Post: #1
Title: ياريس بكري : بعد صيانة المنبر الموضوع المهم ده لحق أمات طه وأكثر الصور إختفت شوف لينا حل سريع!!
Author: ALazhary2
Date: 02-23-2009, 09:03 PM
.
.
الريس بكري
هذا الموضوع المهم ضمنته العديد من الصور من خلال رفعها على الموقع ، وإلى أمس كانت موجودة.
اليوم وبعد عودة الموقع عقب الصيانة إختفت أكثر الصور :(
شوف لينا حل يرجعها نظراً لأهمية الموضوع .
ولك جزيل الشكر والتقدير ، وعليك الله ياخي ماتطنشنا كالعادة :)
(توجد صور مؤلمة)الصيد الجائر في السودان، أين الجهات الم...كليف؟ هل هناك رقابة؟
.
.
|
Post: #2
Title: Re: ياريس بكري : بعد صيانة المنبر الموضوع المهم ده لحق أمات طه وأكثر الصور إختفت شوف لينا حل سر
Author: سيف النصر محي الدين محمد أحمد
Date: 02-23-2009, 09:10 PM
Parent: #1
يا ازهري 2 ..سلامات
ياخ مسؤول من الخير ..امات طه ديل منن؟ بتعرفن؟ اكان عندك خبرن آ زول ادنا ليهو..
____________________________________________
اما بالنسبة لبوستك فنسأل الله أن يجمعك به.
|
Post: #3
Title: Re: ياريس بكري : بعد صيانة المنبر الموضوع المهم ده لحق أمات طه وأكثر الصور إختفت شوف لينا حل سر
Author: ALazhary2
Date: 02-23-2009, 09:24 PM
Parent: #2
.
.
الأخ الزميل العزيز سيف النصر
أشكرك على الإهتمام والمرور وربنا يملاك عافية .
ياخي بعد ولادة آية الله العظمى العلامة قوقل دام ظله الشريف إنتهى عهد سؤال الناس :)
يقول العلامة قوقل لاحرمنا الله لطفه وعلمه:
أمات طه أسطورة تروي عظمة الخالة عند المجتمع السوداني طلاسمها تحكي عن اليافع طه الذي كان له اربع خالات وتوفيت والدته وأحتضننه خالاته الأربع وحبنه حبا شديدا حتى اصبح يقال لهن أمات طه ...
ترعرع طه في حنان خالاته حتى بلغ أشده وفي مرة خرج طه ولم يعد فسهرن الخالات خوفاً من مكروه قد يلم بطه وبدأن رحلة البحث عن طه ولم تثمر جهودهن في إرجاع طه لبيته .
فاتفقن على أن تتجه كل واحدة منهن إلى إتجاه بحثاً عن طه فذهبت إحداهن شمالاً والثانية جنوباً والثالثة شرقاً والرابعة غرباً على ألا يعدن إلا وطه معهن .
ولكن كان ذلك يوم الفراق بينهن ولم يجتمعن مرة أخرى فاصبحت هذه الأسطورة مضرب المثل فيقال ( لحق أمات طه )
(...)
ممكن تكون القصة دي صاح ويكون قوقل صادق وممكن تكون غلط وقوقل داقس ومكن الأسد يلاقيك وماياكلك وكان أكلك إن شاء الله ماتنفعوا .
:)
خالص التحية والتقدير والود.
.
.
|
Post: #4
Title: Re: ياريس بكري : بعد صيانة المنبر الموضوع المهم ده لحق أمات طه وأكثر الصور إختفت شوف لينا حل سر
Author: نصار
Date: 02-23-2009, 09:26 PM
Parent: #1
العزيز ابو الزهور
نعلك طيب
اخونا بكري دا ما قاعدين نتقل عليهو جميله كبير و ما نقدر نرده
بس بالله اطقمو كل مرة بدعواتك المصلحة ديك اصالة عن نفس و نيابة عننا
رد جميل معتبر.
الايام الفاتت دي المنبر زي العنده ابو الشهيق تكتب رد يشفطه في شهقة
تقلب صفحة ما تمشي الا بام دلدوم
لما حجابنا الحاجز زاته اتدلدل وصل المعده
غايتو يبقالي سياسة بكري الجديدة قايمة علي الضرب القمتي مع الهكر
اول ما يشم ريحته يقفل ابواب المنبر و يطبه ليك كربون
لمان يعدمه الحركة يوم يفتح لينا ندخل
صيانة الليلة دي كان عركة بت كلب
اثناء اعلان بكري لعملية الضيانة
دخلت بوست جا ناطي لي لغم من بتاعات اخونا الهكر الكمبيوتر كله قام يصفر
غايتو ربنا يعين بكري و يهون علينا
بكري ياخي كمل جميلك علينا بالشفافية
|
Post: #5
Title: Re: ياريس بكري : بعد صيانة المنبر الموضوع المهم ده لحق أمات طه وأكثر الصور إختفت شوف لينا حل سر
Author: Magdi Ahmed Elsheikh
Date: 02-23-2009, 09:30 PM
Parent: #4
Quote: غايتو ربنا يعين بكري و يهون علينا
|
اللهم امين...
___________________________
الازهري سلام..
ان شاء الله تجمع قريب
|
Post: #6
Title: Re: ياريس بكري : بعد صيانة المنبر الموضوع المهم ده لحق أمات طه وأكثر الصور إختفت شوف لينا حل سر
Author: ماضي ابو العزائم
Date: 02-23-2009, 11:09 PM
Parent: #5
تعرف يالازهرى2 عندى كمان بوست لحق الزينين و صنتة مرتين
و تانى ماااااااااابقدر بس شايف بكرى برجع فى الصور شوية شوية
أعلام و أماكن صور نادرة (2)
((مافى زول إسألنى الزينين يعنى شن))و
|
|