Post: #1
Title: ينشبك فيكم العدو......
Author: ود الباوقة
Date: 02-17-2009, 10:49 PM
كيكي لتوليع النار ....
ود ابو كدوك لتحميس الطار ....
الفريطيق دينق شيال حال ...
صلاح ليون ونابري كورااااال ....
|
Post: #2
Title: Re: ينشبك فيكم العدو......
Author: ود الباوقة
Date: 02-17-2009, 10:53 PM
Parent: #1
اشكر كل الذين تضامنوا معي في صد الهجمة التترية المغولية ...
ود الباوقة
|
Post: #3
Title: Re: ينشبك فيكم العدو......
Author: حليمة محمد عبد الرحمن
Date: 02-17-2009, 10:59 PM
Parent: #2
بس؟؟؟؟؟!!
|
Post: #4
Title: Re: ينشبك فيكم العدو......
Author: ود الباوقة
Date: 02-17-2009, 11:01 PM
Parent: #3
بس؟؟؟؟؟!!
" بث "
|
Post: #5
Title: Re: ينشبك فيكم العدو......
Author: ود الباوقة
Date: 02-17-2009, 11:17 PM
Parent: #4
يعني بوست يمشي الصفحة التالتة وتحصلوه ( تنكتوه ) تاني .. الا تكونوا طالبين صاحبو فلوس .....
|
Post: #6
Title: Re: ينشبك فيكم العدو......
Author: حواء سليمان ابراهيم
Date: 02-17-2009, 11:29 PM
Parent: #5
والللللللللليلة
يا ود الباوقة يا اخوك
هسه أنت براك نكت الجماعة الديل
عليك الله فى زول عاقل يفتش للمحن ؟؟؟؟
غايتو انا من هسع متضامنة معاك فى محنتك الجديدة دى
بس ما تبقى عليك زرة صحبك داك
غايتو الليلة شد حيلك وارجى الراجيك
|
Post: #7
Title: Re: ينشبك فيكم العدو......
Author: ود الباوقة
Date: 02-17-2009, 11:35 PM
Parent: #6
عليك الله يا حواء ما تبعدي مني ....
|
Post: #8
Title: Re: ينشبك فيكم العدو......
Author: حواء سليمان ابراهيم
Date: 02-17-2009, 11:39 PM
Parent: #7
قاعدة قريييب
بس ما تخذلنى ونبقى فى النكيت من صفحات
حلة ورا
|
Post: #9
Title: Re: ينشبك فيكم العدو......
Author: ود الباوقة
Date: 02-17-2009, 11:43 PM
Parent: #8
بس ما تخذلنى ونبقى فى النكيت من صفحات
حلة ورا
اوعدك مابنكت واذا نكتا بنكت من حلة قدام ....
|
Post: #10
Title: Re: ينشبك فيكم العدو......
Author: ود الباوقة
Date: 02-17-2009, 11:49 PM
Parent: #9
غايتو يا حواء كتر خيرك لو ما انتي كان رحت شمار في مرقة ...
|
Post: #11
Title: Re: ينشبك فيكم العدو......
Author: ALazhary2
Date: 02-17-2009, 11:50 PM
Parent: #9
*
*
ود الباوقة المصحيك لحدي هسع شنو؟ إنت بكرة ماعندك دوام؟
ولا دوام بكرة خفيف (ربوع وكده)
وعلى قولة الشاعر :
يضيق صدري لا طرت ليلة السبت// ليت الليالي كل أبوها ربوعيِ
:) الشعر هنا بقول بضايق بالحيل يوم الجمعة في الليل (ليلة السبت) عشان صابح شغل وبداية إسبوع ياريت كل الليالي ربوعي .
يوم الربوع = يوم الأربعاء
وطبعا لأن يوم الأربعاء هو نهاية العمل الأسبوعي ويعقبه خميس وجمعة إجازة . بالله شوفوا الشاعر الكسلان ده؟
وجه ضاحك حتى بدت اللوز والضروس واللهاة :)
.
.
|
Post: #12
Title: Re: ينشبك فيكم العدو......
Author: ود الباوقة
Date: 02-17-2009, 11:58 PM
Parent: #11
ود الباوقة المصحيك لحدي هسع شنو؟ إنت بكرة ماعندك دوام؟
حبيبنا الازهري ..
الجماعة ديل لازم نباغتهم ..
ما سمعت بالمغيرات صبحا ..
اها تصبح على خير ..
عليك الله يا الازهري تخلي بالك من البوست دا .. حواء دي ما عليها تكل ...
|
Post: #13
Title: Re: ينشبك فيكم العدو......
Author: ناهد بشير الطيب
Date: 02-18-2009, 00:02 AM
Parent: #12
Quote:
عليك الله يا الازهري تخلي بالك من البوست دا .. حواء دي ما عليها تكل ... |
الله معاكم الازهرى ده قبيل ودع خلاص
بقعد ليكم بى جاى اصلوا راجية
محمد يجى
ماتسالنى تقول لى محمد ده منو
|
Post: #22
Title: Re: ينشبك فيكم العدو......
Author: ود الباوقة
Date: 02-18-2009, 07:07 AM
Parent: #13
الله معاكم الازهرى ده قبيل ودع خلاص
بقعد ليكم بى جاى اصلوا راجية
محمد يجى
والله يا ناهد قعادك اخير عدمو..
هس شوفي ( النتمتي) الفكيتيو وراك دا...
كان اخير حواء والله .. لكن نسوي شنو...
بقعد ليكم بى جاى اصلوا راجية
محمد يجى
ماتسالنى تقول لى محمد ده منو
محمد عارفو يا ناهد مش محمد قاعونة ....
شكرا ناهد ....
|
Post: #14
Title: Re: ينشبك فيكم العدو......
Author: saif massad ali
Date: 02-18-2009, 00:04 AM
Parent: #12
اها ياود الباوقة
دفنت تاني زول وما عارف دفنتوا متين
|
Post: #15
Title: Re: ينشبك فيكم العدو......
Author: Abdulbagi Mohammed
Date: 02-18-2009, 00:14 AM
Parent: #14
| Quote: يعني بوست يمشي الصفحة التالتة وتحصلوه ( تنكتوه ) تاني .. الا تكونوا طالبين صاحبو فلوس ..... |
كه كه كااااااااااااااااااااااااااااااااااااااااااااااااااااااااااااااااه
الوجوه الضاحكه ما بتكفي
|
Post: #16
Title: ينشبك فيكم العدو......
Author: سفيان بشير نابرى
Date: 02-18-2009, 02:05 AM
Parent: #1
تحية طيبة أخي ود الباوقة
ليس هذه الطريقة هي الطريقة الاسلم
في ما اتيت به وكل ما تفعله في هذا
الامر يوضح مكابرتك وعنادك ويوضح هوان
نفسك عليك وارتضأئك بما فعلته بك مجموعة
السفارة فانت الذي اتيت وكتبت هذا :-
Quote: المواطن محمد ابراهيم ( يرحمه الله ) من ابناء منطقة الدامر كان يعمل بسيارته الخاصة
في نقل طالبات عندما داهمته كومة السكري فقامت الطالبات باسعافه الى مستشفى الايمان حيث توفي بها .
لا يوجد اي عنوان او تلفون للمرحوم حتى يتسنى للمستشفي الاتصال به . فقامت بالاتصال بالسفارة السودانية موضحة وجود جثة مجهولة الهوية لمواطن سوداني
وعلى الفور قامت السفارة بارسال مندوب لها وهوالموظف ماجد على عثمان . ذهب الاخ ماجد الى المستشفى وفعلا لم يجد مع ادراة المستشفى اي عنوان يوصل الى اهل الفقيد . بعدها قامت السفارة بجهود مضنية حيث تم التوصل الى من يسكن معهم الفقيد وعند الاتصال بهم اوضحوا بانهم بحثوا عنه في كل مكان عدا مستشفى الايمان حيث انهم يجاورنه السكن ( حي خنشليلة)
المرحوم ليس له قريب هنا بالمملكة فقامت السفارة بالاتصال باهله بالسودان حيث تم ارسال توكيل من لصديق المرحوم
لكي يقوم باتمام اجراءات الدفن كل ذلك تم بواسطة السفارة والمستندات التي تثبت ذلك موجودة بحوزتها وسنقوم بانزالها هنا .
قامت السفارة باتمام كافة اجراءات الدفن مع الجهات المختصة بالسعودية ( الوثائق موجودة ) طرف السفارة
بعد الانتهاء من كافة الاجراءات طلبت السفارة من اصدقاء الفقيد ان يكون الدفن يوم الجمعة حتى يستطيع جميع طاقم
السفارة من حضور التشييع . الا ان الدفن كان يوم الاربعاء الماضى مع ذلك شارك في الدفن بعض اعضائها.
هذا ما لزم توضيحه ونسال الله الستر في الدنيا والاخرة .. |
وطلع كل حديثك هذا مجرد كذب ونفاق ولم تثبت الأمر حين أنبرى لك الاخوة هنا في هذا البوست :-
توضيح من السفارة السودانية حول ملابسات وفاة المواطن محمد ابرهيم ...
ولم تأتي باي مستندات أو وثايق بل ذهبت لمواصلة مكابرتك
والأن تريد أن تواصل في ذات نهجك في المكابرة والنفاق
أني اربا بك مما أنت فيه يا ود الباوقة وليس بينى وبينك
إي تار لكني احسبك أنسان وتخطي وتدافع عن ناس يكذبون ويورطون
غيرهم وانت خير دليل وقد تبين لك امر هؤلا الناس جلياً فلما العناد ؟
لما ؟
ود الباوقة لو انك واصلت هذا الامر إلي يوم يرث الله الارض وما عليها
فما لك إلا أن تعترف بالحقيقة وتعتذر للمرحوم واهله ولزملايك هنا
وتعتذر للأخت سناء بكل شجاعة .
وكُن بخير .
|
Post: #17
Title: Re: ينشبك فيكم العدو......
Author: برير اسماعيل يوسف
Date: 02-18-2009, 02:25 AM
Parent: #16
Quote: فما لك إلا أن تعترف بالحقيقة وتعتذر للمرحوم واهله ولزملايك هنا
وتعتذر للأخت سناء بكل شجاعة . |
العزيز / سفيان بشير
سلام يا صاحبي و كيف حال ناس الضفة الغربية ...
و الله يا سفيان لم اتمالك نفسي من الضحك المبكي و انت تطالب ود الباوقة بان يعتذر للمرحوم ... هذا نبل ما بعده نبل يا سفيان... الاعتذار للمراحيم و المرحومات... يا سفيان يا اخوي ... هؤلاء القوم لا يعتذرون (للاحياء)!! ... فما بال الاعتذار للاموات... الله يجازي الكان السبب...
ارقد عافية يا سفيان و مع فائق مودتي.
|
Post: #18
Title: Re: ينشبك فيكم العدو......
Author: حواء سليمان ابراهيم
Date: 02-18-2009, 02:49 AM
Parent: #17
| Quote: عليك الله يا الازهري تخلي بالك من البوست دا .. حواء دي ما عليها تكل ... |
يعنى هسع بقيت ما علي تكل ؟؟؟؟
سمح !!!!
اهو ازهرى فات خلاك
الله يصبح الواطة ويجوك بقية الرهط
( العقد الفريد)
|
Post: #19
Title: تنشبكو
Author: سفيان بشير نابرى
Date: 02-18-2009, 03:26 AM
Parent: #1
اخي ود الباوقة اعذرني في الرد
علي الاخ برير داخل بوستك .
Quote: العزيز / سفيان بشير
سلام يا صاحبي و كيف حال ناس الضفة الغربية ...
و الله يا سفيان لم اتمالك نفسي من الضحك المبكي و انت تطالب ود الباوقة بان يعتذر للمرحوم ... هذا نبل ما بعده نبل يا سفيان... الاعتذار للمراحيم و المرحومات... يا سفيان يا اخوي ... هؤلاء القوم لا يعتذرون (للاحياء)!! ... فما بال الاعتذار للاموات... الله يجازي الكان السبب...
ارقد عافية يا سفيان و مع فائق مودتي. |
سلام يا برير سلام يا صديقي والذي بيننا في شوق عظيم لك
أتمني انك تراسلني او تتصل علي تلفوني موجود في البروفائل
ارقد عافية فالوعد ان نلتقي في الحياة يا صديقي.
ود الباوقة يا اخي
سوف اسحب مداخلتي هذه حين
يرد علي الاخ برير
فقط يا عزيزى ود الباوقة حكم عقلك وقلبك وتقدم
بشجاعتك وقر بما وقعت فيه .
اخوك سفيان .
|
Post: #20
Title: Re: تنشبكو
Author: أيمن الطيب
Date: 02-18-2009, 06:07 AM
Parent: #19
Quote: كيكي لتوليع النار ....
ود ابو كدوك لتحميس الطار ....
الفريطيق دينق شيال حال ...
صلاح ليون ونابري كورااااال .... |
الإخوة المذكورين أعلاه,,,
أرجو أن تعتبروا هذا البوست بمثابة بادرة للنوايا الحسنة,,,أو بلغة
أخرى,,,محاولة للتهدئة حيث أنه أخينا ود الباوقة عجز عن أن يقول أنه
قد غرر به وإنه أخطأ حين إعتقد أن ما قيل له فى السفارة هو الحقيقة
المجردة لما حدث وقتها,,,,,
ونرجو أن يضع بقية الإخوة المتداخلين :
حليمة
ناهد
حواء
عبدالباقى
برير
سفيان نابرى
سيف مساعد
أبوالزهور
كلمات أخونا ودالباوقة أعلاه نصب أعينهم خاصة بعد ما الشغلانة جابت ليها
(نكتى) عن سابق قصد وترصد خاصة من ود الأربعين بتاع بانت داك من أضابير
البورد الخلفية,,فهذه المسألة غير إنسانية ,,,
بالمرّة!!!
تحياتى ورفقا بأخينا ود الباوقة,,,
يا حليمة(BBC)إختصار لشنو؟؟؟ بس ما تقولى لى British Broadcasting Corp!!!!!
|
Post: #21
Title: Re: تنشبكو
Author: صلاح ليون
Date: 02-18-2009, 07:03 AM
Parent: #20
اخي ايمن الطيب
فهمنا والله الكلام بتاع ود الباوقة
بس كان ممكن بعد ظرافتو دي وبكل
بساطة وما بتكلفو حاجة يقول أن:
1/ السفارة قصرت ثم قصرت ثم كذبت
2/ أنا تسرعت وما تحريت..
والله ما كان جرينا ولا تعبنا التعب
ده كلو ، والغريب في الامر أن السفارة
مقصرة من غير ما يجي ويقول ...
|
Post: #23
Title: Re: تنشبكو
Author: Nader Abu Kadouk
Date: 02-18-2009, 07:18 AM
Parent: #21
الزملاء الاحباب
الزول د لازمو إجي هنا ويوضح الصوره
و يقدم إإعتذار واضح
غير كده ما عندو اي طريقه
|
Post: #24
Title: Re: تنشبكو
Author: أيمن الطيب
Date: 02-18-2009, 07:20 AM
Parent: #21
صلاح ليون,,
سلامات يا باشمهندس,,,
عذرا فقد سقط إسمك سهوا,,,
من قائمة محبى (النكتى),,,,Quote: بس كان ممكن بعد ظرافتو دي وبكل
بساطة وما بتكلفو حاجة |
يعنى يا اخوانا إنتو الواحد إلآ يقول ليكم أنا رقدت القش!!!!ما خلاص
أهو واضح,,,
تحياتى يا باشمهندس,,
شكلكم كلكم كنتم أبطالا!!!
فى لعبة (السورو)....
|
Post: #25
Title: Re: تنشبكو
Author: Nader Abu Kadouk
Date: 02-18-2009, 07:39 AM
Parent: #24
|
Post: #26
Title: Re: تنشبكو
Author: ود الباوقة
Date: 02-18-2009, 08:52 AM
Parent: #19
ود الباوقة يا اخي
سوف اسحب مداخلتي هذه حين
يرد علي الاخ برير
اخونا نابري .
يا زول البوست بوستك اجدع فيهو زي ما داير ...
خد راحتك ...
حرم لو داير توديهو الخور ما عندي مانع ....
|
Post: #27
Title: Re: تنشبكو
Author: العوض المسلمي
Date: 02-18-2009, 09:32 AM
Parent: #26
ودالباوقه سلام
يا اخوي روق شويه وادي الشباب فرصة لمراجعة النفس ,,,,
|
Post: #28
Title: Re: تنشبكو
Author: Nader Abu Kadouk
Date: 02-18-2009, 09:58 AM
Parent: #27
| Quote: يا اخوي روق شويه وادي الشباب فرصة لمراجعة النفس ,,,, |
العوض
مين براجع نفسو
إتقي الله يا رجل
|
Post: #29
Title: Re: تنشبكو
Author: محمد عبد الماجد الصايم
Date: 02-18-2009, 10:12 AM
Parent: #28
أبو كدوكـ!
هدي اللعب شوية يا عمكـ
مالو نفسكـ قايم كــدا؟
|
Post: #30
Title: Re: تنشبكو
Author: Nader Abu Kadouk
Date: 02-18-2009, 10:21 AM
Parent: #29
Quote: هدي اللعب شوية يا عمكـ
مالو نفسكـ قايم كــدا؟ |
ود الصايم
نفسي هادي يا حبيب
ود الباوقه كضب
وكمان اهان واحده زميله هنا
اجي العوض يطالب الشباب بمراجعة النفس
مش لي حق
|
Post: #31
Title: Re: تنشبكو
Author: محمد عبد الماجد الصايم
Date: 02-18-2009, 10:36 AM
Parent: #30
طيب سوق براحة ياخ!
|
Post: #32
Title: Re: تنشبكو
Author: حواء سليمان ابراهيم
Date: 02-18-2009, 11:58 AM
Parent: #31
| Quote: غايتو يا حواء كتر خيرك لو ما انتي كان رحت شمار في مرقة ... |
خيرك الاكتر ياخى
هو إنت لسع ما رحت شمار فى مرقة ؟؟؟؟
يا أخى دا انت رحت وحار دليلك
الرأى انك تعمل تراضى مع العقد الفريد الذكرتكم
ديل ويا دار ما دخلك شر .وكلامى دا ما تاباه
ينفعك يوم لا ينفع بوستات
|
Post: #33
Title: Re: تنشبكو
Author: عبدالكريم الامين احمد
Date: 02-18-2009, 12:06 PM
Parent: #32
هلا يا شبيبة
وحضرنا الي مجلس الشبك هذا..
وكنت امني نفسي برؤية مستندات او اعتذارولكن يبدو انني في سراب بقيع..
والقول يا ود الباوقة ما قاله ابوكدوك والليون وسفيان و دينق
وجالسين القرفصاء طويلا في انتظار الاعتذار
|
Post: #34
Title: Re: تنشبكو
Author: ود الباوقة
Date: 02-18-2009, 12:22 PM
Parent: #31
طيب سوق براحة ياخ!
والله يا ود الصايم يا اخوي جاتنا ( فلايت ) من سوقتو الكعبة دي ..
كمان على العليهو الشارع كلو مطبات وحفر وموية مطرة...
|
Post: #36
Title: Re: تنشبكو
Author: العوض المسلمي
Date: 02-18-2009, 12:31 PM
Parent: #28
اخي ابكدوك سلام
Quote: العوض
مين براجع نفسو
إتقي الله يا رجل |
شكرا للتنبيه ,,, وثانيا مراجعة النفس لاتعني ان المرء علي خطا ,,,,
وكلامي لودالباوقة تهدئة جو حتي لا يصل لمرحلة تصعب فيها قبول العذر ,,,
ولك العتبي حتي ترضي
|
Post: #37
Title: Re: تنشبكو
Author: Nader Abu Kadouk
Date: 02-18-2009, 03:27 PM
Parent: #36
| Quote: وكلامي لودالباوقة تهدئة جو حتي لا يصل لمرحلة تصعب فيها قبول العذر |
اخي العوض
شكراكتير لحسن نواياك
اسف للرد العنيف
اكرر اسفي
|
Post: #38
Title: Re: تنشبكو
Author: محمد عبد الماجد الصايم
Date: 02-18-2009, 03:38 PM
Parent: #37
عشان كــدا يا عمكـ
قلنا ليكـ سوق براحة
وشوف إنت شايت وين!
|
Post: #35
Title: ينشبك ...
Author: سفيان بشير نابرى
Date: 02-18-2009, 12:28 PM
Parent: #1
Quote: اخونا نابري .
يا زول البوست بوستك اجدع فيهو زي ما داير ...
خد راحتك ...
|
كتر خيرك يا ود الباوقة
مابتقصر تب
وياها المحريه فيك
وانا لما ادخل حتات الاخوان
لازم استأذن واطلب الأذن
بس
| Quote: حرم لو داير توديهو الخور ما عندي مانع .... |
الخور ده ما معانا جد جد لانك يا ود الباوقة غلطه وصدقنى
انا شخصياً مستوعب أنك غلطه بس المحيرني أنك ليه بعد غلطتك دي
ما عايز تعترف ؟
ياخ كدي اسمع كلام اخوك صلاح ليون ده :-
Quote: وبكل
بساطة وما بتكلفو حاجة يقول أن:
1/ السفارة قصرت ثم قصرت ثم كذبت
2/ أنا تسرعت وما تحريت..
|
ونمره 3 دى منى انا :-
3/ تعتذر للأخت سناء لانو بصراحة هي ما قالت اكتر
من القالوها بقية الزملاء من الشباب والرجال .
يا ود الباوقة انت شايف الكلام ده صعب ليه ؟
يعني ما غلطان والا شنو ؟ ما اهو بشكل أو أخر
قاعد تعترف ! تعال عديل اعترف واعتذر ياخ
يازول السفارة دي أنت ما قادر تقول غشتك ولبستك
الطاقية ؟ وما قادر تقول انهم كذابين ومخادعين ؟
والله يا ود الباوقة بعد الموضوع في وش السفاره بقي
ماشي عليك عديل صدقنى جد .
وصلاح ليون وابو كدوك ما بخلوك ما بخلوك لانو انت قايلهم
مستهدفين شخصك وأنا في وجهة نظرى هم مستهدفين جوهر حديثك
ودفاعك عن السفارة .
اخوك
سفيان
|
Post: #39
Title: Re: ينشبك ...
Author: عبدالوهاب علي الحاج
Date: 02-18-2009, 05:43 PM
Parent: #35
ود الباوقة
بطل اللولوة واعتذر ( وش شمتان )
|
|