الي رنين البلاد البعيدة سلام ...!!!

<object width="425" height="344"><param name="movie" value="http://www.youtube.com/v/uruO8Mwb4rw&hl=en&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/uruO8Mwb4rw&hl=en&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

كيكي احسن تقول قول
حكاية انك تجيب حاجة من حتة تانية دي
خليها لغاية ما يجي الريس ،،
وينك اليوم عاينة ليك وما جيت

http://www.youtube.com/watch?v=uruO8Mwb4rw&feature=related

هلا يا ابو صلاح يبدو انو بكري وضب القصة ضيبة شديدة
حتي اليوتيوب بقي قاسي وصعيب....
وكيف بالله الجلسة بتاعة الليلة
شايف خلي استحمي بدري واتريح وقال ماشي

وشكلنا حنواصل كتابة
جنا بتعرفو وجنا اخير من الجن الكلكي

والله ياجماعة الاسفير ده جياب ياخ.....!!!
شتينا في بلاد الغربة وناس سحمة وقحمة شالت وجدانها المرهف والشفاف وطلعت جوازسفر
وبقت زي الطيور الما بتعرف ليها خرطة وسافرت في بلاد الله الواسعة ديك .ناس مشت شرق
وتانين مشت غرب وسافروا .شالو من النيل غيم ومن كل تراب البلد رهط وخلوا خشم البلد ملح ملح
واحنا كمان خشمنا بقي ملح ملح وقعدنا وكشفنا يمين يسار والبلد نشف الطمبور براهو عزف لحن
حزين وغني ياقماري حلتنا قودن يا البريدكم ياحليلو.......

خلي كان متألق
بس للأسف المكان ما كان متألق

وفجاءة صحينا من الصباح وقررنا احنا ذاتتنا نطلع (جواز) وندق ختم ونسافر نلحق
نعانق نسلم علي الناس الملانننننة من جوه محنة ودهشة .ومشينا شرق وسالنا غرب
واتلفتنا يمنين ويسار وما عرفنا سكة للوجع الطفش بين المواني والمطارات الوجع الركب
السفن والطيارة ام هديرا بخلع......واخترنا حتة واتحكرنا تحت نكورك علي الجمال الهبر وشتة بين
الدول...

Quote: خلي كان متألق بس للأسف المكان ما كان متألق

خلي نجم كبير بكان ما يقبل..
والقاعة بتاعة اصدقاء البيئة اساسا ضيقة
ومفروض الناس تشوف ليها جهة ثانية فالبرنامج شكلو بقي يجيب ناس كثار

كيكي
بكري قفل الباب البجيب الريح
نظامة بقب نبق بلدنا و لا تفاح الناس
لكن واصل جهدك
و نحنا بامكاننا ننقر علي الجزء
الـ clickable في الكود و نشوف
الفيديو في موقعه الاصلي
مستمتع مع محمد احمد عوض
تشكرات

Quote: بكري قفل الباب البجيب الريح نظامة بقب نبق بلدنا و لا تفاح الناس لكن واصل جهدك و نحنا بامكاننا ننقر علي الجزء الـ clickable في الكود و نشوف الفيديو في موقعه الاصلي مستمتع مع محمد احمد عوض

هلا يا نصار
وشغل بكري مجيهة ونتايجو ظهرت سريع
وسلبت الجوكر اقوي اسلحته وبقي لافي في الفاضي
وده كلام تمام

وفجاءة قالوا الخواجة العينو خضر عمل مصيبة زي العنكبوت بتلم الناس ( دبل دبلين) للكلك
تلم في الناس الشالت روحنا وسافرت وكمان تلم في اجناس اشكال والوان....الخواجة (جون) جاهز
وحلولو دائما في طرف كيبوردو ..ياخواجة فطومة السمحة شالتها الطيارة ووما عرفنا ليها بكان...
يعوج لسانو ويوصي بدبل كلك تغمض وتفتح وتلقي فطومة قدامك والوندو حمارو في السماء...
ياخواجة ابكر ضايقو الكيزان وسلوا روحوا وطفش من الحلة وغاب من الدافوري وعشاء الفول
والكوارع بقت (مسيخة)...

ابكر يا خوووواجة.كلك كلين ويجيك ابكرونة وكمان تلقاهو نفسوا
قايم من الفتيش والكواسة فس بيت العنكبوت وكمان تفتيحة وشايل للقصة مفاتيحها... ود كلو كوم والكوم التاني
الناس البتجيك زي مطر الرشاش الرشة لا احم ولا دشتور ناش تخش القش الاسفيري ده
وما تقول كش وفجاءة تلقهم قددددددامك في صندوق بريد الاسفير المفاتحو باص ويرد احرف حرامي ما يقدر عليهو..تووش كده تلقي قدامك انهار من الالحان ورنات من صدي الزولة لمن تتوشح بحروف كما العطر..
وهاك يا دبل كليك وهاك يا كلك واحد وسين وجيم وحق الله وبق الله وكل مرة تتكشف لك دنيا من رحيق الزول
وكل مرة يتكشف لك لحنا من الجراري لم يعزف بعد..وضربة من التمتم لم تمر عبر الاذن السودانية ابدا...ونواصل
ولكن بعد الفواصل

فجاة بق صندوق الخواجات ابو وندهات تجنن..وكلك كليكين ظهر وبان وجه افريقي الملامح امريكي الاستايل
وش ممكن ديانا ولا كريم روس ذااتو ما تقدر توصف..سلسل مجدوع بزاويا قائمة 40درجة في مثلث هناااك
كده..شعر عجيب وخصل افريقية عولجت بايادي امريكية ادتها لمحة بتاعة (ديانا اسبنسر الانجليزية)..
فستان ولا قميص الشي العجيب ما تعرفو شنو..لكن الشاهد انو كل شي كان في محلو..
ابكر صاح اتخلع كتير في الدنيا لكن خلعةو خلاعة بتاعة زي يوم (الويندو العالمي داك) ..لالا ما شفنا ولاسمعنا في كل حكاوي صحبي ابكر التي تمتعنابها ذات ليل...!!!
الشي جن
ولا ملائكة
ولا بني ادم فارز عيشتو براااو كده من الادميين والادميات
ولاشنو..؟؟

ونعود

http://www.youtube.com/watch?v=-bQlCLP4Qro&feature=related

ابكر صحبي في اعترافاته صرح وبان عندما كان له الامان..بان الاستايل الافريكاني ده بعذبو عذاب قبورة
وبجهجة ليهو كل الدفاعات والمتاريس الجكسية التي اقامها ضد (العدو الجكسي ابو شعر)..واكد بان في زيارته الي بلاد الزنوج (المكان) كان طلوعه علي قارعة الطريق يعني طلوع مروحة تربيزة متحركة وكان ايضا يعني فلايت وجع رقبة اتي بلاريب من اثر اللفيت العالي في حضرة اللون الخمري الممزوج بالترتيب والنظام والجيه الامريكاني..
ولكن ده كلو كوم والجنية الامريكانية الافريقية التي بانت في ناظري ابكر في ايامات قليلة مضت كوم تاني...
وقال ايضا..
صاح سيرينا وليمز نموت فوقو
وكل استايل افريكاني برضو نموت ركن..
لكن زي بتاع الويندو ده لا شفنا ولا سمعنا بيهو ولا ادنو ليها في يوم الجمال والدهشة والعالمي..
لالا
شغل عجيب..
وعين ابكر لابد ان تكون باردة ويتحدث علي الايادي التي في طرفها شنو كده ما عارف..
والوجنات التقول نقشوها في معهد وين كده ماعارف للوجنات الدولي..
والوش السراميك البنوسي..(حد شاف سراميك ابنوسي.؟؟ ابكر شاف سراميك ابنوسي يا ناس في الوش العجيب داك..

ولان ابكر قدوم حجر وفقري وبنوم بدري ولمن يشوف جكسوس رهيب زي ده لازم يلبس لبس خمسة ويواصل المشوار
ويعرف من ايتها المرافي والفيافي ورد هذا العجيب ابو عيون عسلية..
ايوه لازم تنزل الجاكة علي ارض الواقع وتخت الكورة وطتا..
وتكب حنانزيرم وباقات ترحال ومدارات وتعرف ايش السالفة..
ولازم تصل عندما تحلق طيور السنونو خلف شفق وين كد ماعارف...وتعرف الجكسوية بيك كابكر محمد ابكر
وتقدم اوراق اعتمادك كسفير فوق العادة وعضو منتدب...
...بهذه الخلفية وتلكم الفلسفة الابكرية دش ابكر حلبة الصراع ...وموشحا بخبرته الطويلة في ردهات فريق زنقو وجكس فريق حجر وايامات ناس عشة قوون وثريا تفتيحة الكانت طوالي مسرحة بوب مارلي..
وبقوة عين قوية وقلب اسد دخل صديقي ابكر حلبة المفاوضات من اجل واقع ابكري يسوده الابنوس في حضرة الزنجية البقت في يوم الويندو العالمي..وكدي نشوف ايش الحصل

ونعود

http://www.youtube.com/watch?v=tJgiSxKxjYk&feature=related

يا كيكى بس دا حدو وين ومتين

لامن نعدم نفاخ النار...

Quote: يا كيكى بس دا حدو وين ومتين لامن نعدم نفاخ النار

قصة صعبة يا اميرة وموسفة
والغريبة اي زول برازيهو بقلع الباصوريد بتاعو
يعقوب
وابو الحسين
ومجدي الشيخ
ديل قلعهم قدامي عيني دي
وانتي زااااتك ببوستك ده اعملي حسابك
(كوني اوف لاين واخشي اكتبي واتخاري سريع)

Quote: وانتي زااااتك ببوستك ده اعملي حسابك (كوني اوف لاين واخشي اكتبي واتخاري سريع)

تعرف يا كيكى ..اول مرة احضر لى بث هكرى مباشر

المهم زازة بينا ونحن كمان ما قصرنا ..

شايفاك ما عبرتو ولا عبرتنا..

غايتو امس معاهو خطوة بخطوة ..سهرنا بس ناس الخبرة امس

كانو مافيشن (ود الصايم وكدة)

هلا بسمسمة
والهكر الامس ده كان هكر جحمان خلاص.
وانا كنت قاعد شايفو شغال قلع في كل باصوريد زول برازيهو
وقررت اني اعمل شخيت واقيف بعيد ولا اهببو ليهو.
ونعست ومشيت علي قناعة بانو باصوريدك انتي حيكون مقلوع مقلوع
وقلت بكرة الزولة دي ح تجننا (بالليلة ووووووووووب)..
جيت مع الصباح لقيتك قاعدة منططة عيونك في الفلتناين ههه
اها الحصل شنو بالليل داك

Quote: اها الحصل شنو بالليل داك

والله ياكيكى وماطالبنى حليفة...

قعدنا نزازى انا وسفيان وناجى الملك لحدى الساعة 4صباحا

ومافى جديد .. انا كمان نعست ومشيت نمت...

الصباح جيت ليك الحوش مقشوش ومرشوش ...

Quote: هلا بسمسمة

وشوش ياجماعة الله ..

قرقرقرقرررقر

Quote: والله ياكيكى وماطالبنى حليفة...

اها دي بذات دايرة ليها وشوش من وش واحد ..
والهكر شكلو خلاص مروتو كملت وامس كان كيشة خلاص
وبكون قال اتمها جوطة ولخبطة مادام الفيروسات البفكها دي قطوعها لي في راسي
اتخيل لي تاني ح يجي ولكن بجي زول نقة وغلغلة وما بقدر علي حكاية الفيروسات دي وده المهم

سمسة دي ياخي لزوم النيو لوك والفلان تاين
طبعا انو ناس بتقولو الفلنتاين
ولكن احنا ناس الكمبو بنقول (فلان تاين) او فلانة تاين

جينا نسلم وكدة

هلا يا دكترة
وكدي بالله شوف العذاب البغني فيهو
محمد احمد عوض ده...

صحبي ابكر جكس مقتول في فريق زنقو
وعامل لينا جوطة شديدة خلاص بجاي