاع مشاكل.. بس اسمك ده بذكرني بسلاح الأسلحة..

الحاله ما بتاع مشاكل!!!!

شوفى يابت الناس بدل تضيعى زمنا وزمنك بكلام فارغ زى دا وتهدرى الباندوث مش كان تعمل ليك حاجه مهمه تنفعك فى دنيتك وآخرتك عشان كدا ناس علوم فارغين وماعندهم شغله بعدين والا بلاش

عبدالكريم،

هو بالله سميرة حنكشة (شخشيا) بتسخن و نازلة الميدان؟؟؟

أنا كنت فاكراها أعتزلت،،،،

و كمان كنت فاكرة نوع الشكل دة خفيف خفيف،
نوعية،
يا إنتى أوععععك تعاينى لى كدة تانى،
عاملة عيونك زى أنوار ال....،

و يتلفت هيثم لأصحابه،
والله يا جماعة الزولة دى مسيخة مساخة،
عاملة زى طعم الشوكولاتة الأكلتها امبارح دى،،
كلو كلو أبت تتبلع لى!!!!!!


أمانى،
معليش أنسى نصيحتى الفوق دى
و إعتذرى لعبدالكريم حسسسسسه دى،،،،

Quote: أمانى، معليش أنسى نصيحتى الفوق دى و إعتذرى لعبدالكريم حسسسسسه دى،،،،

ايوه
ولانها لو اختارت سميرة حنكشة دي الموضوع بكون اوت اوف كنترول
والتشيل شيلتها صحبتك دي

واللييييييييييييييييييييييييييييييييلة

د. محمد حسن:

Quote: واللييييييييييييييييييييييييييييييييلة

الناس البتقعد تحمش نيران من بره مامعانا,
أبقي داخل لا جوه..

كيكي:
أنا عارفه انك حتريحني الليله لو ختيت الموضوع ده في راسك,
لأنك أحسن زول يفكفك الحاجات ويختها في محلها,
كله سته في حته يا قولهم..

المهم الخيار التاني

Quote: شكل عنقالة وناس قريعتي راحت

حنكشة شنو كمان ؟

هاله قصدك شنو سريييييع؟
هسي نتشاكل مع بعض ونخلص...

أسمعي أنت قاعدة تعايني لي كدا مالك

بطلي الحقارة بعدين أكياسك دي زحيها من رجلي


تخريمة :
قلتي عاوز شكلة يا إيمان

كل ما اشوف ليك بوست بتذكر يوم قلت بتخافي من الكتابة

هسي دي كتابة زول بخاف يا إيمان

حسن مضوي:

Quote: كل ما اشوف ليك بوست بتذكر يوم قلت بتخافي من الكتابة

ماتغرك المظاهر,
هسي تجيني شكله صحي صحي أقوم جاريه طوالي,
بس ده حراق روح ساكت..

ميييييييييش شااا ( ودي طبعاً بتتقال بالخشم الحقوق محفوظة )

غايتو عالم تشاكل ضلها ..

معتصم دفع الله:

Quote: غايتو عالم تشاكل ضلها ..

هيييييييي يامعتصم,
هسي بقوم ألاقي المدام أعلمها ليك شكل الضل ده,
أحسن كلامك ده تغيرو,,

تحياتي يا أماني .. لا بأس .. عادي تحصل زنقات زي دي .. بس عاوزة ليها شوية صبر وتروح ..


جاد

المديده حرقتنى ياجماعه

امانى مالك يختى الضفدعه طالعه ليك فى راسك ولا شنو

اوع تحدرى لى بى عيونك الصغار ديل التقول شارطنهم بى دبوس

اطلعى لى بره وبنادى ليك القدرك شوف دى بالله

(لقيتينى كيف )

ام الاء

تيتا..

هييييي وتاني هيييي..
ضفدعه طالعه لي في راسي!!!
دي علي وزن الحمي طالعه لي في راسي وللا شنو؟


---
لقيتك خطيره والله...

أهلا يا جاد:

Quote: تحياتي يا أماني .. لا بأس .. عادي تحصل زنقات زي دي .. بس عاوزة ليها شوية صبر وتروح ..

شكرا أخ جاد, الله يثبت اليقين,
عارف لو ما عملته كده, كان الخيار التاني اني أمشي البيت أستسلم للزعل,
ودي حركه لايوقه وطويله شديد,
أهو بنحاول نفرق, كتر خير بكري اللمه الناس دي مع بعض,
وكتر خير الناس الجات تازر,

مشكور,,

Quote: هسي بقوم ألاقي المدام أعلمها ليك شكل الضل ده, أحسن كلامك ده تغيرو,,

خلاس اتلميتن انتن الجوز ..
قومن لفن كده ولا كده ..
عاملات راسكن المدوقس دا

اللييله يا معتصم,

Quote: خلاس اتلميتن انتن الجوز .. قومن لفن كده ولا كده .. عاملات راسكن المدوقس دا

أنت متأكد المدام ما قرت الكلام ده لسه,
ياحليلك, غايتو أنا بررررررررره,

ينفع يتداخل زول فرحان وما بعرف يشاكل ولا دي الحاجات اللي بتغيظ زاتا
انا مبسوط وشكلو نصيبي من الزهج جالك بالله ابقي عليهو عشرة وما ترجعيهو لي لانو لا تسترد البضاعة بعد خروجها

أحمد سردوب:

Quote: ينفع يتداخل زول فرحان وما بعرف يشاكل ولا دي الحاجات اللي بتغيظ زاتا انا مبسوط وشكلو نصيبي من الزهج جالك بالله ابقي عليهو عشرة وما ترجعيهو لي لانو لا تسترد البضاعة بعد خروجها

لا لا ماينفع,
هسي علييييييييك الله الفرحان ليها شنو؟
لو خليتني أحسب ليك الحاجات البتزهجك, حتفهم حاجه,

بعدين نصيب ناس كتار الليله من الزهج جاني؟
أحسن يجوا يستلموا حاجاتهم بعد ده !!!

امانى

ايه رأيك
بقدر ما انا راجعه من العمل تعبانه بقدر ما انا سعيده وفرحانه بالبوست بتاعك ده

والله خفف على الكتير

اسمعى امسكى فى الصلاة على الرسول صلى الله عليه وسلم انشاءالله الزهجه تفك

بعدين انت فى اجمل بقاع العالم وجنبك التكنولوجيا والرقى والحاجات دى كلها مفروض تكونى فرحانه

ولا يا ربى دى زهجة قرايه او شغل تقيل

كدى عاينى كده وكده وعدى العربات فى الشارع ودى لونها احمر ودى لونها ابيض بتلقى روحك نسيتى الزعل وكان جعتى واشتقتى لملاح تقليه كارب لكن ما ضفادع اكلى بالهنا

ماتشاكلينى ياخ

Quote: بعدين نصيب ناس كتار الليله من الزهج جاني؟ أحسن يجوا يستلموا حاجاتهم بعد ده !!!

اولا انا عملت ليك تنازل عن نصيبي راجعي المحامي بتاعك . وزي ما قلت ليك البضاعة بعد خروجها من القلب اقصد الدكان لا ترد
بعدين الفرحان ليها لو قلتها ليك وانتي في مودك دة احسن تحسديني ممكن تجيلي بعد تصفي وتروقي وتوزعي زهج الباقين وتستهلكي زهجي ما يفضل حاجة منو

Quote: اتشاكلاكي

Quote: بعدين ما جابت ليها مصارعه, شكل البنات ما بتعرفه؟؟؟

Quote: ياخ فيه دوائر دوائر كده بتقعد تعملهم طق طق طق كده

Quote: عامله ضرسك الكبير ده

Quote: (يوجد رفع اصابع و خبت تربيزه )

Quote: (يوجد دموع)

Quote: بس اسمك ده بذكرني بسلاح الأسلحة..

-----------------------
يوجد إعجاب

ok

فوق

بُرو ... شتا إكا شيتا

Quote: (عدل بواسطة Abureesh on 24-02-2009, 05:22 م) (عدل بواسطة Abureesh on 24-02-2009, 06:03 م)

she looks good on that toab
___

Quote: يوجد إعجاب

أنا زاتي يوجد اعجاب



يا بت الزهجة فكت ولا نجى نشاكل ؟

انت يا أماني

عامله نص صورة تقصدي انه المراة نصف الرجل ؟
دي طعنه لكل المكاسب الجندرية
و طعنه مميته خاصة لكل الاخوات الفاضلات بالبورد

و بعد كل هذا التراكم النضالي و المكتسبات
الثورية التي حققتها المراة علي مر العصور و الاجيال

تجي يا اماني الامين تقولي رمزا وفعلا إن المرأة = نصف الرجل

غايتو كان ما جو اخدن حقهن يكون كلامك صاح

Quote: العرض ده بينتهي الليله الساعه 12 مساء بتوقيتنا

تبقي من الزمن ساعة
ربنا يجيب العواقب سليمة

شوفى يابت الناس بدل تضيعى زمنا وزمنك بكلام فارغ زى دا وتهدرى الباندوث مش كان تعمل ليك حاجه مهمه تنفعك فى دنيتك وآخرتك عشان كدا ناس علوم فارغين وماعندهم شغله بعدين والا بلاش

الأخوه الأعزاء الذين مروا علي البوست بهدف المؤازره,
شكرا كتير,
ما نعدمكم انشاء الله..

أأسف للتأخير في الرد علي بعض المداخلات, بس أمبارح رفعت الفراش الساعه 12 بتوقيتنا زي ما قلت,
وما شفت المداخلات في وقتها,

سأحاول الرد بايجاز,
لأنه أخونا ود الجعلي قال لي عذبتي الباندوث بتاع بكري بكلامك الفارغ ده,,
بس لو لميت فيك امبارح ياود الجعلي,
كان ريحتني كيف؟
كان وريتك ناس علوم تماما, هسي الليله الزهجه مستفحله والمزاج ما شكل,
معليش راحت عليك...

تيتا:

Quote: اسمعى امسكى فى الصلاة على الرسول صلى الله عليه وسلم انشاءالله الزهجه تفك

شكرا حبيبه علي الوصفه الجميله..

أحمد سردوب :

Quote: بعدين الفرحان ليها لو قلتها ليك وانتي في مودك دة احسن تحسديني ممكن تجيلي بعد تصفي وتروقي وتوزعي زهج الباقين وتستهلكي زهجي ما يفضل حاجة منو

جاييك يوم يا ظالم..

محجوب البيلي:

Quote: يوجد إعجاب

شكرا علي رفع الروح المعنويه, من ذوقك..

عبدالله كع
قلنا براحه براحه ما شدييييييد

أبو الريش
مافهمت حاجه في الاخر لكن شكرا كتيييير علي المؤازره..

عزام

Quote: بُرو ... شتا إكا شيتا

نحن المحس حقيننا ديل مابيرطنو,
محس جياد وكده..
انشاء الله بس ماتكون شتيمه,
عايزين مترجم متبرع ياجماعه..

ياسر طيفور

Quote: she looks good on that toab

برضو ما فهمت لكن لو رفع معنويات شكررررا..

روزمين العسل:

Quote: أنا زاتي يوجد اعجاب

معقوله بس, من حبيبة الكل شخصيا,
شكرا ياعسل..

رغيييييم:

Quote: عامله نص صورة تقصدي انه المراة نصف الرجل ؟

أبدا والله معقوله بس, هسي الكلام ده معقول يجي مني!!!!
أنا بس بتاوق ليكم ساي..
دي متاوقة خوف من الشكله,

الشامي:
شكرا علي عودتك والمتابعه,
جات سليمه ماتخاف,

الواحدة فيكم تزعل زولها
وتجي عشان تتفشى في خلق الله المساكين

عالم
















































لذيذة خلاص

شوفي انا ضهري قايم علي
وعندي قرض في البنك مكرهني وهاريني هري
وابو يدوني اجازي السنة دي فشان امشي اشوف ابوي واترحم علي امي
والمرة دايري تغير عفش الصالون
والبنيي قالت دايرالا لاب توب
والشافع دايرلو بلي استيشن

دحين ابعدي من طريقي


هههههههههه

طارق جبريل:

Quote: شوفي انا ضهري قايم علي وعندي قرض في البنك مكرهني وهاريني هري وابو يدوني اجازي السنة دي فشان امشي اشوف ابوي واترحم علي امي والمرة دايري تغير عفش الصالون والبنيي قالت دايرالا لاب توب والشافع دايرلو بلي استيشن دحين ابعدي من طريقي

حاله صعبه والله,
طواااالي تمشي تفتح بوست أي زول عايز ينتحر يجي معاي,
ههههههههههه

د. محمد حسن:

غايتو الا كان صيني,
زاتو الصينيين ديل ولا بزعلوا ولا حاجه,
الواحد تلقاهو ماشي مع الGirl friend بتاعتو وشايل ليها شنطتها,

شفت الذوق,

هيييييييييييه,,

Quote: أنا الليله شكلي حأمسك في زمراوي ده أتشاكل معاه يأ أضرب تلفون لي زوجته أخليها تلفها معاه..

دا انا غلبأاااااان
اي حاجة الا مراتي دي

Quote: حمور سجمي ياحمور!!! تفنني أنا بالشباك.. نحن ما اتفقنا علي كده, زمان كلمتك قلت ليك انه انا عندي قرايه وشغل, قلت لي مامشكله مسئولية البيت بنتقاسمها النص بالنص, وأصلو ما حأخليك تتعبي, غشيتني يا حمور!!! انت اتغيرت يا حمور زمان ما كنت كده, كمان جابت لهاخبيط طرابيز, وبترفع صباعك في وشي؟؟؟؟ (يوجد دموع)

يا ريت لو سمعتي كلامي من الاول ما كان دا حالك
اليوم خبيط في الطرابيزة
وبكرة يرميكي بالشباك
وبعده الله عالم ايه الحيحصل لك
تعالي اقعدي في بيت خالك احسن ليكي اشوف ليكي عريس لايخبط الطرابيزة بس يخبط في نص الراس مباشرة.

طيب انتي ما كويسة بتشاكلي مالك

بس فتحت الباب نص ده مابتنفع يا افتحي الباب للاخر يا خشي جوه واقفلي الباب

غايتو لحدي اسع 50% مامعروف يمكن يكون واحد اداك بونية ورم ليك عينك التانية لووول يكه

تحياتي

زاتوووو

التعديل لزوم مسح نص الصورة بناءا على طلب صاحبتها
ربنا يرضى على الجميع

الزول زاتوو:

Quote: بس فتحت الباب نص ده مابتنفع يا افتحي الباب للاخر يا خشي جوه واقفلي الباب

ياسلااام, طيب دخلت وقفلت الباب,
أمسح الصوره من مداخلتك الله يرضي عليك*
الصوره دي حاجه شخصيه بستعملها سيدها بس !!!

تحياتي وشكررررررا علي محاولات رفع الروح المعنويه..

-----
*كلام جد..

الزول زاتوو:

شكرا كلك ذوق..

زمراوي:

Quote: يا ريت لو سمعتي كلامي من الاول ما كان دا حالك اليوم خبيط في الطرابيزة وبكرة يرميكي بالشباك وبعده الله عالم ايه الحيحصل لك تعالي اقعدي في بيت خالك احسن ليكي اشوف ليكي عريس لايخبط الطرابيزة بس يخبط في نص الراس مباشرة.

حمور بالغ والله,
قال لي كلام فظيع, يوم زي الزفت ومويه قاطعه..
اتخيل!!!
وكمان قفل الباب في وشي!!!
وكسر المزهريه بتاعة شيرين وسمير غانم الفي المتزوجون ديك..
هسي لو ما جاء راجع اعتذر احتمال كبير أفكر أحرد وأجي أقعد في بيت خالي زي ما قلت..
بس ما معانا عرسان,
كلهم زيي بعض..

الشكلة دي فاتتني...جيت متأخر..
لكن ..تاني ما تكلموني..الا أقلب في وشكم البورد كلووووو
فاهميييييييين؟؟؟
بلا طاقية حمرا..بلا (نص وش) بلا (صين) بلا حركات...

Quote: أحمد سردوب : Quote: بعدين الفرحان ليها لو قلتها ليك وانتي في مودك دة احسن تحسديني ممكن تجيلي بعد تصفي وتروقي وتوزعي زهج الباقين وتستهلكي زهجي ما يفضل حاجة منو جاييك يوم يا ظالم..

هههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههههههههههه

عارفة يا اماني ما عارف اشكرك كيف امس قابلت حبيبتي ليمي وسألتني مالك فرحان كدة فقلت ليها زعلي شالتو اماني الامين في صحن صيني وقضينا امسية ما احلاها والفضل يرجع ليك
عشان كدة عندنا باقي ورد قلنا نهديهو ليك يمكن يروق مزاجك شوية





التعديل لاضافة تاء مربوطة

أحمد سردوب:

Quote: عشان كدة عندنا باقي ورد قلنا نهديهو ليك يمكن يروق مزاجك شوية

باقي ورد كيف يعني ؟؟!!!!
انتو بتاكلوهو ؟؟؟!!!

الأخ علاء:

Quote: فاهميييييييين؟؟؟

تمام سعادتك..
متأسفين والله..

---
هرشه صاح..

Amany Elamin

Quote: انشاء الله بس ماتكون شتيمه, عايزين مترجم متبرع ياجماعه..

ولو ترجمتها حنتشاكل في ايه يعني ... المُهِم ... كلامي ما شتيمة ... بس برضو
القُلتو ليك ياهو زاتو ... وبعدين زهجتِك مُش فكت خلاص ... تَيِب دايره بِترجمتا شنو
يا زوله إنتي بِتاعت مشاكِل الحِكاية ما زهجت يوم وخلاص ...

يا أمانى والله تزعلى منى تانى مع أجى البورد دا زاتو ياخى انا شاكلتك شكله معتبره لانو شفت الناس الجو كلهم ما فشو ليك شكلتك لكن كانت شكله جامده بس حقت اخوان
أدام الله المحبه بيننا ياعزيزه
هذا ماوجب توضيحه عشان ماتكونى شايله فى نفسك من أخوك

ود الجعلي:

Quote: يا أمانى والله تزعلى منى تانى مع أجى البورد دا زاتو ياخى انا شاكلتك شكله معتبره لانو شفت الناس الجو كلهم ما فشو ليك شكلتك لكن كانت شكله جامده بس حقت اخوان أدام الله المحبه بيننا ياعزيزه

اطلاقا مازعلت,,
أنا فهمت تماما انك ماجادي,
وردي ده زاتو ماجادي علي فكره..
يعني جوه موود الشكله حقت امبارح وكده,
معقوله بس!!!
عشان كده قلت ليك لو لقيتك امبارح كان اتفشيت..
العفو ياخ..
الظاهر موود الشكله خلي الكلام يظهر جد..
صافيه لبن زي ما بيقولو..

عزام خلاص مامشكله,

بس قلنا نتثقف وكده,

Amany Elamin

Quote: بس قلنا نتثقف وكده

أقرب حاجة ليها بِالعربي ... مُمكِن نقول :
( الجِن اليِجنِن جِنِك ) أو كما قال

Quote: باقي ورد كيف يعني ؟؟!!!! انتو بتاكلوهو ؟؟؟!!!

انتي حالتك صعبة خاااااااااااااااااااااااااالص
غايتو زهجتك دي تخوف
حنيت عليك غايتو لو الحكومة وافقت بشيل منك شوية زهج في الوقت اللي بكون بعيد عنها

كان لسه زهجانة عليك باثنين من شعاع الشمس واثنين من من شعاع القمر واخلطيه ثم اخلطى خليط الخليط فى هون بلاقعر,, تروقى باذن الله ,,
وكان جاتك زهجة زى دى تانى اضيفى لماسبق ,, كبدة فار يتيم وضنب ضب مسافر وكبدة سحلية مطلقة ,, واقليهم فى سمن ساق بعوضة ,, وبالهنا والروقة,,

كان تنفعي معاي قبل اسبوع، والله كان ضقلت بيك...لكن اسه احمد الله المزاج عاااااالي والبال رايق.

عموما...خاتاك لي عوزة.
ابقي طيبة.

حنين :

Quote: كان تنفعي معاي قبل اسبوع، والله كان ضقلت بيك

كمان بي حليفتها,,
هييييييي يا حنين تضقلي بمنو؟؟؟
الله رحمك ساكت انك اليوم داك كنت مافيشه,
كان لحقتك المريخ مع الوحدات,



---------
شكرا حبيبه...

عبد العزيز الفاضلابي:

Quote: كان لسه زهجانة عليك باثنين من شعاع الشمس واثنين من من شعاع القمر واخلطيه ثم اخلطى خليط الخليط فى هون بلاقعر,, تروقى باذن الله ,, وكان جاتك زهجة زى دى تانى اضيفى لماسبق ,, كبدة فار يتيم وضنب ضب مسافر وكبدة سحلية مطلقة ,, واقليهم فى سمن ساق بعوضة ,, وبالهنا والروقة,,

انت متأكد انه ده ما عمل!!!
بعدين وصفتك دي مالا ساهله كده؟؟!!!
كان تصعبها شويه هههههههه,

كان يوم عملتها كلمني أجي أشيل منك شويه,

شكرررررا,,

عزام:

Quote: ( الجِن اليِجنِن جِنِك )

بس لو كنت فهمتك وقتها!!!!
معليش الشكله الجايه..

Quote: والله كان ضقلت بيك

اوسكار
اوسكار يا حنين

اماني اها الزهجة فكت ولا نجيب عدة الشكل ونجي

كيكي:

ما تضحك ياخ..
شفت حنين دي بس ياها الكانت رايحه لي اليوم داك,,
الله مرقها..

الزهجه قاااااعده ياكيكي, لكن المزاج ماشكل,
الشكل ده تبع الغيظه حقت أول يوم,
هسي في قهمه ههههههههه..
وحياتك اليوم ده كله قضيته نوم,
أنا قايلاه تعب, لكن الظاهر دي الزعله,

المهم الله غالب..
عدة الشغل ظبطها لينا في بوست وينوبك ثواب,,

شكررررررا..

اها انا الليلة كده واكتر من كده كمان ينفع معاك .. ولا امشى خلاص مزاجك مابقى زى مزاجنا اليوم بالتحديد
ورينى رايك وبسرعة كمان وتسلمى انشالله من المزاج المعكر ...

ماجده والله ضحكتيني,
عارفه الناس ديل لو كلهم بصلوا المرحله دي في يوم واحد,
كان كتلوا بعض زمااااان, هههههههه
غايتو كده مامقصرين..

أنا الليله الزهجه مخلياني مسكييييييينه,
كان اتشاكلنا انت الغالبه أكيد,
ممكن أتطوع ليك تتفشي فيني غايتو لو بريحك.
لكن لو عايزه المعركه تكون متكافئه ماااا بوعدك,,

شكرا ياذوق,,

أخت اماني شايفك اليوم مبسوطة الحمد لله الزهجة مشت وعدت بلا مشاكل ربنا يديم البسطة

هلا يانزار:

Quote: شايفك اليوم مبسوطة الحمد لله

شوف هو من ناحية الحمد لله فالحمد لله مافي شك,
لكن القال ليك منو مبسوطه؟؟؟
يارييييت...

احتمال مبسوطه بس عشان بسطتك حقت اليوم داك طارت,
شيخي كارب صاح هههههه...

اماني
تحياتي
عرفتك مبسوطة من ردك علي ماجده شايفك ضحكتي قلنا الحمد لله
انا البسطة راحت مني وقتي وقلت اجي اخد مناعة ضد الزهج يمكن تجي صادة

شابف الزهجة بايته ومقيله
قلت اجي اجيب عاليها واطيها
لقيتك رافعه راية الهلال
فخرجت متبسما
( خابطنا جبهتي ببطن يدي)

وين البت القالت عايزة تتشاكل

لي اكتر من عشرتيام مافي زول ظهر

زمراوي!!!
البوست ده لقيتو واقع وين؟؟
أنا لمن نسيتو ...
غايتو لو بقعد عشره يوم عايزه أتشاكل معاناتها التجاني الماحي وجبت..هههههههه

الشكله الجايه قربت, خليك قريب...

رغيم ماشفت ردك الا هسي معليش..
بلدنا دي عندها سيد غير الهلال كمان..
مباريات الهلال وجرايد الكوره دي أحلي حاجه في السودان,
بس هنا بقيت بتابع عن طريق البورد, مافي طريقه أحضر المباريات..

يللا هانت قربت انشاء الله أرجع السودان نهائي عشان أتابع بمزاج...

تحياتي,,

البوست ده انا شفتو من فترة وكنت الوقت داك بتشاكل مع روحى
لكن انتى فوتى لى فرصة اشاكلك وجيتى حمدتى السلامة

لو ما كان جيت امانى يا امانى ما كان وريناك الشكل الما بتعرفيهو

الأخ عبد الدائم
أبو البنات الحلوات ,
الأساميهم حلوه..

أنا خالة بنات حلوات برضو, عشان كده البنات بفرح بيهم لاشعوريا..
هسي كان ولد , كان حتشاكلني أكيد, لأني الأولاد ديل مابتحمس ليهم شديد..

المهم قررت أصاحب ليك عناب اليومين ديل لأنه أكيد ماما مافاضيه ليها مشغوله مع عذاري..
بس ماحاعلمها الشكل ماتخاف..

سلام للمدام وتاني مبروك...

ما بشاكل بس بغازلك عشان حرمة النساء


والعفو والعافية
والمسامح كريم