مقترحاتكم وارائكم لتطوير مشروع(بيت الفنون)( حوش بكري سابقا) للاهميه

حلم راودني منذ عهد بعيد (بيت الفنون السوداني) تم بمساعدات مقدره من الصاحب بكري ابو بكر ايجاد

المكان الملائم وقام مشكورا بالتنسيق لنا مع اصحاب المكان حتي صار لنا هذ البراح الوافر الحيويه

حتي يكون المقام ملكا للجميع وهو ذات المكان الذي شهد تواصلاتنا الحميمه الاولي فقد رايت ان اشرككم

فيما افكر احلم به عالما يتسع للجميع فناءه العريض ملاذا للافكار الجديده ومسرحا للاغاني

والمسرحيات الفاخره حيث انه يسع الفا من قلوب وعقول النساء والرجال والاطفال

صالاته الممتده شرقا وغربا متنفسا بديعا لمحبي الفنون وعشاق السلام والحريه منابرا ننسجها من

اشواقنا لتقينا شمس الاخفاق المتراميه الاحزان فيحاضرنا عصام عبد الحفيظ في فن التصوير الفوتقرافي

ونبض الصوره ل من يرغب ان يجد نافذه نحو الجمال الذي كاد يكون مستحيلا

نتواضع علي الجلوس امام افذاذ الفكر والثقافه والفنون حيث كورسات الموسيقي مع عثمان النو او غيره من العباقره جلسات استماع نعشقها لمصطفي السني والموصلي واخرين لقاءات الاحبه من البورداب من داخل البلاد وخارجها

كورسات المسرح والاداء الاذاعي من سودانيين وغيرهم ومبدعون من شتي انحاء العالم عل فيها مايضئ قتامه الطريق ويزيل عن قنواتنا البائسه رهق التكرار والانتظار الممل جلسات كرويه يتناوش فيها الاصدقاء من قبائل المستديره بالمحبه كلها ودون تشنج محاضرات حول قضاياالسلام والزواج والتعايش السلمي والديمقراطيه والصحه والتعليم منتديات معرفيه وثقافيه وعلميه حول اداره الوقت والحكم الرشيد ومحاربه الحزن والاكتئاب تدريبات الهواه الراغبين علي الكمنجات بدلا عن الطبنجات والفديو والاخراج التلفزيوني وفنون التحرير الصحفي مركز ثقافي سوداني يضم احلام الجميع يملا الفراغات الممتده في حياتنا داخل البلاد وخارجها

افكر منذ شهور مضت لكن لاسبيل الي ذلك دون مشاورات احتاجها منكم

هلا شرفتموني باجتراحات الخيال البديع ما استطعتم يا اصدقاء وياصديقات

والمهاجرين منكم ايضا لهم اذن صاغيه عندنا فثمه تجارب في العالم لم نطلع عليها

مرحبا بمداخلاتكم وللاطفال ايضا متسع عندنا للعطاء

تقبلو محبتي وكونو بخير وتفضلو

بيت الفنون متسع لاحلامنا جميعا

من بركات هذا المكان انه ضم لقاءاتنا الحميمه بكل اصدقاءنا البورداب الجونا من بره السودان ومن شمن برامجه ان يكون ملتقي دائم غير اسفيري لمن يودون التقاء بلا باسويرد حيث كما قال المغني

العين تشوف العين والايد تصافحو

علي الاقل ستكون اللغه ليست كما تنحرف بها الكيبوردات حينا من احيان الخصام

او كما قال

من التجارب الكبيره التي تمت بهذ المكان فبل ان يكتمل كانت تجربه مسرح الانتخابات

حيث تم نصب خيام الاقتراع واجريت بروفه حقيقيه للانتخابات المحتمله القادمه

اهم ما وضحته التجربه من نتايج ان الانتخابات وان تمت بقانونها الجديد ستفرز نتائجها

ملايين الاصوات التالفه من جراء التعقيد وكثره البطاقات حيث يصوت الناس فس الشمال ب عدد ثمانيه بطاقات وفي الجنوب اثناعشر بطاقه

ساحاول انزال الصور والفيديو لما اسميناه مسرح الانتخابات لتوضيح مايمكن ان يلعبه هذا المكان من دور في كافه قضايا الناس الحيويه

الصديق الرفيع .... طارق ... كيفنك يا أبوي

ياخ إنت براااك عملت الشغل ده كلو, منتظر مننا
شنو, فياخ بالله { أبدع إبداعك } ونحن ليسوا غير
جمهرة الحضور التي سوف تؤم مكانك هذا, خاصة
مع هذه التصورات الضامة للفن مع المجتمع مع
هموم المستقبل مع تطلعات الناس نحو الأجمل.

أهم مقترحات البداية ... خروف أبو أربعة
ويد تلغ دمه وتطبعها على بوابة الدخول.

لقيت نفسي زي حا ألفق فى واحدة أو أكثر من
تصوراتك أعلاه, وطبعا ... البيت بيتنا.

وإن شاء الله مقر فنون وجمال ورفقة طيبة
ووقت زين.

مارق مشوار وبجيك صادي

او حاجة تعملوا ليكم موقع الكتروني متخصص
يعرض فعاليات ( بيت الفنون ) واسهامات المشاركين

رطا ان لا يكون فيه منبر حوار ولا يحزنون

هذا المكان جمع بين تعطش مدينة بحري للفنون وقُدرات الفنان المبدع طارق الأمين بمجالي الفنون والإدارة
المقترحات كثيرة منها الإسراع بتحويلها لمتنفس حقيقي للفنانين في مجالات الفنون المتعددة ... المهم البداية وستأتي الأُغنيات تباعاً ....



ــــ
مشتاقين والله

حيدرنا القاسم المشترك

تحايا الحب والجمال

والله ياحبيبي انا عارف

اليد الواحد مابتصفق

والشباب مصاب بالاكتئاب

ةالبلد صااااانه صنه تحيرك

ماعندنا غير سمح الكلام وسمح الفعايل

وانت في دي شيخ

يزورو فوقك

بالامكان الكتير

واجمل مافي الامر ان وجدت لنفسك مكانا بيننا

اشكر تفاعلك وتفاؤلك ولي قدام

وكد0

Quote: افكر منذ شهور مضت لكن لاسبيل الي ذلك دون مشاورات احتاجها منكم هلا شرفتموني باجتراحات الخيال البديع ما استطعتم يا اصدقاء وياصديقات

فكرة أكتر من رائعة يا طارق


نحن معاك و لو انه نحن برة البلد



بالتوفيق ان شا الله

وليد المبارك جدا

مشتاقون

فكره الموقع الالكتروني عظيمه

وهذا ما اردته من طرح الموضوع

مثل هذه المقترحات

بعدين فكره مايكون فيه منبر للحوار ضحكتني

كجنت الحوار بدري كدي مالك ياشاب

ابقي تعالنا ياسيدي

نتم الباقي بالدرب

اشكرك حتي

تعاود محبتك للحوار

وليحزنون


مع اكيد محبتنا

سلام يا طارق

فكره جميله، شديد

اقتراح اول، مع انه انتو ناس المحاماه

انه الصفه القانونيه للبيت تكون يا اما جمعيه خيريه او شركه باسهم وقفيه،
يعني البيشتري فيها اسهم، او يساهم بمال، ما يكون راجي ارباح ماديه في الدنيا دي

المبدع طارق


الله يحفظك

دائما عهدناك صنوا للابداع و التجديد

طـــق خاااص

الوريف / طارق الامين ..


- اولا ..لا بد لي ان اشكرك مره ثانية علي استضافة المبادرة الشعبية لمنهضة ختان


الاناث .. وهو ليس بسمتغرب عليك كشخص وجدته امامي في اي منشط تنادي الية ابناء هذا


الوطن ..


- كنت شاهدا علي فكرة بيت الفنون وكنت علي يقين بان هذه المسالة ستري النور طالما انت


خلفها .. وكم كان مسرح الانتخابات شاهدا علي امكانية انجاز مشروعات جيده ومفيده ..



- قيام منتدي بيت الفنون الدوري يسهم في احداث حراك علي مستوي مدينة بحري ..

طارق الامين ..


وتعال نعيد الكان زمان في (الدار) ..

من

كورالات ..

وكورسات ..

وجلسات استماع ..


اكيد معاك ..



كورس الموسيقى بتاع النو دا عجبني شديد .. (انا من هسى مسجلة ) ومشرفة كمان ..


تعال نحدد يوم في الاسبوع يكون ثابتا لتقديم نشاط اي نشاط ..


وليكن السبت اوالاربعاء من كل اسبوع (اقتراح) ..

Quote: - قيام منتدي بيت الفنون الدوري يسهم في احداث حراك علي مستوي مدينة بحري ..

أدعم المقترح بشدة خاصةً وأن مدينة بحري تفتقد مثل هذه النشاطات الثقافية الجميلة ..
شكراً طارق الامين على هذا المجهود المقدر
..
..

فكرة تأجير الحوش لأعياد الميلاد و حفلات التخريج - كما وردت في إعلان هارموني -
لا بأس بها من ناحية كونها تساهم في تمويل بقية الأنشطة الثقافية؛ و لكن؛ أخشى
أن يصبح ذلك هو النشاط الرئيسي الذي قد يؤثر على بقية الأنشطة.


اقترح اقتطاع جزء من الحوش أو السطوح لعمل كافيتريا لتقديم المشروبات
و الوجبات الخفيفة و ستكون ملتقى و منتدى - مفتوح - للجميع.

(*)

الاستاذ طارق الامين
مكتبة عامة تزين المكان

وهو مشروع بسيط عبارة عن تبرع بكتاب لإنشاء مكتبة بالدار(مكتبة بيت الفنون) والاصدقاء كثر خارج وداخل السودان...
وافتتح التبرع بكتابين........

عمر الحاج

منشط او منتدى اسبوعى انا اويد هذه الفكرة ومتبرعة ليك باول منتدى عن اى موضوع ندير ونخلق الحوار وندعو المدعويين

قصرت معاك يا دفعة

هيي

انتو متين كترتو كده في البوست

وملاسي مالو كلامو بقي كتير

كدي دقيقه

ارمي الطعميه دي واغسل يدي واجيكم

واحد واحد

عاين ديل بالله

Quote: عاين ديل

نحن ديل ؟؟؟


لأ انتوا ديل

فكرة مبدعة يا مبدع
نتمنا لها التوفيق
و اننا نقدر ندعم
بما يتيسر و ترونه

مرة اخرى ندعم ياطارق ..
وجاهزين لإي مساعدة ..
,,,
,,
,
,

معاك حتي النهايه





__________________
بكرة متغدي معاك
باذن الله

هوي انا كلامي قلتو غايتو...
عارف صاح؟
ماتعاين لي؟
بجيك
ولا شنو

ماعندي اقتراح غير الاتقالو ..ربنا يوفقك ويوفق الجميع المعاك ..

المهم ثقفونا ووعونا ..وكترو لينا من الندوات وجلسات الاستماع واحتضان مبادرات العمل العام..

جميل يا طارق

دة شغل نضيف

غايتو ...
حالتى عايز اعملها ليك مفاجأة ...

على العموم :

انا لاحظت ( بيت الفنون من غير شعار) .. وبديت اصمم فيهو لى فترة ..
لحدى هسى اهتديت للشعارات ادناه ...















................

اختار ,,
او عًََدل ...
او اقترحات جديدة .......


(دة في حالة لا يوجد شعار طبعاً)................