Post: #1
Title: يا سلام ،، يا طارق،، كلامك حلو شديد !
Author: دينا خالد
Date: 02-11-2009, 08:22 AM
قال الفنان المبدع طارق الامين عندما سئل
عن الانقسام الذى حدث فى فرقته حسب زعم الصحفى الذى
اجرى الحوار ..
(احيانا يشعر المبدع انه يستطيع ان يقدم اكثر بمفرده
او مع اخرين يقودهم وهذا طموح مشروع كسب السودان بموجبة مجموعات
جديده من المبدعين .. لذا لا ارى ضررا من ان ان تنشا مجموعات جديدة من مجموعات
سابقة .. طالما انهم لا يحملون السلاح بل يحملون الكمنجات والافكار الجديدة
انها انقسامات تفيد حركة الفنون وان يصبح بالسودان 6 الاف فرقة فذاك امر اراه
غير مضر ،، اتمنى ان تكون فرقنا الموسيقية اكثر من احزابنا والحركات المسلحة
وليتنافس المتنافسون ولهم منى الحب وتحية الزمالة والمودة واولئك الذين لم
ينشقوا بعد ليس هناك ما يدعو للتخوف من الظاهرة فى ايجابية )
وقال عندما سئل من اثر النشاة الاولى فى تحديد مسارات الشخصية :::
(نشات فى بلاد الديوم الشرقية ذات الهوى والهوية الجامعه ، تلك الازقة الحبيبة
التى اهدت البلاد مبدعين شتى من العلماء والفنانين والشيوخ كما اهدت الوطن
تجربة حقيقية للتعايش الدينى منذ خمسينيات القرن الماضى فكان ترزى ملابسهم جون الدينكاوى
ومبدعيهم من الشايقية والفلاتة والنوبة والجعليين كانوا يمنحون البلاد الرياضة
والحب والقفشات والتعايش السلمى والتنوع ،، قوم نشا بينهم على عثمان طه ونائب دائرتهم
محمد ابراهيم نقد !! )
يا سلااااااااااام يا طارق كلامك عجبنى الليلة !!
ـــــــــــــــــ
خلى تانى واحد يجى هنا يقول بلدا هيلى انا
ملحنه بى لحن السراي !!!!
|
Post: #2
Title: Re: يا سلام ،، يا طارق،، كلامك حلو شديد !
Author: دينا خالد
Date: 02-11-2009, 08:50 AM
Parent: #1
غايتو (الصورة) يا طارق ماااا بتتشكر !!
|
Post: #3
Title: Re: يا سلام ،، يا طارق،، كلامك حلو شديد !
Author: محمد عبد الماجد الصايم
Date: 02-11-2009, 09:25 AM
Parent: #2
حليلكـ يا دندونتو!
بقيتي تكسري تلج!
قومي لفي إنتي وطارق اللمين زاتو!
|
Post: #9
Title: Re: يا سلام ،، يا طارق،، كلامك حلو شديد !
Author: فيصل نوبي
Date: 02-11-2009, 11:34 AM
Parent: #2
دندونتي
إعترفي سريع دايره من طارق الامين شنو بقيتي تدشدشي علي وشكـ و قدام الخلق ..
كان قافلة عليو في الفالانتاين شربتي و ما رويتي ..
بعدين مش كلمتكـ قلت ليكـ بطلي تعملي مسيرات و مظاهرات و تزوغي ..
طارق ده بيقوم يطبق فيكـ النظرية بتاعت المسيرة ..
__
طارق الامين
لا تكفيه الحروف ..
مبدع و إنسان .. و الاهم زول بتاع بيزنيس درجة أولي ..
_
علي موعدنا يوم (14) صاح ؟ .. قررنا نحول المكان .. موافقة !!
|
Post: #4
Title: Re: يا سلام ،، يا طارق،، كلامك حلو شديد !
Author: العوض المسلمي
Date: 02-11-2009, 09:50 AM
Parent: #1
سلام دينا
طارق مبدع مسكون بالفرح ,,,
لا تمل الجلوس اليه ولا الحديث معه ,,,
فنان وذوق في كل شئ ,,,
|
Post: #5
Title: Re: يا سلام ،، يا طارق،، كلامك حلو شديد !
Author: محمد عبد الماجد الصايم
Date: 02-11-2009, 10:00 AM
Parent: #4
يا زول إبداع شنو!
هسي وينو الإبداع في الشغل البعمل فيهو دا!
ياخ دا فايت الإبداع زاتو!
دي مقدرة غير عادية على انتزاع البسمة
منكـ في أي وقت ومهما كانت حالتكـ المزاجية!
هسي الكلام بتاع الحاكو حاكو داكـ ما مطبق بي
حذافيرو هنا في البورد دا!
طارق الأمين يلبس شبط!!
ناس حاكو حاكو يكرهو الناس الشبط!
التعديل لزوم الشبط وكــدا
|
Post: #8
Title: Re: يا سلام ،، يا طارق،، كلامك حلو شديد !
Author: العوض المسلمي
Date: 02-11-2009, 10:13 AM
Parent: #5
Quote: ياخ دا فايت الإبداع زاتو!
دي مقدرة غير عادية على انتزاع البسمة
منكـ في أي وقت ومهما كانت حالتكـ المزاجية! |
وتيب
|
Post: #6
Title: Re: يا سلام ،، يا طارق،، كلامك حلو شديد !
Author: دينا خالد
Date: 02-11-2009, 10:08 AM
Parent: #4
المشكلة يا الصايم الواحد يلف ويجى
يلقاك ... شوف لينا حاجة غير اللفه دى !!
انشالله تكونوا نعمتوا بليله هادئة والجوطة خفت شوية ؟
( وش شمتان )
العزيز العوض مسلمى
غايتو بس لو خلى حركات الشكل فى الالحان دى
تانى ما عندو مشكلة ... دا ولد لن يتكرر فى السودان الجديد ..
|
Post: #7
Title: Re: يا سلام ،، يا طارق،، كلامك حلو شديد !
Author: محمد عبد الماجد الصايم
Date: 02-11-2009, 10:09 AM
Parent: #6
المشكلة تطلع من الجوطة
يطلع ليكـ حميدة في التلفون!
إنا لله
أخير منو الجوطة!
وش شمتان أكتر من الفوق دا
|
Post: #10
Title: Re: يا سلام ،، يا طارق،، كلامك حلو شديد !
Author: Hussein Mallasi
Date: 02-11-2009, 02:12 PM
Parent: #7
طارق فنان ذكي و زكي .. بالإضافة لإنو إداري درجة أولى ممتازة و كدا.
|
Post: #11
Title: Re: يا سلام ،، يا طارق،، كلامك حلو شديد !
Author: HAYDER GASIM
Date: 02-11-2009, 03:44 PM
Parent: #10
| Quote: طارق فنان ذكي و زكي .. بالإضافة لإنو إداري درجة أولى ممتازة و كدا. |
شهادة ما سهلة من زول صعب لي زول يستحق,
بهذا ومن قبل يسعدني أن أكون فى زمرة أصدقاء
طارق ... ذلكم المبدع المبين.
دندونة, يبدو إن حسك الليبرالي مرتفع وقادر
إميز وإفرز وإعرض للناس مثل هذا الشذرات الناقعة
تسامحا وعيشا مشتركا وإنسجاما على الطريقة السودانية
المعهودة تاريخيا, أي قبل أن يفسدها مرابي السياسة
وثقافة الفردية والإستعلاء والجشع الآيديولجي.
شكرا يا النسمة ... وكوني بخير
|
Post: #12
Title: Re: يا سلام ،، يا طارق،، كلامك حلو شديد !
Author: وليد محمد المبارك
Date: 02-11-2009, 04:13 PM
Parent: #11
Quote: المشكلة يا الصايم الواحد يلف ويجى
يلقاك ... شوف لينا حاجة غير اللفه دى !! |
قرقرقرقرقرقرقرقرقرقرق
دي ترجمتها يا معلم
اقطـــع وشــــــــك
هاهاهاهاهاهاها
__________
التحية للمبدع طارق اللمين
|
Post: #13
Title: Re: يا سلام ،، يا طارق،، كلامك حلو شديد !
Author: محمد عكاشة
Date: 02-11-2009, 06:31 PM
Parent: #12
شكرا يادينا
الاخ طارق الامين طاقه هائله..خلاق ومبدع
هو طاقة لا تهدأ..
لديه القدره على ترجمة افكاره الى مصاديق عمل جاذبه
اعود
محبتى
|
Post: #14
Title: Re: يا سلام ،، يا طارق،، كلامك حلو شديد !
Author: دينا خالد
Date: 02-11-2009, 07:23 PM
Parent: #13
اها وفى مواصلة لكسير التلج الجليدى الكندى
ابت نفس العزيز قاسم الا ان تشارك باضاءات
مهمة .. شكرا جميلا ( ياقول المبدعين ) .. لووووول
الصايم ؟ هو حميده دا لسه بضرب ؟ غريبة !!
طارق ... تصدق خلاص ح تموت ؟؟
شكرك ملاسى ؟ والله تمووت ...
دا لو ما جا راجع عمل (مراجعات) .
محمد عكاشة .. زارتنا البركة ياخ
| Quote: لديه القدره على ترجمة افكاره الى مصاديق عمل جاذبه |
اهااااا قمنا على الكضب ؟ والكلام الكبار كبار !
طارق بعمل دا كلو ... غايتو كان عرفنا البعملو دا
شنو بنجيك تانى ...
وليد صاحبى ؟؟ او ( فاتن حمامة ) !
الفتن ليك شنو ؟
الصايم وشو ساهل ولا ساهل ؟
ولا كمان قايلو بمدو كدا فى اى حته ؟
طبعا يا وليد فى بوست الختان ضحكتااااا
وكنت عايز ارجع اقول ليك ارفع البوست وانت ساكت
ذى ما كنت بتعمل .. لانك ماااااا بتعرف تتكلم ..
|
Post: #15
Title: Re: يا سلام ،، يا طارق،، كلامك حلو شديد !
Author: دينا خالد
Date: 02-11-2009, 07:30 PM
Parent: #13
نوبيانى ؟؟ انت متيين رديت ونزلتو فووق
كدا مع الناس القبالك ؟؟ والله حقار لكن !
اها هسه انا ما شفتك !
يعنى انت ما عارف طارق دايرين منو شنو ؟؟
والله عارف .. ولن يجديك ان تعمل مجنون ..
ــــــــــ
يوم 14 ذاااااااتو ؟؟ لكن كدا ما ضغطت على شديد !
ما تجى نخليها 15 ياخ ؟ المكان ما عندى عليه اعتراض
وانت عارف ..
|
Post: #16
Title: Re: يا سلام ،، يا طارق،، كلامك حلو شديد !
Author: دينا خالد
Date: 02-12-2009, 10:39 AM
Parent: #15
اتصل بى بعض الديامة شاكرين لى انتباهى لما ورد
عن وصف الديوم !!!
فاوضحت لهم انو البوست كان بصدد اعلان الاعجاب
بطارق الامين .. وليس بالديوم الشرقية ...
ـــــــــــــــ
لوووووووووووووول !! سجن سجن غرامة غرامة ..
|
Post: #17
Title: Re: يا سلام ،، يا طارق،، كلامك حلو شديد !
Author: وليد محمد المبارك
Date: 02-12-2009, 10:43 AM
Parent: #16
| Quote: لانك ماااااا بتعرف تتكلم .. |
بالغتي
طيب انا ما صاحبك ياخ
ما كان تكلمي بدل ما انفضح قدام العامة
انشاء الله بي ما سنجر
لكن الصراحة انتو حقارات اي حاجة عاوزين تدرعوها فوقنا
|
Post: #19
Title: Re: يا سلام ،، يا طارق،، كلامك حلو شديد !
Author: Hussein Mallasi
Date: 02-12-2009, 10:50 AM
Parent: #17
Quote: فاوضحت لهم انو البوست كان بصدد اعلان
الاعجاب بطارق الامين .. وليس بالديوم الشرقية |
ناس الديم ديل أزرط منهم ناس حي العرب .. العاملنها لينا مهبط الوحي.
|
Post: #18
Title: Re: يا سلام ،، يا طارق،، كلامك حلو شديد !
Author: أبو ساندرا
Date: 02-12-2009, 10:47 AM
Parent: #16
Quote: اتصل بى بعض الديامة شاكرين لى انتباهى لما ورد
عن وصف الديوم !!!
فاوضحت لهم انو البوست كان بصدد اعلان الاعجاب
بطارق الامين .. وليس بالديوم الشرقية ... |
مافي فرق
ولو في
فهو فرق المقدار
طارق جزء من كل
والكل هو الديوم الشرقية
التي جبل اولادها بنات وابناء على النضال وحب الجمال
والفن والإبداع وعندهم درجة تسامح عالية
تكفي بأن لاتؤدي بك إلا السجن
ولا الغرامة حتى
المجد للديم أرض المجد
والأمجاد
والحب للماجد طارق الأمين
ولك
|
Post: #20
Title: Re: يا سلام ،، يا طارق،، كلامك حلو شديد !
Author: عصام عبد الحفيظ
Date: 02-12-2009, 12:26 PM
Parent: #18
سلام
ولسه
بفتش فى صورة
مدهشه
|
Post: #21
Title: Re: يا سلام ،، يا طارق،، كلامك حلو شديد !
Author: محمد صباحى
Date: 02-12-2009, 12:33 PM
Parent: #18
| Quote: [ يا سلام ،، يا طارق،، كلامك حلو شديد |
|
Post: #22
Title: Re: يا سلام ،، يا طارق،، كلامك حلو شديد !
Author: عصام عبد الحفيظ
Date: 02-12-2009, 02:01 PM
Parent: #21
والديم جاكم
فى صور
وعلى طارق الكتابة
عن الصور ادناه
احكى يا طارق او ........
|
Post: #23
Title: Re: يا سلام ،، يا طارق،، كلامك حلو شديد !
Author: أبو ساندرا
Date: 02-12-2009, 05:11 PM
Parent: #22
يا عصام
غايتو مراعاة لحالة حزنك ، حزني
مش ح اقاضيك ، مؤقتآ
فالصور أعلاه أخذت لتنشر في بوستنا بتاع الديم
الصور ضمت الأعزاء
1- جون ديفيد ،، الترزي المشهور في السوق والزول الظريف البيعرف الواجب
والمنحاز للناس السرها يوةم ح يبين
2- محمد حسن الرضي ،، الشهير بالمادح كونستبل مطار الخرطوم والزول واسع العطاء
3- صلاح عثمان ،، ود الشايقية جارنا ودفعتنا ولاحقآ زميلي في الطيران المدني
ونقابي صميم
|
Post: #24
Title: Re: يا سلام ،، يا طارق،، كلامك حلو شديد !
Author: سارة علي
Date: 02-12-2009, 06:47 PM
Parent: #23
خليك من كلامو الحلو انا صلعتو ذاتا شايفاها حلوة......
|
|