Post: #1
Title: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار)!!
Author: نادية عثمان
Date: 02-13-2009, 03:35 PM
Parent: #0
أحمد الله بي حقي
منو القال ليك ماعندي ؟؟
ولا بعنا عرباتنا
ولا وقفنا شيكاتنا
نحمد الله بي أملاكنا
من امهاتن وأجدادنا
لابنعرف الخساسة
ولا بندخل حراسة !!
نحنا عيلة حساسة
ومكانتنا فوق رأسنا
يالقاعدة بتوشوشي
منو الفيكم مديني شئ ؟!!
راعي سنك وياخي إختشي
وأحمد الله بي حقي !!
أغنية مكسرة الدنيا في الخرطوم بغنيها الفنان ود الرحيمة وممكن ناذر الخليفة
أو زول ينزلها ليكم ومعاي تسمعوا الزول ده وتعرفوا مالو ومشكلتو شنو سمح؟
وبرضو على المختصين أن يفتونا هل تندرج هذه الأغنية تحت بند (الهبوط الحاد) ولا الخفيف ولا هي أغنية ذات معان ودلالات وكده يعني سمح؟
وهل لها علاقة بالوضع (الاوكامبي) الراهن في البلاد !
|
Post: #2
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: فتحي البحيري
Date: 02-13-2009, 03:38 PM
Parent: #1
| Quote: وهل لها علاقة بالوضع (الاوكامبي) الراهن في البلاد ! |
في داعي !!!
أنا جابتني سيرة الحراسة
يديك العافية
"وما خفي ألعن " يا أستاذة
|
Post: #3
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 03:42 PM
Parent: #2
الصديق فتحي البحيري
سلامات
ووينك
تفتكر الحراسة دي ياها المقصود بيها الحراسة ديك ؟ ( وش كيف كيف ) !!
|
Post: #4
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: آدم صيام
Date: 02-13-2009, 03:43 PM
Parent: #2
نادية الوريفة تسلمي
كل فولة وليها كيالها
علا بمفرادتك العجيبة دي يوم بتكتلي ليك مصطلح وتمشي في جنازتو!
|
Post: #5
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 04:11 PM
Parent: #4
آدم الوريف
| Quote: علا بمفرادتك العجيبة دي يوم بتكتلي ليك مصطلح وتمشي في جنازتو! |
والله ماكتبت الاغنية دي أنا ( وش مخلووووع) !!
تسلم يارب
|
Post: #6
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ناذر محمد الخليفة
Date: 02-13-2009, 05:17 PM
Parent: #5
سلام نادية ..
ما عندي التسجيل ..لكن :
هاك بقية الكوبليه :
يضُربك الضريب شقّاق العناقريب ...!!
ما تقيفى فى الزلط و تتكلمى غلط..
نحن نحححححمد الله الغدا ضأن.. و التحلية برتكان...
> ...العشا حمام و التحلية شمّام .....و مليانيييييييييييين يا إنتى ...
> ....لا كوع يقد الوسادة
لا ساق يضبح الجدادة ...
نحن تربية بيت و فرش موكيت....
تربية عِز ورضاعه بِز...أحححححمدو , مبسووووطة و شلاليفى ممطوطة !!!
والصفقة ويين ؟؟!!
|
Post: #7
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: osman righeem
Date: 02-13-2009, 05:26 PM
Parent: #6
Quote: تربية عِز ورضاعه بِز...أحححححمدو , مبسووووطة و شلاليفى ممطوطة !!!
|
هو بالله الرضاعة الطبيعية بقت بيئة ؟
و الشلاليف دي مطاها العز واللا البز
نادية
اخت الخير
كيفك
ما تنسي الابنودي
عشان نطلع من الهبوط الاطراري
|
Post: #20
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 06:12 PM
Parent: #7
عثمان أخو الخير
أنا لسا في الخرطوم ووصلتي كايرو باذن الله يتم المراد من رب العباد سمح ؟
|
Post: #8
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: أشرف البنا
Date: 02-13-2009, 05:30 PM
Parent: #6
(عشرة وشوش ضاحكة و بتقهقه)
بالمناسبة الوشوش الفوق دي ما ليها أي علاقة بالبوبار ...
أستاذة نادية شكراً على التنوير بحديث تلك المدينة و التي لم تكترث بأوكامبو أو دارفور أو البشير ...
صراحة إضافة ناذر استبطت منها ملاحظتين :
| Quote: نحن تربية بيت و فرش موكيت.... |
يعني ليه الموضوع ما فيهو سيراميك ...
يعني لا داعي للسيليكون ( على الأقل في الشلاليف )
مودتي ...
|
Post: #21
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 06:22 PM
Parent: #8
أشرف البنا سلامات
| Quote: أستاذة نادية شكراً على التنوير بحديث تلك المدينة و التي لم تكترث بأوكامبو أو دارفور أو البشير ... |
تصدق بالعكس الناس ديل بستنبطوا أغانيهم دي وهم مستصحبين تماماً الحالة السياسية الراهنة في البلاد
في أغاني كده لو سمعتها تعرف إنها كلها رمزية لحال البلد بلغة أهل الغناء الرابي تصدق ؟!
خلي ناذر يجيب ليك عينات ونماذج بس سمح ؟
|
Post: #36
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ابراهيم سائحون
Date: 02-13-2009, 11:48 PM
Parent: #8
لالالالالالالالالاللالالالالالالالالالالالالاللالا
دا كلام كباااااااااااااااااااااااار
انا هربته من بوستيك دا
|
Post: #37
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 11:52 PM
Parent: #36
سائحون
حبابك مليون والله
هربان مالك ماتقعد معانا ياخ ؟
|
Post: #9
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: انور التكينة
Date: 02-13-2009, 05:32 PM
Parent: #6
Quote: ما عندي التسجيل ..لكن :
هاك بقية الكوبليه : |
نادية
ناذر
ازيكم و كيفنكم
انتو بتجيبو الكلام العجيب ده من وين ؟؟
اطرشنا ... لا فى حفلة لا فى حافلة
|
Post: #12
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: زهير الزناتي
Date: 02-13-2009, 05:40 PM
Parent: #9
نادية وناذر الله يجازي محنكم ...
في البداية قلت الأغنية تأليفة من نادية تماها ناذر
لكن يشهد الله الخرطوم دي بتجيب غرائب اكتر من دي
عموماً اي غني يعبر عن فئة اجتماعية معينة ويعكس
أوضاع اجتماعية وثقافية وسياسية محددة ...
وغناء البنات مؤشر لحاجات كتيرة ، فيه ما يرقي الذوق
وآخر يجرح الإحساس السليم ... خاصة لما يغنوه الوليدات ...
مع مودتي الفائقة ...
|
Post: #22
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 06:29 PM
Parent: #9
انور التكينة
إنت بتمشي حفلات في الديم ؟!
بتركب حافلات توديك امبدة كرور ومايو ؟!
إذن انت صفوي نخبوي ( وش ميت من الضحك) !
سلامات ووينك يازول ؟!
|
Post: #11
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: عبد العظيم احمد
Date: 02-13-2009, 05:39 PM
Parent: #6
Quote: سلام نادية ..
ما عندي التسجيل ..لكن :
هاك بقية الكوبليه : |
ناذر انا بقية الكوبليه قراتها
بقية الكمونية
|
Post: #24
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 06:35 PM
Parent: #11
عبد العظيم كيفك
انت مقابل الأغاني دي في مصر بقولوا فيها شنو ؟
|
Post: #31
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: عبد العظيم احمد
Date: 02-13-2009, 08:38 PM
Parent: #24
عبد العظيم كيفك
انت مقابل الأغاني دي في مصر بقولوا فيها شنو ؟
نادية
بصى يا نادية
دى اغانى مصرية من نفس النوع
من خمسة لخمسة ونص وأنا واقف بستناك.. وعينيا عليك بتبص يا حبيبي ومش لاقياك.. تديـني ميعاد في العتبة.. وتجيني في باب اللوق "!!
|
Post: #47
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: محمد الامين محمد
Date: 02-14-2009, 08:22 AM
Parent: #2
نادية
انا ساكن العباسية
يطرشني ما سمعت الاغنية دي
|
Post: #48
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-14-2009, 08:42 AM
Parent: #47
محمد الأمين محمد
تكون الاغنية لسا ماوصلت العباسية لكن كدي أسأل على شريط لحفلة ود الرحيمة في اي محل كاسيت سمح ؟
|
Post: #10
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: محمد الجيلى
Date: 02-13-2009, 05:36 PM
Parent: #1
أولاد قبائل
وعندنا فايل
أولاد أصول
وجدنا الرسول
أولاد حسب
وأسياد النسب
|
Post: #13
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ناذر محمد الخليفة
Date: 02-13-2009, 05:48 PM
Parent: #10
!!!
Quote: يعني لا داعي للسيليكون ( على الأقل في الشلاليف )
مودتي ... |
|
Post: #14
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ناذر محمد الخليفة
Date: 02-13-2009, 05:51 PM
Parent: #10
الظاهر حا نتم الغنية ما دام ما في تسجيل .
لا بنركب الركشات , ولا بندخل غُرف الشَات..
بنعرف الذوق ,ومستوانا فوق ....
بناكل المنقة و ما بنعرف الزنقة ..
بنعرف الجكس , وما بنركب التكس..اسكيلنا عالي ,ومهرنا غالي..
و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
و مصاحبين ناس بحرى البيخلطوا فى الكوبرى ..
كوبرى شمبات المكسّر بالجمبات ,بى تحت موية و بى فوق عربات !!!..
عصيرهم أناناس و ما بيضايقوا الناس ..
كدة كيييف ؟!
نمشي مدني ولا شنو يا جماعة ؟!!
الصفقة وييييييييييين ؟؟!!!
|
Post: #15
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ناذر محمد الخليفة
Date: 02-13-2009, 05:56 PM
Parent: #14
أنور وزهير وعثمان وعبد العظيم ..
الاغاني دي موجودة في المجتمع وتيرمومتر للحالة الراهنة سواء كانت سياسية ولا إقتصادية ولا إجتماعية ..
أكتر الاماكن البتغنى فيها الاغاني هي أطراف العاصمة (الهامش وكدة) .. وخاصة المناطق الما ملزمة بي إنها تنهي حفلتا الساعة حداشر ..
تكون الحفلة للصباح ومدورة فيها جنس الأغاني دي ..
|
Post: #16
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ناذر محمد الخليفة
Date: 02-13-2009, 05:56 PM
Parent: #14
أنور وزهير وعثمان وعبد العظيم ..
الاغاني دي موجودة في المجتمع وتيرمومتر للحالة الراهنة سواء كانت سياسية ولا إقتصادية ولا إجتماعية ..
أكتر الاماكن البتغنى فيها الاغاني هي أطراف العاصمة (الهامش وكدة) .. وخاصة المناطق الما ملزمة بي إنها تنهي حفلتا الساعة حداشر ..
تكون الحفلة للصباح ومدورة فيها جنس الأغاني دي ..
|
Post: #17
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 06:01 PM
Parent: #14
ناذر ياسيد الشئ ذاااااااااتا
يأخي الصفقة بلا ربة مابتبقى !!
ونحنا
لا بنركب بوكسي ورا
ولا بناكل باسطة سلا
فأحسن ليك تقيف بعيد
وتجر شخيييييييييييط
وتتصرف وتجيب الأغنية من أي بتاع ساوند سستم بطلع مع النجم الساطع ود الرحيمة
وقع ليك ولا أعيدو لييييييييك ؟
هااااااااااااايكاوتاني هااااااااايكا
ودي بعملوها ومعاها غزة كوع في الجنبة صاح ؟ أو هكذا رأيت بعضهن يفعلن ( وش كيف كيف غايتو )
|
Post: #19
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: saber alhawatti
Date: 02-13-2009, 06:07 PM
Parent: #14
لا بنبارى بالبرندات
ولا بنعرف الشيكات
دكاكانينا فى كرعينا
ورفوفنا فى إبدينا
سماسره ساكت ياناس
الصفقة وين ... و لا نمشى الكلاكله ياناس ...
المابصفق إنشاءالله ......!!!
|
Post: #27
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 07:32 PM
Parent: #19
صابر الحواتي
أها صفقنا
آل كلاكلة آل !!
وش بااااااسم
|
Post: #26
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 06:57 PM
Parent: #14
ناذر
| Quote: و مصاحبين ناس بحرى البيخلطوا فى الكوبرى .. |
ناس بحري يتحبوا
وهم
أجدع ناس
هيييييييييييع
|
Post: #18
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: humida
Date: 02-13-2009, 06:04 PM
Parent: #10
ندوش ..
والله الاغنية قمة في الهبوط ..
بغنيها الاستاذ الكبير حمادة ود الرحيمة ..
و الاشياء دي طبعا متوفرة بكثرة عند شقيقي الدكتور حسام .. المهتم بـ( غناء البرطوش ) كما يسميه ..
..
..
ما عارف اذا الكود بتاع بكري دا شغال و لا لا ..
انتو و حظكم ..
غايتو دا اللنك علي سيرفر سودانيزاونلاين .. http://www.sudanvoice.net/v1/7agiPsJsDoTmp3
..
..
<p align=center><img src=http://www.sudaneseonline.com/u/songhost.gif border=0>
<OBJECT id=VIDEO style="WIDTH: 350px; HEIGHT: 300px" type=application/x-oleobject classid=CLSID:6BF52A52-394A-11d3-B153-00C04F79FAA6><PARAM NAME="URL" VALUE="http://www.sudanvoice.net/v1/7agiPsJsDoTmp3"><PARAM NAME="rate" VALUE="1"><PARAM NAME="balance" VALUE="0"><PARAM NAME="currentPosition" VALUE="0"><PARAM NAME="defaultFrame" VALUE=""><PARAM NAME="playCount" VALUE="1"><PARAM NAME="autoStart" VALUE="1"><PARAM NAME="currentMarker" VALUE="0"><PARAM NAME="invokeURLs" VALUE="-1"><PARAM NAME="baseURL" VALUE=""><PARAM NAME="volume" VALUE="50"><PARAM NAME="mute" VALUE="0"><PARAM NAME="uiMode" VALUE="full"><PARAM NAME="stretchToFit" VALUE="0"><PARAM NAME="windowlessVideo" VALUE="0"><PARAM NAME="enabled" VALUE="-1"><PARAM NAME="enableContextMenu" VALUE="-1"><PARAM NAME="fullScreen" VALUE="0"><PARAM NAME="SAMIStyle" VALUE=""><PARAM NAME="SAMILang" VALUE=""><PARAM NAME="SAMIFilename" VALUE=""><PARAM NAME="captioningID" VALUE=""><PARAM NAME="enableErrorDialogs" VALUE="0"><PARAM NAME="_cx" VALUE="9260"><PARAM NAME="_cy" VALUE="7938">
<EMBED type="application/x-mplayer2" height="45" width="350"
pluginspage="http://microsoft.com/windows/mediaplayer/en/download/";
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false"></EMBED></OBJECT>
|
Post: #23
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ناذر محمد الخليفة
Date: 02-13-2009, 06:34 PM
Parent: #18
نادية ..
Quote: يأخي الصفقة بلا ربة مابتبقى !!
ونحنا
لا بنركب بوكسي ورا
ولا بناكل باسطة سلا
فأحسن ليك تقيف بعيد
وتجر شخيييييييييييط
وتتصرف وتجيب الأغنية من أي بتاع ساوند سستم بطلع مع النجم الساطع ود الرحيمة
وقع ليك ولا أعيدو لييييييييك ؟
|
لا وقع لي تمام ..
كدي النضرب بعد شوية لي صحبي علي كدايس بتاع حافلة الفنانين داك ..!!
أصلو زي نوعية المصائب دي بيكون لا ميها عندو ..!
|
Post: #28
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 07:44 PM
Parent: #18
حميدة ؟
قلت لي غناء البـ شنو ؟
لاحولا ولاقوة الا بالله
طيب إنت جيت ختيت روابط كتاااااااار ولا فيهم شئ بيفتح ياخ
تعال ورينا ياتو الشغال ؟
|
Post: #25
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 06:51 PM
Parent: #10
محمد الجيلي سلامات
والله القصة ماشة فعلا لكونها تكون
مكرونة وماعرفنا لونها
كركديه وماعرفنا ليه !!
|
Post: #29
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: abdulhalim altilib
Date: 02-13-2009, 08:02 PM
Parent: #25
العزيزة / نادية
جيت ماري وسمعت الربة
والصفقة ، قلت كدي النشوف
العجاجة دي قايمة في شنو ؟
والله لكن لقيتك خطيرة
وديامية على السكين ؟!
وطبعاً اخونا ناذر طلع هو
سيد الساوند سستم ذاتو ؟
والله ياريت البوست ده
تحوليهو لتلفزة خارجية
وتجيبي لينا ناس ود الرحيمة
والبودي قارد حنان لبض .. الخ ؟!
مودتي لكما ،
( ليمو )
|
Post: #30
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 08:21 PM
Parent: #29
ليمو
Quote: والله لكن لقيتك خطيرة
وديامية على السكين ؟!
وطبعاً اخونا ناذر طلع هو
سيد الساوند سستم ذاتو ؟ |
والله أنا ماديامية أنا بت بحري لكن بحبهم شديد وهم ناس يتحبو ياخ ناس بهجة ومسرة
ناذر سستم ده زول باحث في مجال الأغنية الشبابية وبعرف يجيب الحاجات دي من بلدها عديل له التحية شديد
|
Post: #32
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ismeil abbas
Date: 02-13-2009, 09:04 PM
Parent: #30
ألأخت/نادية انا قلت بقيتى شاعرة بهبوط وللا شنو؟؟
عمومآ الهابط كتير ألأسهم هابطة..و بعض الغناء هابط..وفى بعض ناس فى المنبر ده بكتبوا حاجات هابطة............إلا الذهب شفتى بقى بكم.....
الذهب هو الذهب..............أصبل وما عايز تفصيل........لك ولنخلات من بلادى التوفيق والسداد............إسماعيل محمد احمد عباس...
|
Post: #33
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 09:18 PM
Parent: #32
شقيقي وصديقي إسماعيل
تسلم يارب وفعلا الذهب لا يصدأ !
السودان بلد المليون شئ وضده !
بلد فيها الجمال بالكوم وفيهو ( حبة) قبح مابيدوم !
وتسلم ياغالي ويسلمن نخلات بلادنا
|
Post: #34
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: abdulhalim altilib
Date: 02-13-2009, 11:12 PM
Parent: #33
الأخت العزيزة / نادية
تحياتي وتقديري ،
| Quote: والله أنا ماديامية أنا بت بحري لكن بحبهم شديد وهم ناس يتحبو ياخ ناس بهجة ومسرة |
طبعاً مقياس الطرب (على وزن ريختر)
هم الديامة ، وعلى هذا وصلك طرف سوط البهجة .
بعدين وعلى قول عمنا (حمزاوي) :
(طلعتي من إندينا ) وكلنا عيال بحري ،
وبنحب الطرب والهجيج .. عشان كده عندنا
في كوبر .. لو غنماية (الله يكرمك والقراء)
ولدت بتتعمل ليها حفلة كاربة واحتمال
تستمر لمدة يومين (!!؟) (وش مبسوط للآخر) ؟!
لك إعزازي وتقديري أختي .
مودتي ،
( ليمو )
|
Post: #35
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-13-2009, 11:20 PM
Parent: #34
ليمو العزيز
Quote: وبنحب الطرب والهجيج .. عشان كده عندنا
في كوبر .. لو غنماية (الله يكرمك والقراء)
ولدت بتتعمل ليها حفلة كاربة واحتمال
تستمر لمدة يومين (!!؟) (وش مبسوط للآخر) ؟! |
ونحنا في الشعبية لو ( عتوت) خطب بنرب ليهو الدنيا للصباح !!
هو ذاتو الدنيا شن فيها بالله .. وأهو بنحاول نتعايش مع ظلامات الحياة والجاي علينا ( مهبب) ربنا يستر !!
|
Post: #38
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ابراهيم سائحون
Date: 02-14-2009, 00:01 AM
Parent: #35
هو ذاتو الدنيا شن فيها بالله .. وأهو بنحاول نتعايش مع ظلامات الحياة والجاي علينا ( مهبب) ربنا يستر !!
.........................................................
لا حولاااااااااااااااااااااااااااااا
هوى الناس دى شكلها جابت آخرا شديد
يا ناس الغنماية
يا نادية عثمان كدى استغفرى الله و غسلى و شكك من العجاجة القايمة دى
و الله الواطة اصبحت عديل
|
Post: #39
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: سناء عبد السيد
Date: 02-14-2009, 00:18 AM
Parent: #38
Quote: > ....لا كوع يقد الوسادة
لا ساق يضبح الجدادة ... |
الكلام ده كناية عن انها سمينة و مرتاحة و السودانيين زي الجاهليين القدامى
بحبوا البت الممتلئة و السبب شنو الله اعلم
البيت الفوق ده يماثله قول الشاعر كأن مشيتها من بيت جارتها مر السحابة لا ريث لا عجل
بلاغة ما بعدها بلاغة لكن
انتوا القاعد يألف الاغاني دي منو؟؟
|
Post: #40
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: محاسن زين العابدين
Date: 02-14-2009, 05:47 AM
Parent: #39
عزيزتي نادية
صباحك خير
بوست شيق ... والهبوط الاضطراري مهم
فمثل هذه الأغاني
هي انعكاس حقيقي للمجتمع
وتحكي ظواهره الاجتماعية
والمدهش ان المؤلف هن فتيات ...يبرزن معاناتهن .... أحلامهن ... وسخرية المجتمع والقدر
في مثل هذه الأغاني ...
والبوبار في رايي لم ياتي من اهله إنما جاء ممن يعاني متمثلا واقعا ذهنيا جديدا أو سحرية
أو من تاليف مغنيات
باحثات عن العيش بالتغني وبعث الرضا فيمن يشعرون بهذا التميز والبرستيج
مستمتعة انا بالتعرف إلى افكار وعينات المجتمع عبر هذه الأغاني
فلاسباب كثيرة منها وجودي خارج السودان اجهلها
واتمني ان يكون هذا البوست توثيق لأغاني البنات
وهنالك دراسات لباحثين اجتماعيين كالاستاذة نعمات رجب وآمال حيمورة "بحث جامعي"
واتمنى لو يتداخل بالبحث من البورداب من له اهتمامات علمية اجتنماعية سيكولوجية
لإثراء الطرح
تقديري ومودتي
|
Post: #50
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-14-2009, 09:57 AM
Parent: #40
العزيزة محاسن زين العابدين
تسلمي يارب
وفعلا كلامك مهم جدا وماعارفة ليه الدراسات في مجال أغاني البنات قليلة برغم انو أغاني البنات
ليها تأثيرات وسريعة الانتشار في أوساط الشباب بالذات من الجنسين !
ياريت فعلا المهتمين في المنبر بالنوع ده من الدراسات يرفدوا البوست بالدراسات والبحوث الاجتماعية دي علنا نصل لشئ مفيد في المجال ده ..
تسلمي يارب وخليك قريبة
|
Post: #43
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-14-2009, 07:53 AM
Parent: #39
سناء عبد السيد
ياعسل كيفك
وينك مختفية ليك كم يوم ؟
قلتي لي البيالف الأغاني منو ؟
والله نفسي الاقي وأحد منهم لانو دي ذاتها موهبة خطيرة عديل غايتو !
المقدرة على الارتجال كمان ماشئ هين يابت أمي ولا شنو ؟
|
Post: #41
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-14-2009, 07:21 AM
Parent: #38
سائحون
سلامات
ماهو كان الواطة أصبحت مافي عوجة الخوف انو الواطة تفلل وتبقى ليل مالوش آخر !!
|
Post: #42
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: ناذر محمد الخليفة
Date: 02-14-2009, 07:45 AM
Parent: #41
أها ..
غادى غادى الجزام بعادى ...يا القاعدة برّة للأذى و المضرّة ..
> .. يا الككوية يا أم جضوماً موية.. .يا السوقِك بايِر ودمِّك فايِر..
> ...الشمس ضربتِك و الرجال أبتِك !!!!!
> القطر فاتِك و الزمن شاتِك.....
> يا الفى الحفلة ما عبّروك...... ناس الفيديو فطّوك و ناس العَشا نطّوك....
> الزمن خَرَتِك... و الضِحِك شَرَطِك.....
> يا الوزّعتى صورتك و ما فكّيتى بورتك !!..
> قطرِك صفّر وسوّاقُو طفّر...
>
> هييييييييييييى.....
>
> خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس..
> براااانا بنعرف مستوانا ...
> برستييييج يا ناس أر ي ييج .... و إستااايل يا ناس واااائل ...
> ما ناس الدمار و رفع الأريال فوق بيت الإيجار ...
> ناس الشمار و البوبار ..
> ناس الشوبار و عدم الدبار...
> د يل خسارة الداية و تعب السماية .......
> بطااااااااطس و مستوى غااااااطس ....
|
Post: #44
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: Yassir Bainwi
Date: 02-14-2009, 08:03 AM
Parent: #42
يجازي محنك يا نازر ياخ
Quote: > د يل خسارة الداية و تعب السماية .......
> بطااااااااطس و مستوى غااااااطس |
قطعتا مصاريننا
نادية كيفك ... ؟؟
(وجه مليان شوق)
|
Post: #46
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: HAMZA SULIMAN
Date: 02-14-2009, 08:18 AM
Parent: #44
بوست رائع رائع
شكرا يا ندوية
ويا ناذر يا خطر
قلت (الصفقة وين)
ولا
( الصفقة تعبانة)
|
Post: #45
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: العوض المسلمي
Date: 02-14-2009, 08:14 AM
Parent: #42
Quote: ولا بعنا عرباتنا
ولا وقفنا شيكاتنا |
ناديه سلام
هو ده غنا ولا سمسره ؟؟؟؟
|
Post: #49
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: Dalal Ezzaldin
Date: 02-14-2009, 09:26 AM
Parent: #45
سلام يا ناديه .. وبت حلال
امبارح القريبه دي مشيت عرس والحفله كانت ميته بالاغاني القديمه ..
اكتشفت انو الحفله بلا غناء هابط .. دي ما حفله
عارفه الاغاني دي بايقاعها السريع بتخلي
الزول بتحرك بطريقه لا اراديه مع كلام خارم بارم وهو مبسوط
اغاني ناس قنبله ومطار ابوظبي وطلعت كبري نزلت بري ..
الله لا يحرمنا منها
|
Post: #51
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: عاطف محمد أحمد زكريا
Date: 02-14-2009, 11:28 AM
Parent: #49
نادية ازيك
تمشيا مع حالة الهبوط الحاد اليك النص الكامل الذى اخذت منه هذه اللا اغنية علما بان شاعرها استقى كلماتها من قصة لسيدة تجسد ظاهرة الفتونة التى انتقلت الى النساء فى الاونة الاخيرة
يقول الراوى:
كانت هذه المرأة (فتوة) النساء فى ذلك الحى فكثيراً ما يلجأن لها لتأخذ بثأرهن .. بيد أنها كثيراً ما تنفجر إذا شاغلتها إحداهن بكبر حجمها ف(تغُز) إحدى يديها فى وسطها والأخرى ملوحةً بالمفراكة فتردح مفتخرة
هيييييييييييييييييييييي
دايرة تضربينى عين؟؟ .. يا أم وشّاً شين ؟؟ ..يا قدُر نفرين .. يا البتفطرى شحدة,, و بتتعشّى بالدين ؟؟!!! ... يضُربك الضريب شقّاق العناقريب ...!!
ما تقيفى فى الزلط و تتكلمى غلط..
...العشا حمام و التحلية شمّام .....و مليانيييييييييييين يا إنتى ...
.
....هيييييههههيييييييييى....
.... حليلكم إنتو يا ناس الإشلاق يا الما سمعتو بى السيريلاك ....
... سُكنة قطاطي ومستوي واطي... شِراكم قطّاعي وركوبكم النقل الجماعي....
...بششششششتنة و الناس متمحنة ..قهر و فراق أهل..... نببببببببرة و نستبرة و ما نسكن جبرة..يا الديّامة يا حطب القيامة.. يا ناس أمبدة , البِفطُر فيكم ما بتغدّى .. يا البتستحمّوا بى موية العِدّة !!!... عشوائى جدّة ولا فِلل أمبدّة ...!!..دا مستوي داير دَوا !!
يخخخخخسسسسسسى و مرض نفسى ...
.هيييييييييييييييييييييييى ...
لا كرعيننا رقاق و لا مولودين فى زقاق ..
أولاد عوااااااااايل و عندنا فايل .....
ربّونا فى الإمتداد و حبينا فى البلاط.... ولدونا فى الدايات و قرينا فى الراهبات....
.نححححححححححححمدو..... نحن نشتّت و خلق الله تلقّط ..
ساكنين الخرطوم , محل الرئيس بنوم , والطيارة بتقوم , والجكس بِحوم ..... أولادنا لابسين الجِنز وحالقين مارِنز..اولاد راستا ..وعشانا باسطة..وشٌغلنا واسطة .. ما بنتردّى , ونلبس الشدّة ... لا بنركب الركشات , ولا بندخل غُرف الشَات... بنعرف الذوق ,ومستوانا فوق .... بناكل المنقة و ما بنعرف الزنقة .. بنعرف الجكس , وما بنركب التكس..اسكيلنا عالي ,ومهرنا غالي..
و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
.. و مصاحبين ناس بحرى البيخلطوا فى الكوبرى ..كوبرى شمبات المكسّر بالجمبات ,بى تحت موية و بى فوق عربات !!!.. عصيرهم أناناس و ما بيضايقوا الناس!!
حكوووومة و الناس مظلووومة ... !!
و أفهميها... أعملى شخيط و اقيفى بعيد ..
سجم و كمان عدم فهم؟؟ يا بجم يا ولادة الندم ؟!!..
...هييييييييييييييييى و تااانى هييييييييييييى و تانى و تانى هيييييييييييييييييى....
ما تكُبّى الريحة و تعملى تفتيحة , و تخلينا نقيف ليك فى طرف المعلقة و نورّيك الصعلقة .. هييييييى إتلمّى يا البتقعى و ما بتسمّى ..يا جرجير يا وسخ الزير ... بالنهار تسبّحى , وبالليل تضبّحى ..
كان جبل طلعناو و كان عسل لحسناو ..
.هووووووووووووى.... تنبزينى أنا يا كرور يا وسخ الخور !!... يا اللُقمة الفِى الزور !!
يا شوكة الحوت اللا بتتبلع لا بتفوت لا بتخلّى الزول يموت !!.. يا تربيزة الجزارة يا اللامّة الوسخ و الزفارة !! .. والله دى قصّة و دايرة حصّة !!
هييييييييييييييييييى
أخير ليييييك فتحى عينك قدر الريال و خلّى أضانك قدر العقال ...
ما تخلينى أدق الصفايح و أطلع الفضايح... و أقيف ليك فى الحوش و أنفُض الكَلُوش !!!
... يا مرة يا مجنونة يا شبه حجر الطاحونة !!...يا ليمونة و عاملة فرعونة !!!
... هيييييهييييييييييييييييييييييي ....
غادى غادى الجزام بعادى ...يا القاعدة برّة للأذى و المضرّة ..
.. يا الككوية يا أم جضوماً موية.. .يا السوقِك بايِر ودمِّك فايِر..
...الشمس ضربتِك و الرجال أبتِك !!!!!
القطر فاتِك و الزمن شاتِك.....
يا الفى الحفلة ما عبّروك...... ناس الفيديو فطّوك و ناس العَشا نطّوك....
الزمن خَرَتِك... و الضِحِك شَرَطِك.....
يا الوزّعتى صورتك و ما فكّيتى بورتك !!..
قطرِك صفّر وسوّاقُو طفّر...
هييييييييييييى.....
خِفّة و شعر تِفّة ... جلفطيص و النبق الرخيييص ,, جابوهو بالجمعة وباعوهو بالخميس..
براااانا بنعرف مستوانا ...
برستييييج يا ناس أريج .... و إستااايل يا ناس واااائل ...
ما ناس الدمار و رفع الأريال فوق بيوت الإيجار ...
ناس الشمار و البوبار ..
ناس الشوبار و عدم الدبار...
ديل خسارة الداية و تعب السماية .......
بطااااااااطس و مستوى غااااااطس ....
هيييييييييييييييييييييى
....بَنَضورة و كشفنا دورها....
قرفة و عدم عرفة... بستلّة و حايمة فى الحِلّة...
كركدى و ما عرفنا ليه ... بامبَى و أبى ينجض لَى ...
نحن الغدا ريجييم و التحلية إيسكريييم.....
متعلّمييين.. من ما قمنا بين الكراريييس ... الفطور فى لندن و العشا فى باريس ..
سمعتنا و مصاريف جامعتنا .. حبّونا وفى الحدائق ما شرّونا ...!!
.. لابسين الموضات و راكبين العربات , مقاعدنا سوستة وسواقنا اوسطى !!
البيابانا بنوصّف ليهو غلط.. و البريدنا بنقطّعو الزلط.........
قناااابل فى محطّة البلابل..
هييييييييييييييييى...
جقر جقر يا كمونية البقر!!!! .. يا القليدة , شرّابة المديدة !!! إنشالله تدخل عليك بالساحق و الماحق و البلا المتلاحق ,, بركة الجمعة الجامعة و الكلمة السامعة !!بركة سيد البريّة و تيران بدريّة !!... قولى آآآمين .. إنشالله تاكلى الضب السمين , بالكسرة و العجين !!
عشان تعرفى شُغل الدفِس البلا نَفِس.. ..
يا القارشة أضانك و ما ناقشة حنانك ,إنتى يا الطيرة المبارية السيرة ..!!!
نفسياات و عدم إمكانياات...شِدّة و بَدَل عِدّة.....
والله دى قصّة و آخرها لسّة ..!!
هييييييييييييييييييييييييى يا ...
عاملة راسك زى المكوة .. و جضمك زى كيس الدكوة....الشعر مضفّر و الوش محفّر ... حسّة دا وش وللا طش ؟؟؟
يا المقطّعة هدومك و مادّة قدّومك ...حسّة دا قدّوم لكّوم وللا كد دوم ؟؟!!
يا التِبِش البِقى يمِش !!صارّة وشّك و مادّة كرشِك !!! يا شارع الزلط المركب غلط !!
دى شلاليف وللا مجارى خريف ؟؟!! .. *************** ؟؟!!
هو العسل إلاّ ينقّط والقرد إلاّ ينطّط..؟؟
يخخخخخخخخخخسى و مرض نفسى ..!!!
كوااارع و حايمة فى الشاارع....
مكرووونا و ما عرفنا لونا....
هووووووووووى يا أخوها الجابك شنو ؟؟؟؟!!
لسّة ما خلّيت الشلاقة , والمتاوقة بالطاقة .. ؟؟!!
عارفنّك شليق , و بتشرب بالإبريق ..
يا زول الصَقَت جا ..خلَّى عندك ذووق..
الباب مقفول يللا نط بى فووق...!!
أخير ليك تلاوِز و ما تجى تحاجِز !!!
و أحسن ليك تتدسّة و ما تخرب الرصّة ... كان قُلتا أخ , الليلة بتِتلَخ !!
يا النسيت ناسك و فقدتَ إحساسك ...
شِن جدَّ فى المخدّة ؟؟... التنجيد ولّلا الكيس الجديد ؟؟؟
يا راجل يا كشَا مشَا.. يا العزموك فطور جيت عشَا....
يا الدقّيت بابنا و أكلتَ كبابنا ..تشرب شايينا و تكسّر كبابينا !!
يا ناصل و ما عارف الحاصل ..!!
هووووووى يا أب رِدا ... وشّك كِدا ؟ وللا خَرَبو الشِتا ؟؟ ... أجيب ليك عيشة تقرّضا ؟ وللا مخدّة تنجّدا ؟
..يا طويل يا سلك الغسيل .. يا شمّاسى يا ظهر الكراسى...
هبّهاااااان ووسخ بيان...
بتدّى ولا بتعضّى ؟؟... يا كِجِنكِى , يا مسمار الزِنكى ..
عامل لَى فيها تفتيييحة و شايل مفاتيييحها...؟؟
كان إنت واقع من السما ,نحن اللزّيناك ... و كان مزروع فى الأرض , نحن الغزّيناك !!
هيييييهييييييييييييي يا ..
ما تقعد تنقنِق و عُضامك تطقطِق ...
إنت واقع من لورى شطّة ؟ وللا فاتتك المحطّة ؟؟!! ..
ما تعمل لَى فيها خطيييير و بتستحمّى بى موية الزيييير ... يللا كِش عشان نقدر نمِش ..
ما تقعد تعاين و تطفّش الزباين ... و أوع تِنفَرّا و تمرُقنا بى برّة .. ولّلا تتمطّى و تكشّح فينا الشطّة ..
يا الكاتلاك السخانة , و ما شُفت الحضانة ..عيشتك كلّها فوضى , و ما دخّلوك الروضة !!
يخخخخخخسى و مرض نفسى ..
هييييييييييييى.....وتاااااانى هييييييييييييى ...
هيييييييي يا هاء , يا همزة على ياء ...!
ما تخلّينى أورّيك المغطّى و ملان شطّة ... يا بتاع البوبار يا البتخمّس السجار ..
القميص جمايكا .. و الصلعة فورمايكا....
الأضان هبّابة ... و الفَلَجَة بوّابة..
الجبهة سبّّورة .. و النخرة ماسورة..
شوفوا البوز الما ضاق الموز!! .. اليدّين مساويك , والكرعين مفاريك ..
ما تعمل فيها شِفِت و ممسّح بالزِفِت ..
كان إنت ضربتا السما جير ,, نحن أدّينا الهوا بوهية, و ضربنا النجوم مَنَكير !!
أطََفَّر ؟؟ وللا بتدفِّر ؟؟..نجى بالدَرِِب وللا فيه كلِب ؟؟؟
مرّة تجوط , ومرّة كاتم صوت ..
..يا بايركس , يا ما بتعجب الجكس ..
يا المن قمت ما باسوك , و يا الرُحت و أهلك ما كاسوك !!
يخخخخخسسسسى و مرض نفسى ..
هييييييييييييييي هييييي ..
صحى الرجال ماتوا فى كررى , و الباقين فى تايتنك ..
تانى ما أشوفك قدّامى يا المصيرك تتشنِق ..
وقع ليك ؟ وللا أعيدو ليك ؟
يللا زحّوا الإتنين كدا ,وخشّوا جُحُركم الدنيا شتا ..
شبهييينا و إتلاقينا.....
يا جيران السواد , و نقيصة الزاد ..
خلاص نسينا سيرتكم , ورمينا طوبتكم ..
صحى ناس ناس .. و ناس أنناس ...
و ناس أذى للناس ...
وناس يتمَوا بيهم باقى الناس....
يللللللللللللللللللا بلا لمّة , العدد تمّة !!!
مع ودى
|
Post: #52
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نادية عثمان
Date: 02-14-2009, 11:44 AM
Parent: #42
ناذر ؟
الرسول فيك الكلام ده قعد تسمعوا وين ؟
معقولة في الخرطوم تلاتة في كده ؟ ( وش هناي غايتو وبااااااسم)
ياخ جيب الغنية من بتاع الساوند يااااااخ
|
Post: #53
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: نسرين جمال
Date: 02-14-2009, 01:05 PM
Parent: #52
الله يجازي محنك يا ناذر
Quote: غادى غادى الجزام بعادى ...يا القاعدة برّة للأذى و المضرّة ..
> .. يا الككوية يا أم جضوماً موية.. .يا السوقِك بايِر ودمِّك فايِر..
> ...الشمس ضربتِك و الرجال أبتِك !!!!!
> القطر فاتِك و الزمن شاتِك.....
> يا الفى الحفلة ما عبّروك...... ناس الفيديو فطّوك و ناس العَشا نطّوك....
> الزمن خَرَتِك... و الضِحِك شَرَطِك.....
> يا الوزّعتى صورتك و ما فكّيتى بورتك !!..
> قطرِك صفّر وسوّاقُو طفّر...
>
> هييييييييييييى.....
>
> خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس..
> براااانا بنعرف مستوانا ...
> برستييييج يا ناس أر ي ييج .... و إستااايل يا ناس واااائل ...
> ما ناس الدمار و رفع الأريال فوق بيت الإيجار ...
> ناس الشمار و البوبار ..
> ناس الشوبار و عدم الدبار...
> د يل خسارة الداية و تعب السماية .......
> بطااااااااطس و مستوى غااااااطس .... |
الكلام دا بتجيبو من وين
شكرا نادية وناذر لكن الغني في الخرطوم بقي كلو كدا
غياب كامل للمصنفات الادبية الله يكون في العون
الغني الجميل راح مع اهلو
ربنا يصبرنا بس
|
Post: #54
Title: Re: لا بنعرف خساسة .. ولا بندخل حراسة ..أحمد الله بي حقي .. منو القال ليك ماعندي ؟ ( يوجد بوبار
Author: حبيب نورة
Date: 02-26-2009, 06:26 PM
Parent: #53
عسل يا نادية
فوووووق
|
|