أين منتخبنا (الاحمر)؟؟؟؟؟؟؟

شاهدت أمس مباراة من الطراز الرفيع بين منتخبي غانا ومصر........كورة علي مستوي عالي جدا


سألني صديقي الذي بجانبي.....أين منتخبنا من مثل هذه الاعدادات؟؟؟ علما بأن غانا في مجموعتنا


أجبت عندما يتفق شداد...والوزير ....حول المدرب أولا


وعندما يتفق شداد والارباب حول المجنسين ثانيا


وعندما يتفق شداد وكل شعب السودان إنو مازدا هو المدرب الوحيد في السودان ثالثا



سؤال مشروع:

هو منو الغير لون شعار المنتخب من اللون الاخضر الجميل... للون الاحمر معروف الهوية ...والزول الغير الشعار دا شاور منو؟؟؟ وليه يتغير من اساسو؟؟؟



لك الله يا منتخب بلادي

بالرغم من أن أولاد بمبا حاولو إستهبال الغانيين (علي طريقة احد الاندية السودانية) بهدف غير صحيح إطلاقا تم إحرازه بواسطة رجل الخط


الذي أعتقد( والله أعلم) أنه ربما كان متأثرا بزيارة وفد مقدمة.....( مالقيت وش مستهبل كدا أنزله )


إلا إنو أداء المنتخب المصري كان ممتازا وما كانو في حوجة لمثل هذه العطايا...لو ختو الرحمن في قلوبهم


بس مين يسمع

المفروض ( والمفروض شبئ والواقع شيئ اخر) إنو يكون في خبير فني لمنتخبنا كشاهد عيان للمباراة دي

Quote: هو منو الغير لون شعار المنتخب من اللون الاخضر الجميل... للون الاحمر معروف الهوية ...والزول الغير الشعار دا شاور منو؟؟؟ وليه يتغير من اساسو؟؟؟

ياسر الهلالابي

انا ماعارف غايتو لكن على حسب فهمي لشداد شداد دا بكون شايف المريخ باللون الاحمر دا جاب كم كاس محمول جوا كدا من الخارج وافتكر انو يمكن اللون الاحمر دا يجيب للفريق القومي كذلك كاسات محوله جوا

لكن للاسف من الفريق القومي حول للاحمر لا الفريق الاحمر جاب كاس خارجي ولا المريخ ذاتوووووووووو جاب كاس محمول جوا يعني بالواضح كدا نحس المريخ ذاتو

عشان كدا شداد غير اللون الأبيض والاخضر للأحمر وقع ليييييييييييييييييك

وعليك الله فهم الاخوان يا (اللخو)

اما عن سؤالك عن اين منتخبنا ؟؟؟؟

منتخبك الان في رواندا عاوز يلعب مباراه الرد مع التكاسه لانو الشفنا في الوصيف دا مافي حد بستاهل يشيلوا ولا حى في الاحتياطي لمنتخبنا وياحليلك ياريتشارد..

مع تحياتي

ابومصطفى

اللخو الاحمر كيجا:

ألواحد لو عايز يقول ليكم سلامات ...تقولو كاسات المريخ المحمولة جوا


ثانيا أهم حاجة قلتها في كلامك دا كلو هي في كل العصر الحديث :

Quote: لا الفريق الاحمر جاب كاس خارجي ولا المريخ ذاتوووووووووو جاب كاس محمول جوا

لانو كاسات المريخ المحمولة دي الان في اضابير الاتحاد الافريقي مافي.....يعني خليك في اللحظة يا حبيب


ثانيا:

Quote: اما عن سؤالك عن اين منتخبنا ؟؟؟؟ منتخبك الان في رواندا عاوز يلعب مباراه الرد مع التكاسه

اللخو ...الفي رواندا دا ما منتخبك القومي...دا منتخب نيجيريا الرابع عشر....لانو منتخب نيجيريا الاول والثاني ومنتخب الناشئين في مباريات تنافسية...أما رواكيب نيجيريا او الترامات الاشتريتوها بالمليارات دي هي الان في رواندا...وإن شاء الله ما تجيب خيطكم بعد دا كلو

Quote: وياحليلك ياريتشارد

ماتخاف ...باقي ليهو كم شهر ويلبس الاحمر رسميا

عندي سؤال جانبي كدا:

دحين في محترف سجلو المريخ مؤخرا...إسمو عبدالقادر المكاشفي ولا الكباشي مابعرف...دا مما سجلوهو ما سمعنا بيهو تاني


دا نيجيري ولا جنسو شنو بالضبط؟؟