Post: #1
Title: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: معتصم محمد صالح
Date: 02-16-2009, 04:00 PM
Parent: #0
| Quote: كشفت مصادر عن ووصول دعم عسكري أمريكي فرنسي بريطاني كبير عبر تشاد لحركة العدل والمساواة لجهة احتلال مناطق مهاجرية، شعيرية و لبدو جنوبي دارفور من أجل تقوية موقفها في التفاوض.وأكدت المصادر وصول (60) دبابة للحركة أول أمس. وأضافت أن (173) دبابة ومركبة عسكرية جار تسليمها أمس وزادت أن (60) دبابة ستسلم للحركة لاحقاً لاحتلال المناطق التي سبق أن أحتلها بدارفور بغية تعزيز موقفها التفاوضي بالدوحة.ومن جهتها جددت القيادات المسلحة استعدادها لهزيمة حركة العدل والمساواة إذا أقدمت على احتلال أي موقع بدارفور.وأكد العميد د. محمد عثمان الأغبش – الناطق الرسمي باسم القوات المسلحة – تحسبهم لأي موقف وأضاف أن حركة العدل والمساواة تدعي تهديد القوات المسلحة لكنها تعود بالهزيمة كل مرة.وفي تعليقه على الدعم الغربي للحركة قال الأغبش التفاصيل قد تصحح من مصادرها.وأضاف أن دعم قدرات حركة العدل والمساواة من إسرائيل والغرب هذه حقيقة وزاد أن القوات المسلحة ستتابع وتتحسب لكل موقف واستطرد أن الحركة تتجه في مخططاتها لإيجاد موطئ قدم لها في دارفور لتؤكد أنها حاضرة |
صحيفة آخر لحظة
|
Post: #2
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: وليد محمد المبارك
Date: 02-16-2009, 04:07 PM
Parent: #1
ده كلام غير منطقي
293 دبابة في 10 مليون دولار للدبابة على الاقل
يعني
2.93 مليار دولار
ده غير الترحيل وباقي الاجراءات
ده كلام فاضي
وسط افريقيا كله ما فيه العدد ده من الدبابات
|
Post: #3
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: Magdi Ahmed Elsheikh
Date: 02-16-2009, 04:12 PM
Parent: #2
هو فضل فيها منطق...
وليد سلامات
نيستا
الصور بعد السلام
|
Post: #5
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: وليد محمد المبارك
Date: 02-16-2009, 04:14 PM
Parent: #3
يا ماجد
الزنقة الفيها امريكا
ما بتخليها تمرق عُشر المبلغ ده
|
Post: #4
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: العوض المسلمي
Date: 02-16-2009, 04:12 PM
Parent: #2
ده كلام تخويفي او تحريضي لاغير ,,,,
|
Post: #6
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: Magdi Ahmed Elsheikh
Date: 02-16-2009, 04:15 PM
| Quote: ده كلام تخويفي او تحريضي لاغير |
لاهذا ولا ذاك
ياعمك برضو ريت
|
Post: #7
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: dardiri satti
Date: 02-16-2009, 05:06 PM
Parent: #6
فولكلـــــــــــــــــــــــــور !!!!!!
صدقنا ياجماعة ،
أدوهم 293 دبابة ،
يعني لوائين مدرعين ،
الدبابات دي حتعمل شنو براها ؟؟
الدبابات ممكن تدمر ،
وقبل ما تدمر يجب أن يسبقها تدمير بالمدفعية،
يعني محتاجين لأقل حاجة 80 هاوتزر مدفعية
بعدين الدبابات بعد ما تنجح في التدمير ،
لازم يكون في مشاة عشان يحتلوا المواقع
يعني محتاجين تاني لأقل حاجة 90 عرية مدرعةAPC
لأن ما ممكن تمدر مواقع العدو بالدبابات
وتحتلها بالمشااة اللي بنقلوها ""باللواري""
ومحتاجين لأقل حاجة 30 مدرعة دفاع جوي فولكان
عشان تحمي الدبابات من الطيران المعادي،
كما ن محتاجين لكتيبتين مهندسين مزودة
بأوناش وقاطرات مدرعة وورش ميدانية
وما لايقل عن 40 لوري لنقل المؤن والأغذية والذخائر
والشؤون الإدارية
وقطع غيار وما لايقل عن 8 1 تانكر ديزل
و30 تانكر موية
محتاجين لما لايقل 12 غربة إسعاف ميداني
ومستشفى ميداني متكامل،
محتاجين بعد دا كله لعشرة 10 مدرعات قيادة
و8 مدرعات إتصالات .
موش قلنا لوائين؟؟
طاقم كل دبابة يتكون من 4 رجال يعني 1172 مقاتل .
الهاوتزر محتاج لأربعة يعني 320 مقاتل
عربات المشاة المدرعة الواحدة فيها أقل حاجة 12 مقاتل يعني 1080 مقاتل
مدرعاات الدفاع الجوي كل واحدة فيها 4 مقاتلين
يعني محتا جة ل120 مقاتل
المهندسين محتاجين لأقل شيء في الكتيبتين 700 مقاتل
12 عربة إسعاف مبداني محتاجة لأقل شيء ل36 ممرض
دا غير الأطباء والممرضين والعمال المرابطين بالمستشفى الميداني
مدرعات القيادة والاتصالات ال18 مختاجة ل90 مقاتل فيي.
نلاحظ إن الأسلحة دي مصنوعة لمقاتلين عندهم الحد الأدنى
من المعرفة التقنية ، وبعد كدا محتاجين لشهور وشهور من التدريب .
شوفوا الناس ديل !!
مستعدين يكضبوا علي أي زول!!
ودي الطريقة اللي ضيع بيها خليل وشيخه
الوليدات في أدغال الجنوب قبل كدا.
ياجماعة والله أنا فترت من الكلام الكتير،
وأنا تعبان في الحساب يمكن حساباتي تكون غلط راجعوها بالله.
والأخبار دي أخبار فولكلورية ،
الخواجات ما بيلعبوا بي قروشهم ويبعزقوها ساكت،
وما ممكن يدعموا الدبابين عشان
يعيدوا السيرة الإنقاذية الآفلة من جديد.
تحياتي
|
Post: #8
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: خالد عبد الله محمود
Date: 02-16-2009, 05:25 PM
Parent: #7
يا عمكـ أنت قبل كم يوم مش قالو سحقناهم و خليل لا يملكـ قوات و ما عارف شنو داكـ ... الكلام ده كلو إتلحس خلاص؟؟
غلطان أنت زاتكـ يا نستا ...
أنت يا كافي البلاء يا صحيفة حكايات يا صحيفة الهندي زفت الطين؟؟
أنت شغال في سوق الدهب ولا شغال في مشتل ؟؟؟ لووووووووووووووووووووول
|
Post: #10
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: هشام حسن
Date: 02-16-2009, 05:52 PM
Parent: #8
Quote: يا ماجد
الزنقة الفيها امريكا
ما بتخليها تمرق عُشر المبلغ ده |
فعلاً يا وليد.. خصوصاً في الوقت دا
تخريمه:
دحين ديل ما نعلات حميدة؟؟
|
Post: #9
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: هاشم الحسن
Date: 02-16-2009, 05:50 PM
Parent: #7
الفريق أول درديري ساتي
قائد فرقة الإمدادات و فرع الاستراتيجيا البوردابية
تعظيم سلام سلاح كركون منطقي
حسع لو كان نوعك دا في قيادة الجيش أو الحركات
كنا على الأقل ننعم بحكاوي عن الكولاترال داميج، و بس....
و نكون ارتحنا من حكايات (جرائم الحرب) و (الجرائم ضد الانسانية) الكعبة دي
دا لو ما كنا تفادينا الحرب في ذاتها و ركزنا فقط على ضبط طابور البيادة الوطني..
و ... إلى الأماااام معتددددااااال مارش...
بس تقول شنو؟!!!!
لكن علي بجملة الإيمان خواجاتك ديل مرات كدا مطاميس ساكت
ممكن يعملوها،
و كل شيء قد وجدوا أو جعلوا له سببا...
فقط، لا أثق في عدد دبابات المرة دي...
إلا لو ثبت إنو الخواجات ديل عاوزين يعملو دولة أفريقيا العظمى تحت قيادة خليل؟
|
Post: #11
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: معتصم محمد صالح
Date: 02-16-2009, 06:05 PM
Parent: #9
شكرا يا شباب على المرور والاضافات ..
ـــــــــــــــــ
درديري جيب اضانك ..
<font face="Simplified Arabic" size="2" color=black>يا عمك ما تجي نعمل لينا حركة كده جهة الشمالية بخبرتك دي</font>
|
Post: #12
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: بدر الدين اسحاق احمد
Date: 02-16-2009, 08:34 PM
Parent: #11
السيد / الدرديرى ساتى
يا سعادتك / انت كلام الجيش دهـ جبتو من وين
ماشاء الله كل يوم الزول يكتشف خبرات وتجارب ومعارف فى هذا المنبر
( معاى ناس جيش طوالى قالو ليـــه زولكم دهـ عسكرى قلته ليهم والله ما بعرفو )
Quote: صدقنا ياجماعة ،
أدوهم 293 دبابة ،
يعني لوائين مدرعين ،
الدبابات دي حتعمل شنو براها ؟؟
الدبابات ممكن تدمر ،
وقبل ما تدمر يجب أن يسبقها تدمير بالمدفعية،
يعني محتاجين لأقل حاجة 80 هاوتزر مدفعية
بعدين الدبابات بعد ما تنجح في التدمير ،
لازم يكون في مشاة عشان يحتلوا المواقع
يعني محتاجين تاني لأقل حاجة 90 عرية مدرعةAPC
لأن ما ممكن تمدر مواقع العدو بالدبابات
وتحتلها بالمشااة اللي بنقلوها ""باللواري""
ومحتاجين لأقل حاجة 30 مدرعة دفاع جوي فولكان
عشان تحمي الدبابات من الطيران المعادي،
كما ن محتاجين لكتيبتين مهندسين مزودة
بأوناش وقاطرات مدرعة وورش ميدانية
وما لايقل عن 40 لوري لنقل المؤن والأغذية والذخائر
والشؤون الإدارية
وقطع غيار وما لايقل عن 8 1 تانكر ديزل
و30 تانكر موية
محتاجين لما لايقل 12 غربة إسعاف ميداني
ومستشفى ميداني متكامل،
محتاجين بعد دا كله لعشرة 10 مدرعات قيادة
و8 مدرعات إتصالات .
موش قلنا لوائين؟؟
طاقم كل دبابة يتكون من 4 رجال يعني 1172 مقاتل .
الهاوتزر محتاج لأربعة يعني 320 مقاتل
عربات المشاة المدرعة الواحدة فيها أقل حاجة 12 مقاتل يعني 1080 مقاتل
مدرعاات الدفاع الجوي كل واحدة فيها 4 مقاتلين
يعني محتا جة ل120 مقاتل
المهندسين محتاجين لأقل شيء في الكتيبتين 700 مقاتل
12 عربة إسعاف مبداني محتاجة لأقل شيء ل36 ممرض
دا غير الأطباء والممرضين والعمال المرابطين بالمستشفى الميداني
مدرعات القيادة والاتصالات ال18 مختاجة ل90 مقاتل فيي.
نلاحظ إن الأسلحة دي مصنوعة لمقاتلين عندهم الحد الأدنى
من المعرفة التقنية ، وبعد كدا محتاجين لشهور وشهور من التدريب .
|
|
Post: #13
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: Munir
Date: 02-16-2009, 08:51 PM
Parent: #12
يا جماعة يمكن خطأ مطبعي والرقم المقصود هو 29.3 ..
|
Post: #14
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: معتصم محمد صالح
Date: 02-17-2009, 08:58 AM
Parent: #13
ما نا قلت كده يا بدر الدين..
ـــ
قلت شنو يا درديري .؟
|
Post: #15
Title: Re: 293 دبابة وصلت لحركة العدل والمساواة من امريكا وبريطانيا وفرنسا عبر تشاد
Author: dardiri satti
Date: 02-17-2009, 09:34 AM
Parent: #14
| Quote: قلت شنو يا درديري .؟ |
أهلاً .
تحياتي
|
|