كورة واطا يا بني كوز بالله...............!!!!!

القرار للقبض علي البشير سامعين تحت تحت انو طلع وفوق فوق ايضا بان الامر الذي شغل الجماهير السودانية قد تم البت فيه وقالوا الناس ديل دايرين البشير....!!!!
لاجدال الامر صعب البلع وقاسي وصعيب علي الذين ارتبطوا بالبشير علي المستوي الفكري والتنتظيمي والانتهازي وكذلك بعض الذين يرون بان الامور في تداعياتها السلبية ستقود السودان الي مصائب ومن اجل الموطن المغلوب هم ضدها...!!!
لذا ننادي بكورة واطا وتفعيل نكران الذات والبحث عنه عميقا في النفوس الكيزانية وتقوية موجاته بكل الطرق..!
والتامل في تاريخ الاستقطاب والرعونة والبطش الذي هو اول الاسباب التي قادت الجميع الان الي مرحلة اوكامبو
والتي هي بالتاكيد مرحلة في غاية الحرج والخطورة لو تعاملت معها الانقاذ بنفس طريقتها الشهيرة في السابق
(طريقة فلترق كل الدماء)...

طريقة اقتيد بها الزملاء الطلاب من كراسي الدرس من الجامعات (ناس علي عبدالفتاح) وصديقي عبدالخالق عبدالله الترابي
وغادروا الدنيا مقدمين انفسهم في فيافي الجنوب وفي احدي مراجعاتتم لهذه التجربة افتي كبيركم الذي علمكم الكوزنة بان هذه الارواح ذهبت سمبلة واليوم وبعد دماء عديدة ازهقت وغابات كثيرة احرقت الحركة الشعبية يرفرف علمها في قلب القصر الجمهوري..ولا نقد ذاتي او اعتذار لهذا الشعب عن اهلاك موارد وسنين وارواح في حروبات كانت باسم الله..............!!!!
طريقة امتلت بها الميادين والساحات بالشباب والعجائز وفي اطراف اخري الشابات في معسكرات الدفاع الشعبي والخدمة الالزامية التي كانت يدفع تمويلها ومواردها من مال هذا الشعب الذي تسلطت عليه....!!!
طريقة بها تم الزج بالالوف المولفة في السجون والتعذيب والسحل والقتل والدفن في ليل دامس....
طريقة نظر بها الي حرب دارفور كحرب عصابات نهب مسلح حتي اتت ثمارها الان في عشرات الالوف من القتلي والمشردين واكامبو وربما النيتو ومجلس الامن وامريكا.....
طريقة شقت تنظيمكم اربا اربا.... فهذا هو الشيخ المربي الترابي سجينا مرة اخري...وهذا هو ابن حركتكم السابقة خليل
يمتطي اللاندكروزات ويضرب بها عباب الصحراء حتي الخرطوم غازيا وهاجما ومتوعدا
كل هذا وتلك كان باسم الرب...وكل هذا وتلك كان باسم الشعب الذي هو اخر من يعلم...!!!!

كيكي الجميل مشتاقين وكدي
<center><a href=http://www.sudaneseonline.com>;
<img src=http://www.sudaneseonline.com/uploadpic/jan09upload/ocampo-m2.jpg border=0>
<img src=http://www.sudaneseonline.com/u1/hostat1.gif border=0></center></a>

هلا يانقابي
وتحياتي شديد
وصلح لين اللنك عشان نشوف الحاصل شنو..

والكيزان عليهم بخت الكورة تحت من اجل الوطن

فلتتصالحوا مع الوطن وخسائره الجسيمة التي مزقته بقجا بقجا.... فالبشير لم يرازيه اوكمابو لمجرد انه ذلك الرئيس السوداني فقط ولكنه والحق الذي يجب ان نقله معا قد اجرم عندما اباد شعبه وشرده وسجنه وسحله..فهذا حقيقة ساطعة لا يغيرها مجي
اوكمابو من عدمه..هو ورهطه من الذين قبضوا علي تلابيب السلطة....
ونتفق معا بان بعض الحركات الدارفورية مارست ايضا بعض مارستهمو انتم ففي هذا الامر يتساوي الكثيرين...!!!!
السودان ذلك المليون ميل مربع والمتعدد في كل اشيائه والكبير باهله وثرواته وموارده لا يستحق ان يكون حقلا لتجاربكم السياسية المهلكة للنسل والحرث .....

انه وطنا من الضرورة ان يكون للجميع ويدار باسم اهله وساعتها عندما تحل بنا المصائب الاتية خارج الحدود سنهرع جميعا
للدفاع عن وطننا وما انبل واقيم واشرف من الدفاع عن الوطن....!!!
ولكن كيف لكم ان تنادوا الشعب ان يدافع عن وطنه واخاه يقتل في زالنجي وامه تسحل في (0خور برنغا) وصديقه يقتل في اطراف الفاشر....
كيف يتنادي الشعب للدفاع عن وطنه وعنكم وهو مسلوب الارادة والراي ووجدانه ملي بسيرة البطش وقطع الارزاق,....!!!
وهل يدعو الاله للدفاع عن الظلم في المعبد حتي لا بحجة ان المعبد سيهدم وهو من عليه ان يبقي في هذا المعبد سجينا معذبا
مقتولا...جائعا مشردا...
كورة واطا بالله انكروا زااتكم وانكروا اسقطات النفس البشرية التواقة الي الطمع والمكابرة,,,
وفليكن لنا وطنا حتما سيسع الجميع كوزا او لا كوزا...
ولكن قبل كل شي اغربوا عن وجهة البلاد والعبادوتوبو الي الله الذي كرم النفس البشرية التي اهنتم فيها عشرون عاماونيف..

الجليل دوما
كيكى

اخبارك يا باشا وين انت ؟؟...؟؟



على البشير وزمرته ان يجدوا ملجا اخر الان ...

وعليهم الان تقديم استقالتهم من الدولة ...

لقد حاكموا الشعب السودان بالقتل والجوع والتشريد والتهجير ...

والان حان دورهم لكى يحاسبوا امام القضاء ...


ربنا ارينا فيهم يوما اسودا كعاد وثمود

Quote: على البشير وزمرته ان يجدوا ملجا اخر الان ... وعليهم الان تقديم استقالتهم من الدولة ... لقد حاكموا الشعب السودان بالقتل والجوع والتشريد والتهجير ... والان حان دورهم لكى يحاسبوا امام القضاء

نعم يا عصام واشواقي ياصديقي
فهذا الاحداث الكبري والتي تهابش كل الوطن اليوم
لم تاتي من فراغ وعدم
بل هي هي نتاج سياسات وتخبط في ادارة السودان من قبل البشير وزمرته
فيجب عليهم فعلا محاسبة انفسهم قبل ان يحاسبهم الشعب او اوكمامبو او الله باذنه تعالي,,
اي محاولات للمكابرة ووضع السودان في نفق مظلم ثمنه و دينه سيكون في رقبة وذمة هذه الزمرة...

البلد صار لا يستحمل المزيد من المغامرات السياسية والفوضي
وعلي الموتمر الوطني ان يعي بان هذا الوطن للجميع وهو الكل وولن يذهب الي الجحيم بسبب اشخاص
اشخاص غير منتخبين البتة

يا باشمهندس السلام و الرحمة

بنى كوز و الله دقوا الجرسة لمن الواحد حنّا عليهم، ياخ ديل ما بيركزوا اصلوا

اوكامبوا كمّل نومهم و الله... و صاروا مشلهتين شلهتة الجن.

ان شاء الله دائما فى هذه الحال الى ان ينعتق الوطن من شرورهم.

باسولي

قدم اطروحاتك لو سمحت

اذا تعامل الموتمر بعد صدور قرار اوكامبو علي الطريقة السابقة (امريكا روسيا قد دنا عذابها

فان البلد (بلعب بيها البعشوم)

القصة تحتاج لما يعرف با(risk management)

هل تطالب بانقلاب داخلي مثلا بان يتولي علي عثمان السلطة مثلا

وهل اوكامبو قلبه علي اهل دارفور

لماذا تسرب المحكمة الاخبار للصحافة قبل صدوره هذا هو العيب والسياسة

نقد بكل تاريخه يعرف اثار هذا القرار وسيد الصادق المهدي

لا اعتقد ان شخصا عاقلا يويد هذا القرار

وغايتو اوكامبو بقي لينا عود عشر (كان قمت انكسر وكان قعدت انحشر )

Quote: بنى كوز و الله دقوا الجرسة لمن الواحد حنّا عليهم، ياخ ديل ما بيركزوا اصلوا اوكامبوا كمّل نومهم و الله... و صاروا مشلهتين شلهتة الجن. ان شاء الله دائما فى هذه الحال الى ان ينعتق الوطن من شرورهم.

تخيل يا ابوبكر الناس ديل عجيبين خلاص
قالوا كلو كلو ماعندهم شغلة بالمحكمة دي ولو دقوها ليهم في وسط الخرطوم ماعندهك بيها غرض..
اها التسريبات بتاعة جرائد امريكا الرهيبة دي
علي قولتك خلتهم ييجقلبوا جقلبة شديدة خلاص...
شي نصر الله اكيد
وشي يا جماعة تعالو نتحد
وشي الوطن
وشي الاثنين الاسود (التكون اكامبو ده من اويل ولاجوبا)
غايتو بصراحة حالتهم شينة شنة مرة خلاص

Quote: لماذا تسرب المحكمة الاخبار للصحافة قبل صدوره هذا هو العيب والسياسة

هلا يا خلي
وباسولي بحييك علي لحن الخميس
ياخلي الجريدتين (الواشنطون بوست...والنيويروك تايمز ديل اكبر جرائد في العالم ده اليوم ومصداقيتهم
ما بدفقوها في السهلة ساكت وجرائد بتعرف شنو يعني خبر كاذب وخبر صادق...والسياقة بتاعة الخبر وردت فيها
(جزئية ان القضاة قرار اصدار مذكرة) وليس اصدروا المذكرة....
شي تاني لعملك الجردتين ديل اولي زول نشر امر مذكرة اوكامبو قبل صدورها بمدة...
(يعني ناس بعرفوا بجضمو شغلهم كويس ومحترفين وعندهم مصادر وشمشمة ممكن يكون في كرش بانكي مون زااتو)...
1-راي كباسولي والديراو انا انو الحكومة دي تستقيل فورا والبشير يدعو الشعب لمحاكمته وخلينا بعدين نشوف الالية كيف.
2-طبعا راي باسولي الفوق ده بعيد المنال في ظل الكنكشة والمكابرة (وباسولي في الفاشر زي ود جاغريو ما عندو ري) لنفتح كوهة الاحتمالات..
3-كل الاحتمالات ياخلي مفتوحة وواردة بكثافة انقلاب من داخل الموتمر الوطني--- انقلاب من الجيش
انقلاب من القوي الاخر...
4-بالمناسبة ما يجري في الدوحة مهم جدا وفيه موشر للتنازلات الممكن تقدمها الخرطوم في اتجاه حلحلة رقبتها من موضوع دارفور البقي ليها شوكة حوت
5-القوي السياسية ياخلي وقادتها ناس نقد والصادق ديل بلعبو بولتيكا علي طريقة الراحل فيلب غبوش
لكن قواعدهم كلها مع هذا القرار ومافي زول ضد الانقاذ دي في جزء من قلبو ما مع القرار بتاع تجريم البشير مهما كانت حججه

يا كيكي كشنت البصل وللا لسه












___
صدقني سيصدر القرار بس ماحايكون في تنفيذ

Quote: صدقني سيصدر القرار بس ماحايكون في تنفيذ

بصلي جاااهز يا حيدر..
زمان حكوا في حروبات المهدية اول حاجة قبل الحرب 0بصرو للاولاد الصغار دقيق في طرف جلابيتهم
عشان لو القصة جاطت علي الاقل يلقوا البصبرهم..

القرار حيطلع حيطلع يا حيدر
وفي راي مجرد صدور قرار زي ده
1-لو قي الية نفذتو بكون خير وبركة
2-لو ما تنفذ بكون ورقة ضغط تخفف من مسكة الناس ديل ياخي وتاني ما يكررو فعلتهم دي والناس ممكن تضغط في
طريق الكثير من الحاجات الكويسة..

Ya kiki Okambo jahjah bakat aljama3ah
___
we've no worries, Okambo wla Dijango

Quote: Dijango

ده لو جاء باقي لي اخوانا انصار السنة زااتهم بضايرو

الحبيب كيكى سلام عليك مقداره كوفاره من الشوق


كاتلين الجداد وخامين بيضو ..
اغرب حاجة انهم التزموا من المصحف بحفظ سورتى الكهف والنور للتمييز بينهم والاخرين ..
وقالوا انهم المسلمين والاخرين عبدة الشيطان !! .. واحتكموا ان هى لله .. لا للسلطة ولا للجاه .. واموالهم
تهز وترز وان مفاتحه تنوء بالعصبة اولى القوة فى بنوك بلاد برة ..
كلو باسم الدين .. وعندما يطالب الشعب المسكين بان الدين ساوى بينا انكروا وتنكروا.. وبذا يكون دينهم لوحدهم فقط .
كلما حاقت بهم الاحن شدوا اوتار الحلوق واستكيشونا المرة تلو الاخرى باسم الله !! .. والمبكى شغالين فينا نبز ليل ونهار ..

باسم الله الواحد العدل دا .. بنقول ليكم لو بتعرفوه حقا توبوا اليه وخلوا المكابرة وقلة الادب .. واحفظوا نفسكم من شعب سعران فاقد طعم كل الاشياء .. ولا ترهبه كلماتكم .. عرفكم منذ الاذل غير الارهاب لا تفقهون شيئا
ولو بتدوم لدامت لكل المتجبرين العتاة عبر الحقب التاريخية الورا والحالية .

Quote: باسم الله الواحد العدل دا .. بنقول ليكم لو بتعرفوه حقا توبوا اليه وخلوا المكابرة وقلة الادب .. واحفظوا نفسكم من شعب سعران فاقد طعم كل الاشياء .. ولا ترهبه كلماتكم .. عرفكم منذ الاذل غير الارهاب لا تفقهون شيئا ولو بتدوم لدامت لكل المتجبرين العتاة عبر الحقب التاريخية الورا والحالية

هلا يا الفاتح
وكل الاشواق والتحايا..
وبالضبط يا الفاتح هذا مانعنيه هنا
احتكار الدين- وتسخير موارد كل البلد للشر وعلي الشعب الفرجة والاندهاش في عمايلهم..
عشرين سنة والبلد خاشة ازمة وطالعة من الثانية بخسائر في الارواح والثروات ولا تزال المكابرة هي الصوت العالي والنبرة الاوحد..
يجب ان يقف نزيف الابتزاز والتخويف وجرف البلاد لتوطين اشياء زمرة وعصابة الكيزان فهذا البلد لا يتسحق مثل
هذه الافاعيل والالاعيب
وكل الود والتقدير يا الفاتح

كيكى يااخى تريثوا وتحروا الفهم الصحيح لما تنشره الصحف
العالمية
فى بوست كستاوى توجد مداخلة باسم قريبى رامى
جايب لنك فيه تصريح من المحكمة الجنائية بنفى هذه الاخبار
باللغة الهولندية وانا تاكدت من كلامه مش لانى بعرف هولندى
لكن لانى عارف انه رامى بيكون سعيد لو الخبر صحيح
قبل شوية فى العربية برضو سمعت نفى للخبر على ذمة اذاعة
العربية وعليه تكونوا تسرعتوا بدافع السبق الصحفى لكنكم
تسببتم فى بلبلة قد تؤدى الى تحفيز المخاشنة بين المؤيدين
والمعارضين .

لتحبة والاحترام الاستاذ كريم

الان الامر اصبح صعب شديد على الوطن والخيارات المطروحة اما النار او النار وكلاهما واحد

الامر يفتح نفاج للموتمر الوطني بالخروج من الازمة ولا خيار

حكومة وحدة وطنية عريضة تعجل بالانتخابات العامة

هذا او الدمار
وفي حالة موافقة الموتمر الوطني على ذلك يحق له المشاركة بالانتخابات كحزب وليس كافراد
منح الفرصة للجميع في سياقة دستور يحترم التعددية
والاقلية قبل الاغلبية
المعاندة والمكابرة بتودي البلد الخور
وفي هذه الحالة يتحمل المؤتمر الوطني بكل مناصيره المسؤلية
لانه حتماً سوف يغادر السلطة بخراب سوبا غير مأسوفاً عليه ولن يكون له وجود في تاريخ السودان القريب
لان الوطن لا يمكن أن يموت مرتين

Quote: وفي حالة موافقة الموتمر الوطني على ذلك يحق له المشاركة بالانتخابات كحزب وليس كافراد منح الفرصة للجميع في سياقة دستور يحترم التعددية

هلا امين
وتحياتي

ابصم بالعشرة علي حديثك
والموتمر الوطني كقوي سياسية له الحق ان ياتي الي انتخابات مثله ومن الاحزاب المتبقية
ونصبح ايضا كمن فرزنا الجانب السياسي في هذا الامر من جوانبه القانونية الاخري...ولكن عليه ايضا
كما اسلفت انت احترام هذه الديمقراطية والعمل مع الجميع لتثبت اركانها في ظل دستور يحترم التعددية ايضا
وفلتكن نتائج تجربتهم البشعة عظة وعبرة لكل من تسول له نفسه العبث بقيم الانسانية وانتهاكها

ودمت يا امين

Quote: كيكى يااخى تريثوا وتحروا الفهم الصحيح لما تنشره الصحف العالمية

هلا يا ود التجاني هلا..
-يا ود التجاني احنا نقارتنا الاوكماوبوية دي مدقوقة ليها فترة طويلة
وكلنا نعرف ان القرار الان في ايادي القضاة وشغاليين في المرحلة دي
-يا ود التجاني انا برضو قريت بوست (النيويروك تايمز) وكلامها كان محدد(قرر القضاة اصدار مذكرة)
وليس اصدر القضاة مذكرة..
- الجريدتين ديل نشروا موضوع مذكرة اوكمابو قبل القرار ما يصدر بطريقة رسمية...
-كل الموشرات يا ود التجاني بتقول انو القرار ده طالع طالع..حديث بانكي موون وتوجيهاته للحكومة للتعامل بمسئولية موشر استباقي من ششخصية زي دي ما بكون قالوا ساكت
_لاستقطاب والتجاذب يا ود التجاني حاصل واعتقد انو مناقشة الموضوع ده في مرحلة ما قبل اصداره حاجة ايجابية
وبتعطي الناس تقدم في حراك المنبر دفوعات واطروحات تفتح منافذ ايجابية هنا وهنالك ولمن القرار يطلع بنكون الناس وعت باشياء عديدة...
فمافي خوف يا ود التجاني من العوة الحصلت الليلة دي وفي راي انها دفرت الحراك بروي مهمة
استعدادا للماتش الكبير

Quote: واعتقد انو مناقشة الموضوع ده في مرحلة ما قبل اصداره حاجة ايجابية

يعنى بروفات وكدة

بس ياحبيبناالحراك و الحاجات الانت شايفها ايجابية دى ساهمت فى اختزال قضية
دارفور بالقبض على البشير واشك انه هذه المعضلة سوف يفيدها القبض على البشير
هذا ان لم تتعقد وزى ما انت شايف اليوم فى البورد دة فى ناس نادوا بتكرار الاثنين
الاسود وناس عديل كدة اعلنوا وقوفهم ضد دارفور ودى حالتها البروفات زى مابتقول
والمدهش فى الموضوع انه الاحبار دى جابوها ناس لاحمين مع الخواجات ستالين يعنى اقلاها
مفروض يكونوا اتعلموا منهم الدقة والانضباط

Quote: والمدهش فى الموضوع انه الاحبار دى جابوها ناس لاحمين مع الخواجات ستالين يعنى اقلاها مفروض يكونوا اتعلموا منهم الدقة والانضباط

بتفق معاك يا ود التجاني بان طريقة صياغة عنوان البوست الاساسي والبوستات الاخري ما كانت دقيقة ولا منضبطة
يعني ممكن كان يتم نشرهما في اطار الصياغة الخبرية من الجريدتين ديل..وكان فعلا جرعة الاحتقان والنقاش ما بتكون بنفس الحدة كما الامر النهائي..
السكاكين والسيخ الطلع ده يا ود التجاني ما جديد يومي الناس ديل ياها لغتهم...
وفعلا اختزال قضية دارفور في امر البشير هو قصور نظر وعدم موضوعية للامر....
دارفور في راي مربوطة كقضية بثلاثة محاور(حلوة محاور دي)
1-الجوانب القانونية وياها الفيها عكش البشير وناسو ديل
2-جوانب سياسية ودي ممكن تتحلي في اطار الحكومة
3-الجانب الامني وده معقد وعضم ويصعب البت فيه في ظل وجود حركات كل زول شايت في اتجاه.....
معاك ايضا ان توقيف البشير قد يعيق التقدم في امر دارفور مالم القوي الاخري تكون عندها روية والية واضحة
لمرحلة ما بعد قرار توقيف البشير,,,
الموضوع جايط ومعبك يا ود التجاني وداير فكي عديل كده هههه

Quote: دارفور في راي مربوطة كقضية بثلاثة محاور(حلوة محاور دي)

فى نقطة برضوا لاتقل اهمية عن نقاطك التلات
كيف يمكن اعادة الطمأنينة لمواطنى دارفور والتعايش السلمى فيما بينهم (القبائل العربية والافريقية)
وكمان ماهى الحوافز التى ستعطى للمحاربين الافراد لكى يرموا ياسلحتهم ويقينى ان هذا الامر سيتطلب كثير
من الاموال سوف تكون خصما على مواطن دارفور اولا لان الموضوع اصبح عبارة عن مصالح وطموحات شخصية بعد
كمية الانقسامات الاميبية
عليه ياكيكى مشكلة دارفور تتطلب ضمير اولا وللاسف لاوجود له خصوصا على الصعيد الدولى - والحكومة لو عندها
ضمير ويهمها مواطنوها لما سمحت بهذا التدهور والانفلات وكذلك الساسة اس البلاء مثل شيخ الترابى الذى لطخ
يديه بدماء كل اهل السودان فلم يكتفى بتأجيج نيران الحرب فى الجنوب فالحقها بحرب دارفور بتحريك مساعدوه
وصبيانه الدبابين خليل ابراهيم وجماعته الذين يجب ان لايفلتوا من العقاب لو كان هنالك ضمير

Quote: عليه ياكيكى مشكلة دارفور تتطلب ضمير اولا وللاسف لاوجود له خصوصا على الصعيد الدولى - والحكومة لو عندها ضمير ويهمها مواطنوها لما سمحت بهذا التدهور والانفلات وكذلك الساسة اس البلاء مثل شيخ الترابى الذى لطخ يديه بدماء كل اهل السودان فلم يكتفى بتأجيج نيران الحرب فى الجنوب فالحقها بحرب دارفور بتحريك مساعدوه وصبيانه الدبابين خليل ابراهيم وجماعته الذين يجب ان لايفلتوا من العقاب لو كان هنالك ضمير

نعم يا ودالتجاني
وهي نقطة مهمة واساسية
اعادة ورتق النسيج الاجتماعي والتعايش السلمي بين اهل دارفور جميعا وكما نعلم هي مناطق الولاء القبلي يلعب دور اساسي ومهم وحتي هذا الولاء طفح في تقسيمات الحرب من حركات وقوات عربية والحكومة لعبت علي تفكيك هذا النسيج لحسم الحرب وخربته تماما..
وهذا الامر يا ود التجاني اهميته عالية ومعالجته تحتاج الي جهد كبير وزمن اطول ووعي كبير به فعودة التماسك القبلي حتي علي مستوي القبيلة الواحدة امر ضروري......
الادارة الاهلية والمشايخ والعمد والنظار هم اساس ذلك النسيج الذي انهدم ولاعادته مرة اخري يجب ان يضرب علي هذا الوتر بعلمية ودراسات عميقة متخصصة فالمجتمع العشائري الرعوي والزراعي البدائي عندما ينهدم يا ود التجاني تشاع الاغبان والثارات ومحوها يحتاج الي اشاعة الوعي والعلمية وعمل ادراي في وسط الناس دليل كثيف
مع تركيز نقاط امنية تسهل وصول السلطات الي نقاط النزاع المحتمل....

نعم الاطماع والضمير في وجود المال الوفير الذي نقط من الاهتمام الدولي جعل الكثيرين يعملون علي تمديد امد هذه الحرب بالاضافة طبعا الي نظرة الحكومة الضيقة للامر في اطار صراعات التنظيم والطمع في احتكار الثروة
وحسم الجولة لصالح تيار ضد تيار كما بداء في امر السشعبي وخليل...
دارفور يا ود التجاني عالم كامل وانهدم علي كل مستوياته
واعادته الي الحياة يحتاج الي تسامي من الجميع
سلطة في الخرطوم
حركات
شعب سوداني
المجتمع الدولي
ويحتاج اكثر الي العلمية والصبر والحسم الايجابي