Post: #1
Title: مصرفيون موديل 2009
Author: الهادي هباني
Date: 02-15-2009, 09:01 AM
|
Post: #2
Title: Re: مصرفيون موديل 2009
Author: الهادي هباني
Date: 02-15-2009, 04:34 PM
Parent: #1
القاعدة بتقول أنو في وقت الشدة
و الأزمات أفضل الحلول هو الرجوع
للأساسيات Back to basics و واضح
أنو الولي أوباما صاحي و واعي
للدرس و قال أحسن نرجع لكلام ناس
محمد أحمد الغلبان ناس ربك كريم
و (أنفق ما في الجيب يجيك ما في
الغيب) ،،، لأنو المقولة دي رجعتو لي ورا
و ذكرتو كلام كينز و نظرية الإقتصاد
الكلي البتقوم علي أنو الإنفاق هو
البجيب للناس القروش و بصلح مزاجهم
و بزيد طلبهم ،،،
و عرف أنو ناس موديل 2009 ديل الكان
عشمان فيهم و خذلوهو في الكونغرس شبعانين
و أخدو حقهم زمان من يوم شالو جائزة نوبل
للإقتصاد سنة 1977 مع عمهم ملتون فريدمان
الله يرحمو و غشو الناس و شالو قروشهم و ما كتبو
ليهم لا شيك لا وصل أمانة و باعو ليهم
ديون معدومة حقت ناس مساكين بقولو
يا ودود و حق البنخسو بيهو سنونهم
ما عندهم ،،،
و قال يرجع ياخد الحكمة من ناس محمد أحمد
ديل البقولو الله كريم و البلدهم بسرقو و ينهبو
فيها من زمن حفرو البحر و لي يوم الليلة بنيلها
و بحرها ، سماها و مطرها خيرها و جاها و ناسا و اماتا
الولادات ،،، و عرف أنو ناس زي ديل هم البستحقو جايزة نوبل
للإقتصاد
و قامو عشان ناس زي ديل أدو جائزة نوبل للإقتصاد
لبول كروغمان في عز أيام الأزمة في الأسبوع
الثالث من نوفمبر 2008 و دي كانت البداية
الحقيقية لرجوعهم للأساسيات ،،،
ما هو بول كروغمان ده تلميذ كينز و أحد المطورين لنظرية
الإقتصاد الكلي و صاحب أحدث نظرية في الجغرافية الإقتصادية
و الد أعداء ليهو هم ناس مدرسة شيكاغو حقت جماعتنا ناس
موديل 2009
بس حقو برضو نحذر التقليد لأنو الجماعة ديل ما عندهم ضمان
و غالبا ما يرجعو تاني بعد ما تزول الشدة ،،،
|
Post: #3
Title: Re: مصرفيون موديل 2009
Author: ASHRAF TAHA
Date: 02-15-2009, 07:23 PM
Parent: #2
ياخي بعيدن عن السياسة والكياسة
أنا بستعجب في بلد زي امريكا شيكا بيكا دي
ياخي كيف ترش فلنكوت في مؤسسات نقدية؟
وهي سبب الكُبة زاااااااتا؟
مش المفروض ناس امريكا ديل القايمين على الرهن يكبو الفنكوت للناس البشغلو الرهن؟
بي فهم دول غير امريكا بسيط
مش الأحسن تتكب الأولة في الديفلوبر الجادين
لأنو كدة كدة الفكة بترجع للبنوك!
لأنو كب الفكة في البنك بيوجهو لي مكاسب (محدودة) في العالم الغير الاميركي
كم كريدت كارد على كمين قرض
وضخ الكاش ليها تأكيد لسياساتا الخاسرة (هسع)
بينما المطور (اللهو الدبفولبر) في غير امريكا
قروشو حتمشي البنك للكونتراكتور وللصب كونتراكور وهكذا دواليك
وكلو بينتهي في نهايتو عند البنك
إذن ضخ النقد في المؤسسات المالية (في غير امركا وفيها) ليست في مصلحة الاقتصاد
تدخل الدولة التمويلي ببساطة يفترض يكون في المشاريع الجادة
ببساطة برضو الازمة الاقتصادية دي زيها وزي هكر
ضرب موقع لي زول مستجد
صاحبو رجع الداتابيز
وفِرح
لكن البقزوالتروجان الاتخت جوة الموقع
جوة الايميل
والريدايركت
خلتو يلف حجر طاحونة
والله اعلم
|
Post: #4
Title: Re: مصرفيون موديل 2009
Author: الهادي هباني
Date: 02-16-2009, 01:53 PM
Parent: #3
ما هو عشان كلامك الجميل ده يا أشرف
الولي أوباما قال احسن القروش دي يزيدو
بيها الإنفاق في مشاريع التنمية و التعليم
والصحة و تطوير البنيات الأساسية عشان تتخلق
وظائف للناس و يزيد طلبهم علي خيرات الدنيا
و نعيماو الكاش يقوم من جديد يلف و يدور زي
الساقية البسموها ناس كينز في علم الإقتصاد
(دورة تدفق الدخل) ،،،
و طبعا لازم يتزامن مع الإنفاق ده تخفيضات في
الضرائب عشان دورة الفلنكوت دي ما يعتر ليها
حجر يوقعها أو يغير اتجاها ،،،
ما هو كلامك ده ياهو ذاتو البسموهوالرجوع
للبيزكس (أنفق ما في الجيب يجيك ما في الغيب)
و طول ما الناس مبسوطة الإقتصاد بكون منعنش و
العكس صحيح طول ما كان الإقتصاد منعنش الناس
بتكون مبسوطة ما هو البيضة من الدجاجة و برضه
الدجاجة من البيضة و ربنا الكريم يخرج الحي
من الميت و يخرج الميت من الحي ،،،
|
|