Post: #1
Title: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:22 PM
العنوان المدسوس هنا وخوفا من الهكر
أسلحة التهكير الشامل
(1)
هاجم اللاب توب خاصتى تحت ليل جيش جرار بمدرعاته السايبرية بطريقة يحسده عليها جيش الاحتلال الاسرائيلى
وهو يهاجم غزة ويخلف كل ذلك الكم الهائل من الدمار
ولكن تعرض كومبيوترى لأقسى هجمة لم يترك فيها المهاجم ممرا آمنا
لملف ودمر بقدرة قنبلة نووية كل الفولدرات بجدرانها الصفراء والملفات
و تحويشة العمر من الرسائل الايميلية والأغانى والصور وقلب لوحة المفاتيح رأساً على عقب
ولم تسلم من جبروته حتى سلة المهملات وبطريقة تدمير اسرائيل لأنفاق غزة
تم تدمير كافة ممتلكاتنا بسطح المكتب ودرج المكتب كمان
لقد تهكرت كافة مناطق الكومبيوتر
و(اقدار) دموعك ما بتفيد لى زول وثايقو اتهكرت
حتى كلمة السر طلعت من البئر ولم تعد قادرة على
الدخول ولكن الأغرب من ذلك
"ونواصل
|
Post: #2
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:24 PM
Parent: #1
الأغرب من ذلك أن الفيروسات لم تقتصر فقط على الكومبيوتر
لكن امتد تأثيرها لجهاز الموبايل والثلاجة والغسالة فقد تعطلت كل هذه الأجهزة جنباً إلى جنب
مع الكومبيوتر فى ذات اللحظة التى وجه فيها الهكر ضربته حتى البوتوغاز
ماذا افعل لكنها مصيبة الهكر الذى أصاب الكومبيوتر وما جاوره
وهذا دلالة أن الهكر قد تخطى اسفيريته ....
وأصبح مجسدا طائرا مثله مثل أنثى الأنفولنيس فى ملاريتها المشهودة
لقد أصبح الفيروس الرقمى مثل الحمى إذا ضرب جهازا تداعت له كافة الأجهزة
حتى المكواة التصقت بالثوب وعملت استك أب ولم يشفع لها جدارها النارى
بمقاومة ذلك الفيروس الشامل ولكن
"نواصل
|
Post: #5
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:26 PM
Parent: #2
ولكن....رأيت فيما يرى النائم .
.مغنياً اصابه الفيروس اللعين وهو يلعلع بأغنية يقول فيها"
هكرنى يا غالى الحروف
وفجأة يتمتم بكلمات غير مفهومة ليعود ويغنى
حبيبى هكرنى وأنا اهكرليك
بالماوس أو بكليكات ليك
وفجأة يصيح المغنى بأعلى صوته "
من طرف الجهاز جانى اجمل ماسنجر
يحكى لرامو فيها وقال فرمتو قايل..
قال فرمتو قااااايل ......
لا لا لا لا
|
Post: #6
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:29 PM
Parent: #5
هرول أهل الحفل لعمل فورمات للمغنى لكنه أصر قبل الفرمته
أن يحضروا عشاء الفنانين..أحضروا العشاء لكن الضلع أصابه الفيروس فأصبح عظماً
واختفى لحمه فى ظروف غامضة.. ونعود الى كومبيوترى ولكن بعد
الفاصل
فاصل ونرجع نتواصل
|
Post: #8
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:31 PM
Parent: #6
عدنا..
ولكن بعدان تعرضت كل أجهزة المنزل للفيروس الهكرى العنيد
وكما هو معتاد فإن علاج الفيروس يتم عادة بعمل فورمات للجهاز
لكننى احتاج الآن لعمل فورمات لجميع ما بمنزلى فماذا عساى فاعلة الآن
عمل فورمات للمنزل يعنى طلاء المنزل بالكامل
بال
Fire wall
|
Post: #3
Title: Re: يحكى لرامو فيها....... وقال فرمتو قايل..
Author: ود الباوقة
Date: 02-17-2009, 11:26 PM
Parent: #1
تدمير اسرائيل لأنفاق غزة
ناهد ..
كويس مافي حرب برية ....
|
Post: #9
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:40 PM
Parent: #3
| Quote: كويس مافي حرب برية .... |
ياود الباوقة ياخوى
حتشوف فى الجيل القادم
من الفايروسات دى
انها حتتمكن كيف من شن حرب شوارع
|
Post: #4
Title: Re: يحكى لرامو فيها....... وقال فرمتو قايل..
Author: ASHRAF MUSTAFA
Date: 02-17-2009, 11:26 PM
Parent: #1
كفارة يا ناهد
انتي بالزات ما تستاهلي والله
اريتها لو جات فيني انا افداكي بيها
لكن لا تياسي
فالنصر قادم لا محالة
|
Post: #7
Title: Re: يحكى لرامو فيها....... وقال فرمتو قايل..
Author: ود الباوقة
Date: 02-17-2009, 11:31 PM
Parent: #4
كويس برضو يا ناهد الماغنا ..
با الهكروك علي هكر هكرين شوية ....
|
Post: #12
Title: Re: يحكى لرامو فيها....... وقال فرمتو قايل..
Author: اميمة مصطفى سند
Date: 02-17-2009, 11:52 PM
Parent: #7
بت بشير الطيب
كفارة والحمد لله ما ضرب
جهاز محمد أو موبايلات البنات
|
Post: #13
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:58 PM
Parent: #12
Quote: ]
كفارة والحمد لله ما ضرب
جهاز محمد أو موبايلات البنات |
اها ده كمبيوتر الاولاد يااميمة ....
ولا مايفوتك كمان اى زول عمل لى بلوك فى الماسنجر
لانه جهازه بيتهكر منى...... تخيلى روعة المنظر
يعنى انا حاملة فايروس .....
غايتو خليك بعيدة منى كم يوم كده ....
واحمدى الله انه الضربة الجاتك كانت خفيفة ...
هسى يعنى نحفظ الملفات تانى وين يعنى
|
Post: #15
Title: Re: يحكى لرامو فيها....... وقال فرمتو قايل..
Author: اميمة مصطفى سند
Date: 02-18-2009, 00:11 AM
Parent: #13
| Quote: غايتو خليك بعيدة منى كم يوم كده .... |
من يوم ما قلتي لي في مشكلة وأنا زايغة منك
كفاية الموقع الاديتيني ليهو والعملو فيني
يا ربي الهاكرز سمعني وطلع ولد ناس معاي
وخلص لي حقي منك...
أها مع التهكير الحاصل ده كوووووم الشمار أفتو مع منو؟؟
|
Post: #16
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-18-2009, 00:25 AM
Parent: #15
Quote: ]
من يوم ما قلتي لي في مشكلة وأنا زايغة منك
|
لا هو مابقى هكر بتاع بيت
الا عاد ماتجينى انتى
من زمن اسفيريته
Quote:
من يوم ما قلتي لي في مشكلة وأنا زايغة منك
كفاية الموقع الاديتيني ليهو والعملو فيني
؟؟ |
اها الموقع ده البيسجل فيه مابيقدر يعمل خروج
ماعارفة ليه .....
Quote:
يا ربي الهاكرز سمعني وطلع ولد ناس معاي
وخلص لي حقي منك...
|
محمد معانا ماتغشانا ..
|
Post: #17
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-18-2009, 00:28 AM
Parent: #16
أها مع التهكير الحاصل ده كوووووم الشمار أفتو مع منو؟؟
____________________________________________________________
بجيك بالدرب
لكن المشكلة انا فى ذات روحى مهكرة
وجع حلق وماشابه
|
Post: #10
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:47 PM
Parent: #4
Quote:
انتي بالزات ما تستاهلي والله
اريتها لو جات فيني انا افداكي بيها
لكن لا تياسي
فالنصر قادم لا محالة |
عارف نحن كم هنا نفس المصيبة دى
عشرات وعشرات....مشاكل يومية
هكر ...ومستندات وصور وفايلات
ولابتوب عاوز ليه سى دى روم......
وواحد مابشتغل نهائى
والعمل يعنى نشتكى لمنو ونقول شنو
وحاجاتنا وين....
على قول خضر الله فى ......
ياخى حضرت ليك اغنية لشنطتك الضائعة دى
اها الهكر قضى على اخضر ويابس اى حاجة
وكدى
ونستنى النصر لكن من وين ومن منو
برضو نقول يارب......
|
Post: #11
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-17-2009, 11:52 PM
Parent: #10
Quote:
كويس برضو يا ناهد الماغنا ..
با الهكروك علي هكر هكرين شوية .... |
دى لسه عند الملحن ......
لما تطلع نشوفها كيف حتجى
غايتو بس الشكية لى الله بس
|
Post: #14
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-18-2009, 00:05 AM
Parent: #11
غايتو يااستاذ حيدر قاسم يادوب حسيت
بماساتك ......
ياخى ده شىء عجييييييييب
حاجات ليها سنين بجمع فيها
بالله فى لمح البصر ماالقاها
|
Post: #18
Title: Re: يحكى لرامو فيها....... وقال فرمتو قايل..
Author: ابراهيم قناوي
Date: 02-18-2009, 07:33 AM
Parent: #14
أستاذة ناهد يا قريبتي
سلامات ياخ
والله الهكر ده ما عندو ذوق
يعني عميان من ناس ود الصايم ديل؟؟
غايتو جنس غايتو
والهكرك في كمبيوترك سامحك
بس يبعد عن المطبخ
|
Post: #21
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-18-2009, 11:47 AM
Parent: #18
Quote:
والله الهكر ده ما عندو ذوق
يعني عميان من ناس ود الصايم ديل؟؟
غايتو جنس غايتو
|
تقول شنو بس ....الحياة دى ماقسم وكده
هو ود الصايم بقى يحاور الهكر وش لوش .....
اها انت حليت مشكبتك كيف
|
Post: #19
Title: Re: يحكى لرامو فيها....... وقال فرمتو قايل..
Author: هاشم أحمد خلف الله
Date: 02-18-2009, 07:51 AM
Parent: #1
ناهد الحبيبة كفارة وسلامتك
والله ما رضيناها ليك تغمر الدمعات عينيك
شدة وتزول إن شاء الله .
|
Post: #20
Title: Re: يحكى لرامو فيها....... وقال فرمتو قايل..
Author: العوض المسلمي
Date: 02-18-2009, 08:14 AM
Parent: #19
Quote: لكننى احتاج الآن لعمل فورمات لجميع ما بمنزلى فماذا عساى فاعلة الآن
عمل فورمات للمنزل يعنى طلاء المنزل بالكامل |
ناهد سلام والف تحيه ,,
الحصل ده حصل عليه نفسه وبالكربون ,,,
وبعد الفورمات ما تنسي الابديت ,,,
|
Post: #23
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-18-2009, 02:01 PM
Parent: #20
Quote: الحصل ده حصل عليه نفسه وبالكربون ,,,
وبعد الفورمات ما تنسي الابديت ,,, |
العوض اخوى
اختك بقت خبيرة فى التكنلوجيا خلاص
بالله الناس بيقروها فى 4 سنين وشوية
هكر يجيك يخليك تتعلم تصلح فى 8 ساعات متواصلة
عارف
حاارجع زى زمان للورق
حااطبع اى حاجة واعمل ملفات ورقية وبلاستيكية
وضد الكسر والسرقة بوضعهم فى شنطة جلد عااادية هههه
________________
فى انتظار الجمعة والدعوات الصادقات
شكرا عوض
|
Post: #22
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-18-2009, 01:57 PM
Parent: #19
Quote: .
ناهد الحبيبة كفارة وسلامتك
والله ما رضيناها ليك تغمر الدمعات عينيك
شدة وتزول إن شاء |
رب ضارة نافعة
بقينا خبراء فى التكنلوجيا
من كترة زيارة الهكر
وعمل مايلزم عمله....
الا المرة دى الضربة قاضية
غايتو بنصحك
اعمل تامين لحاجاتك وقصائدك
|
Post: #24
Title: Re: يحكى لرامو فيها....... وقال فرمتو قايل..
Author: Ashraf Abdel-Muty
Date: 02-18-2009, 03:35 PM
Parent: #22
يا ريت بدالك اكون انا و اكون فداك و عنك اشيل كل الضنا
|
Post: #25
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-18-2009, 03:49 PM
Parent: #24
| Quote: ريت بدالك اكون انا و اكون فداك و عنك اشيل كل الضنا |
ياخى انشاءالله ولا واحد فينا
دى كارثة عظيمة اصابت اغلب الاخوان والاخوات هنا
غايتو نشيل الصبر بس
المشكلة التعويضات من وين وعند منو
|
Post: #26
Title: Re: يحكى لرامو فيها....... وقال فرمتو قايل..
Author: انور التكينة
Date: 02-20-2009, 10:49 AM
Parent: #25
ناهد السمحة
ان شاء عين الياباك
يا اختى خليك من الاحتياطات التكنولوجية و سوى ليك ورقة كاربة تحفظك من عين خلقو .... حروفك ...تعابيرك ....خيالك ....
و ما يصدر عنك الا جميل و معيون
عين السواد ا يمة ...
التعديل لزوم تصحيح خطأ املائى
|
Post: #27
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-20-2009, 11:57 AM
Parent: #26
Quote: ان شاء عين الياباك
يا اختى خليك من الاحتياطات التكنولوجية و سوى ليك ورقة كاربة تحفظك من عين خلقو .... حروفك ...تعابيرك ....خيالك ....
و ما يصدر عنك الا جميل و معيون
عين السواد ا يمة ...
|
الحافظ الله ياانور
وتسلم والله من كل شر يااارب
لكن ماتطمن لاجهزة الكمبيوتر نهاااااااائى
وارجع زى زمان نلم حاجاتنا فى الورق
والفايلات ....دى احسن طريقة
لاسيديهات نافعة ولا فلاشات نافعة
غايتو حسب حالتى
وقال فرمتو قااااايل
|
Post: #28
Title: Re: يحكى لرامو فيها....... وقال فرمتو قايل..
Author: محمد عبد الماجد الصايم
Date: 02-20-2009, 12:33 PM
Parent: #27
دا شنو يا ناهد
أنتي قاعد تسطلي معانا إسفيريا ولا شنو!
ياخ حالتكـ دي أخير منها الهكر والله
قلت لي الحاجات كلها ضربت!
هي كـدا غايتو .. سبحان الله
لمن تبوظ حاجة في البيت .. تتداعى له سائر الأجهزة
ابتداء من الفيوزات إلى الهاردسكات
ياخ الهكر دا أنا وصيتو لي زول تاني
شكلو كــدا دقـس وجا لافي بي حارتكم!
عموما كــدا
ممكن نعمل صندوق ونديكـ الصرفة الرابعة .. بنفع؟
|
Post: #29
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-20-2009, 12:40 PM
Parent: #28
هي كـدا غايتو .. سبحان الله
لمن تبوظ حاجة في البيت .. تتداعى له سائر الأجهزة
ابتداء من الفيوزات إلى الهاردسكات
_____________________________
حتى انا ماسلمت من ضربته
بقانى .....عياااانة .....
هكر الدمار الشامل ده
هسى البيعوضنى منو عن الدمار ده
بكرى ولا الهكر
ماتقول لى
لايجوز....
|
Post: #30
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-20-2009, 12:43 PM
Parent: #29
ياخ الهكر دا أنا وصيتو لي زول تاني
شكلو كــدا دقـس وجا لافي بي حارتكم!
_______________________________________________________
لا
هو فعلا مشى لغاية اميمة سند
لكن اداها خبطة خفيفة كلفتها
فرمته بس بى 50 ريال
ماتقول لى مااميمة ههههههه
|
Post: #31
Title: Re: يحكى لرامو فيها....... وقال فرمتو قايل..
Author: ناهد بشير الطيب
Date: 02-20-2009, 12:46 PM
Parent: #30
ممكن نعمل صندوق ونديكـ الصرفة الرابعة .. بنفع؟
_____________________________________________________-
بتنفع
التحويل طوالى على بنك الراجحى اى فرع
مامشكلة حساب رقم
7777777777
|
Post: #32
Title: Re: يحكى لرامو فيها....... وقال فرمتو قايل..
Author: ismeil abbas
Date: 02-20-2009, 01:24 PM
Parent: #31
ألأخت/ناهد.السلام عليكم
Quote: حتى انا ماسلمت من ضربته
بقانى .....عياااانة .....
هكر الدمار الشامل ده
هسى البيعوضنى منو عن الدمار ده
بكرى ولا الهكر
|
طبعآ أخوك عارف السبب............الله يستر علينا............
كفارة ليك....وإن شاء الله ربنا يعوضك فى مالك وصحتك..لكن الفيك إتعرفت..منك خوف.....
إسماعيل محمد احمد عباس....
|
Post: #33
Title:
Author: كمال ادريس
Date: 02-20-2009, 01:42 PM
Parent: #1
اختي ناهد الجاتك في كمبيوترك سامحتك ... لكن يظهر ان الفيروس او الهكر عرف انكم مغتربين وعايز يتجمل معاكم عشان ترسلو القديم للبلد.... على العموم عندك خيارات كتيرة لجهاز جديد.... اما من الجمعية او من الرابطة .... اها اخترتي منو.... نحنا جاهزين وماتكلمي زول.
|
|