ووجه الشبه بين البشير و"الخائن" في الفيلم الهندي

في الفيلم الهندي هناك صورة نمطية "للخائن" كشخصية يضرب بعرض الحائط أي قيمة أخلاقية في سبيل تحقيق مصالحه الشخصية السيئة فيقتل الآمنين ويغتصب النساءو يحرق المحصول ,بل يمارس كل ما لا يخطر على البال من وسائل وممارسات "بلطجية" فالطة من الاخلاق و خارجة عن حدود القانون , فيظهر شخصية "البطل" المدجج بالقيم الانسانية النبيلة ليحاصر الخائن فيهزمه في ميادين القتال العسكري والقيمى فيفقد الخائن كل اسلحته وأولهم سلاح "الرعب" الذي ينشره بين عامة الشعب حتى اذا اعيته الحيلة واصبح اخيرا وجها لوجه مع رمز القيم والاخلاق الذي يجسده شخصية البطل ' يقوم الخائن بخطف طفل او امراة لا حول ولا قوة لها فيضع السكين على عنقها ليفاوض بها ظنا منه ان في هذا المسلك خلاص له ولكن .

ولكن يفشل "الخائن" الذي تراه يرتجف من هول هلع بسبب الفظائع التى ارتكبه وبسبب ذاك الجبن المقيم في بنية أي مجرم حينما يقف وجها لوجه امام صورته الحقيقية و ليست المزيفة التي زينها له ادواته في صورة وردية في زمن الجبروت .

فما هو وجه الشبه بين البشير وادواته امثال الملاكم السوداني في الامم المتحدة عبدالمحمود
وبين شخصية "الخائن " في الفيلم الهندي

لا ينكر البشير وادواته في كل المحافل الدولية بجرائم ولا يفكرون في تفنيده رغم انهم يمنون النفس بالتعجيل
بل جوهر خطابهم "البلطجي" في محافل الحقوقية و القانونية و السياسية يرتكز الى فكرة عجيبة وغريبة: وضع سكين الخيانة في رقبة الوطن
التصريح الصريح والضمنى باحداث الفوضى واشعال حرائق اذا حاول النظام القيمي العالمى تحقيق العدالة في دارفور
اذن وسيلة البشير في مواجهة جرائمه من نفس وسائل "الخائن"
في الفيلم الهندي الفرق هو ان هناك تمثيلا وهنا حقيقة وهذا مؤسف جدا
ولكن هل من سبيل لتحقيق العدالة اذا ترك كل مجرم يمارس جرائمه بالتهديد بمزيد من الاجرام!

بالله يا دكتور اتصلح معانا
اشهر ممثل لدور الخاين الشرير
اسمه امريش بوري
متصور معاه عديل كدا
يعني قريب صاحبي

العزيز نصار
سلامات
كتير
بعدين
ياخي ما تخلي صحبك يلعب دور واحد من الجماعة ديل في بوليهود!

د . بشار ليك التحية
كلامك جميل
في الفيلم الهندي الخائن احيانا واحد واحيانا عصابة يتزعمها الخائن وهنا الخائن هو الزعيم البشير وبقية العصابة قوش ونافع وعلي وبكري و بقية العقد المجرم
اما عبد الحليم عبد المحمود يذكرني الصحاف ما بقي له الا ان يقول العلوج

هذه من ابداعات ريشة الفنان عمر دفع الله

د. سردوب
سلامات
والله عبدالمحمود ده شخية نكتة عديل كده
ياخي الزول ده لمان يقولو عليه دبلوماسى
يبقى علينا ان نسأل عن معنى الدبلوماسية!

الغالي دكتور بشار
ليك التحية
عبد المحمود مثال دبلوماسيتنا ودة مثال وزرائنا

بدون تعليق

.

دكتورنا العزير سردوب
والله ديل صور فعلا ما تحتاج الى اي تعليق
أبريالة الحرامي يبكي مرارات الهزائم التي أذاقها أياه أشاوس الثورة
في دارفور

Quote: دكتورنا العزير سردوب والله ديل صور فعلا ما تحتاج الى اي تعليق أبريالة الحرامي يبكي مرارات الهزائم التي أذاقها أياه أشاوس الثورة في دارفور

بشار
سلام
وكمان جايي تتبجح

الفلم الهندي ليه اركان
الخائن والبطل
والعوير
والعوير دي نخبة دارفور وادمان الفشل ودور المغفل النافع المزمن في السياسة السودانية المعاصرة من راتب المهدي الي راتب الترابي الي راتب اوكامبو
هل بدات معاناة السودانيين من حكومة الاخوان المسلمين او البشير سنة 2003
ام دار فور كانت القشة التي قصمت ظهر البشير

حركات دار فور دي جزء من تمثيلية المؤتمر الوطني ودجل الكيزان بين المركز والهامش
لا ارتفعت لمستوى الحركة الشعبية والحل الشامل للازمة السودانية
ولا ارتفعت لمستوى الاقليم كما فعلت جبهة الشرق
مجرد شرازم وغوغائيين من نوع اذا اعطوه رضا واذا منعوه سخط

قال فلم هندي قال
برتاش نهي بابو

عادل أمين

وين الزمن بيك

قلت لي العوير منو!?



تبدو عليك أعراض "حمى وكامبو"
حقو
تلحق نفسك قبل ما تستحفل الحالة
لانو بعد داك التريتمنت صعب خلاص

قوش في آخر تجلياته
يدعو الى قطع الرؤوس في مشهد يحسده عليه حتى الافلام الهندية
اها زي يقولوا عليه شنو يا عزيزنا د. سردوب
غايتو ده ريشة عمر دفع الله زاتها تتحير

Quote: د . بشار ليك التحية كلامك جميل في الفيلم الهندي الخائن احيانا واحد واحيانا عصابة يتزعمها الخائن وهنا الخائن هو الزعيم البشير وبقية العصابة قوش ونافع وعلي وبكري و بقية العقد المجرم اما عبد الحليم عبد المحمود يذكرني الصحاف ما بقي له الا ان يقول العلوج

الزميل د . بشار تحياتي
زي ما ذكرت ليك في الاقتباس اعلاه وقبل ما يقول كلامو دة اول افراد العصابة بعد المتهم البشير
دة الحوار الغلب شيخو
الجماعة ديل شكلهم محتاجين يجيبو يونس محمود تاني في الاذاعة ولا اقول ليك في الفضائية الفاضية

Quote: قوش في آخر تجلياته يدعو الى قطع الرؤوس في مشهد يحسده عليه حتى الافلام الهندية اها زي يقولوا عليه شنو يا عزيزنا د. سردوب غايتو ده ريشة عمر دفع الله زاتها تتحير

حسني مبارك لمان سألوه عن محنة صدام بعد تحرير كويت اللى شارك فيه مصر :- "صدام حسين ده صحبي اوى , انا نصحتو انو المارينز ما يلعبوش بس ما صدقنى "
تفتكر نصيحتو لجنرالنا المنكوب ده يكون شنو د. سردوب!?
انا شخصيا اعتقد بان المصريين حيستغلوا انبطاح الزول ده لاقصى ممكن عشان يطلعوا باكبر قدر ممكن من مكاسب بانتهازية مكشوفة في الزمن الضائع الذي يلعب فيه هذا المنكوب بلا اي جدوى
يساعده على الهروب من جرائمه وطبعا المتضرر الوحيد هو شعبنا الذي سيدفع لمكر المصريين وخبثهم فواتير مجانية اخرى

.

العزيز الدكتور سردوب
يوم 4 مارس قالوا العرض الافتتاحي

ما يفوتك
خروف صبري شريف اذا رفع اكرت الاحمر

Quote: عادل أمين وين الزمن بيك قلت لي العوير منو!? تبدو عليك أعراض "حمى وكامبو" حقو تلحق نفسك قبل ما تستحفل الحالة لانو بعد داك التريتمنت صعب خلاص

ود الغرب
قالو القليب الحرق
حرقوهو بالنار حرق د.بشار
سلام
حمى شنو وبطاطس شنو
شوف شعار خالك في صورة البروفايل
وخدلك نظرة وصلي على النبي

....
انا خايف يستعصى علاجك انت
وحانتظر 1000 سنة ضوئية عشان تستوعب يا وليد دارفور
السودان الجديد
اها وبعد اوكامبو والمحكمة الجنائية الدولية
عندكم شنو لينا...احسن من الحركة الشعبية او جبهة الشرق تقدموه

.

Quote: .مجرد شرازم وغوغائيين من نوع اذا اعطوه رضا واذا منعوه سخط

العزيز بشار
زغت مالك يا مايكل جاكسون

اذا جاءت الرياح بما لا تشتهي السفن يوم اربعة مارس

حتعمل شنو للناس المساكين بالالاف البطلعوهم ناس المؤتمر الوطني الانتهازيين في دارفور دعما للبشير وحزبه الفاسد
واضطرينا انتظار الانتخابات؟؟!!
عندك شنو توعي بيه الناس ديل.. وتغيير خياراتهم الانتخابية
...
والله يا ود الغرب
انتقلت من ام بقبق للهوت دوق ساكت
ما اتعلمت اي حاجة في السياسة الدولية

وننتظر معاك 4/مارس ونشوف نهاية الفلم الهندي ده كيف

عادل أمين
بروسنا العزيز
ما يكون مفتكر المحكمة دي خيارا سياسيا لنا
المحكمة يا عزيزي خيار عدلي
لو ما صدر المذكرة يبقى في خلل في بنية العدالة الجنائية الدولية ودي مستبعد
لاحظ يا جدع أنو حيثيات صدور مذكرة توقيف بحق احمد هارون متوفر في البشير
وبما انو مافي قرار سياسي أو ضغط دولي يؤثر في القضاء
يبقى رهانك على عدم صدور القرار رهان بعيد
ومع ذلك خياراتنا السياسية لا علاقة لها بالمحكمة التي لها مسارها المختلف وتستند الى التي حصلت من انتهاكات من قبل النظام
ان خياراتنا السياسية تحددها
رغبتنا في تحقيق حقوقنا
وتسندها قدراتنا العسكرية
وتأكد اننا سنعيد تركيب السودان على شروط العدالة والمساواة
على شروط دولة المواطنة الحقة
وعندها لن تسمع من يخرج من داخل النظام ليصرح بتقطيع الناس حتى يكبت حرياتهم
وانتظر افتتاح المارس لتشاهد الفيلم الحقيقي

د . بشار تحية طيبة
الفيلم الهندي انت بتدخلو والنهاية معروفة وبرضو الفيلم اللي نحنا داخلنو دة نهايتو معروفة

عزيزنا سردوب
أيوه
في الفيلم الهندي البطل ما يموت
وفي فيلم " تقطيع الرؤوس البشرية"
برضو البطل /الثورة/العدالة/الحقيقة/الغالبية تهزم "الخيانة " الذين باعوا الوطن ليدشن على انقاد انهيارهم ثقافة وطنية جديدة صحية تدشن دولة غير فاشلة اساسها حقوق الانسان وشعارها احترام قيمه ومعتقداته من "جميعو" وتقديس حرياته في فضاء تقوم على ثقافة الاختلاف لا فقه الاستلاب

ودمت

أخونا عادل أمين
السوداني الجديد
جناح "غازي سليمان"
أها الرياح أتت كيف

دكتور بشار
مبروك الحلقة الاخيرة ومبروك قرار المحكمة الجنائية

Quote: أخونا عادل أمين السوداني الجديد جناح "غازي سليمان" أها الرياح أتت كيف

الكوز بشار جناح الدباب خليل ابراهيم
ود الغرب
الخيل الحرة تظهر في اللفة
ولسه قرار مجلس الامن ما طلع و ممكن يغير كثير
وكان بقينا على الانتخابات تكون المحكمة الجنائية جنت على السودان وقدمت للكيزان والبشير اكبر دعاية انتخابية مجانية
وكان بقينا على الفصل السابع والتصعيد المحتمل واسقاك حكومة المركز
يالله ما حدش حوش
ابقو رجال يا كيزان الهامش اقلعو لينا كيزان المركز ديل ..بدون ما يتازى اي مواطن لا في المركز ولا الهامش وحاصة ان البروفة بتاعة العدل والمساواة شهر مايو نجحت تماما في عرض ان جل الشعب السوداني اضحى غير مبالي وكانو يتفرجو ذى الفلم الهندي

يا عادل
والله انت لايوق بشكل
أها هسي خليت الجنائية ومشيت لمجلس الامن
طيب وبعدين!
يا عزيزي القرار الأهم والمفصلي والتاريخي بالنسبة لشعبنا الذين أذاقهم هذا النظام المجرم جميع صنوف الانتهاكات هو صدور المذكرة لانو مسألة المحاكمة بعد ده بقت مسألة
متى وليس كيف?

مبرووك د. سردوب
هذا الفيلم التراجيدي الواقعي نرجو ان تسدل عليه الستار
بمثول جميع مجرمي طغمة النظام أمام المحكمة الجنائية الدولية
وهذا القرار يبشر بذلك
ودمت