الحاصل يا أبو الزهور - بعد إذن الباشمهندس الموجه له السؤال - كالآتي: بكري عطّل أكواد الـ HTML عشان العلق الكان بدس في البوستات كود بعمل ريدايركت لمواقع بتضرب الأجهزة بتروجان يسرق كلمات المرور و غيرها من المعلومات أكواد تشغيل الصوت و الفيديو بالتالي تأثرت بالتعطيل دا
ما عارف هل في إمكانية سوفت وير الموقع عزل كود معين أم لابد من تعطيل كل الأكواد
انا جاوبت ليك يا ابو الزهور لسبيين الأول انو بكري ما ح يشتغل بيك كالعادة و التاني عايزك تدعي لي ربنا يهديني لما فيه الخير و يوفقني لإتخاذ القرار الصحيح وجزاك الله خير
02-14-2009, 09:25 PM
ALazhary2 ALazhary2
تاريخ التسجيل: 09-06-2003
مجموع المشاركات: 4966
بالنسبة للسبب الأول للرد : دي أكيد مية في المية :) وكمان أنا ما من الناس البحبهم بكري ماعارف ليه(لي سنة أشيل وأرسل ليه رسائل ومسنجرات وبوستات عن طلب مكتبة وماشغال بي الشغلة والعشرات سجلوا بعدي ومنحهم مكتبات؟ لكن في كل الأحوال ليه جزيل الشكر والتقدير على هذا الوطن الإسفيري الجميل .
ثانياً : القال ليك من أنا من أهل الدعوات المستجابات يا ود البشرى؟والله لا أقولها تواضعاً لكن لا أحسب أن لدي حسنة سوى قول لا إله إلا الله محمد رسول الله(ثبتنا الله عليها في الدنيا وعند الممات) ، وحب أهل البيت عليهم السلام .
غايتو ربنا يجعل حسن ظنك ده في ميزان حسناتك وإن شاء الله ربنا يتقبل الدعوات من باب دعاء المسلم لأخيه بظهر الغيب مستجاب .
الحمد لله الذي أظهر الجميل وستر القبيح بفضله ورحمته ياود البشرى ، فله الشكر على ثناء جميل لست أهلاً له نشره ، وعلى عيب ستره.
مرة أخرى أكرر لك الشكر والتقدير وربنا يملاك عافية ومن تحب ، ويديك الفي مرادك بحق النبي دعوة إبراهيم ونبؤة موسى وترنيمة داوود وبشارة عيسى . . .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ALazhary2
محمد البشرى الخضر
ASHRAF MUSTAFA
haroon diyab
ناهد بشير الطيب
فيس بوك
تويتر
انستقرام
يوتيوب
بنتيريست