Post: #1
Title: زيادة اسعار المياه بالخرطوم بنسبة 30%
Author: هشام حسن
Date: 02-17-2009, 06:18 PM
Parent: #0
الخرطوم- الخليج:
أجاز مجلس وزراء ولاية الخرطوم مقترحا بزيادة تعريفة المياه بنسبة بلغت 30% من قيمة التعريفة الحالية وأوضحت مصادر أن الاقتراح قد أودع للجهاز التشريعي بالولاية وأضافت أن القرار لم يجد قبولا أثناء دراسته في اللجان.
وقال المهندس خالد علي خالد مدير هيئة المياه بالخرطوم أمام المجلس التشريعي إن الزيادة التي بلغت "خمس جنيهات" تحتاجها الهيئة لتأهيل الشبكات القديمة التي تعجز عن توفير ميزانية لها مبينا أن التجديد لا يشمل شبكات مركز الخرطوم بين السكة حديد والنيل حيث يتطلب تقنيات عالية ويؤثر في حركة المرور وتصل تكلفته إلى أكثر من 50 مليون جنيه.
|
Post: #2
Title: Re: زيادة اسعار المياه بالخرطوم بنسبة 30%
Author: Adam Omer
Date: 02-17-2009, 07:44 PM
Parent: #1
الاخ هشام مسـاء الخير.
عاوزين يحدثو الشبكة كلام جيد.
لكن على حساب المواطن محمد أحمد دا الما جبد.
دخل التعريفة الحالية كلو بذهب الى البند نمبر ون؟
انامل أن يحدث تغير فى مياء الشرب بعد تغير هذة الشبكة اللتى وضعت من زمن الانقيليز
ويتمتع محمد أحمد بى مياء صالحة لى الشرب وخالية من الطحالب. وتم الفصل ما بين شبكة الصرف الصحى
وشبكة مياء الشرب.
أخى هشام ســـاعدنى فى فهم ما قالو هذا الباش مهندس مدير الهيئة وشكرا
| Quote: وقال المهندس خالد علي خالد مدير هيئة المياه بالخرطوم أمام المجلس التشريعي إن الزيادة التي بلغت "خمس جنيهات" تحتاجها الهيئة لتأهيل الشبكات القديمة التي تعجز عن توفير ميزانية لها مبينا أن التجديد لا يشمل شبكات مركز الخرطوم بين السكة حديد والنيل حيث يتطلب تقنيات عالية ويؤثر في حركة المرور وتصل تكلفته إلى أكثر من 50 مليون جنيه. |
|
Post: #3
Title: Re: زيادة اسعار المياه بالخرطوم بنسبة 30%
Author: هشام حسن
Date: 02-17-2009, 08:47 PM
Parent: #2
| Quote: وقال المهندس خالد علي خالد مدير هيئة المياه بالخرطوم أمام المجلس التشريعي إن الزيادة التي بلغت "خمس جنيهات" تحتاجها الهيئة لتأهيل الشبكات القديمة التي تعجز عن توفير ميزانية لها مبينا أن التجديد لا يشمل شبكات مركز الخرطوم بين السكة حديد والنيل حيث يتطلب تقنيات عالية ويؤثر في حركة المرور وتصل تكلفته إلى أكثر من 50 مليون جنيه. |
يعني يا الحبيب الناس التحتهم خط ديل يشربوا موية الطحالب دي إلى يوم يبعثون..
في اعتقادي الشخصي إنو دي مشاريع بنيه تحتية مفروض يكون ليها الأولوية في أي ميزانية توضع.. مش يجي عوض الجاز يقول لي محمد أحمد أكرب الحزام.. ويجي أخونا يقول ح نزيد لي محمد أحمد خمسة جنيه في فاتورة الموية.. وغيرو وغيرو..
ربنا يكون في عون محمد أحمد..
|
Post: #4
Title: دولة اسبرطة
Author: اسعد الريفى
Date: 02-17-2009, 10:59 PM
Parent: #1
| Quote: وأضافت أن القرار لم يجد قبولا أثناء دراسته في اللجان |
و هكذا فعلت دولة اسبرطة ، فكان المواطن الاسبرطى يجد العزاء و السلوى فى توصيات اللجان .. إلى أن جاء الحاكم الاسبرطى سبارتكوس .. حاملا معه فلاتر رومانية !!
محمد أحمد سيدفع
و الشيكة لن تتأهل
و الطحالب ستترعرع
و البنية التحتية
و الوالى باقى
(قراءة فى دفتر الغد)
حاجات تجنن و تمحن !!
|
Post: #5
Title: Re: دولة اسبرطة
Author: Adam Omer
Date: 02-17-2009, 11:25 PM
Parent: #4
| Quote: لا يشمل شبكات مركز الخرطوم بين السكة حديد والنيل حيث يتطلب تقنيات عالية ويؤثر في حركة المرور وتصل تكلفته إلى أكثر من 50 مليون جنيه. |
الاخ هسام .
كدى أنتفاكرو فى دى!
الراجل قال الشقل دا ما بشمل مركز الخرطوم بين السكة حديد والنيل حيث يتطلب تقنيات عاليةو بؤثر على حركة المرور يعنى التقنيات البتكلم عليها دى مافى ليها طريقة.
ناس قطاع السكة حديد و مركز الخرطوم ديل المافى ليهم طريقة ديل الزيادة دى معفيين منها أم لالا
النقطة دى الباش مهندس ما وضحها و فى بلاوى كتيرة محمد أحمد ما بكون جايب ليها خبر
بس نصيحتى لى الناس ديل الزيادة الجديدى دى ما يدفعوها.
|
Post: #6
Title: Re: دولة اسبرطة
Author: SHIBKA
Date: 02-18-2009, 06:10 AM
Parent: #5
امس مش معتصم قال انو الجماعة قالوا الموية دي فيها كلام وكلام
وما نضيفة
الليلة يجوا يتفاكروا في الزيادة
طيب ينتظروا يومين تلاتة بعدين يتفاكروا
يكون الناس نسوا المواسير الطلعت مواسير دي..
حسبي الله ونعم الوكيل
|
Post: #7
Title: Re: دولة اسبرطة
Author: Hisham Ibrahim
Date: 02-18-2009, 09:28 AM
Parent: #6
الموية المويه حبيبتي المويه !!!
الا لعنة الله على الظالمين !
دا كلام مش يمحن دا كلام يجنن ! نحنا راجين الحكومه بعد السد ( القد) دا ،،
ترخي الحبل عن محمد احمد تجي تزيد الحبل عقده ؟؟
صحي كلام عثمان ميرغني لمن قال الناس ما بتهتم بـيـ إنجازات الحكومه!
لأنو عارفين الإنجاز دا بيتبعو شــــد الحبل ومزيد من الإتاوات عليهم -
الكلام دا لمن اسامه عبد الله كان عندو مؤتمر صحفي عن تشغيل كهرباء السد -
فأصبحت الصحف وهي مزينه بي أخبار مهاجرية ( آكشــــن) !!!!
صحي بلد مافيها وجيع -
يا جماعه ...
أنتو ناس كوبر ديل بشربوا من وين ؟؟
الله يشربوا الشربو جدي وما طرشو لي هسه !!
هشام
|
Post: #8
Title: Re: دولة اسبرطة
Author: أحمد الشايقي
Date: 02-18-2009, 10:19 AM
Parent: #7
Quote:
الخرطوم- الخليج:
أجاز مجلس وزراء ولاية الخرطوم مقترحا بزيادة تعريفة المياه بنسبة بلغت 30% من قيمة التعريفة الحالية وأوضحت مصادر أن الاقتراح قد أودع للجهاز التشريعي بالولاية وأضافت أن القرار لم يجد قبولا أثناء دراسته في اللجان.
وقال المهندس خالد علي خالد مدير هيئة المياه بالخرطوم أمام المجلس التشريعي إن الزيادة التي بلغت "خمس جنيهات" تحتاجها الهيئة لتأهيل الشبكات القديمة التي تعجز عن توفير ميزانية لها مبينا أن التجديد لا يشمل شبكات مركز الخرطوم بين السكة حديد والنيل حيث يتطلب تقنيات عالية ويؤثر في حركة المرور وتصل تكلفته إلى أكثر من 50 مليون جنيه. |
يرتفع سعر المياه في بلد المياه,
وتختلط المياه بالصرف الصحي من السايفونات, وتمتلئ بالمواد الخطرة ومع ذلك يرتفع سعرها
فشـل حكومي كبير
أحمد الشايقي
|
Post: #13
Title: Re: دولة اسبرطة
Author: هشام حسن
Date: 02-18-2009, 07:06 PM
Parent: #8
| Quote: يرتفع سعر المياه في بلد المياه |
أحمد الشايقي كيفنك..
في بلاد البترول.. جالون الموية أغلى من جالون البنزين.. وبما انو نحن بقينا دولة بترولية
فاااااااا مفيش حد أحسن من حد
|
Post: #12
Title: Re: دولة اسبرطة
Author: هشام حسن
Date: 02-18-2009, 07:03 PM
Parent: #7
| Quote: نحنا راجين الحكومه بعد السد ( القد) دا |
أسامة عبدالله نفى في مؤتمر صحافي أنو أسعار الكهرباء ح تزيد بعد دخول كهرباء مروي.. مع أنو السؤال مفروض يكون هل ح أسعار الكهرباء ح تنقص؟
تخريمه:
جدك شرب شنو؟
|
Post: #11
Title: Re: دولة اسبرطة
Author: هشام حسن
Date: 02-18-2009, 07:00 PM
Parent: #6
شبكه ازيك..
معتصم منو؟ الريس.. جاب ليكم صور وللا ساكت؟
Quote: يكون الناس نسوا المواسير الطلعت مواسير دي..
|
(وش ضاحك)
|
Post: #10
Title: Re: دولة اسبرطة
Author: هشام حسن
Date: 02-18-2009, 06:03 PM
Parent: #5
| Quote: ناس قطاع السكة حديد و مركز الخرطوم ديل المافى ليهم طريقة ديل الزيادة دى معفيين منها أم لالا |
والله يا آدم سؤالك دا مهم شديد.. لكن ديل ح يدفعو يعني ح يدفعو..
|
Post: #9
Title: Re: دولة اسبرطة
Author: هشام حسن
Date: 02-18-2009, 06:01 PM
Parent: #4
أسعد الريفي..
مرحب ياخي.. لكن قالوا الفلاتر الألمانية بتعمر أكتر..
يا ريت لو محمد أحمد دا بيدفع وبيلاقي مقابل لما يدفعه..
البطن ما كان فيها مغسه..
لكن...
|
|