Post: #1 Title: العلاقة tmbis البوردابي و tmbis ساكت ! Author: walid taha Date: 02-10-2009, 09:11 AM
مافى اى علاقة
Post: #2 Title: Re: العلاقة tmbis البوردابي و tmbis ساكت ! Author: walid taha Date: 02-10-2009, 09:15 AM Parent: #1
عفواً هنالك كلمة( بين) بعد العلاقة
اى العلاقة بين tmbis البوردابي وtmbis ساكت !
لكن نرجع لموضوعنا
Post: #3 Title: Re: العلاقة tmbis البوردابي و tmbis ساكت ! Author: محمد عبد الماجد الصايم Date: 02-10-2009, 09:21 AM Parent: #2
عــلاقة مفاتيح دي ولا شنو؟
Post: #21 Title: Re: العلاقة tmbis البوردابي و tmbis ساكت ! Author: tmbis Date: 02-11-2009, 08:41 AM Parent: #3
عــلاقة مفاتيح دي ولا شنو؟ يا كاروشة .. والله كان ما اتجدعته هنا .. وقدحته في ذمتي تاني يسمك .. المشكلة انو (شيمــو) تصدقك اتصلح معانا ياخ .. الدنيا ( نص شهر )
Post: #4 Title: Re: العلاقة tmbis البوردابي و tmbis ساكت ! Author: walid taha Date: 02-10-2009, 09:50 AM Parent: #1
tmbis البوردابي ...بِحـدِر ..ودمو بفور بسرعة ومستعد يحددا معاك...ما بخلى حقو .. ومستعد يطلع معاك الخلا . وممكن جدا يديك بنية إسفيرية لو لزم الامر،.... tmbis كايس العدالة والحق فى عالم بعيد كل البعد عن كده ،، وده بإختصار المفور دمو وما مخليهو tmbis الزمان أيام (لحن الخميس) والملفات الموسيقية. والأرشيف قاااعد،،
Post: #5 Title: Re: العلاقة tmbis البوردابي و tmbis ساكت ! Author: tmbis Date: 02-10-2009, 10:46 AM Parent: #4
Quote: عفواً هنالك كلمة( بين ) بعد العلاقة
.. يا وليد ما تنقص لي حاجاتي كويس معاك ..؟ علشان ما نعمل بيان بالعمل سايبيري .. والواحد يتشبك معاك في هذا الصباح البهي ..
Quote: وده بإختصار المفور دمو وما مخليهو tmbis الزمان أيام (لحن الخميس) والملفات الموسيقية.
.. طبعا يا وليد دي نقطة حساسة جدا .. تخيل امس بالليل كنت بفكر فيها .. وجه الشبه والمقارنة بين حال وحال .. لكن للمعلومية .. وإنت سيد العارفين. التحولات والتطورات والاستهداف المر بيهو العديد من الزملاء في المنبر والزميلات والاستقصاد عن عمد هو الخلق زي التحولات دي .. يعني أنا مستعد الآن اجيب ليك مداخلات كمية كبيرة جدا لي بعض الفاشلين سياسيا واجتماعيا وعاطفيا وحتى فنيا وعايشين في عزلة تامة حتى مع ذواتهم المريضة وما حاسين بي طعم اي شئ جميل في الدنيا غير افساد أمور العباد .. وهم طبعا ما محتاجين ليهم لي (فتاشة) يا اي آلة حادة علشان (نوسمم) بيها في اي حتات حساسة بتتشاف للجميع .. النوعية دي لما دخلت المكان دا يا وليد ركزت في المقام الأول على خلق هالة حوالينه من العداوات وركزت على شخوص محددة ( وما أقول أنا من الشخصيات المهمة ) .. التركيز كان بسبب تحويل الموقع إلى بؤرة نزاعات سياسية وتصفية حسابات حزبية قديمة وإثبات ذات وفرد عضــلات .. ساعد في ذلك .. تعطيل بعض اللوائح في المنبر واسلوب المحاباة وتفضيل البعض عن الآخــر .. ظهرت عندها مجموعات التصنيف العرقية والسياسية كل حسب مزاجو الخاص .. والحالة الذهنية اللحظية اللي هو عايش فيها .. اضف لذلك احساس بعضهم بي البطولات الزائفة على السايبر ومجموعة الجوقة المصاحبة لبعضهم .. فاصبح اقواهم مقدرة على تصنيف العباد وشتمهم اكثرهم حظوة .. ومن يدافع عن ثوابته في هذا المكان يحتاج إلى أن يسيطر على الموقع بقوة السلاح .. اقول أن البعض الذين حولوا هذا المكان إلى ساحة من الكذب والترويج لي الاشاعات عملوا بقوة على أدخال روح القتل المعنوي .. فكم مرة يجيك واحد يشبكك .. إنت فاضي لي من الونسة .. يتبعه بعض الفاشلين .. إنت فاضي لي من المزيكـا ومن (البنات) وبالمقابل تلقاهم الواحد (دمــو) القرادة زاتو تحسدو عليهو .. أهـا زي ديل يا وليد بالاضافة لي مجموعة الفلاسفة التانيين كان في خيارين بس علشان الواحد يقيف معاهم الكتف مقابل الكتف .. وتخلص حقك بي لسانك وتطبظ البيرمش ليك في عينو .. هذا طبعا في مقابل العددية الكبيرة جدا الهجرت المنبر بعد الملاحقات المستمرة التي وصلت حد الارهاب .. والتهديد عبر الرسائل الالكترونية وحتى أرقام التلفونات .. معليش يا وليد شكلي ح استلم ليك البوست دا .. لكن في حاجات كتيرة جدا لابد من انها تتوضح بشكل جيد طبعا المسالة ما تبرير للحاصل لانو القناعات الشخصية ما بتحتاج تبرير .. كويس انو اديت الواحد فرصة يفضفض بشكل كويس ..
Post: #6 Title: Re: العلاقة tmbis البوردابي و tmbis ساكت ! Author: ALZOLZATOO Date: 02-10-2009, 11:00 AM Parent: #5
شدة وتزول الزول ده متضامن مع الازمة المالية العالمية لكن انشاء الله بعد ما يضخو سيولة في السوق مزاجو بيتحسن
ما اعتقد انو في فرق مع اني (ماقابلتو) بي تمبس الهناك والهنا الراجل بيجي داخل عااادي بس في ناس بيفورو ليهو دمو وينقلب لي تمبس تاااني مش بيقولوا دخول البورد مازي خروجو
نتمنى من تمبس الهنا مايتاثر بالازمة المالية العالمية وخليك كوووول
تحياتي
زاتوووو
Post: #22 Title: Re: العلاقة tmbis البوردابي و tmbis ساكت ! Author: tmbis Date: 02-11-2009, 08:59 AM Parent: #6
Quote: الزول ده متضامن مع الازمة المالية العالمية لكن انشاء الله بعد ما يضخو سيولة في السوق مزاجو بيتحسن
والله يا زاتووو بتريحني كيف ؟؟ لانك بتفهمه طايره .. ياخ قاليك الكاش بقلل النقاش حسع عليك الله كان من الصباح ماشي المكتب لقيت ليك واحد كدا روحو محرقاهو قام (رقعك) بي مية الف دولار ساكت كدا لله في لله .. بلاي عليك الله زي ناس محمد الصايم ديل بتجي (تحاورم) أونلاين ..؟ مالي ومال وجع القلب ياخ ..
Quote: بيفورو ليهو دمو وينقلب لي تمبس تاااني مش بيقولوا دخول البورد مازي خروجو
.. والله البوست دا يا زووول فعلا فرش متاع وجانب كويس لتوضيح بعض الحاجات الجايطة دي .. تخيل يا زووول الموقع دا ليهو فضل عظيم جدا علي من ضمنها ضبط النفس .. وسياسة البرووود .. تخيل عندي زول صاحبي هنا دا كان لما يقرا ليهو خبر ما ينفع معاهو عن السودان بيسدد اسبوع كامل وما بيتكلم مع اي حد .. من نعم الله قدرت اخلي ليك الزول دا يقرا وكمان يفتش على النوعيات البتعمل الحركة السخيفة دي .. وينظر لي البورد بي منظور مختلف .. الحاجة المهمة في المسالة دي .. في ناس كتار جدا من طبيعة الردود بتعتقد انو فلان داك دورني أو علان داك رفع ضغطي .. بالعكس وحيات خوتك البدورني في البورد دا الله تعلم .. تعرف أنا في زول واحد بس بيدورني في الدنيا دي (اخوي ) الأصغر مني لو عملتو ليهو اشتراك هنا دا .. ياني الخليت ليكم البورد دا .. لكن لو جبتو ودفعت ليهو والله في واحدين كدا إلا يشوفو ليهم بورد تاني يكتبو فوقو .. المهم يا زووول الواحد لو كان بيستجيب لي استفزازات بعضهم .. والله كان شالو من هنا مشلول وكيبوردو زاتوووو يتشل معاهو .. لكن زي ما تقول كدا في شخوص هنا الواحد لو ما قابلم كل يوم وناكفم .. بتجيو كاروشة ويومو بيكون بمبي ..
Quote: نتمنى من تمبس الهنا مايتاثر بالازمة المالية العالمية وخليك كوووول
.. دا بتوقف على انك ما تسردب بي المية الف بتاعت قبيل الصباح ديك .. وتعمل ما بتعرفنـا.. طلع لينا حقنـا يا جيب نصها نستثمرو ليك في الاسهم عشان تعرف حراق الروح كيف
Post: #7 Title: Re: العلاقة tmbis البوردابي و tmbis ساكت ! Author: tmbis Date: 02-10-2009, 11:00 AM Parent: #5
Quote: tmbis كايس العدالة والحق فى عالم بعيد كل البعد عن كده ،،
. احتمال يا وليد يكون في شوية من الصح فيما كتبت .. اعلاه .. لكن مجمل الحاصل عبارة عن رد المجموعة القلتها ليك فوق دي .. رد في شكل كشف عورتهم ومدى بعدهم عن الحقيقة .. المقوله الدارجية البتقول العارف عزو مستريح دي سمحه لكن فوق راحة البــال لما تلقى ليك اتنين تلاتة أرعة أو قول حتى ( خرطمية ) بيتعاورو وليس بيتحاورو هنا أونلاين والناس كلها بتشوف فوقم .. وبتقرا في كلامهم الغريب وعجيب دا .. وبالمقابل ساكتين لحدت ما يصلو ليهم في مكانم ويمارسو معاهم نفس الاسلوب الجبان دا .. تفتكر دي ما حاجة بتضحك .. يعني زي النوعية دي مش بتعمل ليك فتح شهية لي أنك تديها على راسة بي شكل مؤسس ومنطقي وواحد زايد واحد يساوي اتنين .. خاصة وان معظمم الواحد يجي يفك ليهو كلمتين علشان يصفقو ليهو فقط علشان يصفقو ليهو وما عارفين نتيجة الكلمتين ديل ح يكون شنو أو بيخلق ياتو نوع من الخلل .. الحاجة الغريبة جدا وصادفتني في الحتات دي .. يجيك واحد يقول ليك ياخ إنت فاضي لي من المزيكــا .. بعد يومين تلقاهو بيقلد في عثمان حسين .. وعامل ليهو حفلة بي نادر خدر .. نفس الشصخية البتقول الكلام دا .. بتلقى للاسف الشديد شخصيات ليها علاقة بالفن مجملو .. بتقول ليك دا احسن زول في الدنيا ودا باحث عن الجمال .. ودا مفكر ودا مناضل .. معقولة بلاي الكلام دا ..؟
Post: #8 Title: Re: العلاقة tmbis البوردابي و tmbis ساكت ! Author: walid taha Date: 02-10-2009, 11:00 AM Parent: #1
tmbis ساكت
ترفبونا،،
Post: #9 Title: Re: العلاقة tmbis البوردابي و tmbis ساكت ! Author: esam gabralla Date: 02-10-2009, 12:05 PM Parent: #8
ده واحد DJ فاضي ساكت
قرموط ما لاقي صارقيل
يا وليد حا استلم نص بوستك ده برضو لانو فورة دم تمبس دى مفورة دمى بي هنا برضو .... اها لو ما عندك مانع نطلع الدموم هنا مرة واحدة ... ونبقي ما عندنا دم ...
Post: #23 Title: Re: العلاقة tmbis البوردابي و tmbis ساكت ! Author: tmbis Date: 02-11-2009, 09:07 AM Parent: #9
Quote: يا وليد حا استلم نص بوستك ده برضو لانو فورة دم تمبس دى مفورة دمى بي هنا برضو .... اها لو ما عندك مانع نطلع الدموم هنا مرة واحدة ... ونبقي ما عندنا دم ...
.. نص شنو البتستلمو يا وهم .. أبقى داخل بي نصك دا .. كواحد من الزمــلاء.. اعتز كثيرا انو الموقع اضاف لي معرفتم .. (أعمل حساب راسك الضيق دا ما يقع) .. يا اب صلعة
Post: #10 Title: Re: العلاقة tmbis البوردابي و tmbis ساكت ! Author: Shamael Elnoor Date: 02-10-2009, 12:25 PM Parent: #8
تمبس
تمبسكو
تامبا
ــــــــــــــ اها انا حابة اتكلم عن تمبس البوردابي لاني ما بعرف الاصل
اول ماعرفتو عرفتو فى شكلة ،، شكلة ما مشكلة ، لانو فى فرق بين الشكلة والمشكلة،ماعلينا
اولا : زول شراني وشرس ثانيا: بحب اتلايق وبيستمتع بلايقتو دي ثالثا: ودى المابحبها فيه ، بيغير اتجاه البوستات لشي فى نفسه
.. يا اميرة الشيخ إنت قاعده تنفذي ليك في مخطط بعيدالمدى من ما جيتي من الخرطوم والواحد بقى ما قادر يتكلم معاك كلمتين ونص .. قبلما تمشي الاجازة الأخيرة دي كنتي كويسة (ومتحررة) من الأفكار الشرانية دي .. أنا لو عارف دا بيحصل علي .. كان اوكلت ما ينوب عني فيما يتعلق بمقولة بقال الشهيرة المتعلقة بي خزان جبل أوليا
بعدين شيمــو دي ما تزعزعيها .. الزولة دي في لحظة تجلي ..
Post: #16 Title: Re: العلاقة tmbis البوردابي و tmbis ساكت ! Author: Shamael Elnoor Date: 02-10-2009, 01:37 PM Parent: #13
خشم سجمي
ياود الصائم
وليد طه
والله اخير نعرف البينا والعلينا ونقسم روحنا!
اها من المتضررين جدا
Post: #15 Title: Re: العلاقة tmbis البوردابي و tmbis ساكت ! Author: walid taha Date: 02-10-2009, 01:31 PM Parent: #12
شمايل النور إزيك
Quote: انت يا ود الصايم
من حبايبو؟؟؟؟
ولا من
المتضررين
ما شايفة انو طور الإنقسام لمجموعتين لسه ما جااوانو؟! ده بإعتبار انى - انا سيد البوست ده - لسه ما إتكلمت عن (tmbis ساكت)
حتى لو فى إنقسام ليه ما يكون بين البعرفوهو و الما بعرفوهو؟ بدلا عن حبيايب ومتضررين
لكن برضو ترقبى (tmbis ساكت)
Post: #17 Title: Re: العلاقة tmbis البوردابي و tmbis ساكت ! Author: بدر الدين اسحاق احمد Date: 02-10-2009, 07:16 PM Parent: #15
تمبس يا زول
كيفنك ...
اسئلة كثيرة : إنت مريخابى ولا حاجة تانية ؟
انت بتحب بحرى ولا حلتكم ديك اسمها شنو ( جــمب مقابــر ابو حبيب ) ؟
Post: #18 Title: Re: العلاقة tmbis البوردابي و tmbis ساكت ! Author: محمد عبد الماجد الصايم Date: 02-10-2009, 07:18 PM Parent: #17
Post: #19 Title: Re: العلاقة tmbis البوردابي و tmbis ساكت ! Author: حيدر حسن ميرغني Date: 02-10-2009, 08:30 PM Parent: #18
أنا غايتو ناوي يوم أشاكلو والفورة ألفين
Post: #40 Title: Re: العلاقة tmbis البوردابي و tmbis ساكت ! Author: tmbis Date: 02-15-2009, 09:59 AM Parent: #19
Quote: أنا غايتو ناوي يوم أشاكلو والفورة ألفين
. معقولة ياحيدر انا اشاكلك .. .. عايز تعمل لي نفسيات واللا شنــو..؟ والله بي صراحة تلقاها عند الغافل ..
Post: #39 Title: Re: العلاقة tmbis البوردابي و tmbis ساكت ! Author: tmbis Date: 02-15-2009, 09:46 AM Parent: #18
تشكر يا كاروشة .. على النغمة (الحلوة) دي وعلى الرقم (تمنية) .. شوية شوية كدا يا مدير تعاين للحاجات دي بتنظر بعديها للدنيا بمنظار وردي .. واضانك بتنضف
Post: #36 Title: Re: العلاقة tmbis البوردابي و tmbis ساكت ! Author: tmbis Date: 02-14-2009, 12:33 PM Parent: #17
Quote: اسئلة كثيرة : إنت مريخابى ولا حاجة تانية ؟
يا بدرالدين .. ياخ دا سؤال عمري ما اتوقعت انو اتسال ليهو .. وما عارف الناس ديل ببقو مريخاب زاتو كيف ؟؟ بحس ليك بيهم كأنهم جايين من كوكب أورانوس
بالنسبة لي ترمتك دي ... فجهز حالك من الآن .. أنا داخل مع أول فوج من الأخوان في القوات الأمريكية جاي بي دبابة هامر موديل الفين وتسعة ..
Post: #28 Title: Re: العلاقة tmbis البوردابي و tmbis ساكت ! Author: tmbis Date: 02-11-2009, 11:32 AM Parent: #10
Quote: اول ماعرفتو عرفتو فى شكلة ،، شكلة ما مشكلة
جيبي الرابط ..
Quote: اولا : زول شراني وشرس ثانيا: بحب اتلايق وبيستمتع بلايقتو دي ثالثا: ودى المابحبها فيه ، بيغير اتجاه البوستات لشي فى نفسه
يا شيمو .. بلاي دا تطبيعك كدا ..؟ كويس انك قلتي شراني لانو قبل كدا في زميلة قالت تمبس دا شرامي .. واتحرش بيها.. ( غايتو الله يسامحك ) يا هناية .. أول حاجة يا شيمـو انا ما زول شراني كويس معاك بس إنت افهميني الحاجة التانية انا ما بستمتع باللياقة ما لم المتلايق عليه يكون لايوق .. إنت (انظري للجانب الممتلي من الكوب ) دا من ناحية .. ومن ناحية أخرى اتصلحي معانا علشان ما نرجعك (اوضتك) الفي كوبر .. ونعرشة ليك (حصيره) بدلا عن الزنكي الأمريكي .. ونغير ليك النظام الغذائي .. البند التالت دا مع انو وجهة نظرك لكن بالجد (دقشني) وما (صدمني) يللا اقوليك حاجة ..؟ أنا عمري ما دخلت بوست علشان أغير مجراهو وإذا استعملت الاسلوب دا مع اي واحد بيكون عبارة عن رد جميل بالنسبة ليهو لي خدمة تحويل رصيد قدمه لي .. وفي كل الأحوال ممكن تراجعي مداخلات كتيرين جدا بيدخلو البوستات حقتي من أجل تحويل البوست لي الخور مباشرة مش لي شئ في نفسو .. ودي احسن منها الواحد يستمتع بالبوست ويكون قاعد والناس تشوفو .. لكــن على كل حال طالما ما بتحبيها فيني ليك حق انك تعبري عن شعورك حسب الزمان والمكان وتطلبي نقطة نظــام وإذا اتفقنا في الشوف والفكرة يكون دا المطلوب ومسالة التطبيع ماشة في تجاه يخدم البشرية .. إنت مش بشرية برضو ؟؟ بخصوص اللياقة في البند التاني .. ايووة لايوق مرات بحس اني مزروع مع بامية عديل كدا ودا زي ما قلنا بيتوقف مع المادة البتتعامل معاها لانو في ناس بلاستيك ومطاطين وكاوتش .. وفي نوعية في ردها بتخلق ليك مليون مدخل علشان ترجع ليهو تاني .. يعني عايزاني اجيب ليك هاني شاكر هنا علشان تقتنعي ..؟ ...
.. من ناحية حبايبو كتر دي الله يزيد ويبارك بتنفي ليك عبارة ويبدو دي .. لانو بي طبيعة الحال كل المخزون تجاه اي حبيب بيتكبه هنا دا .. وما بنشيل معانا حاجة لو بقينا صاح بنحمد الله عليهو ولو اخطأنا بطريقة غير ملائكية بنحتمل التصويب اي كان نوعه .. عنيف أو سوفت .. وبنموت في التطبيع ..
Quote: فيك شي لله
خامسا دي النبي فيك تفسريها لي .. قدر ما قلبتها ما لقيت ليها (فكفكه)..
Quote: فبنحاول نغير وجهات نظر بعض
دي اهم الخطوات طبعا في تجاه مسالة التطبيع دي بس خلي نفسك طويل .. رائي يا شيمو خليهو حسع دي .. لكن على الاقل الفيك اتعرفت ودي أهم حاجة قبل التطبيع لمزيد من التفاصيل الأخوانية علشان تكتمل معاك الصورة .. راجعي سعادة عبد الرحمن بس المسالة دي سر بيني وبينك
Post: #29 Title: Re: العلاقة tmbis البوردابي و tmbis ساكت ! Author: Shamael Elnoor Date: 02-11-2009, 03:35 PM Parent: #28
تمبس
ماشاء الله رداد رد!
اولا: شرامي دى ما اوردتها لانو موضوع مفرغ منو وكدا
ثانيا:
Quote: وبنموت في التطبيع ..
، والله دى تنفع قفلة كوبليه
اما مسالة فيكـ شئ لله دي ، فخليها في سري ، واشكـ انكـ مافهمتها ، لانكـ فهام ومكمل الفهم
اها علاقتكـ بسعادة شنو؟؟؟ وماشايفاكـ زكيتها فى بوست العضوية ،عليك الله قوليها موضوع العضوية دا احرجتينا فيهو لانو ما لاميين فيها
ومازال التطبيع قيد النظر والعمل بتحفظ
Post: #41 Title: Re: العلاقة tmbis البوردابي و tmbis ساكت ! Author: tmbis Date: 02-15-2009, 10:42 AM Parent: #29
شيمــوو.. بالنسبة لي تانيا دي .. حقو امطها شوية واللحنه ليك .. رايك شنو..؟ اصلو كلامك دا الهمني وإنت زي ما عارفه انا زول حساس بلتقط القفاز من قبل الجولة الأولى .. عندك شك في حساسيتي دي ..؟ يعني معقولة تطلعيني شرامي وكمان ما حساس ..
Quote: اما مسالة فيكـ شئ لله دي ، فخليها في سري ، واشكـ انكـ مافهمتها ، لانكـ فهام ومكمل الفهم
.. خلاص يا شيمو .. ولا يهمك مش قلتي اخليها في سرك .. خلاص سرك وسري واحد مش نحن داخلين على مشروع تطبيع واللا نطيتي ..؟
Quote: اها علاقتكـ بسعادة شنو؟؟؟ وماشايفاكـ زكيتها فى بوست العضوية ،عليك الله قوليها موضوع العضوية دا احرجتينا فيهو لانو ما لاميين فيها
.. معقولة يا شيمو ازكيها بعد تزكيتك ..؟ كدي حاولي لاقيها تاني بي مزاج كدا .. وقولي ليها انا بسلم عليها .. وخليها تقرا ليك القصيدة الفوقانية دي .. غايتو كان قرته ليك بي طريقته البعرفه .. إنت محظوظة .. وكان ما قرته ليك محظوظ أنــا لاني ما ح احضر معاك ودي حسادة مني ممكن تضيفيها لي البروفايل بتاعي في موضوع التطبيع .. بعدما تقراها ليك .. بالبديهي تقومي تساليها.. اكتر زول كان منجضك في القصيدة دي منو .. (وبتلايق فيك) طوالي ح تقولني ليك .. بعداك ممكن تسالي عن أي حاجة تاني .. شفتي كيف ..؟
Quote: ومازال التطبيع قيد النظر والعمل بتحفظ
. عليك الله اصرفيهو لي مع الراتب بتاع شهر اتنين دا .. لانو الفيك اتعرفت .. بس الله يجيب يوم اللقى فيهو زي عنوان البوست دا .. العلاقة بين شمايل البوردابية .. وبين شيمــو حــاف .. غايتو اليوم داك إلا تاخدي اجازة من البورد دا بدون مرتب لمدة شهرين ..
Post: #42 Title: Re: العلاقة tmbis البوردابي و tmbis ساكت ! Author: عمر صديق Date: 02-15-2009, 08:16 PM Parent: #10
Quote: اولا : زول شراني وشرس ثانيا: بحب اتلايق وبيستمتع بلايقتو دي ثالثا: ودى المابحبها فيه ، بيغير اتجاه البوستات لشي فى نفسه
الاخت شمايل النور
تحياتي
اولا : باسم رابطة مشجعي تمبس بالخرطوم ندين ونستنكر ما ورد من امينةالاعلام بالرابطة من عبارات لاتتناسب مع موقعها الرسمي في الرابطة
ثانيا: يجب الاعتذار عن العبارات اعلاه بنفس الخط وفي نفس المكان مع تخصيص سهرة خاصة في قناة الشروق لاعضاء الرابطة عندما يحتفلون بالمبدع تمبس عند عودتهالفجائية للسودان اوالنهائية ايهما اقرب ثالثا : يظل المكتب القيادي للرابطة في حالة انعقاد دائم ومراقبة التطورات في الامر واتخاذ ما يراه مناسبا
Post: #43 Title: Re: العلاقة tmbis البوردابي و tmbis ساكت ! Author: Shamael Elnoor Date: 02-16-2009, 10:35 AM Parent: #42
كلام ياعوض دكام
وظهر كبيرهم
ما اتوقعت عمر صديق من معجبي تمبس ،، بعد كدا ممكن نمشي فى مشروع التطبيع بصورة افضل.
ومتين نصبتوني امينة اعلام ؟؟ وكمان اعلام لمنو تمبس ،، الحمدلله على ما اراد الله
اما موضوع السهرة دا ، خليني اشوف ناس الجودة عندنا
بعدين ياعمر صديق قراركـ دا طالع بدون توقيع وختم،انا ما ح اعتمدو (وش معارض)
Post: #48 Title: Re: العلاقة tmbis البوردابي و tmbis ساكت ! Author: tmbis Date: 02-16-2009, 01:43 PM Parent: #43
Quote: (عدل بواسطة Shamael Elnoor on 16-02-2009, 10:13 ص)
مسحتي شنو .. يا شيمو؟ أنا جني وجن المسح دا .. ببوظ لي اعصابي
ـــ
Post: #51 Title: Re: العلاقة tmbis البوردابي و tmbis ساكت ! Author: عمر صديق Date: 02-16-2009, 03:45 PM Parent: #43
Quote: كلام ياعوض دكام
وظهر كبيرهم
ما اتوقعت عمر صديق من معجبي تمبس ،، بعد كدا ممكن نمشي فى مشروع التطبيع بصورة افضل.
ومتين نصبتوني امينة اعلام ؟؟ وكمان اعلام لمنو تمبس ،، الحمدلله على ما اراد الله
اما موضوع السهرة دا ، خليني اشوف ناس الجودة عندنا
بعدين ياعمر صديق قراركـ دا طالع بدون توقيع وختم،انا ما ح اعتمدو (وش معارض)
الاخت شمايل النور تحياتي
بعدين لو وافق المحتفي به ممكن تجيبي لينا طه سليمان في السهرة
اما موضوع تنصيبكامينة اعلام دا برضو خاضع لموافقة السيد المحتفي به وفي ترشيحااااااااااااات كتييييييييييرة
ولو ناس الجودة عندكم ما وافقوا حنطالب بسحب الآيزو فورامنهم ومن القنوات المجاورةعملا بحقوق الملكية الفكرية والحقوق المجاورة
عشان كدا نعمل اتفاق انتي توافقي ونحن نتراجع عن الاعتصام بتاع الرابطة المقرر للتعبير عن ادانة كل من يعارض طريقة تمبس الظريفة واللطيفة في الرد علي المهووسين والهتيفة
Post: #53 Title: Re: العلاقة tmbis البوردابي و tmbis ساكت ! Author: tmbis Date: 02-17-2009, 08:23 AM Parent: #51
Quote: بعدين لو وافق المحتفي به ممكن تجيبي لينا طه سليمان في السهرة
.. لا أوافق يا عمر .. قطعا لا أوافق .. عشان عارفه ح تجيب لينـا طه سليمان .. ومحمود عبد العزيز .. الكلام دا على ضمانتي طبعا .. دا لو ما جابت شكر الله .. أنا عايز هاجـر كباشي .. كان وافقت بسحب الــ (لا) حقتي .. وارضى بي قسمتي .
Post: #44 Title: Re: العلاقة tmbis البوردابي و tmbis ساكت ! Author: tmbis Date: 02-16-2009, 11:07 AM Parent: #42
يا عمــر عليك الله قول ليها ووقع ليها الكلام .. بالنسبة لي ثانيـاً: من حسع دي يا عمر ويا كل المعجبين في الرابطة حقتي .. شيمو دي لو جات السهرة دي .. احتمال واحتمال كبير جدا .. النور يقطع وبي كدا اليوم يضيع عليكم ساكت .. من ناحية أخرى أنا بقترح .. تشكلو لجنة تانية في النظر فيما يتعلق بي أمر امينة الأعلام المشار ليها اعــلاه .. وتنقلوهـا اي وزارة تانية.. غايتو كزول محتفى به .. بوصي بالغــابات ..
Post: #52 Title: Re: العلاقة tmbis البوردابي و tmbis ساكت ! Author: عمر صديق Date: 02-16-2009, 07:07 PM Parent: #44
Quote: يا عمــر عليك الله قول ليها ووقع ليها الكلام .. بالنسبة لي ثانيـاً: من حسع دي يا عمر ويا كل المعجبين في الرابطة حقتي .. شيمو دي لو جات السهرة دي .. احتمال واحتمال كبير جدا .. النور يقطع وبي كدا اليوم يضيع عليكم ساكت .. من ناحية أخرى أنا بقترح .. تشكلو لجنة تانية في النظر فيما يتعلق بي أمر امينة الأعلام المشار ليها اعــلاه .. وتنقلوهـا اي وزارة تانية.. غايتو كزول محتفى به .. بوصي بالغــابات ..
الاخ تمبس
تحياتي
طبعا نحن لازم نطيع اوامرك ولكننا نتعشم في ان توافق في بقاءها بالاعلام وبالعدم تنقل للثقافة والشباب والرياضة بس لو سمحت يا ريس الغابات دي تغيرها ليها
Post: #54 Title: Re: العلاقة tmbis البوردابي و tmbis ساكت ! Author: tmbis Date: 02-17-2009, 08:36 AM Parent: #52
Quote: طبعا نحن لازم نطيع اوامرك ولكننا نتعشم في ان توافق في بقاءها بالاعلام وبالعدم تنقل للثقافة والشباب والرياضة بس لو سمحت يا ريس الغابات دي تغيرها ليها
.. بغيره يا عمر في حـال أنها تسحب ترشيحه لي هاني شاكر المرشح نفسو ضدي في واحد من البوستات حقت شيمو .. بالنسبة لي موضوع الغابات بالعكس يا عمر .. انظر للجزء المليان من الكوب يعني مثلا: - لو وديته الشباب والرياضة دا بيكون محسوب على الغطـاء النباتي .. وسنصاب بالجفاف والتصحر وربما الفراش زاتوو ينتحـر في محرقة جماعية هو عارف اسبابه كويس .. - ولو وديناها الشباب والرياضة اعتقد انها ح تضغط على المبدعين بتاعننا الكبار وتبقى زي حمد الريح مع المبدعين الصغار .. إنت ما شايفه من حسع دي قبال ما تستلم عملت شنو في وردي . أنا عارف ليك نفسيات الوزراء دي كويس ؟ لذلك .. وعلشان خاطرك .. ح نحاول نشوف ليها طريقة في الشباب والرياضة .. بس على شرط .. كل يوم تجيبو ليها بوكيــة ورد انقليزي من غير شوك على مكتبه .. بي توقيع هاني شــاكر
Post: #20 Title: Re: العلاقة tmbis البوردابي و tmbis ساكت ! Author: walid taha Date: 02-11-2009, 08:24 AM Parent: #1
tmbis ساكت :
الموسيقي او فلنقل محب المزيكا دائما بيكون حساس تجاه ما يملك من مواد ...تمبس ممكن يديك أحسنcd عندو (نسخة أصلية) وممكن تضيعو وتقول ليه بالفم المليان (آآى بروحو) فيبتسم لك ويكوس فى كرتونتو عسى ولعل يلقى ليهو (كوبى) .
هسه بلاى البورداب الجداد من سنتين ولجاى بعرفو الحاجة دى؟
Post: #24 Title: Re: العلاقة tmbis البوردابي و tmbis ساكت ! Author: abdalla osman Date: 02-11-2009, 09:37 AM Parent: #20
العزيز تمبس
البركة في الشوفة..بالمناسبة..وبالملاحظةبرضو.. حراق الروح ساااهل في المكان ده.. يعني طولة البال واجبة بالضرورة ..عشان الضغط والبلاوي المصاحبة..
Post: #25 Title: Re: العلاقة tmbis البوردابي و tmbis ساكت ! Author: ismeil abbas Date: 02-11-2009, 10:16 AM Parent: #24
وفى الحالتين نحن الضايعين..
البيعرف التمبسين بيتأكد أن له قلب واحد .ينبض حب وأخاء ومودة..
لك التحية وليد طه......فرصة لمعرفة الناس الجميلة من خلال بوستك الجميل................مودتى..إسماعيل محمد احمد عباس..
Post: #55 Title: Re: العلاقة tmbis البوردابي و tmbis ساكت ! Author: tmbis Date: 02-17-2009, 10:04 AM Parent: #25
Quote: وفى الحالتين نحن الضايعين.. البيعرف التمبسين بيتأكد أن له قلب واحد . ينبض حب وأخاء ومودة.. لك التحية وليد طه...... فرصة لمعرفة الناس الجميلة من خلال بوستك الجميل................مودتى..إسماعيل محمد احمد عباس..
.. يا سمعة شرحو والله .. بإضافة أنو بنستمد نبضنا من قلوبكم النابضة بحب الناس ..
Post: #50 Title: Re: العلاقة tmbis البوردابي و tmbis ساكت ! Author: tmbis Date: 02-16-2009, 03:00 PM Parent: #24
Quote: يعني طولة البال واجبة بالضرورة ..عشان الضغط والبلاوي المصاحبة..
يا دكتور .. شايفك بتمارس في مهامك على أكمل وجه .. وبلاش كدا كيفنك ..؟ والله طولة البال حاصلة يا دكتور .. وحبل الصبر ممدود .. ومن ضمن الحاجات العلمنا ليها البورد بعد السرعة في الكتابة والتركيز في القراءة والمتابعة بشكل جيد .. اتعلمنا نعمة الصبر يعني الحمد لله امراض المرتاحين بتاعت الضغط والسكري .. وإلخ ما عندنا .. البورد دا عامل زي دار الرياضة امدرمان تاخد ليك فوقو جكة .. بتلقى نفسك صحي مية في المية .. بس أهم حاجة بعد الجكة تضرب ليك كباية كركدي ..
Post: #49 Title: Re: العلاقة tmbis البوردابي و tmbis ساكت ! Author: tmbis Date: 02-16-2009, 02:11 PM Parent: #20
Quote: الموسيقي او فلنقل محب المزيكا دائما بيكون حساس تجاه ما يملك من مواد ...تمبس ممكن يديك أحسنcd عندو (نسخة أصلية) وممكن تضيعو وتقول ليه بالفم المليان (آآى بروحو) فيبتسم لك ويكوس فى كرتونتو عسى ولعل يلقى ليهو (كوبى) . هسه بلاى البورداب الجداد من سنتين ولجاى بعرفو الحاجة دى؟
.. والله يا وليد كويس أنك طلعتني حساس ولحدت الآن الواحد عامل كنترول على تلجي بي شكل كويس طبعا بي استثناءات شيمــو ومحاولته للضغط احاسيسي بالنسبة للمزيكا دي يا وليد .. تعرف انا أحرص زول على نظام نشر المتعة الموسيقية أو كما اتوهم .. ولما احس انو عندي حاجة جديرة بي انها تتداول .. بقوم بفكها طوالي .. وليبيا فتحت .. بالمقابل لما في حاجة بحس انها ما بتستحق السمع والتداول .. بقوم بعمل ليها اعدام ميت طوالي .. بالمناسبة .. إنت بدخانك وعمر الفاروق نجضتوني نجاض قبورة .. لكن اقول شنو غير انكم تستاهلون بس ما تضغطو علي شديد
Post: #26 Title: Re: العلاقة tmbis البوردابي و tmbis ساكت ! Author: walid taha Date: 02-11-2009, 10:52 AM Parent: #1
هل تعلموا انو ( tmbis ساكت) كان حارس مرمى سابق يعنى من يومو زول دفاع ،،
Post: #27 Title: Re: العلاقة tmbis البوردابي و tmbis ساكت ! Author: احمد العمار Date: 02-11-2009, 10:54 AM Parent: #1
وليد تحياتى
Quote: العلاقة بين tmbis البوردابي و tmbis ساكت !
طبعا نحن شهادتنا فيهو مجروحة عشان كدا ما بنقدر نقول غير :
Quote: مافى اى علاقة
فعلا ما فى اى علاقة بين الاتنين
والتحية لتمبس
أحمد العمار
Post: #30 Title: Re: العلاقة tmbis البوردابي و tmbis ساكت ! Author: بخاري عثمان الامين Date: 02-11-2009, 04:03 PM Parent: #27
اقر انا الوقع علي ( اعتراف بالحب ) الاتي
والله بطارد مداخلات تمبس في اي بوست وقد زاد هذا
الامر بعد بوست صديقي محمد حسبو .. تتذكر با تمبس
لمن بقال طلعني كوز في بوست اوكامبو وانا عامل فيها
الولد مناضل وشيوعي معروف غايتو
Post: #32 Title: Re: العلاقة tmbis البوردابي و tmbis ساكت ! Author: طلحة عبدالله Date: 02-14-2009, 11:51 AM Parent: #30
Quote: العلاقة بين tmbis البوردابي و tmbis ساكت !
زي العلاقة بين الشاي السادة والشاي البي لبن
Post: #33 Title: Re: العلاقة tmbis البوردابي و tmbis ساكت ! Author: tmbis Date: 02-14-2009, 12:03 PM Parent: #32
Quote: زي العلاقة بين الشاي السادة والشاي البي لبن
فهمتني غلط يا تامبا اناعمري ما ضقت البيرة الهانكين دي
Post: #35 Title: Re: العلاقة tmbis البوردابي و tmbis ساكت ! Author: tmbis Date: 02-14-2009, 12:20 PM Parent: #34
Quote: فهمتني غلط يا تامبا اناعمري ما ضقت البيرة الهانكين دي
خلاص نرقد ليك بالخيرة باقي الليل دا .. بس علشان قلبك يبرد .. خايفك بكره تجربة .. (وتكسرة) كمان بي البتاع داك وترمي ليك ستة سبعة تلجـات كدا .. بس ما تفهمني غلط .. لانو في شاي أخــدر متلج
Post: #37 Title: Re: العلاقة tmbis البوردابي و tmbis ساكت ! Author: حامد محمد حامد Date: 02-14-2009, 12:35 PM Parent: #35
لا اعرفه كثيرا ولكن من مداخلاته فى هذا المنبر رائى الشخصى انى
لا اجد فرقا ملحوظا بين الاثنين ولكنهاى تمبس يحمل فى دواخله السودانى الاصيل و الغيور , المتحمس للحق والرافض للاهانة.
احيانا بيحكها اكتر من اللازم ودى ليه وضحها هو فى مداخلة فوق
سلام تمبس
Post: #38 Title: Re: العلاقة tmbis البوردابي و tmbis ساكت ! Author: طلحة عبدالله Date: 02-14-2009, 01:43 PM Parent: #37
Quote: البتاع داك
يعني ماقادر تقول القمردين ..؟ انتوا الوشوش البت لف براها دي بتجيبوها من وين ..؟؟؟
Post: #47 Title: Re: العلاقة tmbis البوردابي و tmbis ساكت ! Author: بدر الدين اسحاق احمد Date: 02-16-2009, 01:32 PM Parent: #38
يا عممممممممممممممك تمبس
بالله انت مع اليانكـــى
واليانكى خشم بيوت ( مريخاب / ومريخاب حردانين )
وانت النجمة العاشقنها دى قايلها من مجرتكم دى ..لالالالالالالالالالالالالالالالالالالالا
إنت يا تمبس :
( اى حاجــة مؤشرة ليــه تحــت )
Quote: وما عارف الناس ديل ببقو مريخاب زاتو كيف ؟؟ بحس ليك بيهم كأنهم جايين من كوكب أورانوس
Post: #45 Title: Re: العلاقة tmbis البوردابي و tmbis ساكت ! Author: walid taha Date: 02-16-2009, 11:54 AM Parent: #1
tmbis ساكت :
فى الحقيقة ..
لى عودة
Post: #46 Title: Re: العلاقة tmbis البوردابي و tmbis ساكت ! Author: حيدر حسن ميرغني Date: 02-16-2009, 01:08 PM Parent: #45
غايتو ياوليد تمبسنا ده إتفشينا فيهو وقت عمل العملية
طبعا قام من السرير على الكمبيوتر طوالي وماقدر يقبضنا بالثابتة
اول مرة ياخد سيك
______
تمبس .... زول بعزو خالص
Post: #56 Title: Re: العلاقة tmbis البوردابي و tmbis ساكت ! Author: داليا حافظ Date: 02-17-2009, 11:23 AM Parent: #46
وليد وتمبس والمتداخلين
سلامات كتار
أنا شخصيا بتخيل لي ما في فرق ...يعني شنو قصدك يا وليد عندو إنفصام ؟
تمبس ده من النوع البغيظوك ..وما بتقدر ما تريدو أبدا ، إشاكلك ويضحكك ، غايتو خلطة عجيبة
لكن قاعدة اكره فيك حاجتين يا تمبس نضالك ضد مناضلين البورد وحبك لهاجر كباشي .
.. المشكلة انو (شيمــو) تصدقك 
.. 
