Post: #1
Title: كبي الجبنة يا بنية
Author: حسن عبدالله
Date: 02-12-2009, 08:57 PM
الجبنة بفتح الجيم وليس بكسرها
هي القهوة
القهوة الحرة وليست النسكافي المستوردة خالية النكهة...
المعروفة لناس القهوة وذات الاضافات الغير محددة وغير معروفة....
والجبنة هي مشروب شائع في كل بقاع السودان الحبيب...
ويختلف الاسلوب من منطقة لاخرى اختلافات بسيطة.....
اهلنا في الشرق
وفي الغرب وفي الشممال
والجنوب ايضا
من عشاق القهوة ولهم طقوس وطرق مختلفة للاعداد لها وشربها....
|
Post: #2
Title: Re: كبي الجبنة يا بنية
Author: حسن عبدالله
Date: 02-12-2009, 09:10 PM
Parent: #1
القهوة تصنع من حبوب البن واشهر البلاد في زراعة وانتاج اثيوبيا (الحبشة)
ويزرع في العديد من دول العالم...
تحمص حبوب البن وبدرجات مختلفة حسب المزاج...
البعض يحمصها تحميصا بسيط ليصبح لونها اصفر والبعض يحبها سوداء والكثيرين يقعون بين هذا وذاك...
|
Post: #3
Title: Re: كبي الجبنة يا بنية
Author: حسن عبدالله
Date: 02-13-2009, 08:22 PM
Parent: #2
في العالم اشتهر بها الايطالين والفرنسيين...
بالطبع الاثيوبيين اكثر الناس حبا لها
وجلستها عندها لها طقوس خاصة بهم...
البعض يشربها مرة واحدة في اليوم والبعض مرتين او ثلاثة
وعدد منهم لا يتوقف عن شربها طول اليوم... تكاد تكون ادمانا....
قعدة القهوة داخل السودان لها في نفوسنا وقع فريد...
|
Post: #4
Title: Re: كبي الجبنة يا بنية
Author: حسن عبدالله
Date: 02-14-2009, 05:43 PM
Parent: #3
الارض مفروشه رمل ومرشوشه ماء من النيل تحت شجره غالباً ما تكون نيم
الجلسه عنقريب مفرش وهو عباره عن سرير سودانى
بنابر اى مقاعد لا يزيد ارتفاعها عن الاربعين سنت متر وبلا ظهر
ترابيز صغيره نسميها طقاطيق حوالى تربيزه تتوسط المكان
بخور السودان تيمان يملا جو المنطقة..
|
Post: #5
Title: Re: كبي الجبنة يا بنية
Author: waleed nayel
Date: 02-14-2009, 05:55 PM
Parent: #4
العزيز حسن
يا خي جبتا لي ذكريات جميله
كنت في السودان الشهر الفات بعدين زي الساعه اتنين ضهر امي الله يديها العافيه و معاها صاحباتها يجو يشربو القهوه تلقاهم ماسكين الفناجين و يشربو التقول بسطلو اخوك دخل معاهم في البرنامج ده
الصداع الضاربين لسه ما فكاني
الله يديك العافيه يا جبنه .......اقصد يا حبه
|
Post: #6
Title: Re: كبي الجبنة يا بنية
Author: حسن عبدالله
Date: 02-15-2009, 05:30 PM
Parent: #5
يا نايل يا ابو راس خفيف...
نحن زيلا دي نفتش ليها بالقروش ما لاقنها...
بس بيني وبينك الجلسة هي القصة البتمخول...
رشة الواطة وعمل البخور...
والنفس الطيبة ...
امك وصاحباتها ...
ولو رجعت بالشريط لوراء شوية!!!
واستجمعت وجوه النساء ولو قدرت دخلت قلوبهم كنت عرفت سر القهوة!!!
سره في النفوس الطيبة والقلوب الكلها حب واحترام...
لك الود
|
Post: #7
Title: Re: كبي الجبنة يا بنية
Author: حسن عبدالله
Date: 02-17-2009, 06:02 PM
Parent: #6
اقلايهابمقلاه وهو الاناء الذي يحمص به البن
وفندق بتعطيش القاف وهو الهون
او المدق ويد مدق من قضيب من الحديد
ثم الشرقرق وهو ما تحضر فيه القهوه
ثم مبخر او مخبر كما يسميه البعض كنايه عن الاخبار حيث كانت هنالك
ومازالت عاده يستعمل فيها بخور التيمان المسبع
اى مكون من سبع اصناف من ضمنها ما يسمى بالشب
يبخر بها من يعتقد انه مسحور فيتشكل الشب
ويخبر ان كان الساحر رجل او انثى
|
|