Post: #1
Title: سهرة خاصة بقناة هارموني آسيا مدني ضيفة الحلقة
Author: ALZOLZATOO
Date: 02-14-2009, 03:10 PM
سهرة جميلة
فنانة جاية بي سنونه
نادية اللقاء كان احسن من بتاع صلاح ادريس
آسيا غير انها فنانة زولة كلامة جنس كلام احسن من هناية
البورداب الكاميرا ما جابتهم كتير
بعد اغنية الراحل خليل اسماعيل كان هنالك فاصل اعلاني
بعد الفاصل الاعلاني تااااني رجعوا بينا لي آسيا مع الاوبرا يعني زي نص ساعة كده مكرره
الصوت لسع فيهو مشكلة
غير كده مافي حاجة
تحياتي
زاتوووو
|
Post: #2
Title: Re: سهرة خاصة بقناة هارموني آسيا مدني ضيفة الحلقة
Author: قاسم المهداوى
Date: 02-14-2009, 08:30 PM
Parent: #1
Quote: آسيا غير انها فنانة زولة كلامة جنس كلام احسن من هناية
|
سلام ومعزرة لاقتحام البوست دون سابق انزار او دستور ولا حتى احم
لو فى الامكان خلفية تاريخية فنية عن اسيا مدنى ؟؟؟ ومن هى ؟؟؟
والاعمال الخاصة انشاء الله عملين تلاتة ... لان لفظ فنان لا يطلق على اى شخص ..
ممكن نقول على المردد مجرد زول او زولا مؤدية ... ومن ثم ننتظر الانطلاق
بحق الفنان ... ذاتوووو ولا ما غلط
تانى عزرا مكرر للسطو والاقتحام
قاسم
|
Post: #3
Title: Re: سهرة خاصة بقناة هارموني آسيا مدني ضيفة الحلقة
Author: عبد الدائم سيد أحمد
Date: 02-15-2009, 07:43 AM
Parent: #2
صباح الخير يا زاتو
حضرت اللقاء وما صاحبه من دعاية
اسيا بتتكلم كويس اوكى ، صوتها ما بطال وعالى اوكى
غنت فى الاوبرا ومثلت ورفضت افلام برضو اوكى
( ده حال اى واحدة بتغنى قاعدة فى القاهرة بتقول الكلام ده )
لكن فى رايي عاوزة تدريب طويييل عشان نقدر نقول عليها
فنانة ونقعد نسهر معاها
اغنية الامانى العذبة تحديدا" صفر من عشرة
عندى سؤال:
هل اى واحدة حافظة اغانى ممكن تبقى فنانة ويجيبوها سهرة فى التلفزيون
|
Post: #6
Title: Re: سهرة خاصة بقناة هارموني آسيا مدني ضيفة الحلقة
Author: ALZOLZATOO
Date: 02-15-2009, 09:06 AM
Parent: #3
الاخ عبد الدائم
صباح النور عليك يازهور
كلامك سليم 100% من ناحية التدريب والنضوج الفني
اغنية الاماني العذبة دي المصيبة في اعتقادي اي واحد عايز يظهر يبعد من اغاني خليل اسماعيل لانو من الصعب
جدا رضا الجمهور لانو المستمع طوالي ح يقارن مع اداء الراحل والنتيجة اكيد ح تكون صفر
بالنسبة لي سؤالك الاجابة نعم ماشايف الناس البيغنو كيف في التلفزيون وكل دقيقة يجيبهو ليك بيقلد في فنان
والغريبة بيكون مبسوط تقول من كلماتو والحانو واداءه
تحياتي
زاتووووو
|
Post: #4
Title: Re: سهرة خاصة بقناة هارموني آسيا مدني ضيفة الحلقة
Author: ALZOLZATOO
Date: 02-15-2009, 08:37 AM
Parent: #2
الحبيب قاسم المهداوي
تحية واحتراما
ياخي تعال داخل بي رجلينك الاتنين كنشاسا زي مابيقولوا
تصدق انا اول مرة اشوف آسيا مدني وسمعت عنها يمكن قبل شهر بس اثناء دعوة البورداب لحضور السهرة
وتسآلت في حينها من هي اسيا مدني وكان رد صاحب البوست العوض المسلمي بخلفية بسيطة عنها
بالصدفة شاهدت السهرة وتابعت اللقاء واتضح لي من اللقاء ان اسيا لها اعمال وجمهور في مصر حسب ماذكرت
كلامك سليم بالنسبة للقب فنان او مؤدي ولكن في سودانا الحبيب كل شئ جائز حتى حمل العجائز ولقب فنان يطلق
من له يوم واحد في التقليد ومن له ستين عاما من الاعمال الفنية وانتهت الرتب الفنية بانتهاء مراسم الدفن
يعني عميد الفن وامير العود والاستاذ والموسيقار كلها توقفت والموجود في السوق الان وكيل عريف ومادونه
اها انا بيني وبينك كده اغاني المرحوم خليل اسماعيل انا بعتقد انو لو اي واحد غناها ح تكون ناقصة الاضافة
الحلوة بتاعة خليل
لكن كدي خلينا في المهم انو الزولة دي اتكلمت عن فنها واعمالها باحسن مايكون اما من ناحية الاعمال نفسها دي
كل زول ومزاجو
تحياتي
|
Post: #5
Title: Re: سهرة خاصة بقناة هارموني آسيا مدني ضيفة الحلقة
Author: العوض المسلمي
Date: 02-15-2009, 09:03 AM
Parent: #4
Quote: لكن كدي خلينا في المهم انو الزولة دي اتكلمت عن فنها واعمالها باحسن مايكون اما من ناحية الاعمال نفسها دي
كل زول ومزاجو |
زاتوووووووووووو سلام ووينك ما ظاهر ؟؟؟؟
|
Post: #7
Title: Re: سهرة خاصة بقناة هارموني آسيا مدني ضيفة الحلقة
Author: ALZOLZATOO
Date: 02-15-2009, 09:22 AM
Parent: #5
حبيبنا العوض
اخوك ظاااهر بس اليومين ديل شايف كل عضو عندو قرين ( هاكر ) عشان كده الواحد مابيخش الا يكون متاكد من
العضؤ الاصلي
من الاسباب الخلتني اتابع السهرة كنت عايز اشوف الاخوة البورداب لكن للاسف بتاع الكاميرا ظلمكم ظلم الحسن
والحسين لوول ماركز على الحضور كتير ، على ما اعتقد شفت واحد بيشبه محمد عادل وواحده بتشبه انعام حيموره
وكنت قاشر بالمدام اقول ليها الناس ديل انا ( بعرفهم )
على العموم لمزيد من التواصل ارجو المراسلة على عنوانا الظاهر اسفل السطر الهكر يمتنعون
[email protected]
تحياتي
زاتوووو
|
|