طريق ام روابة ابوجبيهة الي متي؟؟

الطريق الذي يربط ام روابة بابي جبيهة طريق وعر جدا جبال وخيران ..

هنالك عدة وعود بانشاء هذا الطريق ..


والي الان تذهب الاحلام ادراج الرياح ..


مع انو ابوجبيهة بلد خيراتها كتيرة جدا خاصة هذه الايام..


وهل تعلم عزيزي :

ان مدينة ابو جبيهة ليس بها ولا متر واحد طريق مسفلت؟؟؟



صدق او لا تصدق!!

منقة ابو جبيهه ..



اتصل تلفون لاي شخص وسلم عليهو .. قوليهو انا فى ابوجبيهه الان.



شوفوا بيقوليك شنو؟

أخي مصعب
الأولوية في التنمية لحملة السلاح بعد الشمال مروي كريمة ألخ .. لا تحلم بأي طريق هناك ما دام الوضع في نظرهم عادي
أرقد عافية ومودة تامة
الشفيع إبراهيم

والله يا الشفيع ..


انا ما كنت بعتقد انو فى منطقة كبيرة .. وهى (محلية) ومحلية تعنى انها عاصمة لمناطق اخر يقصدونها للعلاج وللتعليم وللترفيه ووو ما يكون فيها متر زلط؟؟؟


بلد جميلة حباها الله بخيرات لا توجد فى باقي السودان..

العزيز مصعب.

انت عارف الطريق دا كان جاهز للسفلته من 89 على ما اعتقد .

لكن هؤلاء ارادوا لهذا الطريق ان يكون كذلك والسبب هو معارضة اهل تلك الناطق للحكومة النهابه.

ولو ذهبت الى ابوجبيهه فى موسم المنقة سوف يتفطر قلبك الما لضياع ثروة ما عادية.

وطريق ابوجبيهه ام روابه يوم 17-10-2007 حيث اتقلبت العربة التاتشر التى تحملنا فى منطقة طوطاح وفقدنا فيها الطالب حموده المهدى
ابن العمدة المهدى عمدة قبيلة اولاد تدو.
والبقية جروح وكسور.

والماساة كانت هى انتظار محافظ امروابة 24 ساعة حتى ياتى من شركيلا لكى يصدق لنا بالاسعاف حتى نحمل المرحوم الى الابيض لكى تجرى له
عملية.

وانا اجريت لى عملية لامواخذة بحزائى الذى البسه .

والابرة المستعملة كانت للجلد العادى وليس للراس.

يا عمى ماسى والله.

ولك شكرى

وبعد دا نقول ابوجبيهه بلدنا الجميلة بتين يا الله نمشيلا.

ادم عيسي ..


كيف حالك ..

انا مشيت لاول مرة لابو جبيهه فى موسم المنقة .. بس احسن اسكت.


شكرا علي المرور

.