Post: #1
Title: يحلها الشربكه !!!!!
Author: عمر التاج
Date: 02-16-2009, 01:58 PM
Parent: #0
اتفاق السلام في الجنوب قسم السلطة في السودان تلاتة كيمان :
52% للمؤتمر الوطني ، 28% للحركة الشعبية ، و20% راحت شمار في مرقة
جات حركات الشرق وأخدت حقها ( من خارج الحسبة الفاتت )
وجا مناوي ورفاقه وأخدوا الدايرنو ( خارج الاتفاق الأول)
وجا خليل وأخد فوق راسوا
-----
أسع العدل والمساواة دايرة 46% ( خارج الحسبة الفوق دي)
ولسة في عبد الواحد والعشرين حركة التانين .. (برضو ما محسوبين )
والمناصير والجعليين والشوايقة (الما أخدو حقهم)
ورؤساء جدد ، ونواب ، ومساعدين ، ووزراء ، ومستشارين ، وبتاعين قصر ، وبتاعين شاي ...الخ.
دا كلو كوم والشعب كوم تاني
***
يلا ياناس الرياضيات ... قسمو الكعكة دي !
وما تنسو أخوكم .
|
Post: #2
Title: Re: يحلها الشربكه !!!!!
Author: ادريس خليفة علم الهدي
Date: 02-16-2009, 02:10 PM
Quote: يلا ياناس الرياضيات ... قسمو الكعكة دي !
وما تنسو أخوكم . |
طبعا دا نتاج طبيعي لسياسة تجزئة المشاكل (رزق اليوم باليوم) الحسبة انا ما عارفا كم .. لكن النتيجة بتاعتا أكيييييييييد مزيد من الضرائب والاتاوات (علشان تغطي رواتب المستشارين والنواب الجدد ومخصصاتهم)
|
|