Kostawi ممكن سؤال لماذا معظم او (كل) االفنانين السودانيين بيموتوا بى امراض الفقر؟؟؟؟؟؟؟؟؟

والقائمة طويلة جدا
اسماء لل تحصى لفنانين توفوا وهم منزوون فى غرف صغيرة لا تتوفر فيها ابسط المقومات للحياة الكريمة، وهل هذا قدر الفنانين.
أأسف يا كوستاوى لإقحامك فى هذا السؤال لكن ما كتبته عن المرحوم الخالدى هزً فينى أشياء و أشياء.
هشام كمال

وعند احسب واحد
1-

الأخ هشام
تحيتي

سؤالك مشروع
و مفيد
أرجو أن لا تحسب!!!

دع بوستك كبادرة لموضوع كبير و عام للمناقشة
بدون ذكر أسماء في الوقت الحاضر


لك الود و التحية يا هشام

الأخ/ هشام كمال،

سلامات

أعتقد أن السبب هو في أسلوب حياة الفنانين، لأنهم بيعيشوا اللحظة وما بيفكروا في المستقبل إلا القليل جداً منهم.

الفنانين بالحساب كدة دخلهم أفضل بكثير من آخرين وممكن يأمنوا مستقبلهم كويس جداً، خصوصاً في أيام الشباب.

لكن يا أخ هشام لو لاحظت إنو ناس آخرين تلقاهم أفقر بكثير من الفنانين وبيعيشوا أولادهم وبقرُّوهم في ظروف صعبة جداً والأولاد بعدين بينجحوا وبيشيلوا أهلهم لما يكبروا. الفنانين ديل أولادهم وين؟؟؟؟

لكن الملاحظ في فنانين الزمن فهموا اللعبة كويس وبقوا ناصحين وناشفين جداً ومجاملاتهم على أضيق نطاق، والعداد طوالي من صاحب الحفلة لي المقاول.

ABUZEEGH

Quote: أعتقد أن السبب هو في أسلوب حياة الفنانين، لأنهم بيعيشوا اللحظة وما بيفكروا في المستقبل إلا القليل جداً منهم. الفنانين بالحساب كدة دخلهم أفضل بكثير من آخرين وممكن يأمنوا مستقبلهم كويس جداً، خصوصاً في أيام الشباب.

اخى الكريم
فى ما يخص اسلوب حياة الفنانين اتفق معاك انو جزء منهم ما بيحافظوا على نفسهم لكن الحالة دى ما هى بالقاعدة الثابتة على العكس بنلقى فنانين بيصلوا فى المحافظة على انفسهم حد الهوس.

ثانياً اصلاً ما عنيت الفنانين اللى كل همهم يحفظوا عشرة اغنيات حقيبة واغنيتين تلاتة من اغنيات على شاكلة الرقدوا قش ويحدد مبلغ 4 مليون عداد وبيلقى شغل لما ما بيقدر يكفيهوا حتى اصبح التضارب هو ديدنهم فى الحفلات صدقنى لم اعنى هؤلاء.اعنى فنانين المنطقة الوسطى وهم اللى ممكن تكون ما شاعر بيهوا لكن لما يموت فجأة تكتشف انو الزول دا كان عندوا مكان محدد وهو كان ماليهوا بجدارة وللأسف دائماً بنكتشف دا متأخر جداً.

Quote: الأخ هشام تحيتي سؤالك مشروع و مفيد أرجو أن لا تحسب!!! دع بوستك كبادرة لموضوع كبير و عام للمناقشة بدون ذكر أسماء في الوقت الحاضر

تأمر يا كوستاوى ونسمع من الاخوة
هشام

فوق للنقاش

سلامات
لانهم بنتموا لبلد بسميهم المطاليق
كل الشعراء والفنانين يموتون فقراء الا من محبة الناس...

ولان لا جهة رسمية تعنى بهم حين يمرضون
رغم انهم يدفعون الضرائب على داير الملين..
يكفيهم محبة الناس

شكرا يا دكتورة نجاة على الاضافة
هشام